Morgunblaðið - 16.08.1980, Blaðsíða 24

24
TÓNLEIKAR
Sumartónleikar
í Skálholti
Á sumartónleikum i Skálholti 16.
og 17. þessa mánaðar lcikur
Ragnar Björnsson íslenzkar
orgeltónsmiðar. Tónleikarnir
hefjast kl. 15.00 háóa dagana. Á
sunnudag hefst messa kl. 17.00
og eru kaffiveitingar að henni
lokinni.
Frumfluttir verða níu sálmafor-
leikir eftir fimm íslenzk tónskáld
á orgeltónleikunum. Hugmyndin
að efnisskránni, segir Ragnar að
hafi eiginlega komið of seint, en
hann bað nokkur íslenzk tónskáld
að skrifa fyrir sig sálmaforleiki
yfir íslenzk sálmalög til að flytja á
þessum tónleikum. Þrátt fyrir
stuttan fyrirvara brugðust tón-
skáldin vel við og urðu til níu
tónverk yfir íslenzk sálmalög.
Ætlunin er að fá þessi verk gefin
út í fjölriti fyrir íslenzka organ-
ista. Tónverkin eru eftir Atla
Heimi Sveinsson, Gunnar Reyni
Sveinsson, Jón Nordal, Leif Þórar-
insson og Ragnar Björnsson. Sem
einskonar ramma um sálmafor-
leikina leikur Ragnar í upphafi
tónleikana Chaconne um upp-
hafsstef Þorlákstíða eftir Pál Is-
ólfsson og í lokin Preludium,
Kóral og Fúgu um íslenzkt sálma-
lag eftir Jón Þórarinsson.
MYNDLIST
Stefán frá Möörudal
sýnir í Djúpinu
STEFÁN frá Möðrudal opnar
sýningu í Gallerí Djúpinu. Hafn-
arstræti, kl. 15.00 í dag.
Á sýningunni eru 67 olíumál-
verk og eru flestar myndanna
málaðar á þessu og síðasta ári. I
samtali við blaðamann Morgun-
blaðsins sagði Stefán að hann
hefði byrjað að mála á unga aldri,
fimm eða sex ára. Hann lærði hjá
Ásgrími Jónssyni listmálara, um
tveggja ára skeið og hefur einnig
fengið tilsögn hjá Geir Þormar,
myndskurðarmeistara og Hauki
Stefánssyni, þekktum andlitsmál-
ara í Bandaríkjunum.
Flestar myndanna á sýningunni
eru iandslagsmyndir en einnig eru
þar málverk af hestum og fólki.
Sýningin stendur til 27. ágúst og
er opin frá kl. 11 til 23 alla
dagana.
Aðgangur að sýningunni er
ókeypis.
MYNDLIST
Valtýr í Þrastalundi
VALTÝR Pétursson er um þessar mundir með árlega málverkasýn-
ingu sina i Veitingastofunni Þrastalundi við Sog. Á sýningunni eru 25
olíumálverk. Þetta er sjöunda sýning Valtýs i Þrastalundi og lýkur
henni á morgun.
KJARVALSSTAÐIR
MYNDLIST
Nína, Sveinn og Sigfús
ÞESSA dagana stendur yfir á
Kjarvalsstöðum sýning þriggja
listamanna Nínu Gautadóttir
sýnir nú í fyrsta sinn hérlendis.
Á sýningunni eru 14 veggskúlp-
túrverk sem gerð eru á árunum
1975—80. Nína lærði í Lista-
háskólanum í París þar sem hún
er einnig búsett nú. í myndir
sínar notar hún aðallega neta-
garn og hamp. Verkin eru öll til
sölu.
Sveinn Björnsson hefur málað
frá árinu 1964 og lærði við
akademíuna í Kaupmannahöfn.
Hann hefur mikið verið til sjós
en er nú rannsóknarlögreglu-
maður. Sveinn á margar sýn-
ingar að baki, en síðast sýndi
hann í Kaupmannahöfn 1978.
Sigfús Halldórsson hóf nám í
málaralist 16 ára gamall og
lærði þá hjá Birni Björnssyni og
Margeiri Guðmundssyni. Árið
1944 fór hann til Englands og
lærði leiktjaldagerð, auk þess
sem hann tók húsmálun sem
aukagrein. Þetta er þriðja sýn-
ing Sigfúsar. Alls eru 84 máiverk
eftir hann á sýningunni, þar af
52 til sölu.
Sýning listamannanna er opin
daglega frá kl. 14 til 22 og
stendur til 24. ágúst.
Á sunnudaginn kl. 15.30 verða
nokkur laga Sigfúsar leikin í
jazzútsetningu Magnúsar Ingi-
mundarsonar. Ásamt Magnúsi
leika á sunnudaginn, Reynir
Sigurðsson, Alfreð Alfreðsson,
Jón Sigurðsson, Kristján Jóns-
son, Sigurður Flosason, Rúnar
Georgsson og Árni Elvar.
Umhverfislistasýningin á
Korpúlfsstööum framlengd.
Ákveðið hefur verið að framlengja umhverfislistasýninguna, Experimental Environment 1980, sem staðið
hefur yfir að Korpúlfsstöðum að undanförnu. Að sögn aðstandenda sýningarinnar hefur aðsóknin verið góð,
sérstaídega um helgar, og var því ákveðið að framlengja sýninguna til sunnudagskvölds en upphaflega átti
henni að ljúka á síðastliðin fimmtudag.
Umhverfisskúlptúr á umhverfislistasýningunni að Korpúlfsstöðum sem lýkur á sunnudag.