Morgunblaðið - 27.04.1982, Blaðsíða 25

24
MORGUNBLAÐIÐ, ÞRIÐJUDAGUR 27. APRÍL 1982
Frá Skapta Hallgrímssyni og Reyni Eiríkssyni í Hlíöarfjalli:
MORGUNBLAÐIÐ, ÞRIÐJUDAGUR 27. APRIL 1982 25

Leióinlegt veður setti svip sinn á
sjöundu Andrésar andar-leikana á
skíðum sem fram fóru um helgina
„ÞETTA hefur að mestu leyti gengið
ágætlega, það hafa að vísu orðið smá
útúrdúrar vegna veðurs," sögðu ívar
Sigmundsson og Gísli Kr. Lórenzson
mótsstjórar Andrésar andar-leik-
anna er blm. rabbaði við þá að mót-
inu loknu. Leiðinlegt veður setti svip
sinn á leikana að þessu sinni. Að
vísu var rjómaveður fyrsta keppnis-
daginn, síðastliðinn fimmtudag, en á
Ibstudag og sérstaklega á laugardag-
inn var mjög leiðinlegt veður. Þurfti
að grípa til þess ráðs að hætta við
seinni ferð í sumum greinum og
voru lyftur lokaðar um tíma í Hlíð-
arfjalli á laugardaginn. „Við höfum
nú lent í enn verra veðri með And-
résar-leikana,“ sögðu þeir ívar og
Gísli. „Þá þurfti að fresta allri
keppni og síðan var keppt í öllum
greinum á einum degi. Við byrjuðum
klukkan 8 um morguninn og vorum
að til kl. 11 um kvöldið. Þeir síðustu
þurftu að keppa í myrkri. Þá voru að
vísu mun færri keppendur."
Nú þurfti að hætta við keppni í
stökki vegna veðurs en að sögn
Ivars ákvað Andrésar andar-
nefndin að hafa þá keppni um
næstu helgi.
Þeir félagar sögðust hafa heyrt
Gísli Kr. Lorenzson
hjá fararstjórum hinna ýmsu
hópa að leikarnir hefðu verið í
fastari skorðum í fyrra en núna.
„Þetta er rétt og stafar af því að
ívar Sigmundsson
við fengum sumar þátttökutil-
kynningarnar svo seint núna og
vissum því ekki hve yrðu margir á
leikunum. Þeir urðu töluvert fleiri
en við höfðum reiknað með. Þegar
hér eru um 500 manns, keppendur,
fararstjórar og starfsmenn, þá er
nauðsynlegt að ná að skipuleggja
allt mjög nákvæmlega. Tímasetn-
ingar rugluðust t.d. í stórsviginu
vegna þess að mun fleiri keppend-
ur voru í flokkunum en við höfðum
reiknað með.“
Hve langur er undirbúningur-
inn fyrir svona stórt mót?
„Það er farið að hugsa um
næsta mót strax að því síðasta
loknu. Segja má að undirbúning-
urinn standi yfir í heilt ár nú orð-
ið.“
Að þessu sinni voru ekki neinir
erlendir keppendur á leikunum.
Að sögn mótsstjóranna yrðu ör-
ugglega einhverjir erlendir gestir
hér á ferðinni næsta ár.
„Við fengum fyrirspurn nú rétt
áður en þessir leikar byrjuðu frá
Skotlandi um möguleika á að
senda keppendur þaðan en við gát-
um ekki tekið við þeim núna vegna
þess hve fyrirvarinn var stuttur.
Þá er einnig líklegt að norskir
keppendur láti líka sjá sig á næsta
ári,“ sögðu þeir félagar.
Sverrir Ragnarsson, 10 ára, frá Ak-
ureyri.
„Æfi næstum á
hverjum degi“
„AUÐVITAÐ ætlaði ég mér
að vinna í dag, en það tókst
ekki, því miður,“ sagði Sverr-
ir Ragnarsson frá Akureyri,
en hann lenti í 2. sæti í stór-
svigskeppninni. Hann sagðist
hafa byrjað að keppa á Andr-
ésar andar-leikunum þegar
hann var 5 ára. „Ég hef
aldrei unnið á þessu móti, en
oft lent í 2.-5. sæti. Mér
hefur gengið vel í vetur, unn-
ið 6 mót, þ.á m. á Húsavík og
þá vann ég bikarkeppnina
hér á Akureyri í 10 ára
flokki.“
Sverrir sagðist æfa næst-
um á hverjum degi og keppa
um aðra hverja helgi. Hann
æfir líka handbolta og fót-
bolta, en sagði að skemmti-
legast væri á skíöunum.
„Þetta er skemmtilegasta
mótið, því það er miklu meiri
harka á því en hinum,“ sagði
Sverrir.
— sh
Sólveig Gísladóttir Akureyri. Tvö-
faldur sigurvegari í alpagreinum.
„Ætla aö reyna
að veröa eins
góö og Sten-
mark“
SÓLVEIG Gísladóttir frá Ak-
ureyri sigraði tvöfalt í 11 ára
flokki, þ.e.a.s. í svig og stór-
svigi, og var hún að vonum
kampakát, þegar bim. hitti
hana að máli.
„Þetta er í fjórða skipti,
sem ég keppi á Andrésar-
leikum og finnst mér það
alltaf ofsalega gaman. í fyrra
vann ég í fyrsta skipti á
Andrésar-leikum, en þá si-
graði ég í stórsvigi. Ég hef
æft mjög vel í vetur og var
ákveðin í að gera mitt besta
til að vinna á þessu móti, og
það tókst. Ég er ákveðin í að
æfa skíði í framtíðinni og
ætla að reyna að verða jafn-
góð og Stenmark, því hann er
uppáhalds skíðamaðurinn
minn.“
— re
Kristín Sveinbjörnsdóttir, 9 ára, frá
Dalvík.
Mer finnst
mjög gaman
á skíðum
í STORMINUM á laugar-
daginn hitti blm. Kristínu
Sveinbjörnsdóttur, 9 ára, frá
Dalvík. Hún sagðist æfa
tvisvar í viku og einnig
stundum um helgar. „Mér
finnst mjög gaman á skíð-
um,“ sagði hún. „Ég hef
keppt dálítið á Dalvík, en
þetta er í fyrsta skipti sem ég
kem á Andrésar andar-leika.
Ég vona, að mér gangi vel í
seinni ferð stórsvigsins á eft-
ir,“ sagði hún. Ekkert varð
þó úr þeirri ferð, þar sem
hætta varð keppni vegna veð-
urs og var því tími úr fyrri
ferð látinn gilda um endan-
lega röð.
— sh
Sigrún Haraldsdóttir, 6 ára, frá Nes-
kaupstað.
Mikið
ævintýri að
keppa hér
„ÉG VARÐ Austurlands-
meistari í svigi 8 ára og yngri
í vetur,“ sagði Sigrún Har-
aldsdóttir frá Neskaupstaö,
sem er aðeins 6 ára gömul, er
undirr. spjallaði við hana og
móður hennar í Strýtu á laug-
ardaginn. Að þeirra sögn er
mjög gott skíðaland við Nes-
kaupstað, í Oddsdal, og
þangað fer Sigrún á skíði um
helgar, en æfir annars ekki.
I>ær mæðgur sögðu, að mikið
hefði aukist að krakkar á
Neskaupstað færu á skíði, en
ekki væru margir sem kepptu
á Sigrúnar aldri. „Það er
mikið ævintýri fyrir hana að
koma og keppa hér,“ sagði
móðir hennar, og bætti við að
vel gæti farið svo, að hún
kæmi aftur.
— sh
Hwbráar ^ritwr- tnkartnr
Pálína Guðrún
frá Húsavík fékk
góða afmælisgjöf
Nokkrir af keppcndum frá Bolungarvík ásamt fararstjórunum Halldóri Kristinssyni og
Sigurði Bernódussyni.
Fararstjórar Bolvíkinga:
„Andrésar andar-leikarnir
toppurinn á vetrarstarfinu“
„SKÍÐAAÐSTAÐA hjá okkur á Bolungarvík er ekki nógu gód, skíóalandið er frekar lélegt,
en það er mikill áhugi hjá bæjarbúum að koma uppi góðri aðstöðu. Við erum með góða
lyftu í bænum, en getum ekki notað hana nema 1—2 mánuði á ári vegna snjóleysis. Þá
erum við með 2 færanlegar lyftur að auki,“ sögðu Halldór Kristinsson og Sigurður
Bernódusson, fararstjórar krakkanna frá Bolungarvík á Andrésar andar-leikunum. Alls
voru 13 keppendur frá Bolungarvík.
„Áhugi á skíðaíþróttunum er töluvert mikill á Bolungarvík," sögðu þeir félagar.
„Bærinn keypti snjótroðara í vetur og hefur hann lagt brautir og við það hefur áhugi
almennings aukist mjög mikið, og þá ekki síst á göngunni. Við höfum ágætis göngu-
land.“
Fram kom í máli þeirra, að oft væri erfitt að stunda skíðaíþróttina vegna veðurs á
þeirra heimaslóðum.
Hvernig undirbúa krakkarnir sig?
„Þau hafa nú bara æft sjálf í vetur, hafa ekki haft neinn leiðbeinanda. Á hverjum
vetri eru haldin þrjú mót fyrir þau og þar að auki fara þau á Vestfjarðamótið. En
Andrésar andar-leikarnir er hápunkturinn á vetrarstarfi þeirra, það er langskemmti-
legasta mótið fyrir þau. Af hverju skyldi það vera? „Hér eru bestu brautirnar og
besta skíðalandið," skaut einn keppendanna inn í.
Nú eru væntanlega margir sem sitja heima?
„Já, þetta er ekki nema lítill hluti þeirra krakka sem stunda skíðin. Við veljum þau
sem hafa náð bestum árangri í vetur og þeir fá einnig að fara með sem hafa verið
áhugasamastir og stundað íþróttina best.“
— sh

■

Þrjár fyrstu í göngu 12 ára stúlkna. F.v. Ósk Ebenesardóttir, Isaf., Auður Ebenesardóttir,
ísaf., og Guðrún Valgeirsdóttir frá ísaf.
Þrjár fyrstu í göngu
12 ára frá Isafirði
ÞRJÁR FYRSTU, sem komu í mark í 12 ára flokki stúlkna í göngu, voru allar frá ísafirði,
og tvær fyrstu m.a.s. tvíburar. Heita þær Auður Kristín og Ósk Ingibjörg Ebenesersdætur
§§ og sú þriðja heitir Guðrún Anna Valgeirsdóttir.
„Við höfum oft keppt á svigskíðum,“ sögðu þær er blm. tók þær tali er þær voru komnar
í mark, „en erum aðeins með í göngunni núna. Við vorum líka á Andrésar andar-leikunum
í fyrra og kepptum þá í göngu. Við æfum nú ekki mikið og það er mjög misjafnt eftir vikum
hve mikið. Við byrjuðum að æfa gönguna aftur núna í febrúar i vetur fyrir þetta mót,“
sögðu þær stöllur, eldhressar eftir keppnina.
PÁLÍNA Guðrún Bragadóttir frá
Húsavík sigraði í 7 ára flokki í stór-
svigi á fimmtudaginn, en hún átti
einmitt afmæli þann dag, varð 8 ára.
Eftir að undirritaöur hafði óskað
henni til hamingju með daginn, var
hún spurð um keppnina. Hún sagðist
ekkert frekar hafa búist við þvi að
fara með sigur af hólmi. Hún hefði
æft og keppt nokkuð mikið í vetur á
Húsavík en aldrei unnið, en orðið i
öðru sæti nokkrum sinnum. Hún
sagði, að það væri erfitt að keppa á
Húsavík, því þar þyrfti hún að keppa
i flokki 8 ára og yngri. Pálina sagðist
hafa byrjað á skíðum þegar hún var
5 ára og byrjað að keppa 6 ára. —
Mér fínnst mjög gaman hér á Andr-
ésar andar-leikunum og vonast til að
komast aftur á þá næsta ár, sagði
afmælisbarnið að lokum.
Pálína Gísladóttir
Sæmundur Stefánsson
eyri, sem varð annar, hafði aðeins
5/hhi hluta úr sekúndu lakari tíma en
Sæmi.
„Ég keppti fyrst á Andrésar
andar-leikunum 1978 og sigraði þá
í svigi. Ég hef keppt á hverjum
leikum síðan og baráttan í mínum
flokki hefur alltaf verið milli mín,
Jóns Ingva og Ólafs Sigurðssonar
frá ísafirði. Ég hef æft ágætlega í
vetur, næstum á hverjum degi, og
bjóst ajveg eins við því að vinna
núna. Ég varð í 1. sæti á Flug-
leiðamótinu um daginn.“
Eru ekki Andrésar andar-leik-
arnir skemmtilegasta mótið sem
þið takið þátt í?
„Ég bjóst alveg eins viö því
aö vinna“ — sagöi Sæmundur
Árnason, sigurvegari í flokki
11 ára í svigi
„ÞETTA var erfið braut, hún var
heldur kröpp,“ sagði Sæmundur
Árnason frá Ölafsfírði, sigurvegari í
svigi 11 ára, er blm. ræddi við hann
er úrslit voru kunn á fimmtudaginn.
Keppni í þessum flokki er gífurlega
hörð og Jón Ingvi Árnason, Akur-
„Jú, það finnst mér. Litlu krakk-
arnir hlakka líka mjög mikið til að
keppa hérna á þessu móti.“
Á föstudaginn bætti Sæmundur
annarri skrautfjöður í hatt sinn er
hann sigraði í stórsviginu.
— sh
Jón Yngvi Árnason, Akureyri, á fullri ferð í sviginu. Hann náði öðru sæti
bæði í svigi og stórsvigi.
Göngukapparnir Magnús Eiriksson og Guðrún Pálsdóttir ásamt stelpunum.
Stelpunum finnst mikiö
sport að standa í þessu
ALLIR skíðaunnendur ættu að
kannast við Magnús Eiríksson og
konu hans, Guðrúnu Pálsdóttur, en
þau hjónin urðu bæði íslandsmeist-
arar í skíðagöngu á landsmótinu
sem fram fór fyrir skömmu. Þau
voru mætt á Andrésar andar-leikana
með dóttur sina og einnig systur
Guðrúnar og kepptu þær báðar í
göngu, flokki 9 ára og yngri. Ester,
systir Guðrúnar, er 9 ára, en Hulda,
dóttir þeirra hjóna, er aðeins sjö ára.
Er undirritaður spjallaði við
þau hjón, sögðu þau, að þær hefðu
byrjað að keppa í vetur, það væru
þó nokkur mót á Siglufirði fyrir
þessa litlu krakka. Aðstaðan væri
góð og ekki mjög langt frá bænum.
Hafa þær æft mikið fyrir mót-
ið?
— Nei, þær æfðu núna síðustu
vikuna fyrir mótið undir leiðsögn
okkar. Þær hafa aldrei keppt áður
á Andrésar-leikunum, en þeim
finnst mjög mikið sport að standa
í þessu. Það má búast við því að
þær komi hér aftur til keppni á
næsta ári, sögðu þau.
— sh
Yngsti keppandinn í
göngunni var sex ára
HANN var ekki hár í loftinu hann
Hlynur Tuliníus frá Akureyri, yngsti
keppandinn í göngukeppninni, að-
eins 6 ára að aldri. Er blaðamaður
spjallaði við hann eftir aö keppninni
lauk, sagðist hann vera rétt að byrja
á gönguskíðum og aldrei hafa keppt
áður. — Ég hef aldrei verið í neinum
íþróttum áður, en kannski ætla ég
að keppa áfram í göngu, sagði hann.
Hann sagðist hafa farið fyrst á skiði
er hann var 4 ára og hefði verið
dálítið á skíðum fram að þessu.
— sh
„Þriðji sigur minn í svigi á
Andrésar andar-leikunum“
— segir Vilhelm Már Þorsteinsson,
10 ára, frá Akureyri
VILHELM Már Þorsteinsson frá
Akureyri sigraði í svigi 10 ára og
varð þriðji í stórsviginu. „Þetta er í
sjötta skiptið sem ég keppi á Andrés-
ar andar-leikunum og í fjórða skiptið
sem ég vinn. Einu sinni í stórsvigi en
nú í þriðja skiptið í svigi,“ sagði
Vilhelm, er blm. spjallaði við hann.
Ertu mikið á skíðum?
— Já, æfingar eru þrisvar í
viku og auk þess fer ég alltaf einu
sinni til tvisvar í viku á skíði utan
þess. Þá eru alltaf mót hér heima
um aðra hverja helgi. Ég hef æft í
5 ár og finnst mjög skemmtilegt á
skíðum.
Ég gerði mér vonir um að vinna
í sviginu og það tókst. Annars hef-
ur alltaf verið hörð keppni í þess-
um flokki milli mín, Sverris Ragn-
arssonar, Akureyri, og Adda Kalla
frá Isafirði, sem sigraði í stórsvig-
inu.
— sh
Vilhelm Már Þorsteinsson, 10 ára.