Bókasafnið - 01.01.1976, Blaðsíða 20
FJÓRÐI LANDSFUNDUR
ÍSLENSKRA BÓKAVARÐA
BARNABÓKADAGUR 1976
Eins og kunnugt er var ætlunin að efna
til Landsfundar Bókavarðafélags Islands í
lok september, en honum var frestað af
hagkvæmnisástæðum. Landsfundurinn
verður nú haldinn í beinu framhaldi af
ráðstefnu Sambands íslenskra sveitarfélaga
eða dagana 15.—17. október n.k. í Nor-
ræna húsinu í Reykjavík.
Aðalfundur Bókavarðafélags Islands fer
fram í tengslum við landsfundinn einnig
í Norræna húsinu. Aðalfund skal halda
síðast í septembermánuði ár hvert, og
annaðhvert ár í tengslum við landsfund,
svo að bókaverðir utan Reykjavíkursvæð-
isins geti haft beinni áhrif á stjórn félags-
ins.
Ævimenntun og hlutdeild almenningc'-
bókasafna. 1 henni verður megign við-
fangsefni Landsfundar Bókavarðafélagsins
að þessu sinni. Gunnar Andersson frá Sví-
þjóð mun flytja framsöguerindi um al-
menningsbókasöfnin í þjónustu alþýðu-
menntunar. Gunnar Andersson vinnur
við Fræðslumálaskrifstofu Svíþjóðar, og
er hann vel þekktur í heimalandi sínu.
Hann kemur til Islands í boði Bókavarða-
félags Islands og Norræna hússins i
Reykjavík.
Af öðrum framsöguerindum má nefna
yfirlitserindi um námsflokkastarf á Islandi.
Þátttakendum verður skipt í umræðuhópa.
Að lokum má nefna heimsókn í Valhúsa-
skóla, þar sem bókasafn skólans verður
skoðað.
Þetta verður fjórði landsfundur íslenskra
bókavarða. Fyrsti landsfundur Bókavarða-
félagsins var haldinn árið 1970.
Landsfundarnefnd skipa að þessu sinni:
Finnur Sigurjónsson formaður, Eiríkur Þ.
Einarsson, Erla Jónsdóttir, Guðrún Karls-
dóttir og Hrafn Harðarson. E.M.E.
Af fenginni reynslu af Barnabókaviku
1975 þótti bókavörðum tilhlýðilegt að end-
urtaka einhvers konar barnabókadagskrá
í apríl síðastliðnum. Þessi Barnabókadagur
var haldinn 3. apríl og voru það félögin
þrjú, sem að honum stóðu, þ.e. Bókavarða-
félag Islands, Félag bókasafnsfræðinga og
Félag skólasafnvarða.
Ákveðið var að helga dagskrána við-
fangsefninu „Börn og fjölmiðlar", og voru
fengnir f jórir fyrirlesarar til þess að leggja
til inngangserindi. Voru það þau Berþóra
Gisladóttir, sem fjallaði um leikhúsverk
fyrir börn, Ólafur Jónsson, sem fjallaði
um barnabókaútgáfu, Þorbjörn Broddason,
sem gerði skil sjónvarpsefni fyrir börn og
Þorgeir Þorgeirsson, sem tók fyrir kvik-
myndir fyrir börn. Var boðið til fundarins
forsvarsmönnum þeirra stofnana, sem
þarna var rætt um, t.d. útvarpi, sjónvarpi,
leikhúsunum báðum, kvikmyndahúseig-
endum, kvikmyndaeftirliti, bókaútgefend-
um og dagblöðunum (barnasíðum). Ekki
komu fulltrúar frá kvikmyndahúsaeigend-
um en frá öllum öðrum aðilum er til var
boðið.
Varð af þessu skemmtileg umræða og
var Norræna húsið þéttskipað gestum
Árangur þessarar dagskrár varð síðan
myndun starfshópa, sem hyggjast fjalla
um þessa þætti hvern fyrir sig í vetri kom-
anda. Mun starf þeirra hefjast fljótlega.
Var það félögunum mikið ánægjuefni að
sjá hversu vel þessum dagskrám hefur
verið tekið og hafa þau fullan hug á að
halda þessum barnabókaumræðum áfram
í einhverri mynd.
S.K.H.