Þjóðviljinn - 23.03.1974, Page 15

KMU.UitfSSiS
Laugadagur 23 marz 1974. ÞJÓÐVILJINN — StÐA 15
Hérhöfum viðallan hópinn saman kominn á sviði eftir leiksýninguna á miðvikudagskvöldið. Enn er ekki að sjá þreytumerki á fólkinu,
eða hvað sýnist ykkur?
Herranótt Menntaskólans i
Reykjavik hefur sýnt söngleik-
inn Lisu í Undralandi þrisvar
sinuum i þessari viku við mjög
góðar undirtektir, — betri en
Herranótt hefur fengið i langan
tima. Gifurieg vinna hefur verið
lögð i uppfærslu þessa verks,
æfingar hafa verið i gangi dag
og nótt i rúma 2 mánuði. Pétur
Einarsson er leikstjóri og sá
hann einnig um hönnun leik-
tjalda. Hann á hvað stærstan
þátt i hversu vel hefir tekist, og
má segja að hann hafi fengið
það mesta út úr þvi fólki sem
starfaði við Herranótt sem
mögulegt var.
Menntskælingar hafa tekið
tæknina i sina þjónustu, við gerð
leiktjalda. Hafa þau vakið
mikla athygli, og lof flestra.
Fjórar skuggamyndasýningar-
vélar varpa stanslaust myndum
á þrjá stóra sýningafleti sem
gerðir eru úr tuttuguogþremur
pappastrimlum er hengdir eru
upp i loftið og mynda bakgrunn
leiksviðsins. Inn i leikritið flétt-
ast slidesmyndashow er sýnir
þær breytingar er verða á Lisu
meðan hún dvelst i Undralandi.
Tónlistin sem leikin er undir
hinum ýmsu lögum, er sungin
eru i leikritinu, hefur einnig
vakið verðskuldaða athygli. Jó-
hann G. Jóhannsson, sem er
nemandi i MR, útsetti lögin og
æfði söng og leik af mikilli ná-
kvæmni, sem skilaði vissulega
árangri, sem i minnum verður
hafður. Tónlistin er tekin upp i
Lísa í Undralandi fœr
frábœrar undirtektir
upptökusal Péturs Steingrims-
sonar, sem er i Hallgrims-
kirkjuturni. Þar voru einnig
tekin upp ýmis hljóð, ræður
drottningar, söngur o.fl. sem
notað er i leikritinu.
Dansar eru samdir og æfðir af
Björgu Jónsdóttur, dansara við
Þjóðleikhúsið og nemanda i
Menntaskólanum. Þau Jóhann
unnu siðan saman að uppfærslu
söngsins og dansanna, en 8
músastelpur fara með aðal-
danshlutverkin, auk þess, sem
þær syngja töluvert.
Þrotlaus vinna
(iO manna
Það er tvimælalaust mun erf-
iðara fyrir byrjendur i leiklist-
inni, en vana atvinnumenn, að
ná þeim árangri, sem viðunandi
og boðlegur getur talist. Sjaldan
hefur jafnmikil vinna verið lögð
iHerranótt ognú;kröfur leikara
og leikstjóra hafa ekki verið
meiri-.og með virðingu fyrir öðr-
um verkum Herranætur teljum
við, að sjaldan eða aldrei hafi
betur tekist til en nú.
Yfir 60 manns lögðu hönd á
plóginn, tóku þátt i talæfingum,
lesæfingum, hreyfingaræfing-
um, söngæfingum, samæfing-
um, myndatökum, smiðavinnu
og ýmsu þvi öðru, sem fylgir
ævinlega uppsetningu leik-
verka. Allthefur þetta dunið yf-
ir þennan hóp á skömmum tima
enda varð raunin sú, að hinir 24
timar sólarhringsins dugðu
skammt, er tók að nálgast
frumsýninguna.
Það þarf þvi engan að undra,
að eftir frábærar móttökur á
frumsýningunni, hafi rikt mikil
gleði á bak við leiktjöldin og
góðum árangri mikillar vinnu
var fagnað innilega.
Með aðalhlutverkið, Lisu i
Undralandi, fer Vigdis Esra-
dóttir, kötturinn er leikinn af
Bjarna Ómari Ragnarssyni og i
hlutverki Kaninunnar er Andri
örn Clausen.
Breytingar frá
barnasögunni
Höfundurinn, Klaus Ilagerup
hefur breytt upprunalegu sög-
unni. töluvert, þeirri sem Lewis
Caroll samdi og hefur orðið fræg
um ailan heim. Þetta er ekki
lengur fallega, saklausa barna-
ævintýriðum Lisu i Undralandi,
HERRA-
NOTT
sem heimsótti ævintýralandið
og hreifst af fegurð þess og dá-
semdum, heldur er hér sagan
um Lisu, sem sótti heim undra-
land nútimans, land gervi-
mennsku, auglýsinga og kúgun-
ar.
Persónurnar eru að visu þær
sömu, hattarinn, kötturinn,
kaninan, hérinn, skjaldbakan,
drottningin og Lisa. Þær eru
jafn kúgaðar og i ævintýrinu, en
áróðurinn sér fyrir þvi, að þær
skilja það ekki.
Heimspeki hins nýja Undra-
lands er sú, að það sé heimur án
sorgar, heimur án gleði, þar
sem ekkert er illt, ekkert er
gott. þar sem allt er skemmti-
legt. Filið ykkur i táraflóði,
grátið með gleði, brosið með
munninum, dansið með fótun-
um og syngið með öllu tiltæku.
Það er hátið i Undralandi. það
er Tivoli i loftinu. það er sirkus i
sálinni. Það eru snittur i mat-
salnum — stund skemmtana er
runnin upp: Allt er i himnalagi,
það er stórkostlegt að lifa, un-
aðslegt að deyja. Timi hugsana
er liðinn, timi skemmtana er
runninn upp.
Þessi heimur er fjölgyðistrú-
ar og guðirnir eru Max Factor.
Pierre Robert, Mary Quant
o.s.frv. Helgistaðirnir eru
snyrtivöru- og fataverslanir.
Sumsé: paradis auglýsinga og
poppbisnessmanna.
Leikmuni hefur Þóra Björk
Jónsdóttir gert, en búningar eru
að hluta fengnir að láni frá FI-
OL leikhúsinu danska, en aðrir
hlutir eru gerðir af nemendum.
Eins og áður var sagt koma
myndvörpur mikið við sögu, og
annast Gunnar Steinn Pálsson
stjórn þeirra, auk þess sem
hann tók myndirnar. Teikning-
ar eru gerðar af Guðmundi
Gislasyni, þýðingu annaöist Sig-
urður Snævarr.
Þær sýningar, sem þegar hafa
verið ákveðnar eru þessar:
föstudagskvöld 22. mars. klukk-
an 20.30 laugardagskvöld 23.
mars klukkan 23.45, mánudags-
kvöld 25. mars klukkan 20.30.
Allar sýningarnar eru i
Austurbæjarbiói og veröa þær
fleiri. ef aðsókn gefur tilefni til.
Miðasalan er. i Austurbæjarbiói
alla daga.
iv<^* I i Í éHf * ■:

KP aaa Í 5a? p iMi! i jjfa íw i^llllll 1 c ' I 111111
Sýningar
V eturliða
°g
Hafsteins
Síðustu forvöð um helgina
Sýningar þeirra Hafsteins
Austmans og Veturliða Gunnars-
sonar, sem staöið hafa siðan á
laugardaginn var, ganga mjög
vel. Veturliði hefur selt rúman
helming mynda sinna cða um 40
stykki og Hafsteinn 15. i dag og á
morgun eru siðustu forvöð að sjá
sýningarnar þvi þeim lýkur á
sunnudagskvöldið.
Hafsteinn Austmann sýnir að
þessu sinni 49 myndir og eru þær
flestar málaðar á siðustu árum
utan nokkrar vatnslitamyndir
sem hann gerði á árunum 1965.
Verðið á myndum hans er frá 20
þúsundum upp i 140 þúsund krón-
ur.gú dýrasta sem þegar er seld.
Það myndi æra óstöðugan að
telja upp þær sýningar sem Ilaf-
steinn hefur haldið eða tekið þátt
i. Siðast sýndi hann i Bogasalnum
árið 1971. Hann hefur selt myndir
sinar viða og eru erlend söfn i
Danmörku, Frakklandi og
Ameriku i hópi kaupenda.
Sýning Veturliða er öllu stærri
og sýnir hann rúmlega 70 myndir.
Eru myndirnar frá ýmsum árum.
Margar þeirra hafa áður sést á
sýningum en einnig eru nýjar
myndir innan um. Pastelmyndir
eru i rneirihluta á sýningunni og
hafa þær vakið hrifningu sýn-
ingargesta ef hægt er að miða við
myndakaup þeirra.
Mikið ber á myndum frá Vest-
fjörðum en ýmiss konar fantasiur
gefur einnig að lita á sýningunni.
Myndir Veturliða kosta frá 35
þúsundum sem er verðið á öllum
pastelmyndunum upp i 120 þús-
und sem er dvrasta oliumálverk-
ið.
Eins og áður sagði eru siðustu
forvöð að sjá sýningarnar i dag og
á morgun.og eru þær opnar frá
klukkan 14 til 22 báða dagana.
—ÞH