Alþýðublaðið - 16.06.1976, Blaðsíða 7

Alþýðublaðið - 16.06.1976, Blaðsíða 7
Iþýðu- laAið Miðvikudagur 16. júní 1976 Listahátíð í Reykjavík 7 A KJARVALSSTOÐUM ISLENZK GRAFlK islensk Grafik er eitt af því bezta, sem myndlista- menn hafa uppá að bjóða á Listahátið 1976. Sýning- unni er mjög vel og skipu- lega fyrir komið og val myndanna hefur tekizt með miklum ágætum. Þetta er yfirlitssýning á íslenzkri grafík og er því ekki óeðlilegt þótt marka megi allsterkt kynslóða- bil milli þeirra lista- manna, sem nú eru í f ullu f jöri og þeirra, sem gerðu grafíkmyndir fyrir tveim, þrem áratugum eða svo. I sýningarskrá segir m.a. svo: „Þessi yfirlits- sýning á islenzkri grafík er sú fyrsta sinnar tegundar hérlendis. Markmiðið með sýning- unni er að gera úttekt á því bezta, sem gert hefur verið í graf ík undanfarna áratugi." Síðan segir: „Viðnánari könnun hefur komið í Ijós að ótrúlega margir hafa fengizt við grafík fyrr á árum, en í misrikum mæli.í mörgum tilfellum hefur nú verið forvitnileg tilraun og síðan ekki söguna meir." Meöal eldri verka á þessari sýningu ber mest á listafólkinu Jóni Engilberts, Barböru Árna- son og Braga Asgeirssyni. Myndir Jóns Engilberts eru alls 35 talsins þannig að segja má að þar gæti alveg verið um sjálfstæöa synmgu að ræða. Myndir Jóns eru yfirleitt vel gerðar enda þótt þær verði varla jafn hátt skrifaðar og beztu oliumyndir listamanns- ins. Hlutur Jóns hefði tvimæla- laust verið betri á þessari sýningu hefðu myndirnar verið mun færri. Sögulega séð er þó hægt að réttlæta svo margar myndir eftir Jón Engilberts. Konu og mannamyndir Braga Ásgeirssonar eru alveg i sér- flokki og eru þær yfirleitt allar mjög vel gerðar. Litografia nr. 31 frá 1956 er mjög skemmtileg mynd. Ópið og Þankar eru einnig mjög góðar myndir. Myndir Barböru Árnason eru hver annarri betri. Þær elztu eru frá þvi fyrir strið og allt fram til 1975. Siðustu myndirnar eru e.t.v. athyglisverðastar og sterkastar en allsstaðar kemur fram þessi mildi og ljóðræni tónn, sem einkennir allt sem þessi listakona lét frá sér fara. Meðal eldri listamanna má á sýningunni sjá skemmtilega hluti eftir Mugg, Kjarval, Gunnl. Scheving og Leif Kaldal. Dúkristur Snorra Arinbjarnar og Jóhanns Briem úr sunnu- dagsblaði Alþýðublaðsins frá 1935 eru sérstakar auk hins sögulega gildis, sem þær hafa fyrir þróun islenzkrar blaða- mennsku. Yngstu listamennirnir vekja að sjálfsögðu nokkra forvitni. Það bezta gefur jafnvel fyrir- heit um uppvaxandi meistara i grafiklist hér á landi. Þeir sem hæst bera meðal yngri manna á þessari sýningu eru Richard V. Jóhannsson, Ólafur H. Gunnarsson, Björg Þorsteins- dóttir, Skúli ólafsson, Val- geröur Bergsdóttir, Jóhanna Bogadóttir, Jón Reykdal, Rein- hild Patzelt, Lisa Guðjónsdóttir og Ragnheiður Jónsdóttir. Allt þetta fólk á góðar myndir á sýningunni og myndar jafn- framt þá uppistöðu, sem gerir sýninguna i heild að stórum list- viðburði á tslandi. Ýmsir aðrir eiga þarna ágætis verk. —BJ Helgi Þorgils Friðjónsson á þessa skemmtilegu ætingar á sýningunni. Þróun eftir Richard V. Jóhannesson. Richard á þrjár myndir á sýningunni, allar frumlegar og snilldarlega vel gerðar. SUNNUDAGSBLAÐ ALÞÝÐUBLAÐSINS Gata í Reykjavik. Björg Þorsteinsdóttir: Quartett, Blúndur og blásýra, Duett. Myndirnar Krossf esting og Fangi eftir Jóhönnu Boga- dóttur, mjög efnilega listakonu. LEIKFÉLAG AKUREYRAR Á LISTAHÁTIÐ: GLERDÝRIN IIÐNÓ Hvergi á landinu, utan Reykjavíkur, er leik- listarlíf með slíkum ágætum sem á Akureyri. Við Leikfélag Akureyrar starfa nú sjö fastráðnir leikarar og aðrir leikhús- starfsmenn, en þetta er þriðja starfsár félagsins með fastráðnu starfsliði. Eins og víðasthvar annarsstaðar úti á landi hefur leiklistarstarfsemi þó verið haldið uppi af áhugafólki um langt ára- bil. Það má því segja að atvinnuleikararnir, sem nú eru að koma fram á sjónarsviðið hafi vaxið upp úr hinni sérstöku leiklistarmenningu dreif- býlisíns. A fundi með blaðamönnum á mánudag sagði Eyvindur Er- lendsson, leikhússtjóri á Akur- eyri, nokkuð frá starfsemi félagsins, sem nú hefur á að skipa fastráðnu starfsliöi. Yfir- leitt eru sýningar tvisvar i viku, þ.e. á föstudögum og sunnudög- um. Leikfélagið hefur einnig lagt nokkra áherzlu á að taka til sýningar verk, sem ekki hafa verið sýnd áður. Sagði Eyvindur að það væri þó ýmsum ann- mörkuð háð. Bæði að þvi er varðaði velþýdd erlend verk og einnig inniend leikrit, sem væru heppileg til flutnings. Eyvindur sagði aö nokkuð mikil áhætta fyigdi þvi að taka upp verk, sem ekki hefðu verið kynnt áöur. Erfitt væri að segja til um undirtektir slikra verka. Hinsvegar væri mun auðveldara að sýna leikrit sem reynsla hefði fengizt á. Um þessar mundir er Karl Guðmundsson leikari að vinna að þýðingu á Skýjunum eftir griska rithöfundinn Aristop- hanes, sem var uppi 448 til 380 fyrir Krist og var þekktastur fyrir ádeiluleikrit sin og satirur. Verkið verður væntanlega tekið til flutnings i haust. A þessu starfsári hefur félagið aðallega sýnt Kristnihaldið og Glerdýrin og verður það siðar- nefnda sýnt á Listahátið i Reykjavik i kvöld og svo aftur á föstudag. Sýningarnar á Gler- dýrunum eftir Tennessee Williams verða i Iðnó og hef jast kl: 8.30. Leikstjóri er Gisli Halldórs- son en Jóhannes Þór Pálsson gerði leikmynd. Leikarar eru: Sigurveig Jónsdóttir, Aðal- steinn Bergdal, Saga Jónsdóttir og Þórir Steingrimsson.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.