Morgunblaðið - 31.05.2003, Blaðsíða 25

LANDIÐ
MORGUNBLAÐIÐ LAUGARDAGUR 31. MAÍ 2003 25
NÚ stendur yfir sýning Myndlist-
arfélags Fljótsdalshéraðs á Hótel
Héraði á Egilsstöðum. Á sýning-
unni eru 42 verk eftir 19 félaga,
unnin í olíu, akrýl, vatnsliti, stein-
leir og með tölvugrafík. Er því
óhætt að segja að á sýningunni
kenni margra grasa hvað fjöl-
breytni varðar.
Myndlistarfélag Fljótsdalshéraðs
er rúmlega áratugar gamalt og
beitir sér fyrir almennri fræðslu
um myndlist, hvatningu til mynd-
sköpunar og aðstoðar félagsmenn
við að koma verkum sínum á fram-
færi. Námskeiða- og sýningahald
hefur verið áberandi í félags-
starfseminni frá upphafi. Sýningin
stendur til 22. júní.
Kennir
margra grasa
í myndlist
Egilsstaðir
Morgunblaðið/Steinunn Ásmundsdóttir
Lágmynd Önnu Hjaltadóttur á sýningu Myndlistarfélags Fljótsdalshéraðs.
FYRIR stuttu var haldinn aðalfund-
ur ferðamálafélagsins Heklu í
Rangárvallasýslu. Starfsemi félags-
ins hefur legið niðri um nokkurt
skeið en nýr atvinnu- og ferðamála-
fulltrúi á svæðinu, Eymundur
Gunnarsson, átti frumkvæði að því
að koma henni aftur af stað.
Á fundinn mættu margir og kosin
var stjórn og varastjórn. Gestir
fundarins voru Pétur Rafnsson, for-
maður Ferðamálasamtaka Íslands
og verkefnisstjóri Ferðamálaráðs,
og Eymundur Gunnarsson, atvinnu-
og ferðamálafulltrúi.
Pétur hélt fróðlegt erindi m.a. um
verkefni Ferðamálasamtaka Íslands
og samvinnu í landshlutum við fyr-
irtæki og sveitarfélög.
Upplýsingamiðstöðvar
mikilvægar
Lagði hann áherslu á mikilvægi
upplýsingamiðstöðva sem staðsettar
eru víða um land, ekki aðeins fyrir
erlenda ferðalanga heldur einnig þá
íslensku. Í erindi Péturs komu einn-
ig fram upplýsingar um Ferðatorg
2003 sem haldið var í Smáralind í
byrjun maí, námskeið á vegum FSÍ
og saga, starfsemi og verkefni
Ferðamálaráðs Íslands.
Eymundur Gunnarsson, nýráðinn
atvinnu- og ferðamálafulltrúi,
kynnti starf sitt í Rangárvallasýslu
og Mýrdalshreppi og fyrstu verk-
efni sín sem slíkur. Sýndi hann
einnig nýtt myndband sem Saga
Film hefur nýlega gert fyrir Ferða-
málasamtök Suðurlands til kynning-
ar á Suðurlandi.
Gott tækifæri til að
móta stefnu félagsins
Tilgangur ferðamálafélagsins er
að auka og bæta þjónustu við ferða-
menn og efla ferðaþjónustu sem at-
vinnugrein á félagssvæðinu en fyr-
irliggjandi verkefni sem ferðamála-
félagið Hekla mun koma að á
næstunni eru Töðugjöld á Hellu og
Sumardagar á Hvolsvelli nú í sum-
ar. Að sögn Eymundar er einmitt
nú gott tækifæri að móta stefnu fé-
lagsins og marka hana fram í tím-
ann.
„Það sem af mér er ætlast í þess-
ari vinnu er að sameina ferðaþjón-
ustuaðila og fá þá til að vinna sam-
an. Ég mun á næstu mánuðum hitta
þá sem þetta mál skiptir og freista
þess að fá fólk til að vinna hvert
með öðru.“ Telur hann að svæðið
hafi upp á mikið að bjóða handa
ferðamönnum og ekki síður vænt-
anlegum íbúum.
Sagðist Eymundur vilja leggja
það til við nýja stjórn ferðamála-
félagsins Heklu að hún kalli alla til
starfa, hvort sem þeir eru í stjórn
félagsins eða ekki. Það fyrirkomu-
lag hafi gefist vel í Ferðamálasam-
tökum Suðurlands þar sem hann
hefur verið í stjórn í nokkur ár.
Morgunblaðið/Anna Ólafsdóttir
Frá aðalfundi ferðamálafélagsins Heklu í Rangárþingi. Eymundur Gunn-
arsson, atvinnu- og ferðamálafulltrúi, Jón Þórðarson fundarstjóri og Pétur
Rafnsson, formaður Ferðamálasamtaka Íslands og verkefnisstjóri.
Samvinna
mikilvæg
í ferða-
þjónustu
Hella