Morgunblaðið - 22.06.2008, Blaðsíða 41

MORGUNBLAÐIÐ SUNNUDAGUR 22. JÚNÍ 2008 41
Elsku pabbi minn.
Það er svo stutt síð-
an þú sagðir við mig að þegar þú
mundir hressast ætlaðir þú að koma
til mín í Hveragerði og hitta
hundana mína og sjá hvernig ég
byggi, en því miður varð ekki af því.
Á svona stundu eins og nú verða
þær spurningar áleitnari sem áður
ég spurði sjálfa mig oft og mörgum
sinnum en fékk aldrei nein svör við.
Ég vil segja þér pabbi minn að
enginn hefur enn í dag gefið mér
eins gott og traust faðmlag og þú
gafst mér alltaf í hvert skipti sem
við hittumst, þú varst alltaf svo
hlýr, traustur og góður. Þegar ég
kom á afmælisdaginn minn upp á
spítala til þín sagðir þú við mig: „Ég
var að hugsa til þín bara fyrir
nokkrum sekúndum og vissi að þú
kæmir að finna mig í dag, mikið er
gott að þú komst.“
Við spjölluðum og hlógum svolítið
og ég fann svo vel hvað þér þótti
vænt um mig og hvað það var þér
mikils virði að mér liði vel og allt
væri í lagi. Þetta var það besta við
þennan afmælisdag.
Ég vil þakka þér og Erlu fyrir
mig og börnin mín og vil að þið vitið
að mér þykir mikið vænt um þær
stundir sem ég hef átt með ykkur.
Ég var svo stolt á afmælinu hennar
Dúu minnar og í fermingu Krist-
mundar Axels þegar ég sá ykkur öll
koma og gleðjast með okkur, en það
var alltaf svo gott að finna að ég
ætti ykkur að þó svo að ég hefði
óskað að sambandið hefði verið
meira og öðruvísi oft á tíðum.
Elsku Erla mín, Bobba og dætur,
Sigrún og fjölskylda, Linda, Íris og
fjölskylda ég sendi ykkur mínar
bestu hugsanir og samúðarkveðjur
og bið algóðan guð að halda sinni
verndarhendi yfir ykkur.
„Guð gefi mér æðruleysi til þess
að sætta mig við það sem ég fæ ekki
breytt, kjark til þess að breyta því
sem ég get breytt og vit til þess að
greina þar á milli.“
Ég elska þig pabbi minn.
Elísabet (Dottý).
Góður lærimeistari og veiðifélagi,
KK, er fallinn frá.
Fyrir okkur sem komum fram
sem ný kynslóð fluguveiðimanna á
síðari hluta 20. aldar var KK einn af
þeim „stóru“. Heppnin var með okk-
ur. KK setti upp Litlu fluguna,
verslun með fluguhnýtingaefni í lít-
illi kompu í blokk á Laugarnesi.
Þetta yfirlætislausa nafn á versl-
uninni endurspeglaði ef til vill fer-
metrafjöldann, en fráleitt þá stóru
drauma sem hún skóp, miklu sögur
sem þar voru sagðar og það víðsýni
sem fékkst við mjóar hillur. Það
varð hluti af þroskaskeiði nýrra
veiðimanna að sækja á þessar upp-
eldisstöðvar og sjúga í sig fróðleik
og vinsemd. KK sat við borðið og
kaffikannan alltaf volg, ekki vantaði
neftóbaksdósina og einatt einhver
fróðleiksbrunnur í persónu veiði-
manns að sötra honum til samlætis,
tilbúinn að miðla. Litla flugan var
stórverslun í huga.
Þetta var á þeim dögum að hægt
var að sækja fróðleik og sögur til
lærimeistara í tveimur smáholum í
borginni: Litlu flugunni hans KK og
bílskúrnum á Flókagötunni hjá Kol-
beini og Steina. Fínt var það plan
sem dró mann eftir hádegi á laug-
ardögum á annan staðinn og svo
hinn, oft undir því yfirskini að mann
vantaði hnýtingaefni. Raunverulega
ástæðan var að fá að bera upp
spurningar sem lengi höfðu brunnið
á ungu veiðihjarta, eða hlýða
Kristján Kristjánsson
✝ Kristján Krist-jánsson fæddist
í Syðstakoti í Mið-
neshreppi 5. sept-
ember 1925. Hann
lést á heimili sínu 2.
júní síðastliðinn. Út-
för Kristjáns fór
fram frá Graf-
arvogskirkju 12.
júní síðastliðinn.
álengdar á þegar ein-
hverjir snillingar jusu
úr viskubrunnum eða
sögðu sögur. Það gat
tekið mann óratíma að
skoða önglapakka ef
ævintýrin drógust á
langinn. Svo keypti
maður smáræði og
sagði eins og meðal
annarra orða: Hvern-
ig er það annars
Kristján, þarna í Sog-
inu þar sem við vorum
í fyrra, fer maður út
ofan við steininn eða
beint út af honum? Þarna var komið
upplegg í drauma fyrir næsta sum-
ar og ekki hætt fyrr en búið var að
fá fram hvaða flugu ætti að nota við
þær tilteknu aðstæður. Oftast var
svarið Black Ghost.
Ég var svo heppinn að veiða í
nokkur skipti með KK. Þá var eins
og vinalega fasið, ljúfa röddin og
blíða viðmótið sem maður þekkti
svo vel frá Litlu flugunni kæmist í
fullkomið samhengi. Þetta rann allt
svo látlaust eins og fallegur streng-
ur sem ber flugu fyrir fisk. Eins
þegar KK og Erla komu á þorrablót
Ármanna hin síðari ár, brosið inni-
legt og góðlegt og þau bæði hvers
manns yndi.
KK hnýtti fallegar flugur. Honum
þótti vænt um þegar ég sagði hverj-
um sem vildi heyra frá því að ég
stoppaði í bensínsjoppu í Borgar-
firði til að fylla tank, en varð litið
upp á vegg þar sem var til sölu
flugnaspjald frá Litlu flugunni.
Keypti, meira til að efla sjálfstraust
og veiðilán en af því mig vantaði
flugur. Þetta spjald varð spjald sög-
unnar úr Selá, þegar KK-flugurnar
björguðu því sem bjargað varð.
Skömmu síðar var ég að veiðum í
Laxá í Mývatnssveit. Björt sól skein
í heiði og áin rann blá um græna
bakka eins og við KK höfðum svo
oft talað um að væri fallegt. Ég var
með félaga og sá eitthvað hvítt
liggja við fætur mér í lyngi. Beygði
mig eftir flugu sem einhver hafði
misst og skoðaði: „KK var hér,“
sagði ég félaganum. Þetta var und-
urfögur Black Ghost, hnýtt á öngul
númer sex, með matuka-væng úr
fjöðrum og kinnar af frumskógar-
hana. Ég hefði átt að ramma hana
inn.
En hún er innrömmuð á vegg
minninganna sem ég á margar af
þessum góðu mönnum sem leiddu
mig og ótal fleiri inn á veiðilend-
urnar; KK var sannarlega einn af
þeim stóru.
Bestu kveðjur til fjölskyldunnar
frá okkur Guðrúnu.
Stefán Jón Hafstein.
Elsku besti afi minn er farinn frá
okkur.
Þó svo að afi hefði verið búinn að
vera veikur og ég hefði haft tíma til
að undirbúa mig fyrir andlátið þá
finnst mér mjög erfitt að kveðja afa.
Ég hef alltaf verið mikið hjá afa
og ömmu og hafa þau bæði hjálpað
mér mikið í lífinu og stutt mig í öllu
sem ég hef tekið mér fyrir hendur.
Ég á afa mikið að þakka og það er
það sem ég hugsa um þessa dagana.
Undanfarin ár þá beið afi alltaf
þolinmóður í stólnum sínum eftir að
fá áð vita hvert hann væri að fara
eða gera á meðan amma skipulagði.
Hann var kannski ekkert yfir sig
hrifinn alltaf hreint með ákvarðanir
frúarinnar, en hann vildi fyrst og
síðast vera í samvistum við ömmu,
sama hvar. Hann var ekki heldur
par hrifinn af reglubundnum vinnu-
ferðum ömmu, Höddu og mömmu
erlendis, en þegar þær voru vænt-
anlegar aftur varð hann alltaf léttari
í lund og gerði sig sætan og fínan
fyrir ömmu, nú síðast í febrúar.
Amma og afi, ásamt mömmu,
hafa síðastliðin ár farið flestar helg-
ar í Syðstakot í Sandgerði en þar
átti afi landskika. Hann var alinn
upp þar og það skipti hann og okkur
í fjölskyldunni máli að vera á hans
æskuslóðum. Ég held að afa hafi
þótt vænt um að okkur í fjölskyld-
unni sé staðurinn hans kær. Það
verður skrítið að koma í Syðstakot,
enginn afi í sófanum að fá sér í nef-
ið. Það er gott að fjölskyldan hittist
á æskuslóðum afa og þannig lifir
minningin um hann.
Það eru margir kostir sem afi
hafði eins og það að tala ekki illa um
annað fólk, rífast ekki við neinn,
bíða rólegur eftir að röðin kæmi að
honum og það sem ég dáðist einna
mest af í fari afa var það æðruleysi
sem hann virtist búa yfir. Hann tók
öllu af þvílíkri yfirvegun, allt fram á
síðustu stundu.
Kvöldið sem afi dó dreymdi mig
að Pétur frændi tæki á móti afa og
vildi hann sýna honum nýja staðinn.
Ég trúi því að við hittumst öll síðar
en því kemst ég að seinna.
Elsku amma, þinn missir er mikill
og ég vona að við í fjölskyldunni
getum hjálpað þér í gegnum sorg-
ina.
Guð blessi minningu KK afa.
Erla Sigurðardóttir.
Hljómsveitarstjórinn og flugu-
veiðistjórinn Kristján Kristjánsson
er látinn. Við systkinin minnumst
hans með ást og þakklæti. Við vor-
um ung, þegar við fengum að búa
hjá þeim elskulegu hjónum, Erlu
Wigelund og KK, og nutum þar
gestrisni og hlýju þeirra. Um það
leyti var Kristján löngu hættur í
KK sextettinum margfræga og þau
Erla ráku Verðlistann við Lauga-
læk, gegnt æskuheimili okkar. Það
var ekki að spyrja að því, að við
fengum að vera hluti af fjölskyldu
þeirra, jafnvel þótt að um formlegan
skyldleika væri ekki að ræða. Þau
voru ófá matarboðin sem við fórum
í, ásamt móður okkar Ingibjörgu, og
hún endurgalt þau boð sem KK og
Erla þáðu með þökkum. KK var
skemmtilegur maður á slíkum
stundum, og sagði sögur, sérstak-
lega úr veiði og af fluguhnýtingum
sem hann stundaði í Litlu flugunni
sinni við Laugarnesveg. Hann
reyndi jafnvel að kenna okkur
systkinunum að hnýta flugur, en lít-
ið varð úr því að við næðum sér-
stökum árangri á því sviði.
Seinna þegar við stofnuðum fjöl-
skyldur og eignuðumst börn, var
jafnan gaman að koma og hitta KK
á heimili þeirra Erlu við Laugalæk,
og spjalla um daginn og veginn.
Hann sat gjarna í hægindastólnum
sínum, með tækið og hljóðbækurnar
innan seilingar, og opinn faðm. KK
var líka óþreytandi að koma í
barnaafmæli, með Erlu og Bobbu
dóttur þeirra, jafnvel þótt hann
væri farinn að missa sjón, og svona
líka rólegur í krakkahasarnum öll-
um.
Það mátti vel merkja undir það
síðasta að hann var orðinn vegmóð-
ur og aðdáunarvert hvernig Erla og
fjölskyldan sinntu honum fram í
andlátið.
Við vottum elsku Erlu samúð
okkar, sem og fjölskyldunni allri,
þakklát fyrir vináttu og kærleik
sem KK átti ómælda.
Guðrún og Þorsteinn J.
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
✝
Ástkær eiginmaður minn, faðir, tengdafaðir, afi og
langafi,
INGÓLFUR ÓLAFSSON
klæðskerameistari,
Víðilundi 18d,
Akureyri,
verður jarðsunginn frá Akureyrarkirkju þriðjudaginn
24. júní kl. 13.30.
Guðbjörg Anna Árnadóttir,
Halldóra Kristín Gunnarsdóttir, Árni Leósson,
Kolbrún Ingólfsdóttir, Kristján Vilhelmsson,
Árni Evert Ingólfsson,
Margrét Ingólfsdóttir, Friðbjörn Georgsson,
Ingibjörg Ingólfsdóttir, Tryggvi Þórarinsson,
Lína Björk Ingólfsdóttir, Dagmann Ingvason
og afabörnin öll.
✝
Ástkær móðir okkar, tengdamóðir og amma,
INGIBJÖRG Þ. GUÐBJÖRNSDÓTTIR,
Norðurbrún 1,
Reykjavík,
lést miðvikudaginn 12. júní á Landspítalanum
Fossvogi.
Útförin verður gerð frá Áskirkju mánudaginn
23. júní kl. 15.00.
Fyrir hönd annarra vandamanna,
Guðbjörn Sigvaldason, Jónína M. Árnadóttir,
Kristján Jóhann Sigvaldason,
Silja Hlín Guðbjörnsdóttir,
Gísli Freyr Guðbjörnsson.
✝
Ástkær faðir okkar, tengdafaðir, afi og langafi,
OTTI SÆMUNDSSON,
til heimilis á Kleppsvegi 62,
Reykjavík,
lést á gjörgæsludeild Landspítala Háskóla-
sjúkrahúss við Hringbraut, laugardaginn 7. júní.
Útförin fer fram frá Áskirkju fimmtudaginn 26. júní
kl. 15.00.
Guðríður Ottadóttir, Lúðvík Eiðsson,
Anna Ottadóttir, Hilmar Smith,
Auður Ottadóttir, Ágúst Bjarnason,
Eyrún Ottadóttir, Erik Jonsson,
barnabörn og barnabarnabörn.
✝
Elskuleg systir mín og frænka okkar,
HANNA ÓLÖF GUÐMUNDSDÓTTIR,
Gullsmára 9,
Kópavogi,
lést á Landspítalanum við Hringbraut fimmtu-
daginn 12. júní.
Útför hennar fer fram frá Fríkirkjunni í Reykjavík
mánudaginn 23. júní kl. 13.00.
Kristín Guðmundsdóttir
og systkinabörn.
Vönduð og persónuleg þjónusta
Inger Steinsson,
útfararstjóri,
s. 691 0919
Sími 551 7080
Bárugötu 4, 101 Reykjavík.
Ólafur Örn
útfararstjóri,
s. 896 6544
Inger Rós
útfararþj.,
s. 691 0919