Tímarit lögfræðinga - 01.01.1958, Blaðsíða 25
Almennt lögfræðingafélag
Loks er svo komið, að stofnað hefur verið almennt fé-
lag lögfræðinga hér á landi.
Máli þessu hefur oft verið hreyft, t. d. i 1. árg. Tíma-
rits lögfræðinga og hagfræðinga, bls. 168, og V. árg. þessa
rits, bls. 55. Þá var og haustið 1927 gerð nokkur tilraun
í þessa átt, er almennt þing lögfræðinga var haldið. Ekki
varð þó af framhaldi þá.
En nú er félagið komið á fót og munu allir lagamenn
fagna þvi og óska félaginu góðs gengis.
Það voru prófessorar lagadeildar, er frumkvæðið áttu
nú og unnu að undirbúningi félagsstofnunarinnar, ásamt
nokkrum öðrum lögfræðingum, er þeir fengu til liðs við
sig. Þessi undirbúningsnefnd gerði uppkast að samþykkt-
um fyrir félagið og boðaði til stofnfundar, sem haldinn
var í Háskólanum. Á fundinum var samankomið all-
margt manna. Undirritaður setti fundinn af hálfu fund-
arboðenda og gerði grein fyrir tilefni fundarins og und-
irbúningi, en síðan tók til máls Ármann Snævarr pró-
fessor, er reifaði málið ítarlega af hálfu nefndarinn-
ar og gerði grein fyrir frumvarpi að samþykktum,
enda hafði hann og mest að því unnið. Eftir stuttar
umræður var samþykkt að stofna félagið, enda voru
ræðumenn á einu máli um það. Frumvarpið að sam-
þykktum var siðan samþj’kkt með nokkrum minni háttar
brevtingum. Samþykktirnar eru hirtar hér á eftir, enda
eiga þær erindi til allra lögfræðinga.
Tímarit lögfrœöinga
23