Teningur - 01.01.1987, Blaðsíða 15
vettvang listarinnar, heldur leita þeir
sér, í byrjun, efniviðar einhversstaðar
að, hvort sem það er úr samtímanum eða
klassískri list. Gerist þetta bæði meðvit-
að og ómeðvitað.
Eitt leiðir af öðru, enginn hlutur verður
til úr engu. Ahrifin sem ég minntist á og
er ekki einn um að sjá, þurfa því alls ekki
að vera af hinu illa, heldur geta þau orð-
ið uppspretta persónulegri myndgerðar
og meiri átaka. Áhrifavaldana tel ég ef
einhver nöfn skal nefna: Georg Baselitz,
Helmut Middendorf, Rainer Fetting og
yngri þýska listamenn sem hafa unnið út
frá áhrifum þessara listamanna. Lit-
prentaðar myndir af verkum þeirra má
sjá í tímaritum eins og Flash Art, Kunst-
formum, Artformum og hundruðum
annara listatímarita.
Kristinn Guðbrandur Harðarson
Gunnar Hersveinn Sigursteinsson
HEIMKOMAN
Þr jú högg og
dyrnar opnast inní myrkrið.
í hvítum strigaskóm veður hún
sígarettureyk með olíuljós við hönd.
ígrá peysa og gallabuxur falla á
gólfið og dyrnar ljúkast aftur.
Ljósið hverfur og eitthvað
gerist í myrkrinu.
STYTTA
Á fjallinu
stendur hún sem stytta
og starir uppí himininn.
Ég kasta fyrsta steininum
og gifsið brotnar af henni.
Vatnið fossar útum augun niður
nakinn líkamann og hún stingur
sér í straumharða ána sem ber
hana í burtu. Steinrunnin
hverfum við sjónum hennar.
GÆGJUGATIÐ
Gluggatjöldin
eru dregin fyrir og dagurinn
brýst ekki inn en í gegnum gægjugatið
sérðu silkifiðrildið flögra í silfurstofunni
og konuna undir hvíta lakinu sofa
við kertaljós og efþú kiprar
augað sérðu kannski mig
vaka yfir henni
13