Vera - 01.10.1983, Blaðsíða 17
þeir eru til þess kjörnir. Við berum þvert á móti öll ábyrgð
á framtíð mannkynsins.
íslenskir jafnaðarmenn, ásamt jafnaðarmönnum á
hinum norðurlöndunum krefjast þess, — að hætt verði
við áætlanir um uppsetningu meðaldrægra eldflauga í
Vestur-Evrópu. — Að SS 20-eIdflaugum verði fækkað. —
Að afvopnunarviðræðum stórveldanna verði haldið
áfram eftir 1983 og að þær verði tengdar START-viðræð-
unum, þannig að raunverulegur árangur, sem Ieiðir til
raunhæfrar afvopnunar, náist sem fyrst.
— Að Norðurlöndin verði lýst kjarnorkuvopnalaust
svæði, helst fyrir 1985.
Þetta eru þó aðeins áfangar á leið til friðar og
afvopnunar, hið endanlega markmið er eyðing allra
kjarnorkuvopna og sýklavopna, og að átök milli þjóða
verði leyst með friðsamlegum hætti, eins og hæfir sið-
menntuðum mönnum, en ekki með vopnuðum átökum,
sem leitt geta til eyðingar alls mannkyns
Ekkert er eins mikilvægt og friður. Eða hvað stoðar
okkur efnahagsleg velmegun og þjóðfélagslegar umbæt-
ur, ef heiminum verður eytt í kjarnorkustríði?
Þess vegna verðum við öll, þú og ég, hinir almennu
borgarar, að sameinast um kröfuna um algera afvopnun.
Kröfuna um líf og framtíð fyrir okkur og börn okkar, —
í stað dauða og tortímingar.
Ávarp
Við viljum frið.
Við viljum að framleiðsla kjarnorkuvopna verði
stöðvuð og bann verði lagt á framleiðslu efnavopna og
sýklahernað.
Við viljum að öll kjarnorkuvopn verði eyðilögð.
Við viljum afvopnun.
Við viljum að konur beiti samtakamætti sínum til að
vinna að friði og stuðli að samstarfi aílra þeirra hópa og
einstaklinga sem vilja taka upp baráttu fyrir friði og
afvopnun. Öll erum við ábyrg fyrir því hvort þjóðfélagið
sem við tökum þátt í að móta stefnir að stríði eða friði.
Við lýsum eindregnum stuðningi við ályktun Presta-
stefnu Islands 1982 um friðarmál og hvetjum landsmenn
til að taka þátt í þeim aðgerðum sem þar eru boðaðar.
Við tökum undir þau sjónarmið evrópskra og banda-
rískra friðarhreyfinga að þjóðir heimsins marki sér stefnu
óháð hagsmunum risaveldanna. Við óskum samstarfs við
alla sem vilja vinna að friði og tryggja að mannréttindi séu
i heiðri höfð.
Gífurlegum fjármunum er varið til vígbúnaðar meðan
stór hluti mannkyns sveltur. Bilið milli ríkra og fátækra
þjóða eykst stöðugt. Vígbúnaðarkapphlaupið magnast
þó að þau vopn sem þegar eru til nægi margfaldlega til að
útrýma mannkyninu. Þúsundir vísindamanna nota hug-
vit sitt og krafta til að fullkomna vopn sem geta eytt öllu
lífi á þessari jörð.
Þetta er mesta ógnun sem mannkynið hefur nokkru
sinni staðið andspænis og hún er verk okkar mannanna
sjálfra. Við verðum því sjálf að snúa þessari þróun við.
Við verðum að taka höndum saman, konur sem karlar, og
vinna markvisst að því að ókomnar kynslóðir fái að
byggja þessa jörð.
Okkur er ljós sá styrkur sem felst í samtökum kvenna
og því skorum við á allar konur á íslandi að þær hugleiði
þessi mál og taki þau til umræðu og umfjöllunar hvar sem
því verður við komið.
MMHMI
Auður Eir Vilhjálmsdóttir:
,Við óskum sam-
starfs við alla
55
44
Ágæta fundarfólk. Ég er hingað kornin til að lesa ykkur
ávarp Friðarhreyfingar íslenskra kvenna, sem stofnuð var
nú í vor. Svo sem fram hefur komið er hún samtök kvenna
úr öllum stjórnmálaflokkum, og kvenna sem ekki eru þar
af ákveðinni stjórnmálaskoðun.
Allar þessar konur vilja saman vinna að friði — þótl
þær séu alls ekki í einu og öllu sammála um hverjar leiðir
skuli farið — og sameinist ekki um allt, sem sagt hefur
verið hér í dag.
Ég kem því ekki hingað sem fulltrúi Friðarhreyfingar
íslenskra kvenna, heldur sem einn þeirra einstaklinga, sem
starfa þar, til að lesa ykkur það ávarp, sem samið var af
konum, sem undirbjuggu hreyfinguna og friðarsamtökin
eru sammála um að birta í sínu nafni.
Friðarkór kvenna syngur
17