Fréttatíminn - 18.05.2012, Blaðsíða 46

14 viðhald húsa Helgin 18.-20. maí 2012
67%
... kvenna á höfuðborgar-
svæðinu lesa Fréttatímann*
*konur 25 – 80 ára
á höfuðborgarsvæðinu.
Capacent okt.-des. 2011
Hvað er viðhald?
Þegar talað er um viðhald fasteigna,
er yfirleitt átt við viðhald á veðrun-
arkápu. Veðrunarkápa eru þeir
hlutar byggingar sem verða fyrir
álagi af völdum veðurs. T.d. þak,
útveggir, gluggar og gler.
Viðhaldi fasteigna má í raun
skipta í þrjá meginflokka:
1. Viðhald sem krefst tafarlausra
aðgerða. Undir þennan flokk falla
t.d. lekar en í slíkum tilfellum er
nauðsynlegt að bregðast hratt við
svo að frekari skemmdir hljótist
ekki af.
2. Fyrirbyggjandi viðhald. Hér
er átt við viðhald sem þarf að fram-
kvæma áður en skemmdir verða. Í
þessum lið er verðgildi fasteignar-
innar viðhaldið. Til dæmis má nefna
að eðlilegt er að endurnýja máln-
ingu á steyptum veggjum áður en
málningin hættir að vernda vegg-
ina.
3. Endurnýjun. Stundum eru
hlutar byggingarinnar orðnir svo
lélegir að ekki er hægt að viðhalda
þeim lengur. Sem dæmi má nefna
að ekki nægir að mála mjög fúinn
glugga. Mjög fúinn glugga getur
þurft að endurnýja í heild sinni.
Hvað er eðlilegt viðhald?
Með eðlilegu viðhaldi er yfirleitt átt
við reglubundið og fyrirbyggjandi
viðhald í samræmi við lið 2. hér að
ofan.
Sem dæmi má nefna að rétt er að
mála timburglugga á 2-6 ára fresti.
Múrviðgerðir og endurmálun
veggja er eðlilegt að framkvæma á
4-10 ára fresti.
Viðgerðir á steyptum svölum er
eðlilegt að framkvæma á 4-7 ára
fresti.
Hefðbundið bárujárnsþak er
nauðsynlegt að endurmála á 10-20
ára fresti.
Eins og sjá má á tölunum að ofan,
þá er mikil óvissa hver viðhaldstíðn-
in þarf að vera. Því er eðlilegt að
velta því fyrir sér hvaða þættir hafa
áhrif á tíðni viðhalds.
Hvaða þættir hafa áhrif á tíðni
viðhalds?
1. Langmikilvægasti þátturinn er sá
að sinna fyrirbyggjandi viðhaldi.
Steypu og timbur þarf að vernda
gegn ágangi vatns og frosts, svo
ekki hljótist skemmdir af. Því
miður er reynsla okkar sú að oft-
ast er ekki ráðist í aðgerðir fyrr
en verulegar skemmdir koma í
ljós. Litlar skemmdir eru fljótar
að skemma út frá sér og verða
kostnaðarsamar. Sem dæmi má
nefna að málun á timburglugga
sem er 1 m2 kostar aðeins um
5.000 kr (u.þ.b 1000-1200 kr/m).
Sé málningunni hins vegar ekki
viðhaldið, kemst vatn í timbrið
sem verður til þess að timbrið
í glugganum fúnar. Nýr gluggi
getur skemmst á 5-10 árum, fái
vatn greiðan aðgang. Sé glugga
hins vegar vel við haldið getur
endingin orðið allt að 60 ár. Nýr
gluggi af sömu stærð kostar lík-
lega frá 100.000 kr með ísetn-
ingu.
2. Gæði framkvæmda eru gífurlega
mikilvæg. Þegar leitað er tilboða
í verk er venjulega lægsta tilboði
tekið. Lægsta tilboðið getur
hins vegar einnig verið lélegast
m.t.t. endingar. Sem dæmi má
nefna að múrviðgerðir af lágum
gæðum geta enst í 3-4 ár á með-
an vel heppnaðar múrviðgerð-
ir geta enst í allt að 20 ár. Það
er því mjög mikilvægt að velja
traustan verktaka sem getur lagt
fram upplýsingar um svipuð verk
3-7 ára gömul. Handbragð iðn-
aðarmanna og gæði þeirra efna
sem eru valin, eru nauðsynlegir
hlutar að vel heppnuðu verki.
3. Til að tryggja gæði framkvæmda
eru eftirlitsmenn oft fengnir til
aðstoðar. Þeirra hlutverk marg-
þætt og mikilvægt. Ekki er hægt
að leggja nægjanlega áherslu
á gildi þess að fá eftirlitsaðila
til að tryggja að verktaki vinni
samkvæmt kröfum og gildandi
reglum. Sem dæmi má nefna að
nú nýverið stöðvaði undirritaður
framkvæmdir á húsi sem var ver-
ið að endursteina. Undirvinnan
var það illa unnin að þessi stóra
framkvæmd hefði verið ónýt eft-
ir 3-5 ár. Góð steining endist í
40-50 ár eins og sjá má í gömlu
hverfum Reykjavíkur. Það er því
mikilvægt að fá sérfræðinga sér
til aðstoðar, því það getur verið
dýrt að horfa í aurinn en kasta
krónunni.
Það eru því margir þættir sem þarf
að hafa í huga vegna viðhalds á fast-
eign og vonandi hefur þessi stutti
pistill gefið nokkra hugmynd um þá
þætti sem hafa áhrif þar á.
Indriði Níelsson
Verkís
Tíðni viðhalds
 FasteIgNIr álag vegna veðurs
e itt af því sem fylgir hækk-andi sól hér á landi er að húseigendur fara að huga
að viðhaldi eigna sinna utanhúss.
Í langflestum tilfellum er íbúðar-
húsnæði fjölskyldunnar stærsta
eignin og oft á tíðum það sem allt
fjármálakerfi fjölskyldunnar snýst
um, tala nú ekki um á þessum síð-
ustu og verstu tímum. Það er því
mjög mikilvægt fyrir þá sem ætla
að sinna viðhaldi í sumar og fá til
þess utanaðkomandi aðila, að þeir
athugi vel hvort þeir aðilar sem þeir
versli við séu þeir sem þeir segja,
þ.e. fagmenn með réttindi og þær
skyldur og ábyrgð sem þeim fylgja.
Það er nefnilega þannig að á vorin
eru það ekki bara farfuglarnir sem
koma til landsins, heldur spretta hér
upp ótrúlegustu aðilar sem kynna
sig sem sérfræðinga í viðhaldi húsa
með víðtæka reynslu og áreiðanleg
vinnubrögð. Það er ekki út af engu
sem ekki ber neitt á þessum aðilum
nema á vorin og sumrin, þeir eru
nefnilega margir sem búa erlendis
yfir veturinn en koma til landsins
á vertíð á sumrin með tilheyrandi
blekkingum, lygum og sviksamleg-
um vinnubrögðum sem grandalaust
fólk lendir á í góðri trú að versla við.
Þau eru ófá símtölin sem við á skrif-
stofu Málarameistarafélagsins fáum
á hverju sumri um viðskipti sem fólk
hefur átt við svona aðila með hörmu-
legum afleiðingum, afleiðingum
sem oft á tíðum eru óbætanleg en
að öllu jöfnu mjög kostnaðarsöm að
bæta. Hér er um að ræða allskyns
reynslusögur af hremmingum fólks,
allt frá því að hlutir séu illa og hroð-
virknislega unnir yfir í það að hús-
eigenda er hótað handrukkun og
líkamsmeiðingum ef hann er með
eitthvað múður yfir lélegum vinnu-
brögðum og geri ekki upp í snatri.
En eitt eiga allar þessar hrakning-
ar sameiginlegt; húseigendur hafa
ekki getað fengið þessa fúskara til
að bæta og lagfæra sín verk, það er
eins og þessir menn gufi bara hrein-
lega upp um leið og búið er að borga
reikninginn, ef reikningur er þá yf-
irhöfuð gefinn út. Það virðist líka
vera sameiginlegt með þessum að-
ilum sem stunda svona sviksamlega
starfsemi að símanúmer þeirra eru
í öllum tilfellum óskráð, þ.e. ekki er
hægt að vita hver er skráð-
ur fyrir símanúmerinu eða
hvar hann er staðsettur.
Það er því mikilvægt að
húseigendur kanni vel
hvort viðkomandi sé með
tilskilin réttindi, fái skrif-
legt tilboð og, ef um stærri
framkvæmdir er að ræða,
geri skriflegan samning
þar sem fram komi hvað
sé verið að semja um, hvað
það kosti og svo framveg-
is.
Málarameistarfélagið heldur úti
öflugri heimasíðu, www.malarar.
is þar sem fram koma upplýsingar
um málarameistara sem eru með
sín réttindamál á hreinu og standa
undir nafni með vönduðum vinnu-
brögðum. Einnig er þar að finna ítar-
legar upplýsingar um hvernig best
er að standa að því að fara í verkleg-
ar framkvæmdir, hvað þarf að hafa í
huga og hvað ber að athuga. Mögu-
legt er að setja inn beiðni um tilboð
í verkefni á heimasíðunni
og fá þá allir félagsmenn
tilkynningu þar um. Þetta
getur því sparað fólki tíma
í hringingum ásamt því að
sjálfsögðu að það tryggir
sér áreiðanlegan verktaka
með reynslu og ábyrgð á
sínum verkum. Á árunum
fyrir hrun var mjög erfitt
að fá til sín góða iðnaðar-
menn þar sem álagið á
þeim var mjög mikið, en
nú hefur hægst mikið um
og fyrirtæki farin að geta bætt á sig
verkefnum. Húseigandi góður, það
er betra að kynna sér við hvern þú
ætlar að eiga viðskipti við áður en
viðskiptin eiga sér stað.
Þorsteinn V. sigurðsson,
formaður MMF
 ÓprúttNIr fúskarar
Varasamir fuglar sem birtast á vori
Þorsteinn
V. Sigurðsson.