Fréttablaðið - 13.11.2014, Blaðsíða 16

13. nóvember 2014 FIMMTUDAGUR| FRÉTTIR | 16
EINELTISMÁL Starfsmaður hjá Keili, miðstöð vís-
inda, fræða og atvinnulífs, sakar framkvæmda-
stjórann, Hjálmar Árnason, um langvinnt ein-
elti gagnvart sér. Þetta kemur fram í bréfi sem
lögmaður starfsmannsins sendi fyrir hans hönd
til yfirstjórnar Keilis í byrjun september.
Starfsmaðurinn hefur starfað á Keili frá árinu
2008 og var trúnaðarmaður starfsmanna frá
árinu 2011. Samkvæmt bréfinu hófst hið meinta
einelti eftir að hann fór fram á leiðréttingu
launakjara hjá félaginu fyrir hönd starfsmanna.
Í kjölfarið hafi hann fundað með fjármálastjóra
félagsins og daginn eftir þann fund hafi fram-
kvæmdastjórinn boðað hann á sinn fund þar sem
hann, samkvæmt bréfinu: „hellti sér yfir hann
með óviðeigandi fúkyrði og hótunum.“
Í kjölfarið hafi eineltið ágerst og í sjö mánuði
hafi starfsmaðurinn mátt „þola ótrúlega aðför“
af hálfu framkvæmdastjórans. Eineltið hafi
meðal annars falist í því að framkvæmdastjór-
inn hafi lagt sig fram um að „niðurlægja, gera
lítið úr, móðga, særa, mismuna og ógna“ honum,
að því er fram kemur í bréfinu. Að lokum fór
hann á fund með framkvæmdastjóra og fjár-
málastjóra vegna eineltisins þar sem sá fyrr-
nefndi á að hafa spurt hvort hann vildi ekki leita
sér að nýrri vinnu þar sem honum liði augljós-
lega illa í vinnunni. Starfsmaðurinn fór eftir
þennan fund og ræddi við fjármálastjóra þar
sem hann tjáði honum að hann væri að hugsa um
að segja upp, þar sem hann gæti ekki unnið við
þessar aðstæður lengur. Hann skilaði hins vegar
ekki inn uppsagnarbréfi heldur fór til læknis
sem mat hann óvinnufæran vegna ástandsins.
Í bréfinu kemur fram að starfsmaðurinn sé „í
miklu áfalli vegna þess langvarandi ástands
sem hann hefur mátt þola og mun ekki mæta
til vinnu að læknisráði við óbreyttar aðstæður
enda er svo komið að vanlíðan á vinnustað lýsir
sér í alvarlegum líkamlegum einkennum og
hefur læknir rakið þau til langvarandi álags,“
og að læknir hafi beðið hann um að koma sér úr
ástandinu nú þegar.
Lögmaður starfsmannsins sendi bréfið fyrir
hönd hans þann 7. september síðastliðinn. Þar
sem engin svör höfðu borist við bréfinu ítrekaði
hann með öðru bréfi 26. október að fundin yrði
lausn í málinu. Því bréfi var svarað og í svarinu
kom fram að rannsókn væri hafin á málinu. Sú
rannsókn verður framkvæmd af sálfræðingum
og hefst í lok mánaðarins.
Um síðustu mánaðamót fékk starfsmaðurinn
ekki greidd laun þrátt fyrir að vera með læknis-
vottorð upp á það að hann gæti ekki verið í
vinnunni vegna ástandsins. Hann hafði þá fengið
sendan starfslokasamning sem hann hefur ekki
undirritað þar sem hann telur starfslokin ekki
vera á eðlilegum forsendum.
Hjálmar Árnason vildi ekki tjá sig um mál ein-
stakra starfsmanna þegar eftir því var leitað.
Hann sagði málið sorglegt og dapurlegt. „Þetta
er fyrst og fremst leiðinlegt mál,“ segir Hjálmar.
viktoria@frettabladid.is
Sakar framkvæmdastjóra
Keilis um langvinnt einelti
Starfsmaður hjá Keili sakar framkvæmdastjórann um langvinnt einelti gagnvart sér. Starfsmaðurinn er í veikinda-
leyfi vegna eineltisins og fékk ekki borguð laun um mánaðamótin. Framkvæmdastjórinn segir málið sorglegt.
KEILIR Maðurinn hafði starfað hjá Keili frá 2008.
Hann segir eineltið hafa byrjað eftir að hann fór
fram á launaleiðréttingu fyrir hönd starfsmanna sem
trúnaðarmaður þeirra.
Þetta er fyrst og
fremst leiðinglegt mál.
Hjálmar Árnason,
framkvæmdastjóri Keilis,
miðstöðvar vísinda, fræða
og atvinnulífs
SANDGERÐI Bæjarstjórn Sand-
gerðisbæjar hefur samþykkt að
kaupa eignir fyrir milljarð af
Eignarhaldsfélaginu Fasteign.
Kaupin eru fjármögnuð með láni
frá Íslandsbanka.
Eignirnar sem um ræðir eru
íþróttamiðstöð bæjarins og eldri
bygging grunnskólans. Bygging-
arnar voru áður í eigu bæjarins
en með kaupunum lýkur aðild
Sandgerðisbæjar að Fasteign þar
sem engar eignir bæjarins verða
eftir þann tíma í eigu eignar-
haldsfélagsins.
Samkvæmt fundargerð Sand-
gerðisbæjar marka kaupin loka-
áfanga markmiða sem sett voru
um endurskipulagningu skulda
og skuldbindinga. - nej
Endurheimta íþróttahúsið:
Kaupa eignir
fyrir milljarð
SANDGERÐI Bæjarfélagið lýkur nú
endurskipulagningu skulda sinna og
skuldbindinga. FRÉTTABLAÐIÐ/STEFÁN
ÞÝSKALAND Lendingarfar geim-
farsins Rosettu lenti í gær á
halastjörnunni 67P/Tsjúrjúmov-
Gerasímenkó, eins og að hefur
verið stefnt í meira en áratug.
Mikill fögnuður braust út meðal
vísindamanna Evrópsku geim-
ferðastofnunarinnar, ESA, í Darm-
stadt í Þýskalandi síðdegis í gær,
þegar ljóst var orðið að allt hefði
gengið að óskum.
Engan veginn var öruggt fyrir-
fram að allt myndi heppnast. Sjö
tímar liðu frá því lendingarfarið
var losað frá geimfarinu þangað til
það lenti á halastjörnunni klukkan
16.03.
Farið lenti óskemmt á yfirborði
halastjörnunnar en búnaður til að
halda því stöðugu virðist þó ekki
hafa virkað sem skyldi.
„Við urðum fyrst til að gera
þetta, og það mun lifa til eilífð-
ar,“ sagði Jean-Jacques Dordain,
framkvæmdastjóri ESA, og reyndi
ekki að leyna stolti sínu fyrir hönd
sinna manna.
Nú fara í hönd margvíslegar
rannsóknir á halastjörnunni, og
vonast vísindamenn til að fá þar
vísbendingar um hvernig hala-
stjörnur og aðrir hlutir í geimnum
verða til og þróast.
- gb
Vísindamenn ESA fögnuðu ákaft í gær:
Fyrsta lendingin á
halastjörnu tókst vel
FÖGNUÐUR Vísindamenn Evrópsku geimferðastöðvarinnar, ESA, í Frankfurt í gær.
FRÉTTABLAÐIÐ/AP
2004 Könnunargeimfarinu Rosettu var skotið frá jörðu 2. mars, eftir ýmsar
tafir.
2007 Rosetta fer nálægt reikistjörnunni Mars þann 25. febrúar.
2008 Rosetta fer þann 5. september nálægt smástirninu Steins í 400
milljóna kílómetra fjarlægð frá jörðu.
2010 Rosetta sendir myndir frá smástirninu Lutetiu, milli Mars og
Júpíters.
2014 Fyrstu sendingar frá Rosettu berast 20. janúar eftir nærri þriggja ára
orkusparnaðardvala.
Rosetta tekur þann 6. ágúst sveig inn að halastjörnunni og fer á
sporbraut umhverfis hana.
Lendingarfarið Philae lendir á halastjörnunni þann 12. nóvember.
Frá jörðu til halastjörnu