Iðjuþjálfinn - 01.05.2003, Blaðsíða 24

24 - IÐJUÞJÁLFINN 1 / 2003
Ég var þeirrar reynslu aðnjótandi að star-
fa um skeið í velmetnum grunnskóla sem
einnig er miðstöð sérkennslu á norður Jót-
landi í Danmörku. Í farteskinu þaðan hef
ég dýrmæta reynslu og innsýn af fyrir-
myndar íhlutun tengda nemendum með
hreyfihömlun, aðrar sérþarfir og þverfag-
legum vinnubrögðum sem mig langar til að
deila með ykkur iðjuþjálfum hér heima. Ég
vil nefna að ég hef ekki reynslu af þjónustu
iðjuþjálfa í íslensku skólakerfi.
Skólinn þjónustar um 60 hreyfi-
hamlaða og fjölfatlaða nemendur
Skólinn sem um ræðir, rúmar 480 nemendur, þar af
um 60 hreyfihamlaða og fjölfatlaða nemendur í sér-
bekkjardeildum frá forskóla til níunda bekkjar. Nem-
endur koma víðsvegar af norður Jótlandi og eru
sóttir á morgnana og keyrðir heim að loknum skóla-
degi. Öll hafa þau þörf á sértækri námsaðstoð, þjálf-
un og eftirfylgd fleiri fagstétta. Þessir einstaklingar
hafa greinst með heilalömun, síbreytilega vöðva-
spennu, (spastísk og athetose einkenni, helftar-
lömun, diplegi og tetraplegi). Einnig klofinn hrygg,
ýmsa vöðvasjúkdóma, gigt, erfið S.I. vandamál og
ýmis heilkenni, þó ekki down heilkenni né þroska-
skerðingu. Nemendurnir hafa margir hverjir að auki
ýmis önnur vandamál svo sem skerta sjón og floga-
veiki. Misþroska börn svokölluð DAMP börn fá þjón-
ustu iðjuþjálfa og sjúkraþjálfara í sérbekkjardeildum,
í sínum hverfisskóla. Einnig er starfandi skóladag-
heimili við skólann, þar sem nemendur hafa mögu-
leika á tómstundaiðkun eins og reiðmennsku.
Nemendur hefja ýmist nám við skólann við upp-
haf síns skólaferils eða er vísað frá öðrum skólum,
eftir sameiginlega ákvörðun og mat kennara, skóla-
stjóra, skólaráðgjafa og foreldra. Nemandinn fer í
mat hjá PPR (pædagogisk og psykologisk rådgivn-
ing), iðjuþjálfa og sjúkraþjálfara í sveitarfélaginu sem
í hlut á. Þar er gengið úr skugga um, að nemandinn
geti nýtt sér þá þjónustu sem boðið er upp á í
„vernduðu skólaumhverfi“.
Við upphaf skólaárs er gert ítarlegt og nákvæmt
heildarmat á nemandanum. Það er grunnur að gerð
markvissrar íhlutunar, ráðgjöf og fræðslu til foreldra,
fagstétta og annara sem viðkoma nemandanum.
Einnig að vali á hjálpartækjum.
Nemendur hafa möguleika á að fara inn í al-
menna bekki í einstökum fögum þar sem þau standa
jafnfætis faglega og félagslega. Skólinn er vel til þess
fallinn að rúma hreyfihömluð börn með sérþarfir.
Hönnun skólans, flestar innréttingar, umhverfi,
sundlaug/íþróttasalir, jákvætt og hlýlegt starfsfólk er
sönnun þess. Það leikur engin vafi á því, að flestum
börnunum líður vel í daglegu umhverfi sínu, þar sem
nær alla þjónustu sem þau þurftu á að halda er að
sækja undir sama þaki.
Öll þjónustan undir sama þaki
Það hefur marga kosti í för með sér að nær öll þjón-
usta er undir sama þaki. Barnið þarf ekki að hendast
milli margra mismunandi staða til að sækja þjónust-
una. Dagurinn verður meira samfelldur og minna
álag á barnið. Báðir foreldrar geta jafnvel verið úti á
vinnumarkaðnum og þurfa ekki að þeytast með barn
sitt frá einum stað til annars. Þar að auki býður um-
hverfið upp á náið og nauðsynlegt þverfaglegt sam-
starf milli hinna ólíku fagstétta.
Við skólann starfa um 130 manns. Auk kennara
með sérmenntun, leikskólakennara, og þroskaþjálfa,
Fagþekking iðjuþjálfa
kemur að miklu gagni
innan skólaþjónustu
- Vannýtt auðlind sem mætti nýta í mun ríkara mæli
innan íslenska skólakerfisins
LINDA PEHRSON,
IðJUþJÁLFI Á
ENDURHÆFINGASVIðI
LANDSSPÍTALA
HÁSKÓLASJÚKRAHÚSS
FOSSVOGI
Nemendur hafa möguleika á að fara inn í al-
menna bekki í einstökum fögum þar sem þau
standa jafnfætis faglega og félagslega