Tímarit hjúkrunarfræðinga - 01.10.2007, Blaðsíða 8

Valgerður Katrín Jónsdóttir, valgerdur@hjukrun.is
„MIKLU SKIPTIR AÐ TALA VIÐ SJÚKLINGANA
OG HLUSTA Á ÞÁ“
- Lækningalind Bláa lónsins í nýja húsnæðinu
Starfskonur Lækningalindarinnar, frá vinstri, Dagmar Jóna Elvarsdóttir, Esther Hjálmarsdóttir og Ulla Urskov
„Með þessu mannvirki hefur starfsemi lækninga-
lindarinnar fengið þá umgjörð sem sómi er að,“
segir Magnea Guðmundsdóttir, kynningarstjóri
Bláa lónsins, er ritstjóri Tímarits hjúkrunarfræðinga
sótti lækningalindina heim fyrir skömmu.
Starfsemin var áður í gömlu og úr sér
gengnu húsnæði. Magnea segir að auk
þess sem aðstaðan hafi gjörbreyst hafi
gott andrúmsloft gömlu deildarinnar fylgt
þeim yfir í nýja húsnæðið. Við göngum um
húsnæðið og skoðum aðstöðuna. Gestir
geta, auk þess að baða sig í lóninu, en
ráðlagt er að gera það tvisvar á dag,
klukkutíma í senn, farið í orkuherbergi
þar sem m.a. er lýsing í loftinu sem
vinnur gegn þunglyndi, Ijósmeðferð,
vatnsleikfimi og líkamsræktarsal. Kísill,
rakakrem og sölt eru notuð í meðferðinni
og borin á tvisvar til þrisvar á dag og
oftar ef þörf krefur. Boðið er upp á góðan
íslenskan mat og salatbar og súpa er á
boðstólum á hverjum degi. Gestirnir eru
á öllum aldri, þeir koma með tilvísun frá
húðlækni, a.m.k. þeir sem búa á Stór-
Reykjavíkursvæðinu, en hinir sem búa úti
á landi skila inn vottorði frá heimilislækni.
Þrír til fjórir dagar til vika er lágmarksdvöl
en meðaldvalartíminn er tvær til þrjár
vikur. Innlögn er frá einni viku til fjögurra
vikna en rannsóknir hafa sýnt að bestur
árangur næst við þriggja til fjögurra vikna
meðferð. Steingrímur Davíðsson, húð-
læknir lækningalindarinnar, fylgist svo
með meðferðinni.
í nýju lækningalindinni eru 15 tveggja
manna herbergi og gestir frá 20 þjóð-
6
Tímarit hjúkrunarfræðinga - 4. tbl. 83. árg. 2007