Morgunblaðið - 11.09.1957, Blaðsíða 11

Miðvikudagur 11. sept. 1957
MORGVNBLAÐIÐ
11
SjÖtugur r dag:
Einar Jónsson, Bakka
í DAG er Einar Jónsson bóndi
á Bakka í Landeyjum sjötugur.
Hann er fæddur í Seljalands-
seli undir Eyjafjöllum hinn 11.
sept. 1887, sonur hjónanna Jóns
Sigurðssonar og konu hans Ólaf-
ar Eyjólfsdóttur. Með þeim flutt-
ist hann að Tjörnum undir Eyja-
fjöllum, 11 ára gamall, vorið 1899.
Og þar eyddi Einar sínum æsku
og manndómsárum, því þar stóð
heimili hans í yfir 40 ár. Að
Brúnum í sömu sveit flutti hann
búferlum 1940, eftir að ágangur
vatna hafði útilokað, að haldið
yrði áfram búskap á Tjörnum.
Milli Tjarna og Brúna er ekki
löng leið en Einari og konu hans
voru sporin frá Tjörnum þung
spor. Oft var að vísu vandséð,
hvernig tækist að ráða fram úr
vandamálum líðandi stundar. En
það var sem hulin verndarhendi
veitti liðsinni, þegar dekst var í
álinn.
Á Brúnum bjuggu þau hjónin
svo í nokkur ár, eða þar til þau
fluttust að Bakka í Landeyjum
árið 1947, þar sem þau hafa búið
síðan. Vorið 1922 gekk Einar að
eiga Kristbjörgu Guðmundsdótt-
ur. Þar eignaðist Einar svo heil-
steiptan og traustan lífsförunaut
að betri myndi ekki.
Þau Kristbjörg og Einar eign-
uðust 12 börn. Af þeim eru 8 á
lífi. Auk þess eignaðist Einar son
áður en hann kvæntist. öll eru
börn Einars dugmikið og efnilegt
fólk.
Slík er umgjörðin að sögu Ein-
ars á Bakka í þessi ár. En innan
þeirrar umgjörðar er baráttusaga
þar sem ekki gafst tóm til að
hugsa um eigin vellííSan. Um-
hyggja fyrir eiginkonu og börn-
um spurði ekki um slíkt. Lífið
var fórn, oft blandin gleði og
hamningju, en oft hvíldu skugg-
ar yfir. Afkomuöryggið skorti.
Einar hefur ekki verið heilsu-
hraustur um langt bil. En um
slíkt var ekki fengist. Kröftun-
um var beitt til hins ýtrasta, svo
að heimilið liði ekki tilfinnan-
legan skort, og var þó betra að
um hinar brýnustu þarfir væri
einungis hugsað. Umfram þær
var ekki um neitt að ræða. Sú
saga er alkunn og mun vera saga
flestra, sem líkt hefur verið
ástatt um pg Einar á Bakka. En
Einar stóð ekki einn. Konan hans
var honum framúrskarandi sam-
hent, áreiðanlega ekki ofsagt,
þótt sagt sé frábær. Ráðdeild og
þrifnaður sátu í öndvegi.
Það er sannkallað afrek, að
koma hinum stóra barnahópi til
manns. Að vísu voru þrír drengj-
anna þeirra að mestu aldir upp
á heimilum í nágrenninu. Og
myndi ekki á því mega vel sjá,
hversu þungt var fyrir fæti, eða
hver lætur börn sín frá sér, þó
til góðs fólks sé, fyrr en annað
er fullreynt.
Á meðan Einar bjó á Tjörnum,
lagði hann á sig mikið erfiði til
að bæta jörðina þar, þó að ristu-
spaði væri oft eina verkfæri,ð
sem tiltækt var. Ég man vel,
hversu mér fannst Einari alltaf
farast túnasléttunin vel úr hendi.
Ég man líka, hve góður sláttu-
maður Einar var á þessum árum.
Væri hægt að kalla einhvern list-
fengan við slátt, myndi ég segja
að Einar hefði verið það.
Á vetrum var alla jafna farið
til verstöðva á Suðurnesjum eða
í Vestmannaeyjum. Þær ferðir
voru yfirleitt mjög erfiðar. Og
þá kom í hlut húsmóðurinnar að
annast bæði úti og inniverk. Þá
var heldur ekki einskis um vert
að hún var enginn meðalmaður.
Og þá var líka oft gott, að stutt
var milli bæjanna á Tjörnum og
nágrennið gott. Á báðum bæjun-
um uxu samtímis upp mörg börn
á svipuðum aldri. Þar ríkti þess
vegna oft gleði, jafnt á björtum
vordögum sem dimmum vetrar-
kvöldum.
Það er fagurt um að litast á
Tjörnum. f norðri og skammt
undan Fljótshlíðin og Eyjafjöll-
in eins og traustur varnarvegg-
ur, í suðri Vestmannaeyjar, brim-
sorfnir útverðir, í austri Mýrdals-
fjöllin og til vesturs sér til
Ingólfsfjalls og Hellisheiðar. Jörð
in grösug og þurrlend, mikið
gæðaland. f fjarska mátti heyra
vatnanið, þar sem Markarfljót
bylti sér til sjávar. Það var þess
vegna' margs að sakna, þegar
heimilið á Tjörnum, sem staðið
hafði í rúm 40 ár, var flutt það-
an.
Ég man Einar frænda minn frá
þessum árum. Alltaf léttan í
spori, glaðan og ræðinn. Einar
hefur alltaf verið mjög fróðleiks-
fús og bókhneigður. Hann hefur
alltaf haft brennandi áhuga á
vandamálum líðandi stundar og
hefur þá jafnan á þeim sínar
ákveðnu skoðanir. Hann er hrein
lyndur og hreinskiptinn. Hjálp-
samur öllum þeim, sem slíks
voru þurfandi og ósárt um, þótt
nærri væri gengið eigin hag.
Eins og áður er að vikið hafa
hjónin á Bakka misst fjögur börn,
öll í æsku. Var fráfall þeirra
allra hið mesta harmsefni þeim,
sem til þekktu. Tvær litlar stúlk-
ur, sem báðar hétu Lóa, aðeins
komnar á legg, og tveir synir,
Leifur og Þórarinn, sem báðir
fórust af bátum við Vestmanna-
eyjar. Tók þá út alveg á sama '
hátt og á mjög svipuðum slóð-
um, hvorn veturinn eftir annan.
Öll voru þau mannvænleg og
hvers manns hugljúfi. Ég rek þá
sorgarsögu ekki frekar hér. öll-
um, sem þekkja til, er hún í
fersku minni. Og marga vini áttu
Bakkahjónin þá. Allir vildu rétta
fram hönd til hjálpar og hugg-
unar. En í svo stórri sorg, fær
enginn mannlegur máttur aðgert.
Börn og ungmenni, sem hníga í
valinn, mitt í blóma lífs síns og
þegar hinar björtustu vonir, sem
við þau eru bundnar, virðast
vera að rætast, fær enginn bætt:
foreldrum. Björt bernskumynd,
sem eftir stendur er hin eina líkn
í þeim harmi. Það þarf hetju-
lund, sanna hetjulund til að taka
svo miklum missi. Sá, sem það
hefur reynt, getur vart orðið sam
ur eftir.
Kæri frændi. Einhver frægustu
orð, sem sagan geymir, eru þau
sem Nelson, hinn breski herfor-
ingi, sagði við menn sína, áður
en hann lagði í sína síðustú
orustu. Þau voru: England þarfn-
ast þess að hver maður geri
skyldu sína. Þegar þú lítur yfir
liðna tíð er margs að minnast.
Gleði og sorg hafa sótt þig heim.
Gæfa þín hefur verið fólgin í
samfylgd góðrar konu, sem aldrei
brást, gleðin hefur verið sönn-
ust og mest, þegar börnin þín
brostu við þér, sorgin sárust þeg-
ar þeim var svift burt.
En hvort sem gleði ríkti eða
sorgarský hvíldu yfir varstu hinn
sívökuli, umhyggjusami faðir,
með það eitt í huga, að reynast I
heimili þínu vel. Sá, sem slíkt |
gerir hefur vissulega gert skyldu j
sína. Megir þú njóta þess. I
S. E. H.
Pússningasandur
Fínn og grófur, til sölu. —
Sími 19296.
Útlend hjón
óska eftir íbúð, 2—4 herb.
Upplýsingar í síma 11031.
Múrarar
Múrara vantar til að múra
60 ferm. íbúð. — Upplýsing
ar í síma 24706.
Dugleg afgreiðslustúlka
Afgreiðslustúlka óskast nú þegar,
herbergi getur komið til greina
Matstofan Hvoll
Hafnarstræti 15,
Einar Eiríksson.
Saumastúlkur
1—2 vanar saumastúlkur
óskast nú þegar.
Verksm. Mínerva
Bræðraborgarstíg 7,
IV. hæð.
Frá Bifreiiasölunni
Njálsgötu 40.
Höfum ávailt kaupendur að
flestum tegundum og ár-
göngum bifreiða.
B:freiðasalan
Njálsg. 40. — Sími 11420.
TIL SÖLU
2 svefnstólar og bókahilla
með skápum (pólerað birki)
Til sýnis að Laugavegi 62,
uppi £ dag.
TIL LEIGU
1 herbergi með aðgangi að
eldhúsi, fyrir húshjálp. —
Tilboð óskast fyrir 15.
september, merkt: „H-ús-
hjálp — 6482“.
Unglingssfúlka
óskast til sendiferða og létt-
ari starfa. —
Nærfatagerðin s.f.
Hafnarstræti 11.
Uppl. ekki í síma.
Sólrík 3ja herbergja
Kjallara-ibúð
til leigu í Suð-vesturhænum.
Tilboð merkt: „Róleg —
6483“, sendist afgreiðslu
blaðsins.
Barnanáttföt
Vorum að taka fram ódýra
sendingu af þýzkum barna-
náttfötum og náttkjólum.
Olympia
Laugavegi 26.
STÚLKA
Óska eftir einu herb. og eld
húsi eða eldunarplássi. Má
véra lítið. Vil taka að mér
að sitja hjá börnum á kvöld
in, eftir samkomulagi. Tilb.
sendist afgr. Mbl., fyrir 12.
þ. m., merkt: „Þörf —
1001 — 6457“. —
Til sölu
Austin 10 model 7946
Bíllinn er í mjög góðu standi. — Til sýnis og sölu
við bifreiðaverkst. Jóns Friðgeirs, Hálogalandi,
í dag — sími 33510.
Vanur
IJtvarpsvirki
óskast sem fyrst.
Ceorg Ámundason
Viðtækjavinnustofa,
Sími 15485.
Innheimtumaöur
Vil ráða nú þegar vandaðan og duglegan
innheimtumann.
Um framtíðarstarf getur verið að ræða.
Eiginhandar umsókn, er greinir aldur, menntun og
fyrri störf, sendist Mbl. fyrir 15. þ mán.
merkt: „Ábyggilegur —6462“.
Tilboð óskast
í nokkrar fólksbifreiðir, er verða til sýnis að Skúla-
túni 4, fimmtudaginn 12. þ. m. frá kl. 1_3.
Tilboðin verða opnuð í skrifstofu vorri klukkan 5
sama dag. — Nauðsynlegt er að taka fram síma-
númer í tilboði.
Sölunefnd Varnáriiðselgna
Leiguíbúð óskast
4ra—5 herbergja íbúðarhæð óskast til leigu
strax eða 1. október nk/
Fyrirframgreiðsla.
IMýfa fasteignasalan
BANKASTRÆTI 7
Sími 24300 ðg kl. 7,30—8.30 e. h. 18546.
Nýkomð úrval af
ATVINNA
Ungur maður með 7 ára
verzlunarreynslu að baki,
óskar eftir vinnu í bókabúð.
Þó getur margt annað kom-
ið til greina. Hefur bílpróf.
Upplýsingar í síma 32619,
til næsta sunnudags.
Cretonne gluggatjaldaefnum
Gardínubúðin
Laugavegi 18