Morgunblaðið - 03.04.1986, Page 60

60
M
MORGUNBLAÐIÐ, FIMMTUDAGUR 3. APRÍL1986
fclk í
fréttum
„Kann vel við
Dalgliesh núorðið“
— segir Roy Marsden er leikur
lögreglumanninn snjalla
Adam Dalgliesh, hinn snjalla
leynilögregluþjón Scotland
Yard, kannast flestir íslenskir sjón-
varpsáhorfendur við úr þáttum sem
sýndir voru nú í vetur. Hann leikur
breski leikarinn Roy Marsden, sem
segist ekki almennilega átta sig á
vinsældum þáttanna, en viðurkenn-
ir að það sé e.t.v. ekki alveg að
marka, þar sem hann hafí aldrei
haft gaman af leynilögreglusögum.
„En ég kann vel við Dalgliesh
núorðið," sagði Marsden í viðtali
sem við rákumst á í erlendu blaði
nýlega. „Þegar ég fékk hlutverkið
velti ég því lengi fyrir mér hvemig
persónan ætti að vera. Ég fékk að
fylgjast með lögreglumönnum Scot-
land Yard í starfi um tíma og þá
komst ég að því, að hinn fágaði
leynilögreglumaður, sem semur ljóð
er raunverulega til. Adam Dalgliesh
er annars ösköp venjulegur Eng-
lendingur, ekkert sérlega frumlegur
eða spennandi. Hann á í vissum
erfiðleikum vegna tilfinninga sinna,
hann missti jú konu sína á sviplegan
hátt og reynir jrfirleitt í þáttunum,
án árangurs, að komast í nýtt ástar-
samband.
Að sumu leyti á ég auðvelt með
að setja mig í hans spor, hvað
einmanaleikann snertir. Eg kvænt-
ist ungur sænskri stúlku, en við
skildum eftir 5 ára hjónaband. Síð-
an liðu mörg ár áður en ég kvænt-
ist aftur. Nú er ég svo heppinn að
eiga góða konu, tvo yndislega syni
og hafa nóg að gera. Auk sjónvarps-
þáttanna sem orðnir eru nokkuð
margir og ákveðinn tími fer í að
gera á hveiju ári, hef ég fyrir reglu
að leika í a.m.k. einu verki á leik-
sviði ár hvert. Við erum 20 sem
höfum haldið hópinn um nokkurt
skeið og sett upp leikrit. í þetta
sinn varð „Rosmersholm" eftir
norska skáldið Ibsen fyrir valinu.
Roy Marsden,
leikarinn sem
leikur Adam
Dalgliesh slakar á
heima.
Reyndar er það eitt sem mig langar
til að framkvæma og það er að
gera James Bond-kvikmynd, lausa
við allan Hollywood íburðinn sem
mér fínnst alveg yfirgengilegur. En
það verður víst að bíða, þar sem
glíman við Adam Dalgliesh verður
á dagskrá í fyrirsjáanlegri framtfð."
Marsden lék
nýlega í
„Rosmersholm**
eftir Ibsen.
jóndaprir dómarar?
Ihita kappleikja er því oft haldið
fram að dómarinn sjái engan
veginn nógu vel. Þessir bresku dóm-
arar ætla ekki að láta segja slíkt
um sig og hafa útbúið sig vel fyrir
næsta leik!
Rod
Steiger
var að
gifta sig
Bandaríski leikarinn Rod Steig-
er, sem nú er rúmlega sextug-
ur, gekk í það heilaga fyrir skömmu
og var sú „heppna" söngkonan
Paula Ellis, 27 ára.
Brúðkaupið fór fram í London,
en þau hjónakomin hafa þekkst
nokkuð lengi, búið saman í ein fimm
ár.

Svipmyndir frá ís-
landsmótinu í brids
Þeir hafa vakið athygli bræðumir frá Siglufirði fyrir góða
spilamennsku, prúðmennsku og sérstæðan stíl. Sveitin varð I fjórða
sæti á íslandsmótinu sem lauk á páskadag. Frá vinstri: Jón, Ásgrimur,
Bogi og Anton Sigurbjömssynir.