Morgunblaðið - 01.03.1991, Page 52

— svo vel
sé tryggt
sjqvaHqalmennar
FÖSTUDAGUR 1. MARZ 1991
VERÐ í LAUSASÖLU 100 KR.
• •
Okutækjatryggingar:
Abyrgðartrygging
Jiækkar um 5-7% en
kaskótrygging lækkar
Tryggingafélögunum veröur heimilt að hækka iðgjöld ábyrgðar-
tryggingar ökutækja og framrúðutryggingar á bilinu 5-7% nú um
mánaðamótin, en kaskótryggingar eiga hins vegar að lækka um
10-15% samkvæmt tilmælum Tryggingaeftirlitsins. Iðgjald ábyrgðar-
og framrúðutrygginga hækkar samkvæmt þessu um allt að 15% frá
því 1. mars 1990, en iðgjald kaskótryggingar lækkar hins vegar.
Iðgjöldum hefur ekki verið breytt
í þessum tryggingagreinum síðan
1. mars 1988, en síðan þá hafa ið-
gjöldin fylgt verðlagsbreytingum
samkvæmt svokallaðri tjónavísi-
tölu. Að sögn Ragnars Ragnarsson-
^ar hjá Tryggingaeftirlitinu nemur
sú hækkun um 7% frá 1. mars
1990 til dagsins í dag, og að við-
bættri þeirri hækkun sem nú hefur
verið heimiluð gæti hækkun ið-
gjalds ábyrgðartryggingar nú orðið
um 15% frá því sem var í fyrra,
en aftur á móti gæti orðið lækkun
á iðgjaldi kaskótryggingar.
„Við höfum beðið vátryggingafé-
lögin að ákveða iðgjöldin innan
þessa ákveðna bils sem heimilað
hefur verið eftir því hver staða
hvers félags er í þessum greinum.
“ fkoman er örlítið mismunandi eft-
ir félögum í ökutækjatryggingum
auk þess sem félögin eru misjafn-
lega sterk fjárhagslega. Að okkar
mati ætti það að endurspeglast í
þeirri ákvörðun sem tekin verður,"
sagði Ragnar.
Hann sagði að Tryggingaeftirlit-
ið hefði farið fram á það við trygg-
ingafélögin að þau velji ekki þá leið
að hækka sem mest þau mega
ábyrgðar- og framrúðutrygging-
amar þar sem þannig sé ástatt og
lækka sömuleiðis eins lítið og hægt
er kaskótryggingar. Þess í stað líti
þau á þessar greinar í heild og
hvernig hvert félag hefur komið út
í þeim. „Þarna er í rauninni verið
að ýta undir það ‘að félögin taki
sjálfstæðari ákvarðanir en áður, en
þróunin hefur reyndar verið í þá
átt undanfarin ár. Það er óljóst
hvað þetta þýðir í iðgjaldsbreyting-
um hjá félögunum, en gróft sagt
má segja að þetta þýði um 2%
hærri iðgjöld til félaganna en áður
í þessum þremur greinum til sam-
Hátt á fjórða þúsund
ung’linga fermast
REIKNA má með að nær öll
þeirra 3.886 ungmenna, sem
fædd eru árið 1977 muni ferm-
ast á þessu ári. Af þeim eru
rúmlega 1.300 búsett í
Reykjavík.
Að sögn Guðmundar Þorsteins-
Grindavík:
Rafmagn fór
af er eldur
kom upp í
spennistöð
Grindavík.
ELDUR í spennistöð við
loðnubræðslu Fiskimjöls og
lýsis í Grindavík orsakaði
tveggja tíma rafmagnsleysi í
bænum í fyrrinótt.
Talið er að upptök eldsins
megi rekja til rafmagnstöflu
við inntak verksmiðjunnar og
varð af nokkur reykur. Greið-
lega gekk að slökkva eldinn en
fyrst eftir að rafmagn komst á
aftur léku eldglæringar um
rafmagnstöfluna.
Jón Pétursson verksmiðju-
stjóri sagði við Morgunblaðið
að verksmiðjan hefði ekki orðið
fyrir beinu tjóni, en bræðsla
stöðvaðist í hálfan sólarhring
meðan gert var við til bráða-
birgða.
Að sögn Jóns verður að
skipta um rafmagnskapla við
inntakið því þeir skemmdust í
brunanum. „Við erum með full-
ar þrær af loðnu og allt stopp
er slæmt,“ sagði Jón að lokum.
FÓ
sonar dómprófasts verða fyrstu
fermingarnar 24. mars, pálma-
sunnudag, hjá stærstu söfnuðun-
um í Reykjavík, en í dreifbýli er
oft miðað við hvítasunnuna.
Að sögn sr. Bernharðs Guð-
mundssonar blaðafulltrúa þjóð-
kirkjunnar, eru 96% landsmanna í
lúthersku kirkjunni eða öðrum
kristnum söfnuðum. Þar af er inn-
an við 1% unglingar, sem ákveða
að fermast ekki jafnvel þótt þau
hafi tekið fullan þátt í fermingar-
undirbúningi.
Morgunblaðið/Þorkell
Björn Halldórsson lögreglufulltrúi með amfetamínið, sem falið var í borðinu, til hægri á myndinni.
Lögreglan handtók mann með 1 kíló af amfetamíni:
Eiturlyf falin í borði og
send í flugi til landsins
Stærsta amfetamínsending sem lagt hefur verið hald á hér
FÍKNIEFNADEILD lögreglunnar í Reykjavík handtók síðdegis í
gær 34 ára mann með 1 kíló af amfetamíni í fórum sínum. Amfet-
aminið fannst falið í gömlu borði sem sent hafði verið til lands-
ins með flugvél frá Lúxemborg og maðurinn hafði skömmu áður
sótt á vöruafgreiðslu Flugleiða. Þetta er stærsta amfetamínsend-
ing sem lögregla hér á landi hefur lagt hald á.
Borðið var sent til landsins um
miðjan mánuðinn á nafn annars
manns en tollgæslan komst að því
hvert innihaldið var. Rannsókn
lögreglunnar leiddi fljótlega til
þess að grunur beindist að þessum
manni og fylgdist lögreglan með
ferðum hans. Eftir að hann hafði
í gær sótt borðið í flugafgreiðslu
Flugleiða var hann eltur að heim-
ili sínu í Reykjavík og handtekinn
þar. Búist er við að í dag verði
gerð krafa um að maðurinn, sem
áður hefur komið við sögu fíkni-
efnamála, verði úrskurðaður í
gæsluvarðhald.
Að sögn Björns Halldórssonar
lögreglufulltrúa, sem stjórnar
rannsókninni, má búast við að
efnið hefði verið þynnt um helm-
ing áður en því hefði verið dreift
til kaupenda, þannig að segja
mætti að komið hefði verið í veg
fyrir dreifingu á tveimur kílóum
af efninu. Talið er að gramm af
amfetamíni seljist að jafnaði fyrir
um 5 þúsund krónur og sam-
kvæmt því er verðmæti þeirrar
sendingar sem lögreglan lagði
hald á í gær um 10 milljónir króna.
Aðeins tvisvar á undanförnum
áratug, árin 1986 og 1984, hefur
lögregla Iagt hald á meira en eitt
kíló af amfetamíni á heilu ári. Þá
var alls lagt hald á 1,4 - 1,7 kíló
af efninu. Tvö undanfarin ár hef-
ur verið lagt hald á um 200
grömm af amfetamíni hvort ár
og 1988 kom lögregla höndum
yfir 640 grömm af amfetamíni.
Afkoma Eimskips á árinu 1990:
Hagnaðurinn af rekstri Eim-
skips í fyrra var 341 milljón
Nýtt gámaskip afhent félaginu í dag
HAGNAÐUR varð af rekstri Eimskipafélags Islands að upphæð 341
milljón króna á síðasta ári. Hagnaður ársins er 4,7% af veltu og
arðsemi eigin fjár er 11%. Rekstrartekjur félagsins og dótturfélaga
á árinu námu 7.306 milljónum króna, sem er 19% veltuaukning frá
árinu á undan þegar rekstrartekjurnar námu 6.136 milljónum. Hörð-
ur Sigurgestsson, forstjóri Eimskips, segir að þessi niðurstaða sé í
aðalatriðum í samræmi við áætlanir. I dag bætist nýtt gámaskip,
Dettifoss, við skipaflota félagsins og verður það afhent í Hamborg.
Kaupverð þess var tæpar 700 milljónir kr. í maí á síðasta ári þegar
það var keypt.
Eigið fé Eimskipafélagsins í árs-
lok 1990 var 3.902 milljónir króna
og eiginfjárhlutfall 45%. Á síðasta
ári jukust heildarflutningar félags-
ins um 5% frá árinu á undan eða
úr 949 þúsund tonnum í 993 þús-
und tonn.
Hörður Sigurgestsson sagði að
við hlutabréfaútboð í haust hafi
verið gert ráð fyrir að hagnaður
ársins yrði u.þ.b. 347 milljónir kr.
„Þegar sú áætlun var gerð var óséð
hvaða áhrif Persaflóastríð hefði,
meðal annars í hækkuðu olíuverði,“
sagði hann.
Hörður sagði að hagnaður fé-
lagsins árið 1989 hefði verið 189
milljónir eða 3,9% af veltu. Að sögn
Harðar hefur afkoma félagsins
sveifíast á milli ára. „Hagnaður af
sölu skips og gengishagnaður
vegna fallandi verðs dollarans hefur
áhrif á afkomuna á síðasta ári,“
sagði Hörður.
Félagið festi kaup á Dettifossi á
fyrri hluta síðasta árs en það hefur
fram að þessu verið í leiguverkefn-
um erlendis fyrir fyrri eigendur.
Dettifoss er systurskip Bakkafoss,
sem Eimskip hefur á leigu. Er það
tæpir 107 metrar á lengd og getur
flutt 458 gámaeiningar en burðar-
geta skipsins er 7.700 tonn.
Kaupin eru liður í endurnýjun á
skipaflota Eimskips. Á síðasta ári
keypti það fjögur skip; Skógafoss,
Reykjafoss, Urriðafoss og Stuðla-
foss, og á árinu 1989 keypti félag-
ið Brúarfoss og Laxfoss. Eru Eim-
skip og dótturfyrirtæki þess nú með
15 skip í föstum rekstri.
Dettifoss er smíðað hjá Sietas-
skipasmíðastöðinni í Hamborg árið
1982. Fer það í siglingar á Norður-
landaleiðum, þar sem það mun
halda uppi vikulegri áætlun ásamt
Bakkafossi. Hefur það áætlun sína
í Danmörku og er væntanlegt til
Islands 13. mars.
Aðalfundur Eimskips verður
haldinn 7. mars og verður þá lögð
fram ársskýrsla félagsins fyrir árið
1990.