Morgunblaðið - 17.03.1992, Qupperneq 5

MORGUNBLAÐIÐ IÞROTTIRÞRIÐJUDAGUR 17. MARZ 1992
B 5
Morgunblaðið/Theodór
ðsstjóri, Bjarki Þorsteinsson, Birgir Mikaels-
Morgunblaðið/Theodór
ríms, þegar ljóst var að sætið í deildinni var
fnsdóttur, formanni körfuknattleiksdeildarinn-
flugferð
SKIÐI / HEIMSBIKARKEPPNIN
Fyrsti sigur Aamodt
Paul Accola sigraði í heimsbikarnum samanlagt og í risasviginu
KJETIL Andre Aamodt frá Nor-
egi sigraði í síðasta mótinu í
risasvigi íheimsbikarkeppninni
sem fram fór í Aspen í Banda-
ríkjunum um helgina og var
þetta fyrsti sigur hans í heims-
bikarnum. Paul Accola frá
Sviss varð þriðji og dugði það
honum til að verða stigahæstur
í risasviginu.
Aamodt, sem sigraði í risasvig-
inu á Ólympíuleikunum, var
að vonum ánægður með fyrsta sig-
ur sinn í heimsbikarnum. Hann
þurfti að leggjast inn á sjúkrahús
fyrir keppnistímabilið vegna veik-
inda og því var ekki búist við miklu
af honum í vetur.
„Þegar ég lá á sjúkrahúsinu fyr-
ir keppnistímabilið hugsaði ég að-
eins um að geta lifað eðlilegu lífi á
nýjan leik, og bjóst ekki við því að
geta keppt mikið á skíðum,“ sagði
Aamodt eftir sigurinn.
Brautinn var geysilega erfið og
margir þekktir skíðamenn féllu úr
keppni. Aamodt var nærri dottinn
í tvígang, en tókst að standa alla
leiðina í mark. „Ég skil ekki hvern-
ig ég fór að því að standa niður
brautina. Tvisvar var ég nærri dott-
inn en mér tókst einhvern vegin að
koma mér í gegnum hliðin,“ sagði
hinn tvítugi Norðmaður alsæll.
Marc Girardelli var meðal þeirra
sem féllu úr keppni, en hann hafði
vonast eftir góðum úrslitum til að
sigra Accola í heildarkeppni risa-
svigsins og komast nær Alberto
Norðmaðurinn Kjetil Andre Aamodt fagnar sigri í risasvigi. Gunther Mader frá Austurríki (til vinstri) varð annar
og Paul Accola frá Sviss þriðji. Accola sigraði í stigakeppni risasvigsins.
Tomba, sem er í öðru sæti í heildar-
stigakeppni vetrarins. Það tókst i
ekki því hann féll úr keppni í sama
hliði og Aamodt var nærri dottinn í.
Accola fór brautina af öryggi,
að því er virtist. „Ég tók enga
áhættu. Ég varð að fá góðan tíma
til að halda mínu og því ætlaði ég
að fara brautina af öryggi og vand-1
aði mig því mikið. Það munaði samt
ekki nema hársbreidd að ég færi á
hausinn nokkrum sinnum. Þetta var
mjög erfið braut,“ sagði hann.
Góður endir hjá Mahrer
Daniel Mahrer frá Sviss hefur
verið iðinn við kolann síðan á
Ólympíuleikunum. Um helgina sigr-
aði hann í síðasta brunmóti heims-
bikarsins og tryggði sér þar með
annað sætið í stigakeppninni. Með
sigrinum kórónaði Mahrer tímabilið
hjá sér, en síðan Ólympíuleikarnir
voru í Frakklandi hafa verið þijú
brunmót. Mahrer hefur tvívegis far-
ið með sigur af hólmi og einu sinni
varð hann að sætta sig við annað
sætið.
Franz Heimer frá Sviss, sem
hafði tryggt sér sigur í brunkeppn-
inni, varð í sjötta sæti um helgina.
A.J. Kitt frá Bandaríkjunum
tryggði sér þriðja sætið með því að
ná áttunda sæti um helgina.
ISHOKKI
Morgunblaðið/Jón Svavarsson
Skautafélag Akureyrar varð á laugardaginn fyrsti íslandsmeistarinn í íshokkí. Sigurlið SA var skipað eftirtöldum,
aftari röð frá vinstri: Benedikt Sigurgeirsson, Pekka Santanen, þjálfari, Magnús -Finnsson, þjálfari, Baldur Gunnlaugs-
son, Garðar Jónasson, Sigurgeir Haraldsson, Haukur Hallgrímssonj Heiðar Gestur Smárason, Sigurður Sveinn Sigurðs-
son, Héðinn Björnsson. Fremri röð frá vinstri: Sveinn Björnsson, Ágúst Ásgrímsson, Heiðar Ingi Ágústsson, Sigurgeir
Soöbek, Birgir Júlíusson, Jónas Björnsson, Einar Gunnarsson og Ágúst Ásgrímsson.
Með liðinu í vetur léku einnig: Sigurbjörn Þorgeirsson, Birgir Ágústsson, Lýður Ólafsson, Davíð Bjömsson, Jón Björns-
son, Atli Ólafsson og Bergþór Ásgrímsson.
Akureyringar unnu
fyrsta meistaratKilinn
Skautafélag Akureyrar tryggði
sér sigur á fyrsta íslandsmót-
inu í íshokkí með því að vinna bæði
Skautafélag Reykjavíkur á skauta-
svellinu í Laugardal á laugardaginn.
SA vann Björnin á föstudags-
kvöld 10:1 og síðan Skautafélag
Reykjavíkur á laugardag, 7:0. Ein-
um leik er ólokið í Bauer-deildinni,
leik Bjarnarins og SR, en hann
breytir engu um úrslit mótsins.
Ákureyringar voru mun betri
eins og lokatöluvnar gefa til kynna.-
Þeir gerðu tvö mörk í fyrsta leik-
hluta og bættu síðan við fjórum í
öðrum leikhluta og sjöunda markið
kom rétt fyrir leikslok. Ágúst Ás-
grímsson gerði 3 marka SA og þeir
Sigui’geir Haraldsson, Garðar Jón-
asson, Héðinn Björnsson og Baldur
Gunnlaugsson gerðu sitt markið
hver.
„Okkur líður mjög vel eftir sigur-
inn. Þetta er árangur sem að var
stefnt,“ sagði Magnús Finnsson,
þjálfari SA. „Við teljum að við séum
vel að titlinum komnir. Við teljum
okkur hafa ákveðið forskot á liðin
í Reykjavík. Við erum með stráka
sem hafa verið á skautum frá fimm
ára aldri og hafa því meiri skauta-
tækni en Reykvíkingarnir,“ sagði
þjálfarinn.
SA hlaut 14 stig úr 8 leikjum,
SR er í öðru sæti með 10 stig eftir
7 leiki og Björninn hefur ekki hlot-
ið stig.
Markahæsti leikmaður mótsins
var Heiðar Ingi Ágústsson, SA.
Kronberger
stendur vel
aðvígi
PETRA Kron-
berger f rá
Austurríki
stendur vel
að vígi í
keppninni
samanlagt.
Carole
Merle f rá
Frakklandi
ersúeina
sem getur
hugsanlega
náð henni að
stigum þeg-
ar aðeins tvö
heimsbikar-
mót eru eftir.
Kronberger
Kronberger varð að taka á
honum stóra sínum til að
vinna í bruninu á laugardaginn.
Það gekk allt á afturfótunum
hjá henni á æfingum fyrir
keppnina. „Ég sagði við sjálfa
mig að ég hlyti að geta betur,
og það tókst,“ sagði Kronberger
eftir sigurinn.
Með sigrinum færist hún nær
þriðja sigri sínum í röð í heims-
bikarkeppninni. Hún hefur 194
stiga forskot á Merle og tvö
mót eftir, svig _og stórsvig um
næstu helgi.
„Ég þarf að fá nokkur stig
til viðbótar til að tryggja mér
sigur,“ sagði Kronberger. „Ég á
að geta það - og ég ætla að
gera það,“ bætti hún við.
Merle var ánægð með annað
sætið í bruninu. „Þetta var gott
hjá mér því ég er langt á eftir
í bruninu. Ég er mjög ánægð
ef ég kemst á pall þar,“ sagði
hún. í risasviginu sigraði hún
hins vegar og þar varð Kronber-
ger að sætta sig við tólfta sætið.
■ ÚrsHt V B6
I

!
:
í
-■