Morgunblaðið - 02.09.1992, Blaðsíða 2

2 B
MORGUNBLAÐIÐ FRETTIR MIÐVIKUDAGUR 2. SEPTEMBER 1992
Fundað um
alþjóðleg
hagsmunamál
ALÞJÓÐASAMTÖK fiskveiði-
þjóða funda þessa dagana í
Reykjavík um helztu alþjóðleg
hagsmunamál fiskveiðiþjóða, svo
sem umhverfismál, tollabandalög,
hval- og selveiðar og veiðar utan
200 mílna lögsögu. Samtökin voru
stofnuð árið 1988 og hefur þeim
fjölgað hægt og bítandi síðan. ís-
land gerðist aðili að þessum sam-
tökum 1989. Arlega er fundað um
þessi heiztu málefni.
Samtökin eru í raun byggð upp
af samböndum hagsmunaaðila innan
hvers ríkis fyrir sig og eru því ekki
á sviði stjórnkerfisins, enda er hlutur
af starfsemi þeirra fólginn í því, að
efla meðvitund stjórnvalda í aðildar-
löndunum um mikilvægi sjávarút-
vegs í matvælaframleiðslu. Samtök-
in eru í dag mynduð af Samtökun
þýzkra togaraútgerða, Sjávarút-
vegssamtökum í Kína, Kanada, Nor-
egi, Bandaríkjunum, Japan og Kóreu
og Samtökum fiskiðnaðarins á Nýja
Sjálandi auk Samstarfsnefndar at-
vinnurekenda í sjávarútvegi hér á
landi.
Dagskrá fundarins hófst með
ávarpi Þorsteins Pálssonar, sjávar-
útvegsráðherra, setningu fundarins
og ávörpum gesta, þeirra Daniels
Goodmans frá sjávarútvegsráðu-
neyti Kanada, sem fjallaði um sjáv-
arspendýr og fiskistofna og Eriings
Haukssonar, sjávarlíffræðings, sem
ræddi um útbreiðslu sela í Norður-
Atlantshafi, stöðu þeirra í lífkeðj-
unni og áhrif á fiskveiðar. Síðar um
daginn var fyrirtækið Haraldur Böð-
varsson hf. á Akranesi heimsótt svo
og Hvalstöðin í Hvalfirði. í dag heim-
sækja fundarmenn fiskmarkaðina í
Reykjavík og Hafnarfirði og hlýða
á fyrirlestur Magnúsar Guðmunds-
sonar, kvikmyndagerðarmanns. Eft-
ir hádegi verður fundarhöldum fram
haldið, en þá flytur Guðmundur Ei-
ríksson, sendiherra, erindi um Hval-
veiðiráð Norður-Atlantshafs og Sig-
fús Schopka, fiskifræðingur, fræðir
menn um þorskstofna í Norður-Atl-
antshafi. Þá verður fjajlað um Al-
þjóða hvalveiðiráðið, túnfiskveiðar
og umhverfisverndarsamtök. Á
morgun, fimmtudag, verður fundi
fram haldið með umræðum um um-
hverfísmál, ákvarðanir um heildar-
afla, fiskveiðistefnu EB, fríverzlun,
gæði og hreinlæti og fleira. Fundin-
um lýkur þann dag.
Stórlúðan beið eftir stærri króki
Morgunblaðið/Helga Halldórsdóttir
ÞINGEYRI - MITT í allri umræðunni um kvóta-
skerðingu og lélegt fiskirí virðist þó vera einn og
einn fiskur í sjónum, sem hreinlega biður um að
vera veiddur og er tilbúinn að bíða dögum saman
eftir passlegum króki til að bíta á. Ragnar Gunn-
arsson á Þingeyri var á dögunum við veiðar á
fjögurra tonna trillu sinni, Unni RE 501, þegar
eftirfarandi atburður átti sér stað: „Ég vár stadd-
ur grunnt út af Kópanesi í Arnarfirði á handfæra-
veiðum, þegar ég varð var við að stórlúða elti
krókana upp á yfirborðið og synti í kringum bát-
inn, veifaði siðan sporðinum og hvarf. Ég reyndi
mikið að ná henni en ekkert gekk, enda eru hand-
færi ekki heppilegustu veiðarfærin fyrir þessa
stærð af skepnum. Ég tók niður staðsetninguna
og hélt heim á leið en var staðráðinn í að reyna
við hana aftur,“ sagði Ragnar.
„Næstu daga var bræla og ógæftir en fimm
dögum síðar gaf á sjóinn aftur og þá safna ég
liði, en það voru þeir Halldór Egilsson og Egill
sonur hans, ásamt tengdaföður mínum, Sigfúsi
Jóhannssyni. Við fórum á bát Halldórs, sem er tíu
tonna trilla, Björgvin Már ÍS 468, á sama stað og
fyrr. Þar lögðum við haukalóðir, en það er 240
króka Iúðulóð, og viti menn, skömmu síðar beit
skepnan á, stórlúða, sem vó 128 kíló og var 2,08
metrar á lengd,“ sagði Ragnar Gunnarsson.
Á myndinni eru frá vinstri: Ragnar Gunnars-
son, Egill Halldórsson, Sigfús Jóhannsson og Hall-
dór Egilsson.
Telja Færeyinga stunda
ólöglega veiði í Barentshafi
Norðmenn segja Færeyinga
mun meira út af
þorski en þeir segist veiða
NORSKA sjáv-
arútvegsblaðið
Fiskaren telur
flytja munmeira út af *~ð
Færeyingar
hafi flutt út
fiskafurðir, sem svari til nærri tvöfalds þess afla, sem þeir hafa
gefið upp árið 1991. Með öðrum orðum að Færeyingar hafi stund-
að ólöglegar veiðar, einkum í Barentshafinu, í stórum stíl. Kjartan
Hoydal, fiskimálastjóri Færeyja, hafði áður neitað öllum ásökunum
um ólöglega veiði, en segir nú í samtali við norska blaðið, að
málið verði kannað ofan í kjölinn. Fiskaren greinir einnig frá því,
að rússnesk yfirvöld hafi nú stöðvar veiðar Færeyinga innan lög-
sögu sinnar vegna rökstudds gruns um ólöglega veiði.
Samkvæmt upplýsingum
Fiskaren, veiddu Færeyingar
23.691 tonn af þorski árið 1991.
Það ár nam útflutningurinn hins
vegar 3.271 tonni af ísuðum
þorski, 5.800 tonnum af frystum
flökum og 8.556 tonnum af salt-
fiski. Sé það reiknað yfir í afla upp
úr sjó, svari það til nærri 40.000
tonna. Axel Nolsoy, Hagstovustjóri
Færeyja, segir að Færeyingar hafi
flutt inn 3.500 til 4.000 tonn af
þorski í fyrra til frekari vinnslu
og endurútflutnings, en Fiskaren
segir að samt vanti að gera grein
fyrir 15.000 tonnum af þorski.
Þá bendir blaðið á þá stöðu, að
Færeyingar hafi ekki veitt upp
kvóta sína innan lögsögu annarra
þjóða. 1991 höfðu þeir kvóta upp
á rúm 19.000 tonn af þorski og
ýsu hjá öðrum þjóðum, en þeir
tóku aðeins tæp 17.000 tonn, þrátt
fyrir að aflaheimildir á þessum
tveimur fisktegundum hafi verið
helmingaðar á heimaslóðinni frá
1989. Fiskaren segir, að sé gert
ráð fyrir því að uppgefinn þorsk-
afli af heimaslóðinni sé réttur,
8.700 tonn og 4.000 tonn hafi ver-
ið flutt óunnin inn, hafi Færeying-
ar veitt 30.000 tonn innan lögsögu
annarra ríkja. Blaðið getur þess,
að þessi afli svari til afla 6 færey-
skra togara, sem stunda veiðar í
Barentshafínu og bendir á, að mik-
ið vanti upp á, að Færeyingar full-
nýti kvóta sinn innnan lögsögu
Rússlands samkvæmt uppgefnum
tölum, en annars staðar sé uppgef-
inn afli nær leyfilegum kvóta eins
og á íslandsmiðum.
Treystu engum betur
en Hugleiðum
fyrir viðkvæmum
og dýrmætum farmi
Fraktvélar Flugleiða fljúga á sunnu-
dögum, og oftar ef þarf, til og frá
Evrópu, nánar tiltekið Oostende í
Belgíu. Burðargeta fraktvélanna er 45
tonn og því eru þessar ferðir tilvaldar
fyrir þá sem þurfa að flytja vörur í
stórum einingum eða miklu magni.
Starfsfólk Flugleiða aðstoðar við-
skiptavini sína fúslega við að koma
fraktinni á endanlegan áfangastað ef á
þarf að halda. Daglegt áætlunarflug
Flugleiða er síðan til 15 landa og
þangað flytja Flugleiðir að sjálfsögðu
einnig frakt. Nánari upplýsingar í
síma 690 101.
FLUGLEIDIR
F R A K T i
f á Eyrópumarkað
Fréttir vikunnar
Frystitogari
á Seyðisfjörð
■ NÝR frystitogari, Ottó
Wathne, kom til heimahafnar
á Seyðisfirði í síðustu viku.
Togarinn er í eigu samnefnds
útgerðarfélags og kemur í
stað eldri ísfisktogara með
sama nafni. Sá togari verður
seldur og hefur Hraðfrysti-
hús Eskifjarðar verið nefnt
sem hugsanlegur kaupandi.
Skipið er keypt frá Noregi,
en það var smíðað á Spáni
árið 1991. Það er 720 tonn
að stærð og frystigeta á sólar-
hring er 50 tonn.
-----------
Samstarfi
slitið í Eyjum
SAMSTARFI þeirra Sigurðar
Einarssonar, forsljóra ís-
félags Vestmannaeyja hf., og
Magnúsar Kristinssonar, að-
stoðarforsljóra fyrirtækisins,
lauk í síðustu viku. Magnús
og fjölskylda hans, sem eiga
Tungu hf., kaupa af fyrirtæk-
inu frystitogarann Vest-
mannaey og bátinn Smáey,
sem hafa samtals 2.800 tonna
kvóta og láta á móti eignar-
hlut sinn I ísfélaginu hf., um
25%. Samstarf þetta hófst í
árslok í fyrra, er þeir Sigurð-
ur og Magnús sameinuðu fyr-
irtæki sín Isfélag Vestmanna-
eyja og Hraðfrystistöðina í
Vestmannaeyjum.
----♦-♦-*--
Loðna til
Grindavíkur
LOÐNA barst í fyrsta sinn á
þessari vertíð til Grindavíkur
í siðustu viku og hefur loðna
ekki borizt þar á land svo
snemma vertíðar áður. Það
var Háberg GK 12, sem Fiski-
rajöl og lýsi gerir út, sem kom
með fyrsta farminn að þessu
sinni.
----♦-♦-«--
Miklu minna
flutt utan
FYRSTU sjö mánuði þessa árs
hefur sala á ferskum þorski
á erlendum mörkuðum dreg-
izt saman um 23% miðað við
sama tímabil í fyrra, eða úr
10.400 tonnum í 8.000 tonn.
Sala á ýsu hefur dregizt sam-
an úr 7.600 tonnum í 4.600
eða um 39%. Sala á ufsa hefur
þá dregizt saman um 20%, en
karfasala er svipuð nú og í
fyrra.
----♦_♦_,--
Aflabrestur
við Grænland
ÞORSKVEIÐAR Grænlend-
inga gengu verr en dæmi eru
um á fiskveiðiárinu, sem-nú
er að ljúka. Alls veiddust nú
um 1.800 tonn, en Royal
Greenland, framleiðslufyrir-
tæki landstjórnarinnar, hafði
gert ráð fyrir 8.000 tonna
afla. í fyrra var veiðin 13.000
tonn og 25.000 tonn árið 1990.
Tekjurnar af veiðunum verða
nær hálfum milljarði króna
minni á þessu ári en í fyrra.
----♦-»■■♦-
Minni afli
á úthaldsdag
AFLI á hvern úthaldsdag
skipa Útgerðarfélags Akur-
eyringa hefur dregizt saman
um 25% á fjórum árum. Afli
á hvern úthaldsdag árið 1988
var 16 tonn en var 12 tonn á
fyrri helmingi þ'essa árs.