Morgunblaðið - 03.10.1993, Blaðsíða 4

4 C
MORGUNBLAÐIÐ SUNNUDAGUR 3. OKTÓBER 1993
Rafdrifid reiðhjól
ó 100 þúsund kr.
ÞEGAR 10 milljóna kr. Porsche ofbýður buddunni,
hvað þá 1,5 milljóna kr. japanskur fjölskyldubíll, eiga
menn samt kost á þægilegu farartæki til að komast
til og frá vinnu. Rafdrifna reiðbjólið Herkúles sem
framleitt er í Niirnberg í Þýskalandi kostar ekki nema
um 100 þúsund kr. og kemst það 20 km á hleðslunni
sé ekki hjólað með.
Rafreiðhjólið var sýnt á bílasýningunni í Frankfurt í byij-
un mánaðarins og vakti mikla athygli. Rafhlaðan er fest
framan við stýrið og tekur tvo tíma að hlaða hana. Hún
veitir orku sem samsvarar hálfu hestafli inn á rafmótor sem
er áfastur afturhjólinu. Hjólið er með þremur gírum og há-
markshraðinn er 20 km á klst. Með því að stíga á fótstigin
nær hjólið fyrr upp hraða.
Stígi reiðhjólamaðurinn ekki á fótstigin dregur hjólið um
20 km á einni hleðslu og veitir auk þess orku til halogen-
ljósa sem lýsa hvort sem hjólið er á ferð eða í kyrrstöðu.
Með fullum búnaði vegur Herkúles-hjólið 30 kg og er gert
fyrir reiðhjólamenn 90 kg að þyngd og léttari. ■
RAFREIÐHJÓLIÐ dregur 20 km á einni hleðslu.

ÖLAFUR Jóhannsson, endurmenntunarstjóri Kennaraháskóla Islands, ávarpar gesti við setningu ökukennara-
náms í Kennaraháskólanum í byrjun vikunnar.
Ökukennaranám sett
í Kennaraháskólanum
ÖKUKENNARANÁM var sett
formlega síðastliðinn mánudag á
vegum endurmenntunardeildar
Kennaraháskóla íslands. Þá hafði
fornám fyrir hluta af hópnum
staðið yfir í eina viku. Alls sóttu
47 manns um skólavist en 29 kom-
ust að, nemendur hvaðanæva að
af landinu. Andrés Guðmundsson
er verkefnisstjóri og annast um-
sjón með kennslunni.
Námið er að umfangi 15 einingar
en það samsvarar 15 vinnuvikum.
Miðað er við að vinna nemenda sé í
hverri viku 40-60 tímar 'en 25
kennslustundir eru í hverri viku.
Þessum 15 vikum er dreift á lengri
tíma og lýkur náminu í lok júní.
„Þetta er gerbreytt nám. Í gegnum
tíðina hefur ökukennaranám verið
með ýmsum hætti. í bifreiðalögum
frá 1948 eru fyrstu ákvæði um lög-
gildingu ökukennara. í framhaldi af
því voru sett ákvæði um að væntan-
legir ökukennarar tækju ákveðið
próf. Bifreiðaeftirlitið sá um þetta á
sínum tíma, þ.e. prófanefnd, og próf-
in voru haldin nokkuð oft. Prófin
voru auglýst og menn mættu í þau
og þreyttu þau. Síðar, 1985 og 1986,
voru haldin tvö námskeið til undir-
búnings þessu prófi. Námskeiðin
stóðu yfir í íjórar eða fimm vikur.
Þar voru aðrar áherslur uppi og'
námsefnið var umferðarlög og reglu-
gerðir, bifreiðatækni, umferðarör-
yggisfræði og fleira og í mun stærra
hlutfalli en kennslufræði og uppeldis-
fræði, sem núna er um það bil helm-
ingur. Ökukennarar sem nú eru starf-
andi koma úr þremur mismunandi
kerfum. Elstu mennirnir fengu rétt-
indin með meiraprófinu á sínum tíma,
stór hópur tók þetta ökukennarapróf
og einn hópur tók námskeiðin, sem
fyrr er getið um,“ sagði Andrés.
Aðspurður um hvort þetta nýja
fyrirkomulag yrði til að bæta mjög
ökukennaranámið sagði Andrés að
það gæti ekki versnað. „Það er mikil
umræða um ökukennslu og umferð-
armenningu. Við hljótum að álykta
svo að bætt ökukennaramenntun skili
betri ökukennslu. Hann sagði að hug-
myndir að náminu væru að einhveiju
leyti fengnar frá öðrum löndum en
einnig var sótt til þeirrar reynslu sem
er fyrir hendi í Kennaraháskólanum
varðandi menntun kennara almennt.
Ég held að það megi fullyrða að við
séum komnir þokkalega langt fram
á veginn með þessari breytingu,"
sagði Andrés.
Uppeldisfræftl
Hann sagði að áherslubreytingarn-
ar sem hefðu orðið í þessu námi mið-
að við það sem áður var væru þær
að nú er lögð mun meiri áhersla á
uppeldis- og kennslufræði. Námið er-
einnig lengt. Andrés sagði að þeir
sem hefðu próf í uppeldis- og
kennslufræði gætu fengið það metið
en fæstir hefðu áhuga á því vegna
þess að í náminu væri strax vikið að
sértækari þáttum í ökukennaranám-
inu. Námið kostar 190 þúsund kr. ■
Willys jeppi gegnum nýbyggingaráð
ÁRIÐ er 1947 og ekkert fæst keypt nema tilskilin leyfi hafi fengist, allra síst gjaldeyr-
isfrek munaðarvara eins og bílar. Þá var Marteinn Davíðsson múrarameistari ungur
maður og vantaði hann sárlega góðan jeppa og leitaði því til frænku sinnar, Árnýjar
Filippusdóttur’ skólastýru í Kvennaskólanum í Hveragerði, um að hún sækti um leyfi
til nýbyggingaráðs um kaup á Willys-jeppa. Það gekk eftir og Marteinn fékk jeppann.
*
A jeppanum
WILLYS árgerð 1946, X-476, sem Marteinn Davíðs-
son keypti fyrir nýbyggingaráðsúthlutun árið 1947.
„Þetta var nýbyggingaráðsút-
hlutun sem Árný fékk. Það var al-
deilis ekki hægt að fara í bílabúð
og kaupa sér nýjan bíl á þeim árum,
allt þurfti að fara í gegnum Sigurð
Þórðarson frá Nautabúi sem sat í
nýbyggingaráði, en forstjóri þess
var dr. Oddur Guðjónsson. Bíllinn
kostaði 10.190 krónur. Ég átti hann
í tíu ár og ók honum um 60 þúsund
km og reyndist hann mér afar vel.
Þá seldi ég hann Þorsteini Ársæls-
syni múrara," sagði Marteinn í sam-
tali við Morgunblaðið.
„Það var allt hægt að fara á
þessum bíl, hann var það léttur að
tveir menn gátu lyft honum. Þetta
er með betri bílum sem ég hef átt.“
Marteinn var með innflutning á
marmaramulningi á þessum árum
og ferðaðist víða um land í starfser-
indum. „Ég var eina nótt veður-
tepptur í miðju Siglufjarðarskarði á
bílnum sem þá var einn af hæstu
fjallvegum landins. Um morguninn
var sólbráð og þá komst ég það sem
enginn annar kopst og kom niður
að Haganesvík. Ég var náttúrulega
frískur á þessum árum og á nýjum
bíl. Það var miðstöð í bílnum að
nafninu til og reyndar ekki sem
verst. En bíllinn var allur mjög þétt-
ur,“ sagði Marteinn. ■
Kvittanir fyrir bílinn sjálfan frá Hjalta Björns-
syni & Co. og Olíuverslun íslands vegna kaups
á 10 lítrum af BP-bensíni, en það ár kostuðu
10 lítrar af bensíni 6.90 kr.
ÞJÓFAVÖRN í lyklinum að Esc-
ort 1994 árgerð.
Þjófavörn
í lyklinum
NÝ gerð þjófavarnarkerfis verð-
ur í öllum Ford Escort 1994 ár-
gerð sem seldir verða í Bretlandi
og einnig í Ford Fiesta. Þjófa-
vörnin er í svisslyklinum en inni
í honum er radarsvari sem tekur
á móti merki og sendir frá merki.
Fjölmargar gerðir þjófavarna-
kerfa fyrir bíla hafa verið settar á
markað en ekkert lát virðist samt
á bílþjófnuðum. Dótturfyrirtæki
Texas Instrument í Englandi hefur
þróað þetta tæki. í radarsvaranum
er kennimerki sem aðeins á við um
eitt ökutæki. Þegar lykilinn er sett-
ur í svissinn og honum snúið send-
ir hann um leið merki til móttakara
í stýrinu. Ef kennimerki radarsvar-
ans er hið sama og kennimerki bíls-
ins fer bíllinn í gang. Sé kennimerk-
ið rangt kemur tölvuflaga í bílnum
í veg fyrir að hægt sé að ræsa vél-
ina, lokar fyrir eldsneytisinnspýt-
ingu og rafkerfi vélarinnar.
Framleiðendurnir staðhæfa að
hið sama gerist ef þjófar reyna að
tengja framhjá startaranum. ■