Morgunblaðið - 22.02.1994, Side 3

MORGUNBLAÐIÐ IÞROTTIR ÞRIÐJUDAGUR 22. FEBRÚAR 1994
B 3
VETRARÓLYMPÍULEIKARNIR í LILLEHAMMER
Lundberg vann
tvíkeppnina
FRED Börre Lundberg frá Nor-
egi hlaut gullverðlaun í norrænni
tvíkeppni. Lundberg, sem er góður
göngumaður, sigraði óvænt í stökk-
inu á föstudag og fékk 23 sekúndna
forskot í 15 km göngunni á laugar-
dag. Fyrirfram var búist að Japan-
irnir Takanori Kono og Kenji Ogiw-
ara myndu bítast um sigurinn. Kono
varð annar og Bjarte Engen Vik,
enn einn Norðmaðurinn sem hlýtur
verðlaun, varð þriðji.
Gott veður áfram
Veðurfræðingar spá því að hið
frábæra veður sem leikið hefur um
gesti og gangandi í Lillehammer
undanfarið haldist óbreytt a.m.k.
fram á miðvikudag. Svo gæti farið
að örlítið myndi snjóa á fimmtudag.
Lee-Gartner hættir
keppni í vor
Kanadíska stúlkan Kerrin Lee-
Gartner, sem átti titil að veija í
brunkeppninni, ákvað ekki að vera
með fyrr en sólarhring fyrir keppn-
ina og náði aðeins 19. sæti. Hún
var góð vinkona Ulriku Meier heit-
innar og dauði hennar var Lee-
Gartner þungbær. Hún sagðist þó
hafa haft gaman af keppninni, en
tilkynnti á eftir að hún myndi hætta
keppni í vor. „Ég sé talsvert golf
og eitthvað af börnum fyrir mér í
framtíðinni."
Idag
Dagskrá Ólympiuleikanna er
þannig í dag; íslenskir tímar:
Skíðaganga:
9.30 - 4x10 km boðganga
karla.
Skíðastökk:
11.30 - Liðakeppni af háum
palli (120 m palli)
Skautahlaup:
18.00 - 1.000 m hlaup karla
og 3.000 boðhlaup kvenna.
Íshokkí:
Átta liða úrslit; útsláttarkeppni:
Slóvakía-Rússland, Kanada-
Tékkland, Þýskaland-Svíþjóð,
Finnland-Bandaríkin.
Loks sænskt gull
Reuter
PERNILLA Wiberg brosti breitt eftir sigurinn í alpatvíkeppnini. Hún er hér, fyrir miðju, ásamt Vreni Schneider, t.v.
sem fékk silfur, og Alenku Dovzan, sem hlaut bronzið — það eru fyrstu verðlaun Slóveníu á Vetrarólympíuleikum.
Svíar geta sigrað!
„ÉG sat á kaffihúsinu við rás-
markið þegar ég frétti að kóng-
urinn og drottningin væru með-
al áhorfenda og ég ákvað að
gera allt sem ég gæti til að
færa Svíþjóð gull,“ sagði Pern-
illa Wiberg eftir að hún sigraði
í alpatvíkeppni kvenna í gær.
Þá var keppt í svigi, en brunið
fór fram á sunnudag.
Svíum hefur ekki gengið vel það
sem af er leikunum og því
voru gullverðlaun Wiberg kærkom-
in en fyrir alpatvíkeppnina hafði
Svíðþjóð ekki unnið til verðlauna í
Lillehammer og leiddist Norðmönn-
um lítið við að minna frændur sína
á það. Wiberg sigraði í stórsvigi í
Albertvjlle fyrir tveimur árum og
þá var Karl Gústav, konungur Svía
viðstaddur. Hann var einnig við-
staddur núna ásamt Silvíu drottn-
ingu og voru þau að vonum ánægð
með sigur Wiberg og fögnuðu vel
og léngi þegar úrslitin voru ljós.
Karl Gústaf virðist hafa góð áhrif
á þegna sína því í Albertville klapp-
aði hann Wiberg á bakið áður en
hún fór síðari ferðina. Það klapp
hvatti hana til dáða og svo var einn-
ig nú. Henni tókst að skjóta svig-
meistaranum Vreni Schneider ref
fyrir rass.
Wiberg hefur verið meidd og fáir
áttu von á að hún næði að sigra á
Ólympíuleikunum í Lillehammer.
„Sigurinn hefur margvíslega þýð-
ingu fýrir mig. Ef einhver hefði
sagt mér í fyrra að ég myndi vinna,
hefði ég hlegið, en ég hef æft vel
eftir að ég náði mér af meiðslunum.
Alpagreinarnar eru fjórar og ég
held að menn verði að geta keppt
í þeim öllum. Þess vegna stefni ég
að heimsmeistaratitli,“ sagði gull-
stúlka Svía. -
Baráttan um heimsmeistaratitil-
inn stendur á milli Wiberg og
Schneider, en önnur hvor þeirra
gæti á næstu dögum orðið fyrst
kvenna til að vinna þrenn gullverð-
laun í alpagreinagreinakeppni
Ólympíuleika. Keppt verður í stór-
svigi á morgun og svigi á laugar-
dag.
Rcuter
Fyrsta gull Austurríkis
EMESE Hunyady, sem er á myndinni hér að ofan í Víkingaskips- höllinni í
Hamri, sigraði í 1.500 m skautahlaupi kvenna í gær og Austurríkismenn fengu
þar með fyrstu gullverðlaun sín á leikunum nú, og í þessari grein frá upphafi.
Hún fékk tímann 2 mínútur, 2,19 sekúndur. Önnur varð rússneska stúlkan
Svetlana Fedotkina, sem kom mjög á óvart og Gunda Niemann frá Þýska-
landi, sem talin var sigurstranglegust, varð að láta sér lynda þriðja sætið.
Hunyady, sem fékk silfurverðlaun í 3.000 m hlaupinu í síðustu viku, er borinn
og barnfæddur Ungvetji en fluttist til Austurríkis fyrir 10 árum ásamt þjálf-
! ara sinum. Hún er 27 ára.___________________;_____________
Jegorova;
Rússneska göngukonan Ljubov
Jegorova skráði nafn sitt á
spjöld ólympíusögunnar i gær þegar
hún hreppti sjötta ólympíugull sitt
en það hefur aðeins einn keppandi
gert áður; sovéski skautahlauparinn
Lídía Skoblikova á leikunum árið
1960 og 1964.
Jegorova hafði fengið fimm gull-
peninga á Ólympíuleikum áður en
kom að 4x5 km boðgöngu kvenna
í gær. Þar gekk hún siðasta spölinn
fyrir Rússa og gerði það með slíkum
glæsibrag að óhætt er að segja að
hún hafi hlaupið kílómetrana fimm
en ekki gengið þá. Norðmenn höfðu
hálfrar mínútu forystu þegar Jeg-
orova lagði af stað og í fyrstu
brekkunni stakk hún norsku stúlk-
una Anitu Moen hreinlega af.
Það var sama hvernig blaðamenn
reyndu að fá Jegorovu til að ræða
um metjöfnun hennar, gullpening-
ana sex, hún var ekkert nema lítil-
lætið. „Ég hleyp ekki á eftir metum
og þau skipta mig engu máli. Ég
æfi bara eins vel og ég get,“ sagði
hún ánægð með sigur rússneksu
sveitarinnar.
Jegorova hefur keppt í níu grein-
um á ólympíuleikum og alltaf hlotið
gull eða silfur. Hún á því níu verð-
launapeninga og getur jafnað met
sovésku göngustúlkunnar Raisu
Smetanínu en hún fékk tíu verð-
launapeninga á sínum tíma. Jeg-
orova getur jafnað metið þegar hún
tekur þátt í 30 km göngu á fimmtu-
daginn og það er mikið í húfi.
Jegorova, sem vann til þrennra
gullverðlauna í Albertville, er í mik-
illi keppni við Norðmanninn Björn
Dæhlie um að verða sigursælasti
keppandinn á vetrarólympíuleikum.
Jegorova keppir alltaf degi á undan
Dæhlie en þar sem Norðmaðurinn á
aðeins eftir að keppa í tveimur gi-ein-
um verður hann að bíða í fjögur ár
til að ná tíunda verðlaunapeningnum.
Jegorova getur hins vegar náð hon-
um á morgun.
„Það eru allir að tala um met,
en þau hafa enga þýðingu fyrir
mig. Ég tel að ég eigi ekki mikla
möguleika á að ná í verðlaun í 30
kílómetra göngunni, en ég mun
gera mitt besta. Þetta verður trú-
lega síðasta greinin sem ég keppi í
á Ólympíuleikum og það er erfitt
að ganga svona langt. Sálfræðilega
verður þetta mjög erfitt fyrir mig,“
sagði Jegorova._______________
Fulltmar mennta-
málarádherra í
Lillehammer
ÓLAFUR G. Einarsson, mennta-
málaráðherra, sem jafnframt er
íþróttamálaráðherra, hafði hugsað
sér að heimsækja Lillehammer í boði
norska mennta- og menningarmála-
ráðuneytisins, en komst ekki vegna
anna. I hans stað fóru Guðríður Sig-
urðardóttir, ráðuneytisstjóri og
Reynir Karlsson, íþróttafuiltrúi ríkis-
ins. Þau komu til Lillehammer í gær
og verða fram á fimmtudag. J
íslenska alpalidið
komið aftur til
Lillehammer
ÁSTA Halldóradóttir. kom til Lille-
hammer aftur í gær eftir að hafa
æft í Östersund og Are frá því fyrir
helgi. Hún ætlaði sér að keppa í svigi
i Are en því var frestað. Kristinn og
Haukur fóru til Geilo sl. fimmtudag
og æfðu svig og stórsvig. Þeir komu
einnig í ólympíuþorpið i gær. Kristinn
keppir í stórsvigi á morgun og Ásta
í sömu grein á fimmtudag.
Daníel fékk ferð á
Ólympíuleikana í
afmælisgjöf
DANÍEL Hilmarsson frá Dalvík, sem
keppti á Ólympíuleikunum í Caígary
1988, er hér i Lillehammer til að
fylgjast með leikunum. Hann fékk
utanlandsferðina í afmælisgjöf, en
hann varð þrítugur á dögunum.
Daníel er nú skíðaþjálfari á Dalvík
og hyggst notfæra sér þessa heim-
sókn m.a. til að sjá þá allra bestu í
keppni.
Anderson fimm
hringjum á eftir
„Supermann“
HJALMAR „Hjallis" Anderson, sem
vann þrenn gullverðlaun fyrir Norð-
menn í skautahlaupi á Ólympíuleik-
unum í Ósló 1952, afhenti Johanni
Olav Koss „Supermann", eins og
hann er nú kallaður, gullverðlaunin
fyrir sigurinn 10.000 metra hlaupinu
á sunnudaginn. Anderson, sem er
70 ára, tók einn hring í skautahöll-
inni áður en keppnin hófst í Hamar
á sunnudaginn við mikla hrifningú
áhorfenda. Þegar Anderson vann
10.000 metra hlaupið 1952 (16.45,8
mín.) hefði hann verið fimm hringjum
á eftir Koss (13.30,55 mín.). í 10.000
metrunum eru hlaupnir 25 hringir.
Pernilla fékk koss
frá kónginum
Karl Gústav Svíakonungur og Silvia
drottning voru á meðal áhorfenda i
Háfjalli í gær og sáu Pernillu Wiberg
vinna fyrstu gullverðlaun Svía á leik-
unum. Konungshjónin fóru með sig-
urbros á vör upp að endamarkinu
strax eftir keppnina og óskuðu Pern-
illu til hamingju með kossi. Kóngur-
inn var einnig viðstaddur er hún varð
Ólympíumeistari í stórsvigi í Albert-
ville fyrir tveimur árum.
Margir Svíar í
NHL-deildinni
TUTTUGU og níu sænskir íshokkí-
leikmenn spila í bandarísku NHL-
) deildinni. Þeirra á meðal eru; Peter
Anderson (New York Ragners), Ulf
og Kjell Samuelsson (Pittsburgh),
Pelle Eklund og Tommy Döderström
(Los Angeles Kings), Mats Sundin
(Quebec) og Ulf Dahlen (Dalls). Einn-
ig eru sænskir þjálfarar hjá mörgum
þjóðum. Bengt „Fisken“ Ohlson er
með Norðmenn, Curt Lindström þjálf-
ar Finna, Kjell Larsson Frakka og
Hans Lindberg þjálfar Svisslendinga.