Morgunblaðið - 08.04.1994, Blaðsíða 7
MORGUNBLAÐIÐ FÖSTUDAGUR 8. APRÍL1994
C 7
Á hreindýraveiðum við Snæfell
Gert að hreindýri við Kofaöldu á Vesturöræfum. Á myndinni eru
Atli Ómarsson og Sigurður Aðalsteinsson.
ÞAÐ hefur færst í aukana að
íslendingar fari í veiðiferðir til
útlanda, t.d. á hreindýraveiðar
til Grænlands, villisvínaveiðar
til Rússlands, fasanaveiðar til
Skotlands og á aðrar framandi
iendur til að kynnast veiðihefð,
náttúru og fólkinu sem þar býr.
Veiðidýr hér á okkar fallega
landi eru kannski fá ef miðað er
við ýmis lönd, en hér lifa villt
hreindýr sem eru veidd á ákveðnu
tímabili og fjöldi leyfilegra veiddra
hreindýra er háður kvóta sem
úthlutað er árlega og er sá kvóti
breytilegur frá ári til árs.
Lengst af hafa Austfirðingar
setið einir að þessum veiðum og
dýrafjölda úthlutað á hreppi og
sveitarfélög. Nú er svo komið að
hinum almenna veiðimanni gefst
kostur á, að veiða hreindýr á
austfirskum öræfum gegn gjaldi
sem rennur til rannsókna á hrein-
dýrastofninum.
Það er óhætt að segja, að hægt
sé að upplifa ósvikna ævintýraferð
austur á Hérað á hreindýra- og
gæsaveiðar. Veiðimenn þurfa að
setja sig í samband við hreindýr-
aráð eða hreindýraeftirlitsmenn,
sem eru ófáir í hverri sveit þar
eystra. Eftirlitsmaður fylgir veiði-
mönnum á slóðir dýranna og að-
stoðar skyttur eftir óskum þeirra.
Að vísu kostar þetta peninga, en
í þessu tilfelli fær veiðimaður að
eiga bráðina óskerta. Þar sem
ströng lög eru við innflutningi á
öllu kjöti, líka veiðibráð, geta
menn ekki tekið þá bráð sem þeir
fella á erlendum veiðislóðum heim.
Ég slóst í för með Atla Ómars-
syni og Sigurði Aðalsteinssyni,
bónda og hreindýraeftirlitsmanni
á Vaðbrekku, í hreindýraveiðiferð
sl. hast. Felld voru tvö dýr, tarfur
og kvíga auk kálfs, sem fylgdi
kvígunni. Verðflokkar eru nokkrir,
og miðað við skrokk eftir aðgerð.
Við vorum heppnir í þessari
ferð. Á fyrsta degi rákumst við á
300 dýra hjörð við Kofaöldu á
Vesturöræfum, austan við Krin-
gilsárrana. Hjörðin fór að Sauða-
hnjúki gegnt Snæfelli. Dýrin voru
felld þennan dag og grá- og heið-
argæsir voru einnig veiddar í ferð-
inni. Sannkölluð ævintýraferð,
sem aldrei gleymist.
Búnaður er nokkur, sem veiði-
menn þurfa að hafa meðferðis, en
það miðast við hversu lengi menn
hyggjast dvelja við veiðarnar. Lág-
marks skotvopn til hreindýraveiða
er 243 cal. riffíll. Aðalveiðitími er
fyrri hluta september. ■
Róbert Schmidt
Afsláttarkjör
hjá MALEV
í NÝJASTA hefti breska
ferðablaðsins Executive Tra-
vel segir að kaupi menn
flugmiða á C-klassa ung-
verska flugfélagsins Malev til
Búdapest fái gestir afhent
sérstakt hlunnindakort.
Meðal þess sem talið er upp
er afsláttur á hótelgistingu,
ferðum frá flugvelli og ókeypis
í lestir, sporvagna og strætó í
Búdapest. Þá er einnig boðinn
einn kvöldverður og má velja
milli allnokkra veitingastaða svo
og sérstök símalína sem veitir
gestum aðstoð á ensku ef þeir
eru ekki sleipir í ungverskunni.
Miðinn á C-klassa með Malev
frá London og til baka kostar
um 70 þúsund krónur. ■
Feri) í Stiklastaðahátíö hjá SL
SAMVINNUFERÐIR/Landsýn bjóða ódýra tveggja vikna ferð til
Þrándheims 26. júní og heim 11. júlí. Einnig verður sex daga ferð
19.880 kr. með flugvallarsköttum
frá 26. júlí tíl 1. ágúst. Flugfarið
og miðað við staðgreiðslu.
í tilkynningu ferðaskrifstofunnar
um þessa ferð er bent á, að auk
þess tækifæris að ferðast víða um
Norðurlönd sé hægt í seinni ferð-
inni að fylgjast með Stiklastaðahá-
tíðinni í Þrándheimi, en hún er dag-
ana 28.-31. júlí. Hátíðin er tileinkuð
Ólafí helga Haraldssyni og heitir
„Spelet om Heilag 01av“ og taka
um 300 manns þátt í þessum flutn-
ingi á Stiklastöðum. í kynningu
segir, að ár hvert komi um 25 þús.
manns á hátíðina, en hún hefur
verið haldin árlega frá 1954. ■
Tulipanaar í Hollandi
Um þessar mundir eru 400 ár
liðin frá því fyrsti túlipaninn
blómstraði í Hollandi eftír að
laukurinn hafði verið fluttur inn
frá Tyrklandi. Til að minnast
þessara sögulegu tímamóta hef-
ur hollenska ferðamálaráðið nú
hafið sérstaka kynningarherferð
sem heitír 400. túlipaninn.
Þessi herferð stefnir auðvitað að
því að laða fleiri erlenda ferðamenn
til Hollands og auka sölu á túlipön-
um. Alls konar uppákomur verða í
þessu túlípanasambandi, m.a. verða
málaðir túlipanar á leigubíla í Lond-
on en erfiðlega hefur gengið að fá
þá tillögu samþykkta af viðkomandi
leigubílstjórum. Túlipanaútflutn-
ingur gefur Hollendingum milljarða
í tekjur og túlipanaekrur þekja 16
þús. hektara landsins. ■
Metfjöldi á Manchestervelli
Morgunblaðið/JK
Frá Rangoon. Swedagon-pagóðan fyrir miðri mynd.
Fljótandi hótel í Rangoon
THAILENSK fyrirtæki hefur skrifað undir samning við stjórnvöld
í Búrma um að leggja tíl og reka fjögurra stjörnu fljótandi hótel í
Rangoon. Samningurinn er til 15 ára og þykir í frásögur færandi
því hingað til hafa ekki verið nein hótel í landinu sem hafa náð sér
í fjögurra stjörnu stímpil.
í nýrri skýrslu Breska ferða-
málaráðsins segir að árið 1993
hafi alls 13,393,381 farþegi farið
um flugvöllinn í Manchester og
er það nýtt met og 7,6 prósent
aukning frá árinu áður.
Frá miðborg Manchester
Manchester er að verða einhver
umsvifamesti flugvöllur Bretlands
að London flugvöllum frátöldum.
Þar var opnuð ný flugstöð á síð-
asta ári. Sömuleiðis voru járn-
brautarsamgöngur bættar til mik-
illa muna frá velli og inn í borg.
Þjónusta bæði við komu- og
brottfararfarþega þykir til mikillar
fyrirmyndar og þótt umferð sé
vaxandi um völlinn hefur tekist að
shdalda stundvísi þar í heiðri sem
er meira en
segja má um
Heathrow og
Gatwickvelli.
Mikil aukning
hefur orðið á
beinum flugum
til Manchester
frá aðskiljanleg-
um áfangastöð-
um bæði í Evr-
ópu og einnig
fjarlægari stöð-
um. Nú næsta
sumar bætast
við ferðir frá
Helsinki, Vínar-
borg og Kairó.
Manchester er um 260 km frá
London. Hún er leikhúsborg Bret-
lands í ár og hefur það örvað heim-
sóknir verulega að því er fram
kemur í fréttabréfinu. ■
Stærstu borgirnar
Borg Þús.ib.
TÓkíÓ 25.013
SaoPaulo 18.119
New York 16.056
Mexíkóborg 15.085
Shanghai -13.447
Bombay 12.223
LosAngeles 11.456
Buenos Aires 11.448
Seul 10.979
RiodeJaneiro 10.948
Peking 10.867
Kalkútta 10.741
Osaka 10.482
París 9.334
Tianjiin 9.206
Jakarta 9.249
Moskva 9.048
Heimild: Asiaweek. Miðað er við árið
1990. Fjölmennustu borgir 1960 voru
New Vork, Tókíó, London, Shanghai,
París, Buenos Aires, Los Angeles, Essen,
Peking og Osaka og f þessari röð.
Reksturinn hefst strax á þessu
ári og verður skipið, sem var byggt
í Finnlandi 1968 og gert upp á sl.
ári, með 132 herbergi. Eins og fram
hefur komið í ferðablaðinu hafa búr-
mísk stjórnvöld breytt reglum um
dvöl erlendra ferðamanna í landinu,
en þeir hafa lengst af ekki fengið
leyfi og áritun nema til vikudvalar,
en það hefur verið lengt í 14 daga
og kann að verða lengt í 3 vikur ef
nýja fyrirkomulagið gefst vel. ■