Morgunblaðið - 08.04.1994, Blaðsíða 8

8 C
MORGUNBLAÐIÐ FÖSTUDAGUR 8. APRÍL 1994
Ekki er tekið tillit til kvenna í viðskiptaerindum
KONUR hafa a undanförnum árum verið að hasla sér völl á leik-
velli viðskipta eins og annars staðar og þær hafa því ekki síður
en karlmenn í slíkum erindagjörðum þurft að skipta við flugfé-
lög, ferðaskrifstofur og hótel á vegum vinnunnar. En þrátt fyrir
þá staðreynd að um þriðjungur þeirra, sem ferðast í viðskiptaer-
indum landa á milli í hinum vestræna heimi, séu konur, hafa þjón-
ustuaðilar ekki tekið við sér sem skyldi.
Þetta kemur fram í grein, sem
birtist í flugblaði Eva Air á Taiw-
an, fyrir skömmu, þar sem m.a.
er fullyrt að mikið skorti á að
tekið sé tillit til sérþarfa kvenna
í viðskiptaerindum og því velt upp
hvort kvenmenn séu minnihluta-
hópur hvað þjónustu snertir.
Ros nokkur Martin, sem er
framkvæmdastjóri klúbbs
viðskiptakvenna í London, segir
að svarið sé hvorki einfalt né ein-
hlítt. Hinsvegar væru vissar regl-
ur, sem starfsfólk hótela ætti að
hafa í huga þegar einsömul kona
á í hlut. „Það á til dæmis ekki
að láta hana hafa herbergi í enda
á löngum og dimmum hótelgangi
og það á ekki að kalla upp her-
bergisnúmerið hennar í móttök-
unni svo allir viðstaddir heyri.
Fyrir utan þetta er það útbreiddur
misskilningur að kona, sem skráir
sig inn á hótel „í viðskiptaerind-
um“, þurfí annaðhvort að vera
einkaritari einhvers eða eiginkona
einhvers.“ Og Ros nefnir það einn-
ig að ef svo illa vill tjl að viðkom-
andi hótel sé yfírbókað þegar kona
mætir á staðinn á hún það yfir
höfði sér frekar en karlmaður að
vera vísað frá eða á annað hótel
án þess að starfsfólk bjóðist til
þess að útvega fría nótt, frían
málsverð, endurgreiðslu eða hvað
annað sem nöfnum tjáir að nefna
til að bæta viðskiptavinunum upp
skaðann.
Lykilorðið
Ákveðni er oft lykilorðið í slík-
Hlutir á borð við pils-hengi,
straujárn og hárblásara ættu
að vera sjálfsagðir á hótelher-
bergjum kvenna.
um aðstæðum. Rólegheit og ör-
yggiskennd kann að virka betur
en grátur og gnístran tanna. Og
það að fuðra upp í skyndingu án
þess að sjá fyrir afleiðingamar
kann vissulega að virka öfugt á
mótaðilann.
Ros bendir á að yfírleitt stundi
starfsfólk hótela ekki hugsana-
lestur. Því sé nærtækast að láta
Það er útbreiddur misskilningur að kona, sem skráir sig inn á
hótel „í viðskiptaerindum" þurfi annaðhvort að vera einkaritari
einhvers eða eiginkona einhvers.
í ljósi gremju sína strax, ef eitt-
hvað bjátar á, en geyma óánægj-
una inni í sér. Starfsfólkinu sé
ekki um að kenna ef það veit
ekki hvað ami að. Það gerir eng-
um mein að spyijast fyrir um
betri þægindi, óski menn þess.
Hárblásarar, straujárn og herða-
tré, sérstaklega ætluð pilsum, eru
oft ekki fyrir hendi þegar grípa
þarf til í flýti, en að mati Ros
ættu slík nútímaþægindi að vera
sjálfsagðir á hótelherbergjum
kvenna í viðskiptaerindum.
Bannllstinn
Persónulega segist hún leggja
mikið upp úr staðsetningu hótela
þegar hún er á ferðinni. Hún kjósi
hótel miðsvæðis, þar sem hún eigi
auðvelt með að hitta fólk í góðu
umhverfi. Hinsvegar séu hótel í
vafasömu hverfí á bannlista og
einnig hótel í svokölluðum „rauð-
um“ hverfum. Hún segir jafn-
framt að sundlaugar séu þarfa-
þing á ferðalögum þar sem að
afslöppun sé mikils virði að vinnu-
degi loknum og ekki væri það
verra ef boðið væri upp á nudd.
Að lokum gefur hún þau ráð að
peninga, ferðatékka, greiðslukort
og önnur verðmæti skuli ávallt
geyma í öryggishólfum hótela.
Forðast skal að bera dýra skart-
gripi á götum úti. Handtösku á
ekki að hengja á eina öxl svo lafí
niður heldur læsa hana um sig
miðja og ganga innarlega á gang-
stéttum til að forðast ræningja á
mótorhjólum, sem eru fljótir að
grípa töskur af gangandi vegfar-
endum. „En ef þú lendir í ræn-
ingjahöndum, afhentu þá það sem
þú ert með án mótmæla. Það er
skárra að missa eigur sínar en líf
sitt,“ segir Ros að lokum. ■
Jóhanna Ingvarsdóttir
Dagana 29. apríl til 1. maí verður vorhátíð haldin við Mývatn. Dag-
skrá verður alla helgina og sagði Sigríður Þrúður Stefánsdóttir ferða-
málafulltrúi, að dagskrá yrði mjög fjölbreytt. Nefna má djass, dorg-
veiði og málverkasýningu. Mannlífi Mývatnssveitar verður haldið á
lofti og flutt minningardagskrá um Jakobínu Sigurðardóttur rithöf-
und, sem lést fyrr á þessu ári. Einnig verða píanóverk eftir sr. Örn
Friðriksson prófast á Skútustöðum. Vorhátíðin er í tengslum við ferða-
átakið Islandsferð fjölskyldunnar, en skipulögð með samstarfi sam-
taka, félaga og einstaklinga.
Bretum
skákað
í tekeppni
BRETAR eru mikil tedryklqu-
þjóð eins og allir vita og þar
sem flugfélög þurfa einlægt
að sanna farþegum gæði varn-
ings síns var efnt til tekeppni
meðal allmargra flugfélaga.
Frá þessu segir í Traveller,
ferðablaði breska ferðaklúbbsins
Wexas. í úrslit komust Air UK,
Iberia, British Midland og Americ-
an Airlines.
Á endasprettinum varð Americ-
an svo sigursælast og svipti Breta
þeirri sælu trú að þeir byggju til
og bæru fram besta teið. ■
miSÆS
Þrjár ferðir í
viku með SAS
SKÖMMU fyrir síðustu mán-
aðamót hóf SAS að fljúga
aftur hingað. Birt hefur ver-
ið sumaráætlun þess og er
flogið frá Keflavík til Kaup-
mannahafnar þriðjudaga,
föstudaga og sunnudaga.
Sömu daga er einnig flug til
Stokkhólms og Ósló. ■
Föstudagskvöldið 29. apríl verður
djassfagnaður í Hótel Reynihlíð með
ýmsum djassgeggjurum_ undir stjórn
Viðars Álfreðssonar. Á laugardag
standa Veiðifélag Mývatns, Dorg-
veiðifélag íslands og Ferðamálafélag
Mývatnssveitar fyrir dorgveiði-
keppni. Dorgveiði er gömul veiðiað-
ferð og ríkjandi sem hefð í sveit-
inni. Á árum áður liðu Mývetningar
sjaldnast skort vegna þess að vatnið
var gjöfult jafnt á vetri sem sumri.
Fyrsta dorgveiðikeppnin hérlendis
var einmitt á Mývatni.
Á laugardagskvöldið flytja félagar
úr ITC-Flugu minningar- og heið-
ursdagskrá um Jakobínu Sigurð-
ardóttur. Verður lesið úr skáldsög-
um hennar, smásögum og ljóðum.
Einnig er flutt píanóverk eftir sr.
Örn. Þetta fer fram í Skjólbrekku.
Þetta kvöld er einnig lifandi tónlist
á Hótel Reynihlíð.
Á sunnudegi er hugvekja og tón-
listarflutningur í Reykjahlíðar-
kirkju og eftir hádegið eru árlegir
vortónleikar Tónlistarskóla
Skútustaðahrepps þar sem nem-
endur á aldrinum 6-15 ára koma
fram. Gestaspilarar verða fyrrum
nemendur.
Sérstök matartilboð eru á sunnu-
deginum á veitingastaðnum Hvem-
um í Reykjahlíð, þar sem Kaupfélag
Þingeyinga kynnir framleiðsluvörur.
En á laugardag verður á boðstólum
mývetnskt bakkelsi fyrir gesti og
gangandi. Á Hótel Reynihlíð er sér-
stakt fiskréttakvöld á laugardag og
þátttakendum í dorgveiðikeppninni
gefst kostur á að fá nýveiddan sil-
ung sinn matreiddan.
Loks má geta þess að Ragnar
Jónsson heldur málverkasýningu á
Hótel Reynihlíð þá daga sem hátíðin
stendur yfir. ■
Hve mikið borga
þau í flugvallaskatt?
Land ísl. kr.
Bandaríkin 1.680,-
Island (fullorðnir) 1.340,-
(sland (börn 670,-
Danmörk 710,-
Ítalía 595,-
Noregur 590,-
Þýskaland 255,-
Holland 245,-
Austum'ki 240,-
Frakkland 215,-
Svíþjóð 130,-
Miðað viö 1. mars 1994 skv. upplýsinga-
bæklingi Flugleiða
Ferðamannaíbúðir
íKaupmannahöfn
Þægilegar ný uppgerðar íbúðir
íhjarta Kaupmannahafnar.
Verð á mann frá dkr. 143* á
dag.
Allar íbúðirnareru búnar nýjum
og þægilegum húsgögnum.
Hafið samband við ferðaskrif-
stofunaykkareða
lit Truvel Scondmavia,
Sími 9045 3312 3330.
Fax. 90 453312 3103.
*Verð á mann miöað við 4 í íbúð í viku.