Morgunblaðið - 22.03.1995, Blaðsíða 1

ftvgtutfifftMfc
1995
MIDVIKUDAGUR 22. MARZ
BLAD
Stjarnan stendur vel að vígi
Morgunblaðið/Árni Sæberg
STJORNUSTULKUR eru með pálmann í höndunum í baráttunni um Islandsmeistaratitlllnn í handknattlelk kvenna
eftlr að hafa sigrað Fram öðru sinni, 20:10 í gærkvöldl. Á myndinni skorar Ragnheiður Stephensen eitt af fimm
mörkum sínum fyrir Stjörnuna í gær. SamherJI hennar, Guðný Gunnsteinsdóttir, bíður hér tilbúinn en Þórunn
Garðarsdóttir og Steinunn Tómasdóttir í vörn Fram bíða eftir skotinu.
■ Álögin loks af Stjörnustúlkum / C3
Einar með
Aftureldingu?
EINAR Þorvarðarson, aðstoðarmaður Þorbergs
Aðalsteinssonar, landsliðsþjálfara í handknattleik,
hefur verið í viðræðum við Aftureldingu um að
gerast þjálfari iiðsins, samkvæmt heimildum Morg-
unblaðsins. Guðmundur Guðmundsson, sem hefur
þjálfað Aftureldingu síðastliðin þrjú ár, tilkynnti
leikmönnum það á æfingu á mánudagskvöld að
hann væri hættur að þjálfa liðið.
Einar Þorvarðarson var liðsstjóri Hauka í vetur
og kom liðinu í 8-liða úrslit þar sem það tapaði
fyrir Val og þurfti oddaleik til. Einar býr í Mos-
fellsbæ og er margt sem bendir til þess að hann
taki við Aftureldingu, enda hæg heimatökin. Hauk-
ar hafa einnig sýnt áhuga á að fá hann til að þjálfa
næsta vetur.
Jason skoðar
aðstæður hjá
Briksen á Ítalíu
JASON Ólafsson, leikmaður úr Aftureldingu, held-
ur til Ítalíu í dag til að skoða aðstæður hjá 1.
deildarfélaginu Briksen, sem er i öðru sæti deild-
arinnar. Þetta er sama Iið og sló FH út úr Evrópu-
keppninni 1986. Félagið vantar vinstri handar
skyttu og hefur áhuga á að skoða Jason með fyrir-
hugaðan samning í huga. Deildin á Ítalíu er í full-
um gangi og lýkur ekki fyrr en í maí en félagið
hefur einn erlendan leikmenn innan sinna raða
og hyggst losa sig við hann. Jason vildi ekki tjá
sig um þetta mál þegar Morgunblaðið ræddi við
hann í fyrrakvöld og ekki heldur í gærkvöidi, en
staðfestsi þó að hann væri á leiðinni til Ítalíu að
skoða málin. Jason kemur aftur heim á mánudag.
ÍS dæmdur sigur
gegn Stjörnunni
HÉRAÐSDÓMSTÓLL UMSK úrskurðaði í gær í
kæru ÍS á hendur Stjörnunni vegna undanúrslita-
leiks liða félaganna í bikarkeppni karla. Stjarnan
var með tvö lið í bikarnum, lið I og lið H og mætti
Stjarnan H liði ÍS, en liðið var skipað leikmönnum
fyrstu deildar liðs Stjöniunnar. Stúdentar töldu
hins vegar að í liði Stjörnunnar H ættu að leika
liðsmenn sem léku í annari deildinni og kærðu því.
Niðrustaðan dómsins er sú að Stúdentum er
dæmdur 3:0 sigur og 15:0 í öllum hrinum og blak-
deild Stjörnunnar er vítt fyrir málatilbúnað eins
og segir í dómsorði.
KÖRFUKNATTLEIKUR || KNATTSPYRNA
Ekki eitrað
fýrir Rússana
Breytt fyrírkomulag
í Reykjavíkurmótinu
RANNSÓKNARSTOFA í Aþenu
fann ekkert athugavert eftir að
hafa rannsakað blóð- og þvag-
sýni fimm rússneskra körfu-
knattleiksmanna sem veiktust
skyndilega eftir að hafa drukk-
ið vatn skömmu fyrir Evrópu-
leik CSKA Moskva og Olympia-
kos í síðustu viku. Eins og
greint var frá í blaðinu í gær
voru Rússarnir sannfærðir um
að þeim hefði verið byrlað eitur
en talsmaður rannsóknarstof-
unnar sagði að niðurstöðurnar
bentu ekki til þess. Hins vegar
yrði rannsóknum haldið áfram
í þeirri von að komast að því
hvað hefði gerst. íþróttalæknar
í Aþenu sögðu að lítið kalk hefði
mælst í umræddum leikmönn-
um og fyrir því gætu legið
ýmsar ástæður, þar á meðal
steranotkun.
Talsmaður rússneska liðsins
vildi ekki kenna gestgjöfunum
um og Olympiakos sagðist ekki
eiga hlut að máli en íþróttayfir-
völd í Grikklandi sögðu að Al-
þjóða körfuknattleikssamband-
ið, FIBA, ætti að sjá til þess að
lyfjapróf færu fram. íþrótta-
málaráðherrann sagði að samt
sem áður hefði FIBA ekki sýnt
málinu áhuga sem benti til þess
að það teldi það ekki eins alvar-
legt og yfirvöld í Grikklandi.
REYKJAVÍKURMÓTIÐ í knatt-
spyrnu hefst eftir viku með leik Fylk-
is og Víkings á gervigrasinu í Laug-
ardal og hafa verið gerðar nokkrar
breytingar á fyrirkomulagi mótsins
í þeirri von að efla það til vegs og
virðingar á ný.
í fyrra var mótið leikið í tveimur
deildum, a- og b-deild, og að sögn
Baldurs Maríussonar, formanns
Knattspyrnuráðs Reykjavíkur, eru
félögin ánægð með það fyrirkomulag
en tvö efstu liðin í a-deild leika til
úrslita um Reykjavíkurmeistaratitil-
inn og neðsta liðið hefur sætaskipti
við sigurvegara b-deildar. í a-deild
eru KR, Fram, Fylkir, Víkingur,
Þróttur og ÍR en í b-deild Valur,
Leiknir, Fjölnir og Ármann og er þar
leikin tvöföld umferð. Leikir a-deildar
fara fram á gervigrasinu í Laugardal
en b-deildar á Leiknisvelli en vonast
er til að úrslitaleikir deildanna verði
á Valbjarnarvelli, 6. maí í b-deild og
8. maí í a-deild.
Mótið fer nú fram á skemmri tíma
en áður eða rúmlega fímm vikum en
það stóð yfír í tæpar níu vikur í fyrra.
Miðaverð er 500 kr. á leik og frítt
fyrir böm en aðgöngukort sem gildir
á alla leiki kostar 2.000 kr. Knatt-
spyrnufélögin sjá um sölu kortanna
og fer andvirðið í sérstakan verð-
launapott sem verður skipt á milli
félaganna í mótslok en Reykjavíkur-
meistaramir fá um 35% í sinn hlut.
Hvert kort verður númerað og gildir
sem lukkumiði en í hálfleik allra leikja
í a-deild verður dregið úr númerunum
og fær handhafí viðkomandi miða úr
frá MEBA í Kringlunni að launum. í
,úrslitaleiknum verða dregin út átta
númer og fá fímm hinna heppnu kort
sem gil^a á alla deildarleiki í Reykja-
vík í sumar en þrír fá miða á alla
Evrópulandsleikina þijá í sumar.
í nokkur ár hefur verið gefið auka-
stig fyrir þijú mörk en því verður
nú hætt og tekið upp sama fyrir-
komulag og í deildarkeppninni, þijú
stig fyrir sigur og eitt fyrir jafntefli.
Þijú lið, KR, Valur og Víkingur,
taka þátt í meistaraflokki kvenna og
verða leikimir í maí en fyrirkomulag
yngri flokka verður með hefðbundnu
sniði. Þess má geta að um 300 leikir
fara fram í ár á vegum KRR.

HAIMDKIMATTLEIKUR: KA-MENN SIGRUÐU VALSMENN EFTIR FRAMLENGINGU / C4
i
•: