Morgunblaðið - 18.10.1995, Blaðsíða 4
KNATTSPYRNA / UEFA-KEPPNIN
Leeds gerði þijú mörk
á heimavelli en steinlá!
Reuter
Hollendingar fagna á Elland Road
LEIKMEIMN PSV Elndhoven fögnuðu flmm sinnum á Elland Road í gœrkvöldl, þar sem þeir
unnu óvæntan stórsigur, 3:5. Hér á myndlnni má sjá hollenska landsllðsmanninn Wim Jonk
(fyrlr miðju) stökkva upp og fagna þriðja marki Ifðsins.
ÞRJÚ lið sem orðið hafa Evrópu-
meistarar fögnuðu sigri á úti-
velli í gærkvöldi, er fyrri leikir
2. umferðar Evrópukeppni fé-
lagsliða — UEFA-keppninnar —
voru á dagskrá. PSV Eindhvo-
ven, sem sigraði Leeds 5:3 f
Englandi, Bayern Munchen sem
lagði Raith Rovers 2:0 íSkot-
landi og Nottingham Forest
sem vann Auxerre 1:0 í Frakk-
landi. Fimmtán leikir fóru fram
í keppninni og sá síðasti verður
í kvöld, en seinni viðureignirnar
verða eftir hálfan mánuð.
Keppnin er óvenju spennandi í
ár þar sem fjöldi mjög sterkra
lið tekur þátt.
Belgíski landsliðsmiðheijinn Luc
Nilis skoraði tvívegis á síðustu
sjö mínútunum og tryggði PSV
tveggja marka sigur, 5:3, í Leeds í
' ótrúlegum leik. Leeds tók forystu
strax á sjöttu mínútu leiksins er
Gary Speed skoraði en síðan komu
Rene Eijelkamp, Marciano Vink og
Wim Jonk gestunum í 3:1 og þannig
stóð í leikhléi. Heimamenn komu
síðan tvíefldir til leiks eftir hvíldina,
Carlton Palmer minnkaði muninn og
fyrirliðinn, Gary McAllister, virtist
ætla að tryggja liðinu jafntefli er
hann jafnaði á 72. mín. með frá-
bæri skoti utan vítateigs. En Nilis
og félagar í PSV voru á öðru máli
og gengu alsælir af velli.
John Lukic, markvörður Leeds,
sem lék 400. leikinn fyrir félagið á
laugardag, hefur því fengið á sig
átta mörk í tveimur viðureignum því
v Arsenal skoraði þijú hjá honum um
helgina. Þó ótrúlegt megi virðast
hefðu mörkin getað orðið enn fleiri
í leiknum, sé tekið mið af marktæki-
færum; sérstaklega voru Antony
Yeboah, framheijanum frábæra hjá
Leeds, mislagðar hendur í leiknum
en hann hefur verið iðinn við kolann
í vetur.
Bayern í góðri stöðu
„Við bjuggumst við erfiðum leik
og sú varð raunin," sagði Júrgen
Klinsmann, framheiji Bayern
Múnchen, eftir að hafa gert bæði
mörk liðsins í 2:0 sigri gegn Raith
Rovers í Skotlandi. Skoska liðið —
sem sló Akumesinga út úr keppn-
-i inni í fyrstu umferð — þótti leika
vel og var nálægt því að jafna
skömmu áður en Klinsmann gerði
seinna markið. Oliver Khan varði
þá frábærlega skot frá Colin Camer-
on. „Þetta var frábær markvarsla,
hreint ótrúleg," sagði Klinsmann.
„Hefði boltinn farið inn hefði það
hleypt þeim affcur inn í leikinn en
seinna markið mitt kom á réttu
augnabliki fyrir okkur.“
Miðvallarleikmaðurinn Steve
Stone, sem lék fyrsta landsleik sinn
fyrir England í síðustu viku, skoraði
f eftir 23 mínútur og það dugði Nott-
ingham Forest til 1:0 sigurs gegn
Auxerre í Frakklandi.
Landsliðsmaðurinn Mario Basler
gerði tvö mörk fyrir Werder Bremen
er liðið burstaði Dinamo Minsk frá
Hvíta Rússlandi 5:0 á heimavelli og
gat leyft sér þann munað að klúðra
vítaspymu á síðustu mínútunni;
spyrna hans var varin. Gestimir
vörðust vel lengi en eftir að vamar-
maðurinn Sergei Shtanyuk hafði
orðið fyrir því óláni að gera sjálfs-
mark á 53. mínútu fékk ekkert
stöðvað þýska liðið.
Ótrúlegt sjálfsmark Huards
Hollenski landsliðsmaðurinn Rich-
ard Witschge bjargaði heiðri franska
liðsins Bordeaux, er hann skoraði
úr vítaspyrnu á síðustu mínútu gegn
rússneska liðinu Rotor Vologograd.
Úrslitin urðu 2:1. Rotor, sem sló lið
Manchester United út úr keppninni
í fyrstu umferð, komst yfir er
franska markverðinum, Gaetan Hu-
ard, urðu á hroðalega mistök í fyrri
hálfleik; varði knöttinn en kastaði
honum svo í eigið mark! Franck
Histilloles jafnaði skömmu eftir leik-
hlé og sigurmarkið kom í lokin, sem
fyrr segir, eftir að Jean-Luc Dogon
var felldur í vítateignum. Franska
liðið var án þriggja landsliðsmanna,
Bixente Lizarazu, Zinedine Zidane
og Christophe Dugarry, vegna
meiðsla og Ieikbanns.
Lyon frá Frakklandi vann einnig;
2:1 gegn ítalska liðinu Lazio. Arg-
entínski vamarmaðurinn Jose Cha-
mot var rekinn af velli skömmu fyr-
ir leikhléi, þannig að leikmenn ít-
alska liðsins vom einum færri hálfan
leikinn. Jean-Christophe Devaux
hafði fært Lyon forystuna á 15.
mín. en Hollendingurinn Aron Wint-
er jafnaði sjö mín. síðar fyrir Lazio.
Sylvain Deplace gerði sigurmarkið
um miðjan seinni hálfleik.
Liverpool slapp með skrekkinn
Enska liðið Liverpool, sem leikið
hefur mjög vel í vetur, var heppið
að sleppa með markalaust jafntefli
frá viðureign sinni við Bröndby á
Parken í Kaupmannahöfn. David
James, markvörður enska liðsins,
varði tvívegis meistaralega og Mark
Wright átti stórleik í vörninni —
bjargaði nokkrum sinnum mjög vel.
Gamla kempan Kim Vilfort var tví-
vegis nálægt því að skora í fyrri
hálfleik, Wright komst á síðustu
stundu fyrir fyrra skotið og hitt fór
rétt framhjá.
Liverpool hefði reyndar getað
tryggt sér sigur á 69. mín. er Robbie
Fowler komst í gott færi, en varnar-
maðurinn Dan Eggen bjargaði á línu
á síðustu stundu.
Leikmenn AC Milan sýndu engin
þreytumerki þrátt fyrir að hafa bar-
ist við Juventus í toppslagnum á
Ítalíu á sunnudaginn — þeir héldu
til Elsass héraðs í Frakklandi og
sigruðu heimamenn í Strasbourg
1:0. Það var Marco Simone sem
skoraði tíu mín. fyrir leikslok en
skömmu áður hafði Marc Keller ver-
ið í ákjósanlegu færi hinum megin
— stakk ítölsku varnarmennina af
en skaut naumlega framhjá. Sérlega
vel var að verki staðið er Milan skor-
aði: Demetrio Albertini átti ianga
sendingu gegnum vörn franska liðs-
ins, Líberíumaðurinn George Weah
sló varnarmennina út af laginu og
sendi glæsilega með hælnum í veg
fyrir Simone sem skoraði af öryggi.
Rómverjar óhressir
Áhorfendur á Ólympiuleikvang-
inum í Rómaborg voru ekki ánægðir
með sína menn í AS Roma gegn
belgíska liðinu Aalst og púuðu á þá
lengi framan af. Úrslitin urðu reynd-
ar 4:0 en Belgarnir gerðu tvö sjálfs-
mörk, á sjöttu og 51. mínútu. Arg-
entínumaðurinn Abel Balbo gerði
þriðja markið á 69. mín. og Franc-
esco Totti það fjórða á 77. mín.
Þegar hann skoraði sáu áhorfendur
loks ástæðu til að fagna sínum
mönnum af einhveijum krafti.
Rúmeninn Nica Panduru tryggði
Benfica 1:0 • sigur á Roda JC
Kerkrade frá Hollandi með marki
12 mín. fyrir leikslok á heimavelli í
Portúgal. Sigur Barcelona gegn Vit-
oria Guimaraes frá Portúgal var
öruggari á Spáni en þar skoraði
Bosníumaðurinn Meho Kodro tvíveg-
is og Lugano frá Sviss — sem hing-
að til hefur ekki talist til þeirra stóru
en sló þó Inter Milan út í fyrstu
umferð — tapaði á heimavelli, 1:2,
fyrir Slavia Prag frá Tékklandi.
■ Öll úrslit / D2
Klinsmann
skoraði tvö
gegn Raith
JÚRGEN Klinsmann skoraði
bæði mörk Bayern Múnchen,
sem vann Raith Rovers 2:0 í
Skotlandi í gærkvöldi. Klins-
mann, sem skoraði 30 mörk
fyrir Tottenham sl. keppnis-
tímabil, hefur skorað sjö
mörk fyrir Bayern á yfir-
standandi keppnistímabili og
16 mörk í 45 Evrópuleikjum.
Hann sagði fyrir leikinn að
hann kynni alltaf vel við sig
á Bretlandseyjum — og stóð
við það. Rovers sótti mun
meira í leiknum, en fékk að-
eins tvö góð færi. Þau nýttust
ekki og Klinsmanns skoraði
tvívegis eftir skyndisóknir
Bayern.
Róstur í
Auxerre
NOKKRIR stuðningsmenn
Nottingham Forest létu að
sér kveða fyrir leik liðsins í
Auxerre — brutu meðal ann-
ars rúðu i glugga á kaffi-
húsi, þannig að nokkrir
meiddust. Lögreglan skarst I
leikinn og notaði táragas til
að sundra hópnum. Leikmenn
Forest fögnuðu sigri, 0:1, með
marki Steve Stone.
Réðst á
eigin
þjáífara
LEIKMAÐUR með knatt-
spyrnuliðinu Rabali Black-
pool í Suður-Afríku hefur
verið settur í eins árs leik-
bann fyrir að ráðast á eigin
þjálfara. Varnarmanninum
Ahmed Gora Ebrahim var
skipt út af þegar aðeins
fimmtán mínútur voru búnar
af leik gegn Umtata Bucks,
sem var í beinni útsendingu
I sjónvarpinu í síðasta mán-
uði. Ebrahim var ekki sáttur
við ákvörðun þjálfarans, reif
sig úr skyrtunni er hann gekk
af velli, strunsaði síðan til
þjálfarans og réðst á hann
með kung-fu sparki — svip-
uðu því sem Frakkinn Eric
Cantona beitti gegn áhang-
anda Crystal Palace á Eng-
landi á síðasta keppnistíma-
bili.
Eftir atvikið var Ebrahim
færður burt í lögreglubíl og
félagið rifti þegar í stað
samningnum við hann. Þjálf-
arinn þurfti í meðferð vegna
nýrnaskaða og liðið er þegar
fallið úr 1. deild þótt þrjár
umferðir séu enn eftir.
Dómari sló
leikmann
LUIZ Vila Nova, brasiliskur
knattspyrnudómari, kom
heldur betur við sögu í leik á
dögunum. Hann sýndi leik-
manni, Semilde að nafni,
rauða spjaldið, sá brást hinn
versti við og gerði dómarinn
sér þá lítið fyrir og sló hann;
lét fast hægri handar hnefa-
högg vaða framan í leik-
manninn. Semilde svaraði
með því að sparka í dómar-
ann en aðrir leikmenn á vell-
inum komu í veg fyrir frek-
ari slagsmál.