Morgunblaðið - 10.12.1995, Blaðsíða 4
4 C SUNNUDAGUR 10. DESEMBER 1995
MORGUNBLAÐIÐ
Kia Sportage með sjálf-
skiptingu vinnur vel
KIA jeppamir frá Suður-Kóreu
komu til landsins í byrjun þessa
árs og hafa nú alls selst kringum
50 bílar eða nærri einn á viku. Kia
er gamalgróinn bílaframleiðandi í
heimalandi sínu en Kia Sportage
kom fyrst fram fyrir nærri tveimur
árum. í síðasta mánuði tók
umbopðið, Kia bílar á íslandi sem
er í eigu Heklu hf., að bjóða Kia
jeppann með sjálfskiptingu en til
þessa hefur hann einungis verið
fáanlegur með fimm gíra hand-
skiptingu og hefur sjálfskipti bíllinn
þegar fengið góðar viðtökur og
m.a. selst út á land eftir sýningar-
ferð á dögunum. Verðið er orðið
2.141.000 kr. eða 143 þúsund
krónum hærra en á handskipta
bflnum en að öðru leyti eru þeir
eins. Kia er búinn tveggja lítra og
128 hestafla vél og dugar hún fuil-
vel og gefur ágætt viðbragð og
vinnslu og er ekki að finna að neitt
tapist með sjálfskiptingunni en það
er sú gerð sem við skoðum í dag.
Kia Sportage er verklegur bíll,
4,25 cm langur, með vel ávölum
homum og brúnum sem gera hann
um leið fínlegan. Aðalluktir eru líka
fínlegar og afturljósin jafnvel frem-
ur Iítil. Hliðar eru bungumyndaðar,
rúður sæmilega stórar nema aft-
asta hliðarrúðan. En þegar sagt
er að Kia sé verklegur er átt við
bfl sem búið er að hækka um 4 cm
og setja á stærri hjólbarða - fyrr
verður hann ekki beint sérlega
myndarlegur á velli. Og ekki spillir
heldur fyrir útlitinu að hafa grind
á framendanum sem skrúfa má á
luktir eins og var á bflnum sem var
prófaður.
Vel heppnaðuraöinnan
Að innan er Kia vel heppnaður.
Mælaborð er bogadregið um mæl-
ana beint fram af ökumanni og
stór hilla með handfangi framan
við farþegasætið. Miðjustokkurinn
er líka vel afmarkaður þar sem eru
miðstöðvarstillingar og útvarp og
milli framsæta er gírstöng og
stöngin fyrir drifskiptingar. Allt
hefðbundið. Nokkrir rofar eru síðan
dreifðir til hægri og vinstri við stýr-
ið og má segja að það sé fremur
til óþæginda. Hægara hefði verið
fyrir ökumann að fá þessa rofa sem
mest á svipuðum slóðum en þetta
eru rofar fýrir þurrkur á afturrúðu,
hæð aðalljósa, þokuljósin að aftan,
rafmagn í afturrúðu og rafstillingu
speglanna.
Sætin fá góða einkunn og rýmið
er þokkalegt. Gott í framsætum á
alla enda og kanta, stuðningur
þeirra er góður til hliðar við iæri
og bak og mjóhryggsstuðningur er
á ökumannssæti. Rýmið er hins
vegar allt að því naumt skammtað
afturí. Þar myndu þrír fullorðnir
ekki endast í langferðum án þess
að þreytast en þokkalega vel fer
um tvo. Farangursrýmið myndi
heldur ekki leyfa of mikið dót en
séu aðeins þrír að ferðast má
drýgja það með því að fella niður
hluta aftursætisbaks og er það allt-
af verðmætur kostur.
Ágætt er að umgangast bflinn
en hurðir virkuðu þó heldur stífar
eða þungar í glænýjum bílnum og
lokuðust ekki auðveldlega nema að
ýta þeim duglega af stað og vera
má að það liðkist með notkun. Þá
er heldur hvimleitt að þurfa að
byija á að ýta frá afturhleranum
grind með varahjólinu þegar farið
er í farangursrýmið en það er þó
betri kostur en að geyma hjólið
inni og taka upp dýrmætt
rými þar.
Hefðbundinn jeppl
Kia er búinn tengjan-
legu aldrifí, þ.e. er hinn
hefðbundni jeppi, með
drifí að aftan þegar
ekið er í eindrifí en
síðan má tengja fram-
drifið - á allt að 60
km hraða í hand-
skipta bflnum en í
þeim sjálfskipta verð-
ur að stöðva og
skipta í hlutlausan.
Þá er bíllinn með lágu
drifí og má segja að
þetta og það að hann
er byggður á sjálf-
stæðri grind og með
heilum ás að aftan geri
hann að hinum dæmi-
gerða jeppa á allan hátt.
Fjöðrun er mjúk
gormafjöðrun og trúlega nýtur
hún sín enn betur þegar komnir
eru stærri hjólbarðar undir bflinn
eins og á þeim sem var prófaður
eða 30 þumlunga og bíllinn er vel
rásfastur.
Vélin í Kia Sportage er tveggja
lítra, fjögurra strokka og 128 hest-
afla bensínvél með rafstýrðri fjöl-
innsprautun. Hún er ágætlega
rösk. Stundum heldur hávær og
má telja það eina galla bflsins, að
minnsta kosti þegar hún er látin
rífa sig upp í nokkum snúning.
Sjálfskiptingin er búin spymustill-
ingu sem er ræst með einum rofa
og með öðmm rofa er einnig hægt
að láta hana halda við til dæmis
þegar ekið er niður brekku eða ef
menn vilja hægja rólega á í hálku.
Til em nokkuð mýkri sjálfskipting-
ar og má segja að þegar spymu-
stillingin er á og bílnum gefíð
hraustlega inn til að ná góðum
hraða við framúrakstur sé eins og
bfllinn sé rekinn í lægri gír og rif-
inn áfram. Þannig virkar hún dálít-
ið hranaleg en þetta atriði má lag-
færa nokkuð með notkun og æf-
ingu.
Viðbragðið er mjög gott og ekki
er að merkja að það eða vinnslan
hafí í nokkm tapað sér með sjálf-
skiptingunni. Hún gerir bflinn lipr-
an og þægilegan viðskiptis og má
hiklaust mæla með henni fyrir þá
sem aka mikið í þéttbýli og kjósa
að losna við tíðar skiptingar með
handafli. En hún kostar líka rúm-
lega 140 þúsund krónur og sumir
myndu eflaust vilja sjá þá viðbót í
aukahlutum sem eru margir og
áhugaverðir í boðí.
Góður staðalbúnaður
Kia kemur allvel búinn af hendi
framleiðanda, þ.e. með samlæs-
ingu, rafdrifnum rúðum, útvarpi,
rafstýrðum hliðarspeglum og slík-
um þægindum. Til að gera hann
og skemmti-
legri til alhliða
aksturs er vert
að setja undir
hann stærri hjól-
barða og hækka
bflinn örlítið og
með álfelgum kostar
þessi breyting nærri
170 þúsund krónur. Síð-
an má tína til ýmislegt
fleira, svo sem „safari" grindina
að framan sem kostar nærri 27
þúsund krónur, eða svarta miðju-
grind á kr. 24.890 og aukaljós.
Verðið á Kia Sportage með sjálf-
skiptingur.ni er ícr. 2.141.000 og
eins og fram kom hér fremst um
143 þúsund krónum hærra en á
handskipta bflnum. Sé gert ráð
fyrir að einhver aukabúnaður sé
tekinn hækkar verðið enn um 100
til 200 þúsund krónur og má gera
ráð fyrir að flestir leggi í einhveija
slíka fjárfestingu enda þótt sumar
geri bílinn ekki annað en skemmti-
legri í útliti en aðrar, eins og hækk-
un og aðrir hjólbarðar, gefa honum
enn betri aksturseiginleika. Þótt
þá sé komið í 2,4 milljónir eða svo
má hiklaust telja að hér fái menn
allsæmilega fyrir fjárfestinguna í
knáum og vel búnum bíl með allan
búnað og eiginleika jeppa þótt ekki
sé hann af stærstu gerð. ■
Jðhannes Tómasson
Vinnsla
Fjöðrun
Rásfesta
Vélar-
hljóð
Kla Sportage í hnotskurn
Vél: 1998 rúmsentimetr-
ar, 4 strokkar, 16 ventlar,
128 hestöfl, rafstýrð §öl-
innsprautun.
Vökvastýri - veltistýri.
Sjálfskipting með spymu-
stillingu.
Eindrif - tengjanlegt al-
drif, hátt og lágt.
Rafdrifnar rúðuvindur.
Rafstýrðir hliðarspeglar.
Rafhituð afturrúða með
þurrku og sprautu.
Samlæsing.
Lengd: 4,25 m. Breidd:
1,73 m. Hæð: 1,65 m.
Hjólahaf: 2,65 m.
Þyngd: 1.420 kg.
Fjöðrun: Sjálfstæð gorma-
fjöðrun að framan með tvö-
földum spymum, heill ás með
gormum að aftan.
Eyðsla: 12-14 í þéttbýli,
8-12 á þjóðvegi.
Staðgreiðsluverð kr.:
2.141.000.
Umboð: Kia bílar á ís-
landi, Reylgavík.
VÉLIN er 128 hestöfl og ágætlega rösk.
YFIRBRAGÐ mælaborðs er frísklegt.
VARAHJÓL er fest á grind að aftan og þarf því að taka það frá með
einu handtaki áður en hlerinn er opnaður.
FARANGURSRÝMI er í meðallagi og má drýgja það með því að
leggja niður bak aftursætanna.