Morgunblaðið - 24.01.1996, Blaðsíða 4
4-
. Ekkert stöðvar Seles
Reuter
MONICA Seles áttl ekki í erfiðleikum með að sigra Iva Majol frá Króatíu í gær og tryggja sér
þar með rétt til að leika í undanúrslitum. Hér þakkar hún mótherja sínum fyrir leikinn.
Monica Seles var ekki nema
58 mínútur að tryggja sér
sæti í undanúrslitum kvenna á Opna
ástralska þegar hún vann táninginn
Iva Majoii 6-1, 6-1 í gær. Hún hóf
keppni í 1. umferð meidd á nára
og tognaði á ökkla í annarri lotu í
gær en hélt settu marki og sigraði
örugglega. „Ég fann til og uppgjaf-
imar mistókust en þegar ég tapaði
tveimur stigum í röð, sagði ég við
sjálfa mig: „Ljúktu leiknum,
Monica“.“
Majoli gerði sér ekki grein fyrir
að Seles hafði meiðst en efaðist
4 ekki um hver yrði meistari. „Hún
leikur svo vel og verður auðveldlega
meistari. Það er nánast ómögulegt
að sigra hana og sú eina sem getur
það er Steffi.“
Sem kunnugt er var Seles frá
keppni í 28 mánuði vegna hníf-
stungu í apríl 1993 og hún fer dag-
lega til sjúkraþjálfara. Þrátt fyrir
margra mánaða fjarveru kom hún
margefld til baka og hefur fagnað
sigri í öllum leikjum nema einum —
gegn Steffi Graf í úrslitum Opna
* bandaríska í september sem leið -
en er með 100% árangur í líðandi
keppni, hefur ekki tapað lotu. Hún
sagði að árásin í Þýskalandi hefði
styrkt sig andlega. „Ég hef alltaf
verið andlega sterk. Þegar ég byij-
aði að keppa á ný lofaði ég sjálfri
mér því að ég ætlaði að reyna að
gera sömu hluti og ég gerði áður
sem er að hugsa aðeins um boltann
og spila minn leik og það er það
sem ég reyni að gera.“
Hins vegar sagði hún að erfitt
hefði verið að byggja sig aftur upp
líkamlega vegna kvalanna í bakinu.
„Það var erfitt. Ég bytjaði rólega
og virtist vera að byggja eitthvað
upp en svo yarð ég að hætta vegna
f baksins." Á uppbyggingartímabil-
inu meiddist hún nokkrum sinnum,
t.d. í hné og ökkla og var m.a. frá
æfingum í fjóra og hálfa viku. „Eft-
ir það fór ég í enn eina uppbygging-
una og þá fékk ég að vita að blóð-
streymið væri ekki gott - eitt tekur
við af öðru.“ í ljós kom að um vírus
var að ræða og þetta virðist ekki
há henni lengur. Eins hefur hún
ekki áhyggjur af þyngdinni. „Ég
þyngdist þegar ég gat ekki æft og
vegna meiðslanna í hné og ökla hef
ég ekki getað hlaupið sem hefur
ekki hjálpað. En ég hef aldrei stig-
ið á vigtina og er ánægð með
þyngdina hveiju sinni. Hún skiptir
ekki máli svo framarlega sem ég
get hreyft mig og er ánægð.“
Sanchez úr leik
Sanchez Vicario, sem leikið hefur
til úrslita á síðustu tveimur Opnu
mótum í Ástralíu, varð að játa sig
sigraða í gær er hún mætti banda-
rísku táningsstúlkunni Chanda
Rubin í maraþonleik sem tók 3
klukkustundir og 33 mínútur og þar
af stóð síðasta settið í 2 klukku-
stundir og 22 mínútur. Sanchez var
samt sátt enda þótti leikurinn ein-
staklega skemmtilegur og vel leik-
inn. „Ég er alls ekki sár. Ég gerði
mitt besta og það er í rauninni leið-
inlegt að önnur okkar verður að
falla úr keppni,“ sagði Sanchez.
Hin unga Rubin mun mæta
Monicu Seles í undanúrslitum og
verður þetta í fyrsta sinn sem þær
mætast.
Chang sá eini
sem hefur ekki
enn tapað lotu
Chang vill
fá tækifæri í
landsliðinu
MICHAEL Chang hefur ekki
tekið þátt í Davis-keppninni,
sem er keppni landsliða í tenn-
is, síðan árið 1990 en sagði
eftir sigurinn í átta manna
úrslitum á Opna ástralska
* mótinu að hann vildi gjarnan
keppa fyrir Bandaríkip á nýj-
an leik og hjálpa þeim að verja
titilinn í ár. Hann sagði að of
mikið væri lagt á þá Pete
Sampras og Andre Agassi, tvo
efstu mennina á afrekalistan-
um og að hann hefði rætt við
Tom Guilikson, liðsstjóra, um
málið.
Chang hefur þrisvar verið
með Bandaríkjunum í Davis-
keppninni en Agassi 16 sinn-
um og Sampras 10 sinnum.
Chang sagði æskilegt að
dreifa álaginu meira og vildi
sjálfur fá tækifæri auk þess
sem hann nefndi Jim CJouriér,
Todd Martin ogMaliVai Was-
hington i því sambandj.
Keuter
MICHAEL Chang fagnar
sigrl sínum gegn Svíanum
Mlkael Tlllström.
Bandaríkjamaðurinn Michael
Chang hefur sýnt stöðugleika
á Opna ástralska mótinu í tennis
og er sá eini í hópi þeirra bestu sem
hefur ekki enn tapað lotu. Hann
átti ekki í erfiðleikum með Svíann
Mikael Tillström í átta manna úr-
slitum og vann 6-0, 6-2, 6-4 en
keppnin stóð yfir í 76 mínútur.
Tillström, sem var númer 105 á
styrkleikalistanum og sigraði óvænt
Thomas Muster í 16 manna úrslit-
um, átti aldrei möguleika gegn
Chang sem hefur aldrei leikið til
úrslita á Opna ástralska en Banda-
ríkjamaðurinn var jarðbundinn.
„Þetta hefur ekki verið auðvelt,"
sagði Chang sem er 23 ára og hef-
ur aðeins einu sinni orðið meistari
á stórmóti - á Opna franska fyrir
sjö árum. Hins vegar viðurkenndi
hann að hann væri að leika betur
en í fyrra en ætti engu að síður
mikið inni. „Mér fer stöðugt fram
en á eftir að gera betur. Það eru
endalausir hlutir sem ég þarf að
lagfæra."
Tillström sagði að Chang ætti
góða möguleika á titlinum. „Hann
hefur verið að leika best allra hérna
undanfarnar tvær vikur,“ sagði
Svíinn.
Andre Agassi og Jim Courier
hófu viðureign sína í átta liða úrslit-
um í gær en fresta varð leiknum
vegna mikillar rigningar.
Risasvigið í
uppáhaldi
hjá Knaus
AUSTURRÍKISMAÐURINN
Hans Knaus sigraði í risasvigi
heimsbikarsins í Valloire í
Frakklandi í gær. Þetta var
annar sigur hans í heimsbik-
armóti í vetur. Atle Skárdal
frá Noregi varð annar og ís-
landsvinurinn Fredrik Nyberg
frá Svíþjóð þriðji. Knauss, sem
er 24 ára, vann fyrsta heims-
bikarmót sitt i síðasta mánuði
er hann sigraði I stórsvigi í
Alta Badia. Veður var ekki
eins og best verður á kosið
þegar keppnin fór fram í gær
og varð að stytta brautina um
200 metra því rok var efst í
fjallinu. „Þetta er ein best
undirbúna brautin í vetur,“
sagði Knaus. „Ég átti nyög
góða ferð og gerði engin mi-
stök. í svona braut geta mi-
stök orðið mjög dýrkeypt. Sig-
urinn kom mér ekki á óvart
því þessi grein hefur alltaf
verið í uppáhaldi hjá mér. Það
kom mér hins vegar mjög á
óvart að vinna stórsvigið í
Alta Badia í desember." Hann
sagði að sigurinn gæfi sér
aukið sjálfstraust fyrir HM í
Sierra Nevada í næsta mán-
uði.
Atle Skárdal, sem varð ann-
ar, er með forystu í keppninni
um risasvigsbikarinn. „Eg til-
einka afa mínum annað sætið,
en hann lést fyrir brunið í
Kitzbiihl á dögum," sagði
Skárdal. Hann sagði að afi
sinn hafi verið mikill skíða-
maður og þeir hafi oft farið
saman á skíði og því hafi frá-
fall hans verið áfall.
Daníel Í21.
sæti í 15
km göngu
DANÍEL Jakobsson, skíða-
göngukappi frá Ólafsfirði,
varð í 21. sæti í 15 km göngu
með frjálsri aðferð á sænska
meistaramótinu í gær. Vald-
imir Smirnov frá Kasakstan
sigraði eins og í 30 km
göngunni á sunnudag. Niklas
Jonson varð annar og Torgny
Mogren þriðji. Daníel var 2,45
mínútum á eftir Smirnov, sem
var einni mínútu á undan
næsta keppanda. Gísli Einar
Árnason frá Isafirði keppti
einnig í göngunni og hafnaði
í 60. sæti af 150 keppendum.
Daníel sagðist þokkalega
ánægður með gönguna í gær,
en hins vegar hafi 50 km
gangan á sunnudag verið ein
besta ganga hans á ferlinum,
en þá var hann í 13. sæti, 4
mínútum á eftir Smirnov. Þá
var Gísli Einar 165. sæti. „í
gær var ég ræstur út númer
eitt og var að koma í mark
þegar bestu Svíarnir voru að
fara út. Ég hafði því enga
mUlitíma til að keppa við. Ég
ætlaði mér að komast á meðal
tíu efstu, en það verður að
bíða betri tíma,“ sagði Daníel.
Hann sagði að brautirnar
væru mjög erfiðar og því færi
mikil orka í göngurnar.
Keppnin fer fram í Umeá og
sagði Daníel að 25 þúsund
áhorfendur hefðu fylgst með
göngunni á sunnudag.
Daníel og Gísli Einar keppa
í 50 km göngu á morgun og
síðan í boðgöngu með B-sveit
Ásarna á laugardag.