Morgunblaðið - 11.12.1996, Blaðsíða 3
MORGUNBLAÐIÐ
MIÐVIKUDAGUR 11. DESEMBER 1996 D 3
ÍÞRÓTTIR
ÍÞR&mR
FOLK
■ SONIA O’SuIIivan hlaupakona
frá írlandi virðist vera að sækja í
sig veðrið eftir mótbyr þann sem
hún fékk á Ólympíuleikunum í sum-
ar. Um sl. helgina sigraði hún í
míluhlaupi á Hawaii, hljóp á 4.26,40
mínútum. í öðru sæti varð önnur
þekkt hlaupakona Mary Slaney frá
Bandaríkjunum á 4.28,50 mínút-
um.
■ GRAHAM Hood frá Bandaríkj-
unum kom fyrstur í mark í mílu-
hlau'pi karla á sama móti, kom í
mark á 3.59,00 mínútum.
■ THOMAS Strunz miðvallarleik-
maður Bayern Munchen bættist í
gær á langan lista leikmanna sem
ekki geta tekið þátt í viðureign Þjóð-
verja og Portúgala í undankeppni
HM. Strunz er veikur og er af þeim
orsökum útilokað að hann taki þátt
í leiknum.
■ FYRIR voru á sjúkralista Berti
Vogts þeir Mehmet Scholl, Thomas
Hassler, Oliver Kahn, Thomas
Helmer og Oliver Bierhoff. Á hinn
bóginn er það þó jákvætt fyrir Vogts
að Matthias Sammer, Christian
Ziege og Mario Basler verða með
í leiknum en tíma var talið að þeir
yrðu einnig íjarverandi vegna
meiðsla.
■ EMANUEL Amunike var í gær
seldur frá Sporting í Lissabon til
Barcelona á Spáni. Forráðamenn
Barcelona þurftu að reiða fram um
260 milljónir króna fyrir nígeríska
landsliðsmanninn.
■ LÆKNAR spænska liðsins höfðu
í tvígang mælt gegn því að Amunike
yrði keyptur því hann er meiddur á
hné en fengu engum vörnum við
komið. Nígeríumaðurinn á að fylla
upp í skarð sem hefur myndast í lið-
inu vegna meiðsla Hristos Stoic-
hkovs.
Reuter
g Hill, leikmann Kansas, í leik
í tvelmur deildum í NFL-deild-
jk tveggja annarra liða í hvorri
apnina.
Joao Havelange, forseti Alþjóða
knattspyrnusambandsins, FIFA,
tilkynni á laugardag að hann ætlaði
ekki að gefa kost á sér áfram eftir
HM í Frakklandi 1998, en í liðnum
mánuði var hann á annarri skoðun.
„Þetta er ákvörðun mín og henni
verður ekki breytt,“ sagði Havelange,
sem er 80 ára og hefur verið forseti
FIFA síðan 1974 - tók við af Stanley
Rous. „Það sem skiptir mestu máli
er ekki hvenær maður byijar heldur
að vita hvenær á að hætta. Ég vil
ekki vera elliær í þessu embætti."
Havelange sagði að knattspyrnan
væri mikilvægasta íþrótt heims hvað
varðaði atvinnu, auglýsingar og
skemmtun og hann gæti hætt með
góðri samvisku. Hann sagðist fyrst
hafa leitt hugann að því að hætta í
boði sem FIFA hélt honum til heið-
urs á afmæli sínu í maí sl. þegar
Lennart Johansson, forseti Knatt-
spyrnusambands Evrópu, UEFA,
hefði sagt í ræðu að samstaða væri
fyrir öllu.
Johansson, sem er líka varaforseti
FIFA og hefur verið á öndverðum
meiði við Havelange, tilkynnti fyrir
nokkrum misserum að hann ætlaði
að gefa kost á sér í embætti forseta
FIFA, jafnvel þó Havelange yrði í
kjöri. Þá er talið að Franz Beckenbau-
er hafi áhuga á stöðunni en fyrir
skömmu sagðist hann gera ráð fyrir
að hætta sem forseti Bayern Miinc-
hen sumarið 1998. Eins hefur Sepp
Blatter, framkvæmdastjóri FIFA,
verið nefndur og gert er ráð fyrir að
Issa Hayatou frá Kamerún, varafor-
seti FIFA, gefi kost á sér.
Orðrómur
staðfestur
FYRIR mánuði var greint frá því að FIFA hefði ákveðið að
úrslitakeppni heimsmeistaramótsins í knattspyrnu 2002 yrði í
Japan og Suður-Kóreu. FIFA staðfesti orðróminn fyrst um
helgina en þetta verður í fyrsta sinn sem HM verður í tveimur
löndum.
32 lið leika 64 leiki og verður þeim skipt jafnt á milli þjóð-
anna. Úrslitaleikurinn verður í Japan en leikurinn um þriðja
sætið í Suður-Kóreu.
Ólafur bikarmeistari
ÓLAFUR Sigurðsson varð bikarmeistari 1996 í pílukasti, er
hann vann Ævar Má Finnsson í spennandi úrslitaleik, 5:3.
Ólafur vann Jóhannes Harðarson í undanúrslitum 4:3 og Ævar
Már vann Guðjón Hauksson, 5:3. Á myndinni fagnar Ólafur
meistaratitlinum.
Jóhann Haukur
bætli sig veru-
lega í stórsvigi
Jóhann Haukur Hafstein, skíða-
maðurinn ungi og efnilegi úr
Ármanni, náði 16. sæti af 92 kepp-
endum sem tóku þátt í alþjóðlegu
stigamóti í stórsvigi í Geilo í Noregi
á sunnudag. Hann fékk 41 FlS-stig
og er það besti árangur hans til
þessa. Hann keppti einnig í stór-
svigi á sama stað á mánudag og
hlaut þá 50,1 FlS-stig. Hann er því
kominn með 45,7 FlS-stig á heims-
listanum sem hlýtur að teljast gott
hjá svo ungum skíðamanni, en Jó-
hann er aðeins 17 ára.
Hann keppti í svigi í Geilo á laug-
ardag og hafnaði í 21. sæti af 90
keppendum og hlaut fyrir það 66
FlS-stig. Sigurvegari í sviginu var
norski ólympíumeistarinn frá 1992,
Finn Christian Jagge.
Jóhann Haukur er á öðru ári í
skíðamenntaskóla í Geilo, sama
skóla og Kristinn Björnsson var í
fyrir nokkrum árum.
Morgunblaðið/Valur
JÓHANN Haukur.
Southampton
selt á milljarð
ENSKA knattspyrnufélagið
Southampton sameinast bygg-
ingafyrirtæki á næstunni og
hyggur á flutning innan borg-
arinnar en þetta er gert í þeim
tilgangi að halda félaginu í
fremstu röð. Fyrirtækið metur
félagið á um 10 milljónir
punda (um 1,1 milljarð kr.) og
fær Southampton þegar þrjár
milljónir punda til ráðstöfun-
ar. Heimavöllur Southampton
tekur um 15.000 áhorfendur
en ráðgert er að byggja nýjan
völl og er áætlaður kostnaður
15 til 20 milljónir punda en
heildarkostnaður um 30 millj-
ónir og er þá gert ráð fyrir
frjálsíþróttaaðstöðu, verslun-
um, félagsaðstöðu og ýmsu
öðru.
Umted mætir
Tottenham
lanchester United mætir Tott-
enham á Old Trafford fyrstu
vikuna í janúar í 3. umferð ensku
bikarkeppninnar, en dregið var á
mánudag. United er núverandi bik-
armeistari eftir að hafa unnið Liv-
erpool í úrslitaleik sl. vor og var
það jafnframt níundi sigur liðsins í
bikarkeppninni. Viðureign liðanna
verður sú 13. í röðinni í bikarnum
og sú fyrsta síðan 1980 er Totten-
ham vann 1:0 í 3. umferð á Old
Trafford með marki frá Ossie Ardil-
es í framlengingu. Fimm sinnum
hefur Tottenham farið með sigur
af hólmi í viðureignum liðanna í
HK og ÍBV reyna
aftur í kvöld
MÓTANEFND HSÍ hefur
ákveðið að Ieikur HK og ÍBV
í 1. deild karla, sem var flautað-
ur af í Digranesi í fyrrakvöld,
verði settur á í kvöld. Eyja-
menn komust ekki til lands í
tæka tíð fyrir leikinn og láðist
að láta vita af þvi og þess vegna
var leikurinn flautaður af. Eft-
irlitsdómari leiksins í fyrra-
kvöld, Ólafur Steingrímsson,
ráðfærði sig við Jón Her-
mannsson, formann móta-
nefndar, um hvað ætti að gera
í stöðunni þegar ljóst var að
Eyjamenn voru ekki mættír.
Jón vildi hins vegar ekki taka
afstöðu og lét það alfarið í
hendur eftirlitsdómarans og
dómaranna að taka ákvörðun,
sem þeir og gerðu með því að
flauta leikinn af.
„Okkur fannst rétt í stöðunni
að flauta leikinn af, enda Eyja-
menn ekkert látið í sér heyra,“
sagði Hafsteinn Ingibergsson,
annar dómara leiksins.
Leikurinn verður því í Digra-
nesi kl. 20.00 í kvöld og HK
missir þau tvö stig sem liðið
fékk eftir að leikurinn var
flautaður af í fyrrakvöld.
keppninni, fimm sinnum hefur orðið
jafntefli og tvisvar sinnum hefur
United unnið.
Liverpool, sem lék til úrslita í
bikarnum á síðustu leiktíð, ætti að
eiga greiða leið í 4. umferð því lið-
ið fær heimaleik á móti annaðhvort
Walsall eða Burnley. Efsta lið deild-
arinnar, Arsenal, fær Sunderland í
heimsókn á Highbury. Síðast þegar
liðin mættust í bikarkeppninni fyrir
sex árum sigraði Arsenal 2:1.
Leikirnir eiga að fara fram helg-
ina 4. og 5. janúar.
Eftirtalin lið drógust saman:
Stevenage Borough - Birmingham City
Barnsley - Oldham
Chesterfield - Bristol City
Barnet / Wycombe - Bradford
Wolves - Portsmouth
Plymouth - Enfield / Peterborough
Hednesford Town - York City
Middlesbrough - Chester City
Wrexham / Scunthorpe - West Ham
Luton - Bolton
Sheffield Wednesday - Grimsby
Man. United - Tottenham Hotspur
Stoke City - Stockport County
QPR - Huddersfield
Coventry City - Woking
Notts County - Aston Villa
Reading - Southampton
Crystal Palace - Leeds United
Everton - Swindon Town
Gillingham - Derby County
Cheisea - WBA
Carlisle United - Tranmere
Brentford - Manchester City
Charlton Athletic - Newcastle United
Blackburn Rovers - Port Vale
Crewe - Wimbledon
Norwich City - Sheffield United
Liverpool - Walsall / Burnley
Leicester City - Southend
Arsenal - Sunderland
Watford - Oxford United
Nottingham Forest - Ipswich
KNATTSPYRNA
SKIÐI
PILUKAST
Joao Havelange
ætlar sér að hætta