Morgunblaðið - 31.01.1997, Side 3

MORGUNBLAÐIÐ
FÖSTUDAGUR 31. JANÚAR 1997 B 3
DAGLEGT LÍF
Morgunblaðið/Ásdís
ÓLI H. Garðarsson, kaupmaður í Plútó.
Misjafnir árgangar
eins og í annarri víngerð
ÓLIH. Garðarsson opnaði verslun-
ina Plútó í Keflavík fyrir tæpum
tveimur árum, þar eru fyrst og
fremst seld efni til bjór- og vín-
gerðar. Síðan opnaði hann sams
konar verslanir í Reykjavík og á
Akureyri. Hann segir þróun í vín-
gerð í heimahúsum hafa orðið
nyög mikla á síðustu árum og lík-
ir henni við öra þróun í tölvuheim-
inum. „Ég gerði fyrst léttvín fyrir
tíu árum, en var ekki ánægður
með árangurinn. Nú eru vín-
gerðarefni orðin svo góð að ég
fékk áhuga á viðskiptum með þau
og þess vegna opnaði þessar versl-
anir.“
Vfnþrúgur gera gæfumunlnn
Viðskiptavini segir hann flesta
vera yfir þrítugt. „Yngra fólk er
þó smám saman að átta sig á
þessum möguleika og viðskipta-
vinum upp úr tvítugu fjölgar því
smám saman.“ Óli segir að þróun
í víngerð í heimahúsum felist aðal-
lega í hráefninu. „Nú eru notaðar
þrúgur úr vínbetjum sem eru sér-
staklega ræktuð fyrir svona vín-
gerð og því er nú hægt_ að gera
eðalvín í heimahúsum. Árgangar
eru misjafnir, alveg eins og í hefð-
bundinni víngerð."
Flestir byija að brugga ódýrari
gerðir af svokölluðum pakkavín-
um, segir Óli. „Þau eru tilbúin á
nokkrum dögum og eru afar ein-
föld í lögun. Síðan fara flestir út
í betri tegundir, nota þrúgur og
vanda sig við víngerðina. Zinfand-
el- og Cabernet Sauvignon-þrúgur
eru mjög vinsælar, en einnig hafa
þrúgur frá Rioja á Spáni og Pinot
Noir frá Frakklandi náð auknum
vinsældum."
óli segir bjórgerðarefni vinsælli
nú en áður, enda aukinn áhugi á
ógerilsneyddum bjór. „Engri kol-
sýru er bætt í hann, eins og í bjór-
verksmiðjum, heldur verður gos
til við eftirgeijun sem náð er fram
undir þrýstingi."
Löggjöfin or ólögleg
- Nú er bannað, samkvæmt
áfengislöggjöf, að brugga drykki
sem eru áfengari en 2,25%. Finnst
þér ekki ósiðlegt að selja efni sem
menn nota siðan til að bijóta lög?
„Áfengislöggjöfin er ólögleg, því
við erum aðilar að samningnum
um Evrópska efnahagssvæðið. í
Evrópu má láta allt geijast sem
getur geijast og litið er á bjór og
vín sem matvæli. Engum í Evrópu
er bannað að búa til eigin matvæli
og þessi áfengislöggiöf stangast á
við samninga sem Islendingar eiga
aðild að. Hins vegar er rétt að
benda á að alls staðar þar sem ég
þekki til er bannað að eima áfenga
vökva. Þessi bjór- og léttvíngerð
snýst ekki um það, heldur að fólk
geti leyft sér að fá sér vínglas eða
bjór án þess að buddan þurfi að
tæmast í hvert sinn.“
Óli segist ekki verða var við
áhuga á spíragerð hjá viðskiptavin-
um sínum. Margir kaupi samt
bragðefni til að bæta út í vodka,
sem keypt er í ríkinu og geri þann-
ig eins konar lílq'öra. ■
VERSLUNIN PLUTO
GUÐMUNDINA RAGNARSDOTTIR
Byrjaði á víngerð því ég
hafði ekki efni á að kaupa mér léttvín í Ríkinu
„ÉG byrjaði að gera eigið vín
fyrir um 15 árum og hef gert
það nokkuð reglulega síðan,“
segir Guðmundína Ragnars-
dóttir, tæplega fertugur lög-
fræðingur. „Eg á nánast alltaf
léttvínsflösku, enda finnst mér
ómögulegt að hafa víngeymsl-
una tóma.“ Hún segist í fyrstu
aðallega hafa gert hvítvín. „Ég
reyndi einnig fyrir mér í bjór-
bruggi áður en farið var að
selja bjór hér á landi, en nú
geri ég aðallega rauðvín. Ég
byrjaði á víngerð því mig lang-
aði að geta fengið mér vín með
mat, en hafði ekki alltaf efni á
að kaupa léttvín hjá ÁTVR. Nú
lít ég á víngerðina eins og hvert
annað hagsýnt heimilisverk,
eins og til dæmis kökubakstur,
sem að auki er skemmtileg tóm-
stundaiðja."
Hugsar vel um vfnlð sltt
Guðmundína segir lykilatriði
að fylgja öllum leiðbeiningum
nákvæmlega, gæta fyllsta hrein-
lætis við víngerð og nostra við
vínið. „Maður þarf að hugsa vel
um vínið sitt til að það verði
gott,“ segir hún sannfærð. Þær
rauðvínsþrúgur sem eru í mestu
uppáhaldi hjá henni eru Merlot,
Cabernet Sauvignon, blanda af
þessum tveimur tegundum og
Medoc. „Ég geri líka hvítvín af
og til og nota þá helst Char-
donnay- og Chianti-þrúgur."
- Hvað finnstþér erfiðast í
víngerðinni?
„Áður lenti ég helst í vand-
ræðum með að ná kolsýru úr
víninu, en ef það tekst ekki nógu
vel er hætt við að bruggbragð
komi af víninu. Það finnst mér
óásættanlegt og þess vegna
gæti ég þess sérstaklega vel að
ganga úr skugga um að öll kol-
sýra sé örugglega farin úr vín-
inu áður en ég set það á flösk-
ur.“
Guðmundína segist orðin mun
kröfuharðari á heimagert vín
nú en áður. „Maður er hættur
að sætta sig við hvað sem er og
nú kaupi ég bara góðar þrúgur
til víngerðar. Þegar upp er stað-
ið kostar hver vínflaska mig um
230 krónur, en i upphafi þarf
að kaupa kúta, sykurflotvog,
tappa og jafnvel flöskur og þvi
Ljósmynd/Jón Svavarsson
GUÐMUNDÍNA Ragnarsdóttir: „Hver vínflaska kostár mig um
230 krónur.“
er kostnaðurinn ívið hærri þeg-
ar menn byrja að gera eigið
vín.“
- Færðu aldrei leið á heima-
gerðu víni ogfreistast tilað
kaupa gæðavín þjá ÁTVR?
„ Jú, ég kaupi mér stundum
vín, til tilbreytingar, en ég vil
gjarnan hafa mikið beijabragð
af rauðvíni og vinin mín eru
einmitt þannig, svo ég drekk
þau oftast. Heimagert vín er
ólíkt gömlum vínum, sem geymd
hafa verið árum saman á eikar-
tunnum, því það er miklu fersk-
ara. Ég geymi vín yfirleitt ekki
mjög lengi á flöskum, i mesta
lagi í átta mánuði og ég held
að ekki sé rétt að geyma það
mikið lengur, án þess að bæta
rotvarnarefnum í það.“
- Finnst þér allt í lagi að
gera eigið vín, þótt lagabókstaf-
urinn segi aðþú megir það ekki?
„Ég segi nú bara eins og
amma mín sagði alltaf og hafði,
að mínu mati, mikið til síns
máls: Til hvers lét Guð fögur
vínber vaxa? Til að gleðja dapr-
an heim.“
Morgunblaðið/Golli
STEINGRÍMUR Wernersson, einn af eigendum Ámunnar.
bruggaður er úr malti og humli og
er ir\jög einfaldur í lögun. Efni í eina
lögun kostar um 1.500 krónur og
úr henni koma um 20 lítrar af bjór.“
- Hver er galdurinn við góðan
árangur í bjór- eða víngerð?
„Hreinlæti er númer eitt, tvö og
þijú, því þess þarf að gæta að ekki
komist aðrir gerlar í löginn, en þeir
sem eiga heima þar. Síðan þarf al-
úð, enda nauðsynlegt að fylgjast vel
með bjór eða víni meðan það er að
þroskast og geijast. Þegar geijun
víns er lokið er nauðsynlegt að hrista
vínkútinn oft og vel, til að ná kol-
sýru úr víninu og einnig skiptir
máli að fylgjast með sykurmagni
með þar til gerðri sykurflotvog.
Ekki má gleyma því að vín- og
bjórkútar þurfa að vera við ákveðið
hitastig til að geijun verði sem best.
í stuttu máli má segja að þeir sem
fylgja leiðbeiningum nákvæmlega,
eru þolinmóðir og sinna vín- eða
bjórgerðinni af alúð, hafa tryggt sér
góðan árangur." ■