Morgunblaðið - 04.04.1997, Side 4
Reuter
Seedorf
skotspónn
Ákvað sjálfur að taka vítaspyrnu íyrir
Holland - skaut enn á ný yfir mark
Hollenski landsliðsmaðurinn
Clarence Seedorf, sem leikur
með Real Madrid, hefur verið skot-
spónn hollenskra blaða eftir að Hol-
lendingar töpuðu fyrir Tyrkjum í
undankeppni HM á miðvikudag í
Tyrklandi. Seedorf, sem varð 21 árs
á þriðjudaginn, tók vítaspyrnu sem
hann átti ekki að taka rétt fyrir
leikslok og endurtók leikinn frá því
í Evrópukeppni landsliða í Eng-
landi, spymti yfír mark Tyrkja eins
og hann gerði gegn Frökkum í víta-
spymukeppni í EM. Báðar spyrn-
umar urðu til þess, að Hollendingar
töpuðu.
Það var vitað að tveir leikmenn
hollenska liðsins væru þeir sem áttu
að taka vítaspymur - Wim Jonk
hjá Eindhoven er vítaskytta Hol-
lands og sá sem kemur á eftir hon-
um er Frank de Boer.
Þegar vítaspyrnan var dæmd
rétt fyrir leikslok, var Jonk ekki
tilbúinn að taka vítaspyrnuna, en
Seedorf gekk að knettinum og tók
spyrnuna. „Það er ljóst að mínir
menn áttu ekki að láta Clarence
taka spyrnuna. Hann var ekki rétti
maðurinn, þó svo að hann hafí sagt
að hann væri tilbúinn að taka
spyrnuna," sagði Guus Hiddink,
þjálfari Hollands. Seedorf sagðist
ekki hafa vitað að það hefði verið
búið að ákveða fyrirfram hver ætti
að taka vítaspyrnu. „Ég ber ábyrgð
á þessu - ég tók knöttinn og
spyrnti."
nLHMHil
ww?
flfotngnitMfiMfc
■ JOHANN Cruyff, fyrmm þjálf-
ari Barcelona, er ekki tilbúinn að
taka við knattspyrnustjórastöðunni
hjá Celtic, eins og forráðamenn
skoska liðsins vonuðu.
■ MAN. Utd. sendi einkafiugvél
til Makedóníu eftir Roy Keane og
Dennis Irwin. Þeir fóru til Eng-
lands strax eftir leikinn - flugferð-
in kostaði United 3,7 millj. ísl. kr.
Aðrir leikmenn írska liðsins voru
eftir, allir hefðu þeir viljað vera í
spomm félaga sinna - að losna við
að vera kvöidstund í Skopje.
■ NÍU leikmenn landsliðs Alban-
íu, sem skipað er leikmönnum undir
21 árs aldri, mættu ekki þegar
landsliðshópur Albaníu hélt frá
Spáni á miðvikudagskvöldið. „Það
er ljóst að þeir ætla að biðja um
hæli sem pólitískir flóttamenn,"
sagði þjálfarinn Suleiman Mema.
■ MEMA sagði að tveir aðrir leik-
menn liðsins hefðu horfíð á braut
áður, sögðust vera á leiðinni til
Frankfurt í Þýskalandi.
■ DANSKI landsliðsmaðurinn
Dan Petersen, sem leikur með
Mónakó, sagði í gær að hann myndi
fara með Enzo Scifo til Anderlecht
eftir keppnistímabilið.
■ PETERSEN, sem kom til Món-
akó frá Ajax 1994, sagði að hann
væri búinn að skrifa undir þriggja
ára samning við belgíska liðið, eins
og Scifo hafí gert fyrir fjórum vik-
um. Petersen, sem er 26 ára, hefur
lítið leikið með Mónakó síðan hann
meiddist fyrir tveimur árum, en
hann skoraði fímmtán mörk fyrir
liðið fyrsta árið sem hann lék með
því.
■ DEMETRIO Albertini, miðvali-
arleikmaður AC Milan, leikur ekki
með liðinu næstu tíu dagana. Hann
var lagður inn á sjúkrahús vegna
verkja í eista, verður að vera þar í
tvo daga og síðan í hvíld frá knatt-
spyrnu í sjö til tíu daga.
■ JÚRGEN Klinsmann, fyrirliði
landsliðs Þýskalands og leikmaður
með Bayern Miinchen, segist vera
óhræddur um að finna ekki nýtt lið
tii að leika með.
■ KLINSMANN er ekki ánægður
hjá Bayern og hefur tilkynnt að
hann ætli ekki að leika með Bayern
eftir þetta keppnistímabil.
■ ÞESSI snjalli sóknarleikmaður
hefur verið orðaður við Real
Madrid, en vitað er að hann hefur
lengi langað til að leika á Spáni -
ætti það eftir, eftir að hafa leikið á
Ítalíu, í Frakklandi og Englandi.
„Real er eitt af frægustu liðum
Evrópu. Ég hef ekki rætt við neinn
hjá liðinu," sagði Klinsmann í gær.
■ EVERTON vill fá hann til sín
þrátt fyrir að Klinsmann vilji vera
búsettur í London. Everton er til-
búið að taka þyrlu á leigu til að
sækja hann á æfíngar og fara með
hann aftur til London á hveijum
degi.
■ CRAIG Brown, landsliðsþjálfari
Skotlands, segist vera búinn að
fínna framtíðarsóknardúett Skota,
til að taka við hlutverki þeirra Ally
McCoists og Maurice Johnstons.
■ ÞAÐ eru þeir Kevin Gallacher,
sóknarleikmaður Blackburn, sem
skoraði bæði mörk Skota gegn
Austurríkismönnum, 2:0, og
Darren Jackson. „Þeir eru báðir
mjög fljótir og kappsfullir. Ef þeir
sjá grasflöt, vilja þeir ólmir fá knött
og hefja leik,“ sagði Brown.
■ BAYERNMunchen fer með sitt
sterkasta lið til Hamborgar á
morgun. Landsliðsmennimir Thom-
as Strunz og Mehmet Scholl em
klárir í slaginn. Margir varnarleik-
menn Hamburger eru meiddir.
■ BRASILÍSKI markahrókurinn
Giovane Elber getur ekki leikið
með Stuttgart í Freiburg, þar sem
hann er í leikbanni.
Mikil illindi í undankeppni HM í Suður-Ameríku
Allsheij
aráflog
Argentínskir íþróttafréttamenn
voru allt annað en ánægðir
með knattspyrnulandslið sitt er það
mætti Bólivíu í undankeppni HM í
fyrrinótt. „Argentína lék illa og lög-
reglan lék af hörku“ var fyrirsögn
Clarin, sem er mest selda blaðið í
hinum spænskumælandi heimi. Leik-
ur þjóðanna var í Bólivíu og kenna
íþróttafréttamenn í Argentínu
heimamönnum að mestu um hvernig
leikurinn þróaðist, en hann var bæði
grófur og leiðinlegur. Blaðið segir
að ráðist hafí verið á sjúkraþjálfara
Argentínu að ástæðulausu, einn að-
stoðarmanna Bólivíu hafi lamið Julio
Cruz, sem varð að fara af velli, og
Carlos Roja hafí misst meðvitund
vegna gassins sem lögreglan notaði.
„En þetta afsakar ekki slaka
frammistöðu leikmanna Argentínu,“
bætir blaðið við og bendir á að sál
leikmanna hljóti að vera sár eftir
auk þess sem möguleikar liðsins á
að komast í úrslitakeppnina í Frakk-
landi hafi minnkað.
Annað blað, La Nacion, segir að
Argentínumenn hafi byrjað að leika
mjög gróft þegar þeim varð ljóst að
þeir væru að tapa þrátt fyrir þriggja
vikna æfíngabúðir í þunnu lofti til
að venjast aðstæðum. Bólivíumenn
hafí hins vegar svarað fáránlegum
leik gestanna í sömu mynt og þann-
ig hafði hlutimir stigmagnast.
Tveir leikmenn Argentínu voru
sendir af leikvelli áður en illindin
hófust fyrir alvöru. Allt varð vitlaust
þegar Gustavo Zapata frá Argentínu
neitaði að yfirgefa völlinn þrátt fyr-
ir að dómarinn sýndi honum rauða
spjaldið. í látunum skallaði meðal
annars Ignacio Gonzalez, markvörð-
ur Argentínu, einn leikmanna Bóliv-
íu viljandi og komst upp með það.
Leikurinn hófst á ný en þegar stutt
var til leiksloka sauð upp úr á ný.
Cruz var að ná í boltann til að taka
innkast þegar Javier Avila, einn að-
stoðarmanna bólivíska liðsins, lamdi
hann það fast að hann rotaðist. Leik-
menn beggja liða lentu nú allsheijar
áflogum og lögreglan reyndi að stilla
til friðar, en þótti heldur hliðholl
heimamönnum við þá iðju.
„Þeir unnu okkur bæði í knatt-
spyrnu og hnefaleikum," er haft eft-
ir einum stuðningsmanni Argentínu,
en Maradona sagði í útvarpsþætti
þar í landi að það hafí ekki nokkur
maður heyrt um frægan boxara frá
Bólivíu. „Þetta eru allt saman hug-
leysingjar,“ sagði Maradona.
Sjá má á myndbandi að Argentínu-
menn, sem fengu háttvísiverðlaunin
á Ólympíuleikunum fyrir drengilegan
leik, eru teknir til við fyrri iðju. Þeir
létu sig detta í tíma og ótíma til að
reyna að fá aukaspymu og mótheija
sína af leikvelli án nokkurs tilefnis.
Ijálfari liðsins, Daniel Passarella,
Reuter
FAUSTINO Asprllla í fylgd lögreglu í Paraguay.
TVEIR lögregluþjónar fylgja
aðstoftarmönnum argent-
ínska landsliðsins af lelk-
velli, er þeir voru að að-
stoða varamarkvörð Arg-
entínu, Basseda, af velli.
rauk út af blaðamannafundi daginn
fyrir leik vegna spuminga bólivísks
blaðamanns og sögðu sum blöðin í
Argentínu að í þessum leik hafí þar-
lendir knattspymumenn snúið til
„gömlu góðu“ daganna þegar leika-
raskapur og gróf knattspyma var
aðal landsliðsins.
Asprilla og Chilavert
reknlr af velli
Það var líka heitt í kolunum þeg-
ar Paraguay og Kólombía mættust,
en þeim leik lauk með 2:1 sigri
Paraguay. Það var á 81. mínútu að
Jose Luis Chilavert, markvörður
Paraguay, og Faustino Asprilla,
sóknarmaður Kólombíu, vom báðir
reknir af leikvelli, en þeim lenti sam-
an eftir að sá fyrrnefndi hafði brotið
á þeim síðarnefnda.
Áflog brutust út og tóku flestir
leikmenn liðanna þátt í þeim. Eftir
að lögreglan hafði skakkað leikinn
jöfnuðu Kólombíumenn úr vítaspyrn-
unni sem dæmd var þegar brotið var
á Asprilla. Eftir stimpingarnar var
Victor Aristizabal, sóknarmaður
Kólombíu, rekinn af leikvelli og ein-
um fleiri tókst heimamaönnum að
setja annað mark og sigra 2:1.
KNATTSPYRNA