Morgunblaðið - 30.04.1998, Blaðsíða 3

MORGUNBLAÐIÐ
KNATTSPYRNA
FIMMTUDAGUR 30. APRÍL 1998 D
Reuters
ður í bragði eftir að hafa tekið við sigur-
ni • Rómaborg. Þetta er í fyrsta skipti í 40
o verður bikarmeistari.
Kiel meistari
ÞAÐ var glatt á hjalla í Kiel í gærkvöldi
þegar flautað var til leiksloka í viðureign
Kiel og Nettelstedt og ljóst að heimamenn
höfðu borið sigur úr býtum, 27:24, og tryggt
sér um leið þýska meistaratitilinn í sjöunda
sinn, þar af í fjórða sinn á sl. fimm árum.
Nenad Perunicic var markahæstur í liði
Kielar í gær, gerði 8 mörk og Wislander
kom næstur með 5. Talant Duschebaev og
Sven Ladenmacher voru með 6 mörk hvor
fyrir Nettelstedt.
Ekki batnaði staða „íslendingaliðanna“
Bayer Dormagen og Hameln við leiki gær-
kvöldsins því bæði töpuðu þau. Dormagen
steinlá á útivelli, 33:23, fyiir Wallau
Massenheim og Hameln tapaði einnig úti-
velli, fyrir Niedenvúrzbach 27:23. Liðin eru
Jöfn í neðsta sæti með 14 stig og Ijóst að
bæði lið verða að selja sig dýrt um helgina
til forðast fall en annað þeirra verður samt
að bíta í það súra epli. Héðinn Gilsson var
markahæstur hjá Dormagen, gerði 6 mörk
og félagi hans Róbert Sighvatsson gerði eitt
•úark. Konráð Olavson skoraði eitt mark
f'.vrir Niederwúrzbach í sigi'i á Alfreð Gísla-
syni og lærisveinum hans í Hameln.
Patrekur Jóhannesson skoraði 6 mörk
fyrir Essen er liðið tapaði á útivelli fyrir
Magdeborg. Julian Róbert Duranona gerði
6 mörk lyrir Eisenach sem tapaði 33:23 fyr-
•r Lemgo á útivelli.
Barcelona og Lazio
bikarmeistarar
BARCELONA varð í gærkvöldi
bikarmeistari í knattspyrnu á
Spáni eftir æsilega baráttu við
Mallorca. Vítaspyrnukeppni
þurfti til að knýja fram úrslit
og það var ekki fyrr en eftir að
hvort lið hafði tekið átta víti að
niðurstaða fékkst. Á Ítalíu var
einnig leikið til úrslita í bikar-
keppninni; síðari viðureign
Lazio og AC Milan fór fram og
Lazio hafði betur á heimavelli
sínum í Rómaborg, 3:1, og þar
með 3:2 samanlagt. í ensku
úrvalsdeildinni sigraði Arsenal
lið Derby 1:0 á heimavelli og
færðist skrefi nær meist-
aratitlinum.
arcelona tryggði sér spænska
meistaratitilinn fyrir skemmstu
og í gærkvöldi bættist bikarinn í
safnið. Liðið hefur verið geysilega
sigursælt í gegnum árin og því
hljómar það ef til vill undarlega að
þetta er í fyrsta skipti í 39 ár - síðan
1959 - að liðið vinnur bæði deild og
bikar sama árið.
Leikurinn í gær varð sögulegur.
Tveir leikmenn Mallorca voru reknir
af velli þegar skammt var til
leiksloka. Staðan var 1:1 eftir 90
mínútur og Mallorca-menn héldu
jöfnu í hálftíma framlengingu, þrátt
fyrir mikla sókn Barcelona, og það
var ekki fyrr en í vítaspyrnukeppn-
inni sem meistaramir höfðu betur.
Mallorca-menn voru reyndar með
pálmann í höndunum í vítakeppninni
en færðu sér það ekki í nyt.
Staðan var jöfn, 3:3, eftir að
hvort lið hafði tekið fimm vítaspyi'n-
ur. Markvörður Mallorca, Carlos
Roa, hafði skorað úr síðustu spymu
liðsins. Luis Figo, fyrirliði
Barcelona, steig næstur fram en Roa
varði spyrnu hans. Aðurnefndur St-
ankovic fékk þá tækifæri til að
tryggja Mallorca bikarinn þegar
hann tók sjöttu spyrnu liðsins en
þrumaði framhjá og þar með áttu
Börsungar enn möguleika. Oscar
Garcia skoraði þvínæst fyrir
Barcelona, Amato jafnaði, Hollend-
ingurinn Reiziger kom Barcelona í
5:4 þegar hann skoraði úr áttundu
spyrnu liðsins af öryggi og síðastur
steig fram Xabier Eskurza, leikmað-
ur Mallorca. Hann skaut fast á mitt
markið og þó hinn hollenski Ruud
Hesp, markvörður Barcelona, henti
sér til hliðar, náði hann að verja með
fótunum.
Lazio í ham
Leikmenn Lazio skoraðu þrívegis
á tíu mínútna kafla, eftir að hafa lent
0:2 undfr samanlagt, slógu leikmenn
AC Milan þar með algjörlega út af
laginu og hömpuðu ítalska bikarnum
í fyrsta skipti í 40 ár.
Liðin mættust á Ólympíuleikvang-
inum í Róm. Milan sigraði 1:0 í fyrri
leiknum og þegar Demetrio Albert-
ini skoraði fyrir Milan á 47. mín. og
staðan var orðin 2:0 samanlagt virt-
ust úrslitin ráðin. Fyrri hálfleikurinn
var afar daufur, svo ekki sé sterkar
að orði kveðið, og ekkert benti til
þess að boðið yrði upp á skemmtileg-
an seinni hálfleik. En eftir að Albert-
ini skoraði byrjaði ballið fyrst fyrir
alvöru. Marco Gottardi skoraði
fyrsta mark Lazio átta mín. síðar,
þremur mín. eftir markið fengu
heimamenn dæmda vítaspyrnu þeg-
ar dómarinn taldi Paolo Maldini, fyr-
irliða Milan, hafa brotið á marka-
skoraranum Gottardi og Júgóslavinn
Vladimir Jugovic skoraði örugglega
úr vítinu. Þegar þai'na var komið
sögu var eins og dagatali Lazio-
manna væri flett nokki'a mánuði aft-
ur í tímann; til fyrstu mánuða ársins
þegar liðið þótti leika allra liða best á
Italíu. Jugovic og Pavel Nedved fóru
á kostum á miðjunni og liðið sótti af
miklum krafti í þehTi von að knýja
fram sigurmarkið. Pierluigi Casirag-
hi var nálægt því að skora þegar
hann skaut í stöng af stuttu færi en
augabragði síðar var varnarmaður-
inn Alessandro Nesta á ferðinni þeg-
ar hann þrumaði í netið af stuttu
færi.
Bergkamp
meiddist
Arsenal færðist skrefi nær enska
meistaratitlinum í gærkvöldi þegar
liðið sigraði Derby 1:0 á Highbury.
Það var Frakkinn Emmanuel Petit
sem gerði eina markið á 34. mín. Lið-
ið á nú eftir þrjá leiki og þarf aðeins
að næla í þrjú stig til að tryggja sér
titilinn.
Sigur Arsenal var hins vegar dýr-
keyptur því hollenski framherjinn
frábæri, Dennis Bergkamp, meiddist
á 30. mín. - tognaði á læri - og óljóst
er hvort hann getur tekið þátt í úr-
slitaleik ensku bikarkeppninnar í
næsta mánuði þar sem Arsenal mæt-
ir Newcastle.
Bergkamp mistókst að skora úr
vítaspymu á 13. mín. í gærkvöldi.
Frakkinn Nicolas Anelka var felldur
í teignum en Eistinn Mart Poom í
marki Derby varði spyrnu Berg-
kamps.
KÖRFUKNATTLEIKUR
Allt galopið ennþá
LEIKIRNIR á þriðjudagskvöld
sýndu enn einu sinni að ekkert
er gefið þegar í úrslitakeppn-
ina er komið í NBA-deildinni.
Öll 16 liðin eru enn „lifandi“
og sumar leikseríurnar klárast
sjálfsagt ekki fyrr en um helg-
ina.
innesota Timberwolves held-
ur áfram að koma á óvart í
viðureign sinni gegn Seattle
SuperSonics. þriðji
Gunnar leikur liðanna í Minn-
Valgeirsson eapolis var mjög
skrífar skemmtilegur.
Seattle náði fljótlega
forystu en Minnesota jafnaði fyrir
hálfleik og vann sanngjamt í lokin,
98:90. Stjörnurnar, Kevin Garnett
(19 stig, 8 fráköst) og Stephon
Marbury (14 stig, 11 stoðsending-
ar) voru mjög traustar og Anthony
Peeler setti niður 20 stig. Gary
Payton skoraði 26 stig fyrir
Seattle, sem nú verður að vinna tvo
leiki í röð ef liðið ætlar í næstu um-
ferð. Sama sagan heldur áfram að
endurtaka sig hjá liðinu í fyrstu
umferð. Liðið virðist aldrei spila
vel í fyrstu umferð.
Miami Heat vann góðan og sann-
gjarnan sigur á New York Knicks
91:85 í Madison Square Garden.
Bakverðimh’ Wishon Lenard (28
stig) og Tim Hardaway (27 stig)
áttu báðir frábæran leik og vom
lykillinn að sigri liðsins. „Tim og
Wishon áttu báðir góðan leik hjá
okkur og við náðum í það sem við
vildurn í kvöld,“ sagði Pat Riley,
þjálfari Miami, eftir leikinn. New
York tapaði knettinum 20 sinnum
og það kostaði liðið sigui’inn. Allan
Houston var stigahæstur að vanda
hjá New York með 27 stig, en hann
skoraði ekki stig síðustu 15 mínút-
umar í leiknum. Miami hefur nú
náð 2:1 forystu úr viðureignum lið-
anna og hefur einfaldlega of mörg
vopn íyrir New York.
Portland Trailblaizers náði loks í
sigur gegn Los Amgeles Lakers,
98:90. Leikurinn var æsispennandi
frá upphafi til enda, en Portland
var sterkara á endasprettinum og
vann sanngjamt. Isiah Rider og
Damon Stoudamire skoruðu báðir
18 stig fyrir heimaliðið og
Shaquille O’Neal var að venju
stigahæstur hjá Lakers með 36
stig, auk 16 frákasta. Aðrir leik-
menn vom ekki nægilega virkir hjá
Lakers. Portland getur jafnað
dæmið í nótt, en liðið hefur verið
slegið út í fyrstu umferð fimm ár í
röð.
Atlanta Hawks vaknaði heldur
betur til lífsins gegn Charlotte
Hornets á heimavelli. Liðið vann
stórsigur, 96:64, og er þetta stærsti
sigur liðsins í úrslitakeppni síðan
1951 gegn Minneapolis Lakers!
Charlotte jafnaði met varðandi
lægsta skor í úrslitakeppni í leikn-
um. Mookie Blaylock var stiga-
hæstur i jöfnu liði Atlanta með 16
stig. Atlanta getur jafnað keppnina
á heimavelli á morgun.
De Bruin í
fjögurra
ára bann?
MICHELLE de Brain (áður
Smith), þrefaldur ólympíu-
meistari í sundi á síðustu leik-
um, á yfh' sér fjögurra ára
keppnisbann, en hún er grunuð
um að hafa falsað lyfjapróf sem
tekið var af henni eftir æfingu í
janúar. De Bruin segist með
öllu saklaus og ætli ekki að una
sér hvíldar fyrr en sannleikur-
inn liggi fyrir og hún verði
hreinsuð af þessum gi-un Al-
þjóða ólympíunefndarinnar og
Alþjóða sundsambandsins,
FINA. í þeim hei'búðum hefur
verið greint frá því að sýnið
sem kom frá De Bruin sé ekki
hreint, eitthvað hafi verið átt
við það og jafnvel kann það að
vera úr annarri konu.
De Bruin var aðalstjarna
sundkeppninnar á síðustu
Ólympíuleikum árið 1996 en átti
erfitt uppdráttar á síðasta ári
vegna meiðsla sem hún hlaut í
bílveltu. Hún var ekki á meðal
keppenda á HM í sundi fyrr á
þessu ári en um það leyti var
umrætt lyfjapróf tekið af henni
heima á Iriandi. <
Hefui- hún nú náð sér af
meiðslunum og hugðist leggja
allt í sölumar til þess að ná
fyrri getu á þessu ári. Hins veg-
ar er ljóst að það tekst henni
ekki ef hún nær ekki að hreinsa
sig af grunsemdunum. Fari hún
í fjögurra ára bann yrðu það
endalokin á hennar ferli, en De
Brain er 28 ára gömul. Lengi
hafa verið uppi grunsemdir um
að hún hefði óhreint mjöl í
pokahorni sínu, en aldrei hefui'
neitt sannast á hana. Ekki hvað
síst þykir mörgun einkennilegt
hvað hún hefur tekið miklum
framforum síðan hún fór að æfa
undir stjórn eiginmannsins,
Hollendingsins Eriks de Bruin,
sem er fyrrverandi kringlukast-
ari. Hann afplánar nú fjöguiTa
ára keppnisbann vegna lyfja-
notkunar árið 1995.
í febrúar á sl. ári fékk hún að-
vöran frá FINA vegna þess að
hún hafði ekki mætt í lyfjapróf á
vegum þess undir árslok 1996.
Þá komst hún hjá lyfjaprófi á
EvrópumeLstaramótinu í Sevilla
í sumai'. Er hún mætti ekki í
fyrra prófíð var henni tilkynnt
af FINA að kæmi þetta fyrir á .
ný yrði hún umsvifalaust dæmd
í íjögurra ára keppnisbann.
Leikið við
Japan á
Austfjörðum
ÍSLENSKA landsliðið í hand-
knattleik mætir landsliði
Japans í tveimur vináttulands-
leikjum á Austfjörðum í byrjun
maí. Laugardaginn 9. maí verð-
ur leikið í Neskaupstað og dag-
inn eftir á Fáskrúðsfirði.
„Þorbjörn Jensson landsliðs-
þjálfari sagði að landsliðið
kæmi aðeins saman vegna þess-
ara leikja en síðan yrðu æfingar
8. júní til 10. júlí. Til stóð að
fara á mót í Egyptalandi í júlí-
byrjun en Egyptar seinkuðu því
og þar sem leikmenn höfðu ráð-
stafað tíma sínum vai'ð að
hætta við þátttöku. „Við erum
að reyna að finna aðra leiki í
staðinn á fyiTnefndum æfinga-
tíma,“ sagði Þorbjörn.
Ungmennaliðið skipað leik-
mönnum tuttugu ái'a og yngri er
í riðli með Póllandi og Dan-
mörku í Evrópukeppninni en
leikir riðilsins fara sennilega
fi'am á Akureyri í umsjón KA
fyTstu helgina í júní. íslenski
hópurinn verður valinn á næstu
dögum og undirbúningurinn
hefst með tveimur leikjum við
japanska landsliðið, á Hvolsvelli
12. maí og í Þorlákshöfn 13. maí.