Morgunblaðið - 06.11.1998, Blaðsíða 76

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF3040, NETFANG: RITSTJ@MBL.IS, AKUREYRI: KAUPVANGSSTRÆTI1
FÖSTUDAGUR 6. NÓVEMBER 1998
VERÐ í LAUSASÖLU 125 KR. MEÐ VSK
Flutningur hluta Ibúðalánasjóðs til Sauðárkróks
Utboðsskylt að mati
forstjóra Ríkiskaupa
JÚLÍUS Ólafsson, forstjóri Ríkis-
kaupa, segir það skoðun sína að
bjóða beri út þau viðskipti íyrir
Ibúðalánasjóð sem færast eiga frá
Veðdeild Landsbankans. Það bygg-
ist á því að um bankaþjónustu sé að
ræða og þau falli undir samninginn
um EES sé um að ræða viðskipti yf-
ir 15-16 milljónir króna.
Júlíus segir að Ríkiskaup séu
ekki eftirlitsaðili með málinu og því
kvaðst hann ekki búast við að málið
v_ ^kæmi þar inn á borð. „Við bjóðum
ekki út nema menn biðji okkur um
það,“ sagði hann. Hann sagði að í
gildi væri ákveðin tilskipun um út-
boð á þjónustu. „Þar eru ýmsir
þjónustuflokkar tilteknii-. Þar á
meðal er þetta.“
Hann sagði að útboðsskyldan
miðaðist við að verðmæti þeirrar
þjónustu, sem um er samið, nái um
16 milljónum króna. Ef t.d. sé gerð-
ur 5 ára samningur um rúmlega 3
milljóna króna þjónustu á ári sé
skylt að bjóða út.
Formaður hafnar útboðsskyldu
Gunnar S. Björnsson, formaður
undirbúningsnefndar að stofnun
íbúðalánasjóðs, hafnaði því í sam-
tali við Morgunblaðið í gær að
verkefnið væri útboðsskylt og
sagðist byggja þá skoðun á lög-
fræðiáliti.
„Það er einfaldlega vegna þess að
þetta er undir þeim mörkum sem
gilda í þessum efnum og þessi starf-
semi fellur ekki undir útboðsskyldu.
Þetta er viðskiptastarfsemi, sem
fellur ekki undir Evrópska efna-
hagssvæðið. Það er að minnsta kosti
sú túlkun, sem við höfum frá lög-
fræðingum, sem eru færir á þessu
sviði.“
Forsetar
kanna
heiðursvörð
OPINBER heimsókn Ólafs
Ragnars Grímssonar til Ítalíu
hófst formlega í gær og tók Osc-
ar Luigi Scalfaro, forseti Ítalíu,
á móti forseta íslands við Quir-
inale-höll í Róm. Ólafur Ragnar
er að endurgjalda Scalfaro
heimsókn til Islands og í viðræð-
um þeirra í gær kom fram hjá
Scalfaro að Islandsheimsóknin
hefði haft djúpstæð áhrif á hann
og hann hygðist koma aftur til
Islands eftir að hann léti af emb-
ætti forseta til að kynnast landi
ojg þjóð betur. Á myndinni sjást
Olafur Ragnar og Scalfaro
ganga fram hjá heiðursverði í
hallargarðinum.
■ Ný staða N-Evrópu/26-27
Mitch á leið
til Islands
VON ER á fellibylnum Mitch til ís-
lands nk. mánudag. Að sögn Áma
Sigurðssonar veðurfræðings kemur
Mitch til íslands sem mjög djúp
lægð. Reiknað væri með að hún yrði
um 947 millibör þegar hún kæmi
hingað á mánudag. Mitch olli miklu
manntjóni og gífuriegri eyðilegg-
ingu í Mið-Ameríku um síðustu
helgi.
Mitch er nú við Flórída á leið
norðaustur með strönd Bandaríkj-
anna. Gert er ráð fyrir að hann
verði við Nýfundnaland á hádegi á
morgun. Árni sagði að hann myndi
efiast aftur þegar hann færi yfir
Atlantshafið. Hann yrði væntanlega
við Irland á sunnudag og tæki þá
stefnu á Island. Búast mætti við
mjög hvössu veðri hér á mánudag
og þriðjudag. Önnm- djúp lægð er á
leið til landsins og má búast við
hvössu veðri í kvöld.
Meinatæknar
boðaðir á fund
VIGDÍS Magnúsdóttir, fram-
kvæmdastjóri Ríkisspítalanna, hef-
ur boðað meinatækna á Landspítala
á sinn fund í dag og er þetta fyrsti
formlegi fundurinn í kjaradeilu
meinatækna og spítalans frá því
uppsagnir meinatækna tóku gildi
um síðustu mánaðamót.
Meinatæknar áttu í gær fund
með landlækni um þjónustu meina-
tækna á neyðarstundu. Anna Svan-
hildur Sigurðardóttir meinatæknir
sagði að meinatæknar hefðu lýst því
yfir að þeir myndu koma til aðstoð-
ar ef slys eða aðra neyð bæri að
höndum. Þetta hefði verið rætt m.a.
vegna þess að Landspítalinn er með
bráðavakt um helgina.
, Meinatæknar áttu fund með for-
manni læknaráðs Landspítalans í
gær. Anna Svanhildur sagði að eng-
in niðurstaða hefði orðið á fundin-
um. Hann hefði viljað fá upplýsing-
ar um kjaramál meinatækna. Allir
væru að leita leiða til að leysa deil-
una.
Þreytu gætir
Þreytu er farið að gæta hjá þeim
fáu meinatæknum sem enn eru við
störf á rannsóknarstofum Landspít-
alans í blóðmeina- og meinefna-
fræði, en þeir hafa unnið á 10-16
tíma vöktum undanfarna sólar-
hringa. Formlegar viðræður stjórn-
enda spítalans og þeirra meina-
tækna sem hætt hafa störfum höfðu
ekki verið boðaðar í gær.
Guðbjörg Sveinsdóttir, meina-
tæknir á Landspítalanum, sagðist
vonast til þess að einhverjar þreif-
ingar væru að byrja hjá deiluaðilum
en hún hefði hins vegar engar sönn-
ur fyrir því. Guðbjörg var ein fimm
meinatækna á vakt í gær og sagði
hún vinnuálagið hafa verið mikið.
„Við höfum þurft að skipta sólar-
hringnum í tvennt og maður er orð-
inn hálfruglaður. Síðan er þetta
vinna sem maður vinnur ekki dags
daglega og maður er svona að
þreifa sig áfram og átta sig á hlut-
unum. Þetta rennur ekki í gegnum
greipar manns eins og sandur,“
sagði hún.
Stjórn Bandalags háskólamanna
samþykkti í gær ályktun þar sem
lýst er þungum áhyggjum af
ástandinu sem væri að skapast á
Ríkisspítölunum. Bent er á að
rekstrarvandi Ríkisspítalanna hafii
leitt til þess að ekki sé staðið við
gerða kjarasamninga. Óánægja
starfsfólks stigmagnaðist og aukið
vinnuálag hefði leitt til þess að fólk
hefði leitað í önnur störf.
Morgunbaðið/Emilía
Fram og KR á mark-
að á næstu vikum
AÐALSTJÓRN Knattspyrnu-
félagsins Fram þarf að yfír-
taka skuldir knattspymu-
deildar félagsins við stofnun
hlutafélags um rekstur meist-
araflokks liðsins í efstu deild.
Nema skuldirnar rúmum
fjömtíu milljónum króna.
Framarar bjóða út hluta-
bréf í hinu nýja hlutafélagi,
Fótboltafélagi Reykjavíkur, á
næstu vikum. Verða seld bréf
að nafnvirði þrjátíu milljónir
króna, en gengi þeirra hefur
enn ekki verið ákveðið.
KR-ingar bjóða einnig
hlutabréf í nýstofnuðu rekstr-
arfélagi, KR-Sporti. Það út-
boð mun hefjast síðustu vik-
una í mánuðinum og verða
boðin út bréf að nafnvirði
50-100 milljónir króna. Lík-
legt er að gengi þeirra verði
1,0, eða á nafnvirði.
Fimm ára framtíðaráætlun
Fram gerir m.a. ráð fyrir því
að liðið komist í eitt af þrem-
ur efstu sætum efstu dcildar
á næstu tveimur árum og nái
þannig sæti í Evrópukeppni.
Þá er og gert ráð fyrir einuin
íslandsmeistaratitli á tímabil-
inu og að liðið komist einu
sinni í úrslit bikarkeppninn-
ar.
■ Fótbolti/38-39
Bankaleynd víkur við
rannsóknir Fiskistofu
HÆSTIRÉTTUR staðfesti í gær
dóm Héraðsdóms Reykjavíkur
þess efnis að Landsbanka Islands
væri skylt að afhenda Fiskistofu
ókeypis ljósrit af öllum gögnum er
vörðuðu afurðalánaviðskipti tiltek-
ins hlutafélags við bankann á tíma-
bilinu 1. janúar 1994 til 10. apríl
1996.
Bankinn hafði borið því við að
ákvæði laga um bankaleynd kæmu
í veg fyrir slíka afhendingu upplýs-
inga um viðskiptavini bankans
jafnvel þótt opinber stofnun eins
og Fiskistofa ætti í hlut.
Það sem vakti fyrir Fiskistofu
var að afla upplýsinga vegna rann-
sóknar á því hvort viðkomandi
hlutafélag hefði verkað ólögmætan
sjávarafla í fiskvinnslustöð sinni.
Einn þáttur í rannsókninni væri að
kanna hvort samræmi væri á milli
þess sem segði um hráefni félags-
ins í skýrslum þess og framleiðslu
þess á fiskafurðum á ofangi'eindu
tímabili.
Fiskistofa byggði kröfu sína á 2.
mgr. 15. gr. laga um stjórn fisk-
veiða nr. 38/1990 þar sem segir
meðal annars að bönkum og lána-
stofnunum sé skylt að afhenda
sjávarútvegsráðuneytinu eða Fiski-
stofu ókeypis allar þær upplýsing-
ar sem unnt sé að láta í té og nauð-
synlegar verði taldar vegna eftir-
lits með framkvæmd laganna.
Bankinn byggði hins vegar á
ákvæði um þagnarskyldu í 43. gr.
laga nr. 113/1996 um viðskipta-
banka og sparisjóði. Segir Hæsti-
réttur að þar sé berum orðum tekið
fram að fyrirmæli ákvæðisins um
þagnarskyldu eigi meðal annars
ekki við, þegar skylt sé að veita
upplýsingar lögum samkvæmt. Eðli
málsins samkvæmt gangi 2. mgr.
15. gr. laga nr. 38/1990 því framar.
Málið fluttu Gunnar Sólnes hrl.
af hálfu Landsbanka Islands hf. og
Einar Karl Hallvarðsson hrl. fyrir
hönd Fiskistofu.