Morgunblaðið - 12.03.1999, Blaðsíða 4

KNATTSPYRNA
Björn nef-
brotnaði
KR-ingar lögðu lið frá Rússlandi
i vítaspyrnukeppni á Kýpur
KR-ingar taka nú þátt í æfingamóti átta knattspyrnuliða á
Kýpur og léku fyrsta leik sinn á miðvikudagskvöld. Mótherj-
arnir voru þá 1. deildarlið Krylia frá Rússlandi og var jafnt eft-
ir venjulegan leiktíma, 3:3, en KR-ingar höfðu svo betur í víta-
spyrnukeppni.
Vesturbæingar byrjuðu ekki vel
í leiknum og Rússarnir náðu
snemma tveggja marka forystu,
2:0. Andri Sigþórsson minnkaði þá
muninn, en Rússarnir skoruðu
strax aftur, 3:1. KR-ingar voru svo
sterkari á endasprettinum og
Björgin Vilhjálmsson jafnaði metin
í 3:3 einni mínútu fyrir leikslok, en
áður hafði Sigþór Júlíusson náð að
minnka muninn í 3:2.
Björn Jakobsson, sóknarmaður
KR, varð fyrir því óláni að nef-
brotna í leiknum og varð að gista
nóttina eftir leikinn á sjúkrahúsi.
Hann hafði staðið sig vel í leiknum
fram að því og því til staðfestingar
mættu forráðamenn eins af topp-
liðunum á Kýpur á sjúkrahúsið til
að ræða við leikmanninn um hugs-
anlegan samning. Þar fengu þeir
þær upplýsingar að Björn væri
samningsbundinn KR og kváðust
þeir þá ætla að skoða málið frekar
með hugsanlegt tilboð í huga.
KR og Krylia eru í riðli með
sænska úrvalsdeildarliðinu
Hammarby og eistneska liðinu
Flora Tallin í riðli. Með Hammar-
by leikur Pétur Björn Jónsson, en
þjálfari Flora er Teitur Þórðarson.
Liðin áttust við á miðvikudag og
sigraði Flora, 3:2. Hammarby
mætir KR í undanúrslitum í dag,
en úrslitaleikur mótsins verður á
sunnudag.
Ólafur fær
„aðstoðar
mann“ hjá Hibs
ÓLAFUR Gottskálksson, markvörður Hibs.
SKOSKA knattspyrnuliðið
Hibernian, sem hefur yfir-
burði í skosku 1. deildinni og
stefnir rakleiðis aftur upp í
úrvalsdeild, hefur gert tilboð
í ftalska markvörðinn Raffa-
ele Nuzzo. Nuzzo er 25 ára
og hefur verið þriðji mark-
vörður Internazionale á Ital-
íu, en aðalmarkvörður Hi-
bernian í vetur hefur sem
kunnugt er verið Ólafur Gott-
skálksson.
I frétt Daily Record er
skýrt frá því að Alex
McLeish, knattspyrnustjóri
Hibernian, sé þegar farinn að
gera ráðstafanir varðandi
keppni í úrvalsdeild á næstu
leiktið og nú sé ætlunin að
styrkja og stækka leikmanna-
hópinn. Nuzzo sé ætlað að
vera varamarkvörður „ís-
lensku sljörnunnar Ólafs
Gottskálkssonar", eins og það
er orðað í frétt blaðsins.
Forráðamenn Inter munu
samþykkir sölu á Nuzzo fyrir
sitt leyti og heimiluðu
McLeish að fylgjast með
markverðinum á æfingum
Inter x Manchester á dögun-
um fyrir leiki liðsins í Meist-
aradeildinni gegn Manchest-
er United. Þar kom fram að
Nuzzo er afar hrifinn af til-
hugsuninni um að komast til
Bretlands og leika þar knatt-
spyrnu.
Ólafur hefur þótt standa
sig mjög vel í 1. deildinni á
þessari leiktíð, en greinilegt
er að forráðamenn Hiberiú-
an vilja hafa sterkan mark-
vöx-ð til taks, komi eitthvað
upp á. Þeir höfðu til reynslu
um daginn austurríska
markvörðinn Otto Konrad
og lék hann æfingaleik gegn
Dundee fyrir luktum dyrum,
en í kjölfarið var ákveðið að
senda hann heim.
Leikmenn boraa fýrir tap
Pólski þjálfarinn Franz Smuda
fer ekki troðnar slóðir. Smuda
hefur náð góðum árangri með sín-
um eigin aðferðum - með Wisla
Krakáv, en flestir spáðu liðinu falli
í aðra deild. Það hefur aftur á móti
komið á óvart í vetur og hefur ör-
ugga forystu í keppninni um Pól-
landsmeistaratitilinn, með 43 stig.
Næst koma liðin sem allir reikn-
uðu með að myndu berjast um
meistaratitilinn, Legia Varsjá og
Lech Posen - með 36 og 32 stig.
Smuda notar leikkerfi með lið
sitt, sem hann fann sjálfur upp.
Sérfræðingar telja það ekki mikils
virði, en Smuda nær eigi að síður
árangri með því. Hann lætur fjóra
leikmenn mynda blokk í vörninni -
hefur síðan einn til viðbótar sem
má sækja fram. Hann lætur aðra
fjóra mynda blokk á miðjunni og
hefur aðeins einn í fremstu víg-
línu.
Smuda fékk töluverð fjárráð
þegar símafyi'irtækið Tele-Fonika
ákvað að gerast aðalstyrktaraðili
félagsins. Leikmenn liðsins fá
rúmar þrjár millj. ísl. kr. til skipt-
anna fyrir hvern sigurleik, en ef
liðið tapar þurfa þeir að greiða
sömu upphæð til félagsins. Þetta
greiðslufyrirkomulag hefur gert
það að verkum að flestir leikmenn
liðsins hafa aldrei leikið betur og
fagna hverjum sigrinum á fætur
öðrum.
Það er orðið svo að nú þorir eng-
inn lengur að gagnrýna Smuda -
og hugsa mörg félög í Póllandi sér
gott til glóðarinnar; að taka upp
kerfi hans varðandi bónusgreiðsl-
ur til leikmanna og láta þá borga
félaginu þegar leikur tapast.
Tveir dómar-
ar reyndir í
Frakklandi
LÍKLEGT er að gerð verði til-
raun til að láta tvo dómara
dæma í 2. deild frönsku knatt-
spyrnunnar á næsta vetri.
Franska knattspyrnusam-
bandið má vænta bréfs frá
Knattspyrnusambandi Evr-
ópu, UEFA, á næstunni þar
sem formlega er farið þess á
leit að tilraunin fari frarn þar
í landi. Heimild er til þess að
þessi tilraun verði gerð og
hafa knattspyrnusambönd
nokkurra landa látið áhuga í
Ijósi að taka þátt í verkefninu.
Yvan Cornu, hjá UEFA, sagði
við franska íþróttadagblaðið
L’Equipe í gær að bréf með
þessum óskum liefði verið
sent til franska sambandsins
en þar á bæ hafði enginn enn
fengið bréfið í hendur.
■ BRASILÍSKI knattspyrnukapp-
inn Ronaldo, hjá Inter, er að ná sér
á strik og ljóst er að hann verður til-
búinn í slaginn í Evrópuleik gegn
Man. Utd. í næstu viku.
■ RONALDO, sem kom inná sem
varamaður í bikarleik gegn Parma í
vikunni, mun líklega einnig koma
inná í baráttunni við AC Milan á
morgun.
■ BAYERN Miinchen hefur átt í
viðræðum við þýska landsliðsmann-
inn Christian Wörns, sem leikur
með Paris St. Germain. Þýska blað-
ið Bild sagði frá því, að Wörns muni
skrifa undir þriggja ára samning,
sem tekur gildi 1. júlí.
■ BÚLGARSKI landsliðsmaðurinn
Hristo Stoichkov, sem leikur nú
knattspyrnu í Japan, er á leiðinni
heim. Þessi snjalli sóknarleikmaður,
sem hefur leikið með Barcelona og
Parma, mun taka við landsliði
Búlgaríu.
■ KARLHEINZ Förster, fram-
kvæmdastjóri Stuttgart, sagði frá
því í gær að til liðsins væri kominn
frá Argentínu miðherjinn Pablo
Islas, tuttugu ára. Islas, sem er leik-
maður Boca Juniors, verður næstu
vikurnar við æfingar í Stuttgart.
Koma Islas er liður í leit forráða-
manna Stuttgart á leikmanni til að
taka við af Fredi Bobic, sem er á
förum til Dortmund.
■ ÞAÐ getur farið svo að sænski
landsliðsmaðurinn Martin Dahlin
leiki ekki meira fyrir Hamborg SV.
Hann er meiddur í baki og verður
frá æfingum í sex vikur. Hamborg-
arliðið er með hann í láni frá Black-
burn.
■ CRYSTAL Palacehyggst reyna
að fá Terry Venables, fyrrverandi
knattspymustjóra liðsins, til þess
að samþykkja minni lokagreiðslur
sér til handa. Palace hafði sam-
þykkt að borga Venables um 120
milljónir króna er hann hætti hjá fé-
laginu í janúar. Venables hefur enn
ekki fengið neitt frá félaginu, sem á
við gríðarlega mikla fjárhagserfið-
leika að etja og hefur tapað um 48
milljónum króna mánaðarlega.
■ PORTÚGÖLSK dagblöð hafa
birt mynd af átökum sem áttu sér
stað á milli Michael Thomas og
Sergei Kandaurov, leikmanna Ben-
fica, á æfingu. Atvikið átti sér stað
er Thomas braut á Kandaurov, sem
brást reiður við og þurftu félagar
þeirra að skilja þá.