Morgunblaðið - 11.06.1999, Síða 1

B L A Ð
A L L R A
LANDSMANNA

c
1999
FÖSTUDAGUR 11. JÚNÍ
BLAÐ
S-Afríkubúinn kom-
inn upp á Skaga
Kenneth Oupa Matjiane, suður-afrískur fram-
herji, er genginn til liðs við ÍA og æfði með
liðinu í fyrsta skipti í gærkvöld. Hann hefur
fengið leikheimild og verður löglegur með
Skagamönnum, sem mæta Leiftri frá Ólafs-
firði í efstu deild á laugardag.
Til stóð að leikmaðurinn kæmi til Skaga-
manna á sunnudag en úr því varð ekki og
hann kom ekki fyrr en á miðvikudag, eftir sól-
arhrings ferðalag.
Matjiane, sem er 25 ára, verður á reynslu-
samningi fyrst um sinn og ef hann stendur
undir væntingum að mati Skagamanna verður
gerður við hann samningur til lengri tíma.
Hann lék áður með liði í efstu deild í Suður-
Afríku, Jomo Cosmos frá Jóhannesarborg, og
skoraði 20 mörk. Hann hefur einnig reynt fyr-
ir sér hjá liðum á Norðurlöndunum.
KNATTSPYRNA
Mikil ánægja með árangur rússneska landsliðsins í Moskvu
VALERÍ Karpin er þjóðhetja í
Rússlandi eftir sigurmörk gegn
Frökkum, 3:2, og íslendingum,
1:0. Hér fagnar hann marki sínu
og hleypur himinlifandi frá
marki íslands ásamt Alexander
Panov (10) - Pétur Hafliði Mar-
teinsson grípur um höfuð sér.
RÚSSAR eru gífurlega ánægðir
með endurholdgun rússneska
landsliðsins í knattspyrnu -
segja að þeir séu aftur á lífi í
„dauðariðlinum“ eftir að marg-
ir hafi jarðsett þá. Þegar Rúss-
ar töpuðu fyrstu þremur leikj-
um sínum, fyrir Úkraínu,
Frakklandi og íslandi, voru
þeir taldir úr leik í Evrópu-
keppninni. Þjálfari liðsins var
þá látinn taka pokann sinn og
hinn gamalkunni meistari Oleg
Romantsev kallaður til verks.
Undir stjóm Romantsevs vöknuðu
Rússar til lífsins og hafa unnið
fjóra leiki í röð. „Endurkoma Rússa
hefur verið mögnuð.
Eftir glæsilegan sig-
ur á Frökkum í París
um sL helgi kom sig-
ur á íslandi á troðfull-
um Dynamo-vellinum í Moskvu. Á
sama tíma komu ánæguleg tíðindi frá
Yerevan, þar sem Ukraínumenn
náðu aðeins jöfnu gegn Armeníu,"
sagði Moscow News í gær.
Blaðið fer lofsamlegum orðum um
þjálfarann Romantsev og marka-
skorarann Valerí Karpin. „Karpin
skoraði sigurmarkið gegn Frökkum í
París og þegar hann skoraði markið
gegn Islendingum fagnaði Sergei
Stepashin, forsætisráðherra Rúss-
lands, sem var meðal áhorfenda,
geysilega og einnig í leikslok, þegar
sigurinn á Islendingum var í höfn.
Áður en Karpin skoraði áttu leik-
menn Rússlands í miklum erfiðleik-
um með vörn íslendinga, sem var
þétt. Mikill fögnuður braust út þegar
Karpin skoraði og einnig stuttu síðar
þegar fréttirnar bárust frá Yerevan
Bjöm Ingi
Hrafnsson
skrífar
frá Moskvu
Rússar á
Morgunblaðið/Einar Falur
i
„dauðariðlinum"
- um markalaust jafntefli í leik Ar-
meníu og Ukraínu.
Islendingar, sem höfðu ekki tapað
ellefu leikjum í röð, sóttu í sig veðrið
í seinni hálfleik um leið og Rússar
gáfu of mikið eftir. Það var stórleik-
ur Viktor Onopko í vöminni, sem
bjargaði sigrinum - hann var vel á
verði þegar íslendingar sóttu hvað
mest,“ sagði blaðið og telur að Rúss-
ar eigi hvað bestu möguleikana á að
komast áfram upp úr „dauðariðlin-
um“ í baráttu við Ukraínumenn, ís-
lendinga og Frakka. Blaðið bendir á
að Rússland eigi eftir að leika við Ar-
meníu heima, Andorra úti og Ukra-
ínumenn heima. Úkraínumenn, sem
eru eftir í riðlinum, eiga erfiða leiki
eftir - heima gegn Frökkum og úti-
leiki gegn íslendingum og Rússum.
Mikil áhugi er á rússneska lands-
liðinu þessa dagana í Moskvu, sem
sást á Dynamo-leikvanginum, þar
sem uppselt var á leikinn. Meðal
áhorfenda var borgarstjóri Moskvu,
Yurí Luzhkov, sem er talinn líkleg-
astur til að vera næsti forseti Rúss-
lands.
Blöðin í Moskvu voru uppfull af
frásögnum á afrekum rússneska
landsliðsins. Eitt blaðanna var með
stóra fyrirsögn á forsíðu, þar sem
sagt var að sigurinn á íslandi hafi
verið til heiðurs skáldinu Alexander
Puskin, en á sunnudaginn var voru
liðin 200 ár síðan hann fæddist. Mikil
hátíðarhöld hafa verið í Rússlandi
vegna þeirra tímamóta allt þetta ár
og myndir eru á Puskin á götum úti.
Veðurfarið í Moskvu og rússneska
landsliðið eiga eitt sameiginlegt -
skjótt skipast veður í lofti.
Ragnheiður
hafnar tveimur
tilboðum
Ragnheiður Stephensen,
leiíunaður Islandsmeistara
Stjörnunnar í handknattleik,
hefur hafnað tilboðum frá
úrvalsdeildarliðinu Toten og
fyrstudeildarfélaginu Bryne
frá Noregi og verður að öllum
líkindum áfram í herbúðum
Garðabæjarliðsins.
Ragnheiður sagði í samtali
við Morgunblaðið að
forráðamenn Toten hefðu ekki
getað komið til móts við kröfur
hennar að öllu leyti og því
hefði hún ákveðið að hafna
tilboði félagsins. „Mér fannst
alltof mikið um óljósa þætti í
tilboðinu og gat ekki samþykkt
það óbreytt. Þá gat ég heldur
ekki látið skólayfirvöld í
Hofsstaðaskóla bíða eftir svari
frá mér um hvort ég hygðist
kenna þar næsta vetur.“
Norska fyrstudeildarfélagið
Bryne hafði einnig gert
Ragnheiði tilboð en hún sagðist
ekki hafa haft áhuga á að leika
í neðri deild í Noregi.
Samningur Ragnheiðar við
Stjörnuna er útrunninn en hún
gerir ráð fyrir að vera áfram
hjá félaginu. „Ég mun ræða við
formann handknattleiksdeildar
Sljömunnar á morgun
[föstudag] og býst við að skrifa
imdir nýjan samning við
félagið. Mér líður vel hjá
Stjörnunni, sem hefur hlúð vel
að kvennahandbolta í gegnum
árin.“
Enn hefur ekki verið ráðinn
þjálfari hjá kvennaliði
Stjörnunnar en allt útlit er
fyrir að Eyjólfur Bragason,
aðstoðarþjálfari karlaliðs
félagsins, taki starfið að sér.
Eldur í flug-
vél Úkra-
ínumanna
ÚKRAÍNSKU knattspyrnulandslið-
in voru hætt komin þegar eldur
kom upp í hreyfli flugvélarinnar
sem flytja átti þau heim frá Ar-
meníu á miðvikudag. Um borð í
vélinni voru A-landsliðið, 21 árs
landsliðið ásamt nokkrum forystu-
mönnum knattspymu í Úkraínu.
Eldurinn kom upp sekúndum áður
en flugvélin átti að hefja sig til
flugs. Áhöfiiinni tókst að stöðva
vélina og koma öllum heilum frá
borði. „Ef flugvélin hefði hrapað,
hefðu allir bestu knattspymumenn
þjóðarinnar farist og úkraínsk
knattspyrna verið lengi að ná
sama styrk aftur,“ sagði Josef Sza-
bo, landsliðsþjálfari.
AUÐUN HELGASON VARD AÐ JÁTA SIG SIGRAÐAN í MOSKVU / C2,C3