Morgunblaðið - 08.12.2000, Side 2

2 FÖSTUDAGUR 8. DESEMBER 2000
MORGUNB LAÐIÐ
FRÉTTIR
Landbúnaðarráðherra með nýtt frumvarp í smíðum um lax- og silungsveiði
Akveðin svæði verði
undanskilin öllu laxeldi
Greiðslur fyrir laxeldi koma til
greina hér, að mati ráðherra
GUÐNI Ágústsson landbúnaðar-
ráðherra er hrifínn af þeim áform-
um Norðmanna að leggja til
ákveðin landssvæði sem verði án
laxeldis í sjó, til að vernda villta
laxastofna. Frumvarp þessa efnis
liggur fyrir norska þinginu. í sam-
tali við Morgunblaðið sagðist
Guðni vera með frumvarp í smíð-
um um lax- og silungsveiði sem
m.a. tæki á þessu. Þar yrðu sett
skýr og afdráttarlaus lög um
hvernig standa ætti að þessum
málum. Hert væri á núgildandi
lögum sem heimiluðu landbúnaðar-
ráðherra að takmarka laxeldi á
ákveðnum landssvæðum.
Guðni sagði frumvarpið fara fyr-
ir ríkisstjórn á næstu dögum en
óljóst er hvort það verður að lög-
um áður en farið verður að veita
starfsleyfi fyrir þeim sjókvíaeldis-
stöðvum sem áformaðar eru.
Fjölmargir aðilar áforma víða
sjókvíaeldi hér við land, t.d. á
þremur stöðum á Austfjörðum, við
Reykjanes, Snæfellsnes, á Vest-
fjörðum og í Eyjafirði og Vest-
mannaeyjum. Fjrrir landbúnaðar-
ráðherra liggur að veita starfsleyfi
fyrir þessar eldisstöðvar. Væntan-
lega verður fyrst fjallað um stöð-
ina í Mjóafirði á Austurlandi sem
umhverfisráðherra úrskurðaði ný-
lega að þyrfti ekki mat á umhverf-
isáhrifum. Sú ákvörðun hefur
reyndar verið kærð.
Guðni sagði að við umfjöllun um
þessar stöðvar væri mikilvægt að
nýta sér þá reynslu sem Norð-
menn hefðu öðlast í laxeldi, svo
sömu mistökin yrðu ekki endur-
tekin og í upphafi laxeldis hér á
landi.
Sjókvíaeldi
takmörkuð auðlind
Eins og kom fram í Morgunblað-
inu í gær eru norsk stjórnvöld
einnig að íhuga greiðslu fyrir leyfi
ÓSLÓARTRÉÐ er nú komið á
sinn stað á Austurvelli en auk
þess sem tréð er stærsta jólatré
Reykjavíkurborgar þykir flestum
það vera ómissandi hluti af jóla-
svip miðbæjarins.
til sjóeldis á laxi. Aðspurður hvort
greiðslur kæmu til greina hér á
landi sagðist Guðni vera á því.
„Við erum að feta okkur af stað
á nýjan leik. Niðurstaða auðlinda-
nefndar var sú að hér yrði sjókvía-
eldi takmörkuð auðlind, ekki væri
hægt að stunda hana á öllum stöð-
um á Islandi. Samkvæmt þessari
niðurstöðu hlýtur gjaldtaka að
koma til greina. Hins vegar segi
ég það hiklaust við þau fyrirtæki
sem áforma laxeldi að auðvitað
verði þau að greiða ákveðna þjón-
ustu og kostnað sem þessu fylgir.
Kannski er of fljótt hjá okkur að
vera að tala um þetta sem stór-
gróðaatvinnuveg. Framtíðin sker
úr um hvort þetta gengur,“ sagði
Guðni.
Starfsmenn Reykjavíkurborgar
röðuðu ljósum á greinar trésins í
gær en á sunnudag verða ljósin
tendruð við hátíðlega athöfn að
vanda og á eftir munu jólasvein-
arnir mæta á svæðið.
Þorgerður Gunnars-
dóttir þingmaður
vill bjóða upp þriðju
kynslóð farsímarása
Skynsamur
valkostur
og sann-
gjörn leið
„UPPBOÐ á farsímarásum er [því]
skynsamur valkostur og sanngjörn
leið,“ skrifar Þorgerður Katrín
Gunnarsdóttir, alþingismaður Sjálf-
stæðisflokksins, í grein í blaðinu í
dag þegar hún lýkur samanburði á
þeim leiðum sem helst eru ræddar
við úthlutun leyfa fyrir þriðju kyn-
slóð farsímakerfa, UMTS-kerfisins
svokallaða.
Þingmaðurinn ber saman upp-
boðs- og samanburðarleiðimar. Það
atriði sem vegur þyngst í hennar
huga sem rökstuðningur fyrir upp-
boðsleiðinni er að þar er um að ræða
hlutlausa leið við úthlutun takmark-
aðra auðlinda þar sem reglumar eru
fyrir fram ákveðnar, öllum kunnar
og augljósar. Ekki sé líklegt að tor-
tryggni gæti við úthlutun leyfanna ef
uppboð er valið, hvorki meðal al-
mennings eða farsímafyrirtækja.
Telur hún að uppboðsaðferðin sé
til þess fallin að vekja traust almenn-
ings á framtíð þessara mikilvægu al-
mannahagsmuna og frið um úthlut-
un leyfa til þriðju kynslóðar farsíma.
■ Uppboðs- eða/62
----------------
Rækjuverksmiðja
NASCO í Bolungarvík
Fallið frá
kaupum
FALLIÐ hefur verið frá kaupum
AG-fjárfestingar ehf. á rækjuverk-
smiðju NASCO ehf. í Bolungarvík,
þar sem ekki náðust samningar við
stærstu kröfuhafa.
AG-fjárfesting ehf. var stofnað til
að kaupa rækjuverksmiðjuna áður
en NASCO óskaði eftir gjaldþrota-
skiptum og tókust samningar með
þeim fyrirvara um fjármögnun. Guð-
mundur Kr. Eydal, annar eigenda
AG-fjárfestingar ehf., segir að meðal
annars hafi kröfur á verksmiðjuna
reynst meiri en gert var ráð fyrir og
því hafi ekki náðst samningar við
stærstu kröfuhafa, Byggðastofnun
og Sparisjóð Bolungarvíkur.
Mikil vonbrigði
Um 80 manns vinna að jafnaði í
rækjuverksmiðjunni í Bolungarvík
og segir Ólafur Kristjánsson bæjar-
stjóri þessar málalyktir mikil von-
brigði. Hann segir að bæjarstjórnin
muni gera hvað hún geti til að starf-
semi haldi áfram í rækjuverksmiðj-
unni. „Það er erfitt fyrir Bolvíkinga
að búa við að eigendaskipti verða á
stærsta fyrirtæki staðarins á tveggja
ára fresti og nánast óviðunandi,"
segir hann.
Einstakt tíðarfar það sem af er
vetri í syðstu sveitum landsins
Enn hefur
ekki snjóað
í byggð
EINSTAKT tíðarfar hefur verið
í syðstu sveitum landsins í vetur.
Ekki hefur snjóað í byggð í Mýr-
dal þótt komið sé fram á jóla-
föstu. Þá er lítið vatn í jökulán-
um.
„Það er afskaplega gott veður,
frostlaust og stilla dag eftir
dag,“ sagði Einar Þorsteinsson,
fyrrverandi ráðunautur í Sól-
heimahjáleigu í Mýrdal, í gær.
Hann sagði að enn hefði ekki
komið snjór í byggð í haust.
„Okkur bregður mikið við því að
um þetta leyti í fyrra vorum við í
miðjum hörðum vetri,“ sagði
Einar. Hann sagði að það væri
mikils virði að fá svona tíðarfar,
það hjálpaði gróðrinum, en sagði
of snemmt að spá fyrir allan vet-
urinn. íslensk veðrátta væri svo
óskaplega breytileg. Græn strá
eru farin að sjást stinga sér upp
úr sinunni í Fagradal í Mýrdal,
þar sem Jónas Erlendsson,
fréttaritari Morgunblaðsins, býr.
Túnin farin að grænka
„Hér er búin að vera algjör
stilla í mánuð og maður sér að
túnin hér heima við bæ eru farin
að grænka,“ sagði séra Halldór
Gunnarsson í Holti undir Eyja-
fjöllum. Hann sagði einnig
greinilegt að trén heima í garð-
inum í Holti væru farin að taka
við sér. Halldór sagði að það
vekti athygli hvað lítið væri í án-
um. Þannig gæti hann nánast
gengið yfir Holtsána á spari-
skónum. Jónas í Fagradal sagði
einnig að óvenjulítið vatn væri í
jökulánum í Mýrdal og í þeim
væri sáralítið jökulvatn.
Vilhjálmur Eyjólfsson á
Hnausum í Meðallandi hafði
svipaða sögu að segja og þeir
sem vestar búa, allt er marautt
og fínt þótt komið sé nær jólum.
Hann sagði að tíðarfarið hefði
verið óvenjulega gott og mikill
munur frá síðasta vetri. Tvisvar
hefur hvítnað í rót í Meðallandi í
vetur en tekið jafnóðum upp aft-
ur. Nú eru byggðarfjöllin nálega
auð og það er ekki fyrr en kem-
ur hærra, upp í Fögrufjöll, að
snjór sést í fjöllum. Vilhjálmur
sagði að tíðarfarið í vetur væri
svipað og það var best veturna
fyrir 1940.
Tíðarfarið léttir störfin hjá
bændum og Vilhjálmur sagði að
menn hefðu ekki verið farnir að
taka fé á hús hér áður fyrr. Nú
hefðu allir gert það. í Mýrdaln-
um eru helst vandamál með að
ná fénu heim, það sækir upp
undir jökul á meðan veðrið helst
svona gott.
Sérblöð í dag
/ /
BIOBLAÐIÐ
Á FÖSTUDÖOUM
70 þriggja stiga skot
í Keflavík/B2
íslendingaliðin úr leik
í UEFA-bikarnum/B4
Fylgstu
með
nýjustu
fréttum
www.mbl.is