Skírnir - 01.04.1906, Qupperneq 5

Skírnir.
Japan.
101
Landið er að vísu miklu stærra, heitara og frjósamara
en vort, en svipar þó að mörgu til Islands. Allar Japans-
eyjar eru íerfalt stærri en ísland, en þéttbýli er þar svo
mikið, að þar búa 45 miljónir manna, en hér tæp 80 þús-
und, og er það 5—6 hundraðfalt við það sem hér er.
Stærð meðaljarðar í sveit er þar að eins 2l/t engjadag-
slátta, en fjöldinn allur minni. Það ræður að líkindum
að bóndinn má ekki láta nokkurn hluta bletts þessa
óræktaðan til þess að geta framfleytt sér og sínum. En
það er ekki eingöngu að öll jörðin sé ræktuð. Hún er
svo grandgæfilega ræktuð, að landið má heita einn aldin-
garður, það sem bygt er, og víða fást 2—3 uppskerur á
ári. Mest kveður að hrísgrjónarækt, en hrísgrjónajurtin
vex að eins i mjög blautum jarðvegi, helzt þar sem flæði
er. Akrarnir eru þvi eggslétt fiæði, sem vatni er veitt á,
en því er aftur veitt um alt eftir ógrynni skurða, sem
kostað hafa ærna peninga. Mestur hluti láglendisins eru
slík hrísgrjónaflæði, en þau ná líka víða kippkorn upp
eftir fjallshlíðunum, þar sem brattinn er ekki því meiri.
Hliðarnar eru þá gjörðar að eggsléttum stöllum af manna-
höndum, með þrepi við hvern stall og má geta nærri hve
mikla fyrirhöfn og fé slíkt kostar. Uppi á stöllunum eru
svo flæðin. Þær eru dýrari slétturnar í Japan en hér,
enda gefa þær meira af sér.
Kvikfé eiga Japanar mjög lítið. Þjóðin lifir nærfelt
eingöngu á jurtafæðu, aðallega hrísgrjónum. Meira en
helmingur þjóðarinnar lifir á akuryrkju. Fiskiveiðar eru
þó miklar. í jörðu finst gnægð af kolum og mikið af
málmum, svo Japan stendur vel að vígi sem iðnaðarland.
Iðnaður hefir og tekið mjög miklum framförum síðustu
áratugina. Skógar eru þar miklir.
Því fer þó fjarri að landið sé yfirleitt frjósamt og
arðberandi. Mestur hluti þess eru himinhá fjöll og hálendi.
Viða eru þar jöklar og eldfjöll mörg, sum þeirra sígjós-
andi. Laugar og hverar eru þar á hverju strái, en jarð-
skjálftar svo algengir og stói fenglegir, að tæpast er jafn
jarðskjálftahætt í nokkru landi. Að þessu leyti er líkt á