Heimskringla - 25.02.1897, Side 1

XI. ÁR.
WINNIPEG, MAN., 25. FEBRÚAR. 1897.
NR. 9.
Hreinskilni.
“Afínir vefjir eru
ekki yðar vegir."
Þú segir að drottni þeim dragi égs gis
Sem dýrkuöu gyðingaþjóöir,
og hyggur mig fara til Helvítis,
minn hjartkæri, sannkristni bróðir.
Og af því ég Jósúa andæfi mót
og innblúsnum ritningar sonum
þú segir um mentun ég hirði ei hót
né heiðvirðum teljist með konum.
Af því að ég trúi’ ekki að þrír sóu einn,
nó þrenningin ein mcgi verða,
þú segir minn vegur sé breiður og beinn
og búist ég snemma til ferða.
En kraftaverk Gideons gleipt fæ ég ei
né glaðst yfir frelsarans dauða,
Og Móeses segi hið mesta grey
á meðal guðs harðúðgu sauða.
Og Jehóva heldur ég heiðra ei þinn,
en hlæ oft að Samsonar kjálka,
og drottins vin konunginn Davíð ég finn
einn dýrslegan blóðþyrstan skálka.
Og lostagirnd Salómons lasta ég eins,
hans “Lofkvæði” og gullriku hallir.
Slíka þjóðkappa upptelja ei þó er til néins
því þeir eru sviplíkir allir.
Þótt andriki bróðir mér útskúfir þú
—og urmull af sannkristnum bjálfum —
Samt afneita eg kyrkjunnar kreddum
og trú
með klerkum og djöfiinum sjálfum.
Já, sannkristni bróðir, þótt bendir þú
rnér
á brennisteins eldhafið rauða,
því hughraust ég tek sem að höndum
mér ber
né hræðist ég komandi dauða.
Þótt bjargföst só trúiu og blessandi þig,
en á bármi óg glötunar standi,
hvoit mundir þú sæll ef þú sæir mig
á sælunnar eilífa landi ?
Þér andríki bróðir til ununar þá
frá upphimins ljómandi sölum
þinn annan hvorn viu munt og ættingja
sjá
í eilífum helvítis kvölum.
Og þá muntu grátfeginn glottaum tönn
með guðsbarna útvöldum sveitum
er veinar hin fordæmda fólksmergðar-
hiónu
í fjötrum í glæöunum heitum.
Hið ærlega, mannlega og ástina oss hjá
var óþarfi af guði að skapa
ef þannig er sælan, — æ, svei lienni þá;
ei sorglegt er heimi að tapa.
En hefirðu, vinur minn, hugsað um það
nær hnígum vér önduð að foldu,
hvort þá muui duft vort þekkjast að,
er það hefir samlagast moldu ?
MYllRAU.
Mig vantar.
Mig vantar, mig vantar—ég veit ekki
hvað
—mig vantar það síðan ég fæddist;
mig langar, mig langar,—já, það er nú
það,
sem þegjandi í hjartanu glæddist.
Og ég er svo þreyttur við umstang og
arg
og endalaust fálm út í bláinn,
og mannlífsins suða og hið sífelda garg,
er sönglar æ mannanna þráin.
Menn stika og hlaupa og stökkva svo
hátt
og steypast og veltast og sveima,
og skarinn frambrúnar f einhverja átt,
en áttin á þó hvergi heima.
Og svona menu hamast uns sökkva í
kaf
í svartnættis djúpið hið kalda;
og komandi veit að eins kynslóðin af,
að kraup þarna svolítil alda.
Dóri.
VEITT
HÆSTU VBR0LACN A HEIMSSÚNINÖUNN
'Dlt’
BASINö
POMDÍR
IÐ BEZT TILBTJNA
óblönduð vinberja Cream of Tartar
powder. Ekkert álún, ammonia eða
öunur óholl efni.
40 ára ’-eynslu.
í sl e iid i n gadaguri n n.
Ávarp til íslendinga vestan hafs.
Þar eð ágreiningur hefir að und»m-
förnu átt sér stað viðvíkjandi því,
hvaða dag Vestur-íslendingar skuli
halda sem árlegan þjóðminningardag,
og þar eð ágreiningur þessi hlýtur að
spilla fyrir hátíðarhaldinu og draga úr
þýðingu þess, ef haldið er í sömu átt og
að undanförnu, þá hafa nokkrir menn
úr útgáf ufélögum blaðanna Lögbergsog
Heimskringlu komið sér saman um að
við undirskrifaðir ritstjórar blaðanna
og sex aðrir menn komi sér
saman um dag, er geti orðið meiri hluta
manna geðfeldur og um leið sé á hent-
ugasta tima árs fyrir sem fiesta Vestur-
ísiendinga, gefa deginum nafn o.s. frv.
Eftir að hafa vandlega yfirvegað
þetta mál, höfum við undirskrifaðir
komizt að þeirri niðurstöðu sem fylgir :
1. Að velja fimtudaginn sem fellur frá
11. til 17. Júnímánaðar, að báðum þess*
um dögum meðtöldum, sem þjóðminn-
ingardag fyrir Islendinga.
2. Að dagurinn nefnist á islenzku: Is-
lendingadagur,” eins og að undanförnu,
en að hátíðarhaldið einnig nefnist :
“Þjóðminningarhátíð íslendinga”, og
á enskri tungu nefnist dagurinn “The
Icelandic National Day” og hátíðin.
“The Icelandic National Celebration”.
Þegar vér völdum daginn (fimtu-
daginn 11. til 17. Júní), þá höfðum við
fyrir augura, að alþingi Islendinga var
sett þenna dag í upphafi, eftir hinu
gamla tímatali, og þegar- alþingi
var þannig sett í fyrsta sinn, má
áiíta, a,ð hin íslenzka þjóð liafi verið full
mynduð, með því, að þá hafi hiö forna
íslenzka lýðveldi verið stofnað. Við
liöfdum það og á bak við eyrað, að líkur
eru til að ísland hafi verið fundið í Júní-
mánuði. að Leifur Eiríkssori hafi fundið
Ameriku í Jútií, og að það er vafalaust
að hinir fyrst.u íslenzku landnámsmenn
á þessari öld stigil fyrst, fæti á land í
Ameriku, til að taka sér bólfestu í iandi
Leifs hins heppna, í Júnímán. 1870.
Þegar alls þessa er gætt, álítum við að
hin íslenzka þjoð í heild sinni geti sam-
einað sig um dag þann í .Túni, er við
höfum valið, sem almenuan þjóðminn-
ingardag, og skorum á alla Islendinga
að halda hina árlegu hátíð sína— IsJend-
ingadag—fimtudaginn er fellur þann 11.
tilAZ Júní ár hvert.. , .
Winnipeg, Man., 22. Febr. 1897.
Sigtr. Jónasson. Eggert Jóhannsson
E. Ólafsson. Magnús Paulson.
A. Friðriksson. Björn Halldórsson.
Kr. Stefansson. Kristján Ólafsson.
Fylkisþingið.
Fáum mínútum eftir kl. 3 á fimtu-
daginn 18. þ. m. var fylkisþingið selt.
Fylkisstjóri Patterson kom þá inn og
flutti ávarp sitt, sem var stutt og lag-
gott. Hann gat þess í upphafi að þetta
væri markvert ár, þar sem liðin væru
B0 ár frá því Victoria drottning tók við
stjórn hins brezka ríkis. Þá minntist
hann á hungursneyðina á Indlandi og
lét í Ijósi fögnuð yfir hinum almennu
góðu undirtektum, að rétta þessu fólki
hjálparhönd. Hann sagði að hið um-
liðna ár hefði verið deyfðarár í öllum
greinum, en þakklætisvert þó að Mani-
tobafylki hefði koinizt svo fnrðu vel af,
að verðhækkun á korni hefði haft mikil
áhrif til góðs. Það mætti óhætt segja,
að menn væru nú hinir vonbeztu hver-
vetna í fylkinu og teJdu sér vísa fagra
framtíð. Hann sagði alt útlit 'fyrir að
innfintningar í fylkið á komandi sumri
yrði með mesta móti.
Þá minntist hann á skólamálið og
samninginn það áhrærandi og sagði að
frumvarp til laga í sainræmi við þann
samning yrði bráðlega lagt fyrir þing-
ið.
Þá gat hann þess, að þar sem fundn-
ar væru verðmiklar málmnámur innan
takmarka fylkisins, væri nauðsynlegt
að búa til lög áhrærandi námueignir.
Þá tilgreindi hann nokkrar lagabreyt-
ingar sem fram yrðu bornar og gat þess
að síðustu að fylkisreikningarnir yrðu
framlagðir iunan fárra daga.
Klukkan rúmlega 4 p.h. kom svo þing
saman, til þess fram yrðubornar venju
legar uppástungur, kvaddir menn til
að velja menn í standandi nefndir o. s.
frv, Eftir fáar mínútur var svo þingi
frestað þangað til á mánudaginn 22.
Febr. kl. 3 e. h.
A mánudaginn kom þingið saman
á venjulegum tima og var þá ekkert
gert nema ræða um ávarp fylkisstjóra.
Voru þær ræður styttri en nokkru siuni
er mun hafa komið til af því að meðfram
að Mr. Roblin, formaður conservativa,
erekki í bænum og gat bessvegna ekki
tekið þátt í umræöunum. Það ein-
kennilega er það, að Mr. Fraser frá
Brandon, sem flutti lofræðuna um
stjórnina, gat ekki látið vera að lýsa ó-
ánægju yfir framkomu manna á fundi
fyrir Dominion-ráðherrunum og yfir
framkomu stjórnarblaðsins ‘Tribune’ í
kærumálunum á hendur couservatíva,
jafnframt því er hann einnig ávítaði
conservatíva fyrir sína framkomu í því
máli. Framkoma ‘Tribunes’ sagði hann
væri algerlegp, ósanngjörn, algerlega ó-
sæmileg, algerlega óréttlát. Þingið
sat bara rúma klukkustund.
DAGBÓK.
FIMTUDAG, 18. FEBR.
Innflutningalögin nýjn í Bandarík i
um voru samþykt í efri deild á ný í gær
með 34 gegn 31 atkv. og verða send for-
seta til staðfestingar. Er ákvoðið að
þau öðlist lagagildi 1. Júlí næstkom-
andi. I aðalatriðunum eru þau eins og
þau voru samþykt í fyrstu og ákvæðiu
um algerða útilokun manna í nágranna
ríkjunum frá atvinnu allriinnan Banda
ríkja, eru engu siður ströngen i fyrstu.
Ef maður sem á heima í Canada við
landamærin fær atvinnu við að moka
snjó, hvað þá annað meira, innan
Bandaríkja, og ef hann tekur þá at-
vinnu án þess fyrst a-ð flytja búferlum
yfir landamærin og formloga biðja um
borgarabréf sem tilvonandi þegn Banda
rikja, varðar það alt að S500 sekt eða 1
árs fangelsi. Margir þingmenn mæltu
á móti þessum lögum, er þeir álitu þjóð
arskömm, því fremur sem þeir töldu
Bandaríkin heimkynni frelsis og frama,
Nýtt gufuskip Hamborg - Arrie-
rican-línunnar lagði út frá NewYorki
morgun með hinn stærsta farin sem
nokkru sinni hefir farið þaðan á oinu
skipi — 18.500 tons. Til þess að flytja
þennan farm á landi hefði þurft 610 al-
nienna járnbrautarvöruvagna. Þetta
félag á nú 69 skip í förum.
Stórvoldin hafa að sögn kunngert
Grikkjum að þeir verði að hafa sig burt
af Ivrít innan sólarhrir.gs, eða ábyrgj-
ast afleiðingarnar.
Ný vínveitingalög voru samþykt í
með 47 atkv. gegn 30 í neðri deild Was-
Inngtonríkisþingsins vestraj Olympia í
gær. Er tilgangurinn að stjórnin sjálf
hafi á hendi alla vínsölu, en engin ann-
ar. Enginn má drekka vín á staðnum
þar sem þaö er keypt og enginn fær
keypt minna í senn en 1 mörk og ekki
meira en 20 potta.
FÖSTUDAG, 19. FEBR.
Sem svar upp á spurningar blaðsins
‘World’íiNew York sendi utanríkis-
stjór'i Grikkja fyrir hönd Georgs kon-
ungs það svar í gær. að stórveldin
hefðu látið 6 mánuði hjá líða án þess að
efna loforð sín áhrærandi stjórnarbæt-
ur á Krít; að Múhameðstrúarmenn á
eyjunni hefðu á ný herjað á kristna
menn og á stuttri stund gert 150,000
manns húsvilta, og að Grikkir hefðu
þess vegna lagt af stað og i þeim til-
gangi einum að koma á frið. — Grikkir
sýna engan lit á að yfirgefa Krít, að
því er séð verður, en eru að virðist að
búa sig i strið við Tyrki, — búast við
að þurfa að verja sig, og senda herflokk'
eftir herflokk norður um land. — Sjó-
floti Rússa sem lcngi hefir verið ferð-
búinn á Svartahafinu létti alckerum i
gær og hélt af stað til Konstantinópel.
— Samtímis kemur sú fregn að Vil-
hjálmur Þýgkalandskeisari hafi telegraf
erað Rússakeisara og beðið um fund
þeirra til að ræða um Krítanhálið m.
fl.— Skeyti frá Aþenu segir að Grikkja-
konungur sjálfur sé tilbúinn að taka við
herstjórninni, ef Tyrkir vaða yfir landa
mærin nyrðra, sem búizter við á hverri
stundu. — Samtímis kemur og sú fregn
að stjórn Grikkja hafi ákveðiö að þoka
ekki um hársbreídd á eyjunni
Sex menn voru myrtir í gær i TFi
nona, Norður-Dakota, prestur, kona
haus, dóttir þeirra og tvö börn honnar,
og gömul kona. Indíánabygð er skamt
á burt þaðan, og er ætlað er þetr séu
valdir að glæpum þessum.
Eins og áður hefir verið skýrt frá
er Weyler herstjóri áCuba með herflokk
mikinn að leita að Gomez herforingja
uppreistarmanna. Nú kemur sú fregn,
að Gomez sé búinn að brjótast gegn um
horvörð Spánverja og sé á hraðri ferð
til Havana ineð 15,000 hermanna í flokk
sínum.
Sú fregn kemur frá Havana að bú-
ið sé að myrða Zertucha, svikarann, ’er
olli dauða Maceo’s í vetur.
Canadastjórnarráðherrarnir, Sir
OliVer Mowat, Blair og Sifton, hafa
verið skipaðir i nefnd til að útkljá að
sío miklu leyti sem þeir geta, málið um
byggingu járnbrautar um Hrafnahreið-
ursskarð í Klottafjöllum.
Skeyti frá Borlín segir, að Bretar
hafi bannað I’jóðverjum að loka einni
höfninni á Grikklandi. eins og keisarinn
hafði viljað. Af því er ráðið að stór-
veldunum sé ekki alvara með að reka
Grikki af Krit. — Samtímis er sagt að
Grikkir eigi vísan vænan styrk í Mace-
doniu, ef Tyrkir herja. Macedoniu-
menn fara í stórhópum j'fir landamær-
in og ganga í her Grikkja. í gær, til
dæmis, komu 1000 menn í einum hóp.
LAUGARDAG, 20. FEBR.
Fundur mikil var haldinn í London
; gærkveldi til að ræða um Kritarmál-
ið, Tyrki o. s. frv. Fundarstjóri var
hinn alkunni fræðimaður Dr. James
Bryce. Fundarmenn allir yoru ein-
drcgnir vinir Grikkja og afréðu að
hjálpa þeim af flemsta megni. Var af-
ráðið að leita eftir samskotum til
styrktar flóttamönnuin frá Krít, og fé-
lag kent við Byron skáld, hinn mikla
vin Grikkja, var myndað á fundinum,
og er tilgangur þess auðvitað, eins og
var tilgangur Byrons, að hjálpa Grikkj-
um og fylgja þeim að rnálum. — Sama
kvöldið komu saman i500 stúdentar í
Paris, gengu í fylkiugu um strætin og
æptu í sífellu : ‘'Lifi Grikkir ! Niður
með Tyrkjann !” Lögreglan reyndi að
bauna þotta og urðu úr því ryskingar
og meiddust nokkrir.
Grikkir og Kríteyjingar gerðu á-
hlaup á virki eitt mikið á Krít í gær og
tókuþaðaf Tyrkjum eftir snarpa or-
ustu. Af Grikkjum féllu 3 menn og 11
særðust. Hvað margir Tyrkir féllu er
óvíst, en 250 voru teknir til fanga. —
Þjóðvinafélag Grikkia hefir sent Georg
konungi og Dolyaunes formanni ávarp
þess efnis, að vilji stórveldin liindra
eu.ing Grikklands og Krítar, skuli fé-
lagið sjá uin að grískir menn hvar sem
er skuli grípa til vopna.
Bandaríkjaþegn einn er dauður i
fangelsi i Havana á Cuba. Hafði ekki
um langan tíma fengið að rita vinum
sínuin. Líkámi hansliafðilegið óhrærð-
^ur^íangaklefanum í 13 daga, þegar_
hann fanst. — Spánverjar fá að likum
að greiða gjöld fyrir þennan mann.—
Svikarinn Zertucha er á lífi enn.
Senators Bandaríkja jöguðust 8 kl.
stundir um það í gær, hvort frestað
skyldi umræðum um sáttaréttarsamn-
ing Breta og Bandaríkjamnnna. Kuút-
ur Nelson var uppástnngumaðurínn og
bar fyrir, að hann sæi engan veg til að
fá það samþykt á þessu þingi. ÞeSs
vegna bað hann um frest til 5. Marz
næstkomandi, Svo lauk að ekkert var
gert.
W. O. Smith, dómsmálastjðri á Ha-
vaieyjum, er á ferð til Washington í
þeim tilgangi að semja um inngöngu
eyjaríkisins í Bandaríkja-sambandið.
Tillögur um að veita kvennfólki
kosningarrétt voru feldar á tveimur
rikisþingum í Bandaríkjum í gær,—í
Massachusetts með 86 gegn 53 atkv. og
í Oklahoma með 13 gegn 11 atkv.
Meö tilstyrk Dominion- og Quebec-
fylkisstjórna eru nú Montrealmenn að
búa sig undir að margfalda verzlun
sína sem hafnstaðar. Á nú að byggja
trölla-bryggju mikla og kvíar til að-
gerðar á skipurn í austurenda borgar-
innar, byggja járnbrautarbrú yfir tíjót-
ið, sem kosti $6 mllj., og fá Inter-Colo-
nial-brautina bygða til borgarinnar frá
Point Levis, eða Suður-Quebec.
Bell-Telefónfélagið, sem hefir aðal-
ráð á telefón hvervetna í Canada, vill
fá leyfi og samþykki sambandsstjórnar
til að hækka árgjaldið fyrir telefón.
Járnbrautarfélögin: C. P. R. og
Great Northern, eru komin í hár sam-
an út af vöruflutniugsgialdi úr austur-
héruðum landsins til gullnámabæjsir-
ins Rossland í British Columbia. Ef
C. P. R. vill ekki lækka seglin, hótar
Great Northern að leggja braut strax í
vor til Winnipeg og keppa þá að gagni
við C. P. R. — Winnipegmenn vildu
gjarnan að undir þeim kringumstæð-
um lækkaði C. P. R. ekki seglin um
þumlung.
MÁNUDAG 22. FEBR.
Allsherjar læknafundur var haldinn
í Vínarborg í vikunni sem leið til að
ræða um “svartadauðann” á Indlandi
og hvernig bezt má verja vesturlönd
fyrir honum.
Hinn heimsfrægi skákmaður Dr.
Steinitz, er nýdáinn í Moskva á Rúss-
landi.
Þr\ð or elt við það sama enn á Krít.
Stórveldin andæfa Grikkjum og á laug-
ardagirin réðust sjóliðsmenn þeirra á
viggirðing Kritarmanna og samtímis
tók breskt herskip fasta duggu Grikkja
með vistir til hermanna. Þó kemur
stórvoldunum ekki enn saman um að
loka herskipahöfn Grikkja, Piræuz. Það
eru bara Þjóðverjar og Austurríkis-
menn sem það vilja. Á Grikklandi eru
æsingarnar miklar. Nikulás prinz er
kominn norður um land með herafla
mikinn til að verja landamærin fyrir
Tyrkjum. 40 þúsundir manna í Aþenu
komu saman i gær til að láta í ljósi að
Grikkir væru til alls búnir, i þeim til-
gangi að ná Krít í hið gríska samband.
Af fundinum gekk allur sá mannsöfnuð-
ur til hallar konungs, sem ávarpaði lýð-
inn og fékk lofsorð fyrir ræðuna.
Drottning Grikkja hefir sent Rússa-
keisara áskorun um að hjálpa Grikkjum
og Georg konungur hefir sent honum
annað skeyti, þar sem hann kyeðst fyr
bjóða Tyrkjum stríð á hendur, þó hann
sé einn síns liðs, en hann láti stórveldin
kúga sig.
Venezuela-þjóðþingið kom saman á
laugardagirm 20. þ. m., til þess einkan-
lega að ræða um landamerkjasamning-
inn. Það er sagt að mótspyrnan gegn
samningnum sé að mestu úti, — áð þeir
fáu sem nú séu á móti honum geri það
af eigingjörnum hvötum.
Gasoliulampi sprakk í gærkvöldi í
húsi í Cleveland, Oliio, og varð 5 eða 6
manns að bana, hjónunum og 3 eða 4
bðrnufh þeirrn.
250 þús. dollars virði af eignum eyði-
lagðist í eldi í gær í Grand Forks, N. D.
ÞRIÐJUDAG 23. FEBR.
Stjórn Grikkja er ófáanleg til að
gugna fyrir hótunum stórveldanna. I
þess stað er nú fullyrt að Grikkja kon-
ungur hafi telegraferað föður sínum,
Kristjáni konungi IX., að hann ætli
sjálfur til Krítar og taka við aðalstjórn
hins griska hers.—Það varð skörp
rimma á þingi Breta í gær út af hlut-
töku Breta í að beita vopnum gegn
Grikkjuin og Krítarmönnum. Sögðu
andvíigsmenn stjórnarinnar að það til-
tæki væri Bretum til skammar. Stjórnar
sinnar héldu fram að sú hviða hefði
verið óumflýanleg. Stórveldin í sam-
einingu hefði tekið við stjórn ákveðinna
hafnstaða á eyjunni og þau hefðu ekki
getað verið aðgerðalaus er Grikkir og
Krit armenu sameiginlega herjuðu á
þá bæi.
Hiun heimsfrægi líiiu dansari, Em-
ile Gravele Blondin, lézt í gærí London,
tæplega 73 ára gamall, — fæddur á
Frakklandi 28. Febr. 1824.
Bretar hafa hertekið “blóðborgina”,
Benin. i Afríku, og fundu þar glögg
merki þess, að fjölda manns hafði verið
fórnað.
Nýkomnar stjórnnrskýrslur sýna
að verzlunar viðskifti Canada við útlönd
á síðastl. ári voru að upphæð $239 milj.
MÁNUDAG. 24. FEBR.
Bráðabyrgöarforseti Cuba lýðveld-
isins, Salvator Cisnoris og Max>mo Go-
mez, hafa sent blaðinu ‘New York
World’ bróf, þar sem þeir stinga upp á
að Bandaríkin hjálpi til að enda stríðið
á Cuba. Þeir vilja algerðan aöskilnað
Cuba og Spánar og vilja borga Spán-
verjum sæmilega fyrir, —ábyrgjast svo
mikinn hluta aö þjóðskuld Spánverja.
Ekkert nýtt að frétta frá Krít. —
Seinasta tillaga stórveldanna — Rússa
og /yusturríkismanna— er sú, að Krít-
eyingum só nú þegar veitt algert sjálfs-
forræði og að stórveldin ábyrgist að
það verði framhald->ndi. Hvernig
þeirri tillögu er tekið, er óvíst enn. —
Vonlegt nú að Tyrkir leggi af stað í her
ferð gegn Grikkjum á hverri stundu.
C. P. R. fél. liefir fengið Joseph
Martin til að reyna að útvega sér einka-
levfi til að byggja Hrafnahreíðursskarðs
brautina til Rossland og sæmilegan
styrk að auki.
14ÁRÍ ÓTTALEGU ÁSTANDI.
En Dr. Aguews Cure For the Heart
linaðikvalirnar á 30 minútum og
3 flöskur veittu lækning er
beztu lækna furðaði á.
Þetta er þaö sem Mrs. J.,Cockburn
í Warkworrli, Ont., segir: ‘í 14 ár hefi
ég þjáðzt af hjartveiki, sárir stingandi
verkir er ég hafði gegnum hjartað urðu
stundum,svo óbærilegir. að það leið yf-
ir mig. Útlimir minir bólgnuðu og kóln
uðu upp. í þessi 14,ár vitjaði ég hinna
beztu lækna. en alt kom að engu.
Eg hafði séð Dr. Agnews Cure for
the Heart auglýst og ásetti mér að
reyna það, og áður en ég var búin úr
hálfri flösku fann ég stóran bata. Eg
fann betraudi áhrif meðalsins innait
hálfrar klukkustnndar. Eg hefi brúkað
úr 3 flöskum og hefir það gert mér meir
gott en öll meðöl og allir Tæknar höfðu
nokkru sinni áður gert. Eg get sam-
vizkusamlegs mælt með því við alla er
þjAstaf hjartveiki’.
GJAFMILDI BRETA.
Bretar eru gjafmildir í ár, eru það
reyndar æfinlega, þegar þeir viðurkenna
þörf á samskotum, en aldrei eins og nú.
Fyrst og íremster Indlands-hjálparsjóð-
urinn. Það er ekki nema tiltölulega
skamt síðan Bretar viðurkendu þörf á
að gefa, en undir eins og augu þeirra
opnuðust, tóku þeir drengilega í streng-
inn. Sjóðurinn sem Lord-Mayorinn í
London er að safna, var orðinn sem
næst 11 milj. pund sterling, er síðast
fréttist,—þ. e. um 71 milj. dollars. Það
er verið að draga saman sérstaka sjóði1
flestum stórborgunum í landinu, en
stærstir eru þeir orðnir i Liverpool og
Glasgow. En svo eru Bretar að gefa til
annara þurfalinga en þeirra á Indlandi.
Prinsinn af Waies kom fyrir fáum dög-
um með þá uppástunga, að efnt væri til
sjóðs til afborgunar skulda allra er hvíla
á sjúkrahúsunum í London, og fylgdi
það uppástunguimi að enginn gæfi meira
en 1 shilling (20 cents). Þessari uppá-
stungu var vel tekið og var þegar byrj-
að að safna. Og sem vott þess hvað vel
gengur er þess getið, að á fyrstu 5 dög-
unum voru komnir í sjóðinn semblaðið
“Daily Telegraph” stendur fyrir að
safna, 160,000 shillings, eða 32 þúsund
dollars. Þessi sjúkrahúsasjóður er dreg-
inn saman sein eitt af hinum mörgu
minnismerkjum um það, að 20. Júní
næstkomandi verða liðin 60 ár frá því
er Victoria drottning var krýnd.
Til kaupenda
Dagsbrúnar.
Á ársfundi Unitarasafnaðarins sem
haldiim var að kveldi hins 16. þ. m., var
gerð samþykt í#þá átt, að ekki skyldi
fastákveðið urn útgáfu Dagsbrúnar fyr
en eftir lok Marzmánaðar, og lá sú or-
sök til þess, að blaðið er í meira en $100
skuld, mest fyrir prentun, og þar eð fé
var ekki fyrir hendi til að lúka þessari
skuld með, þá leizt fundinum ekki ger-
legt að gera endilega ákvörðun viðvikj-
andi útkomu blaðsins í bráðina.
Þá var og samþykt að auglýsa þess-
ar gerðir fundarins, og skora á þá hina-
mörgu kaupendur Dagsbrúuar sem
skulda, ýmist fyrir eitt eða tvö ár, að
gera lúkningu skulda sinna sem fyrst,
—fyrir lok Marzmánaöay. Það er von-
andi að allir sein eru blaðinu velviljaðir,
hlaupi nú undir bagga með því, og það
nú þegar, því eins og sakir standa, er
ekki hægt að byrja á að koma biaðinu
út fyr en ofangreind skuld pr goldin til
fulls.
I lok Marzmánaðar bjóst fundurinn
við að saman yrði kotnið nægilegt fé til
að greiða fram úr örðugleikunum, og að
þá mætti byrja á útkomunni tafarlaust.
Látið þetta rætast.
Allar borganir sendist til Einars
Ólafssonar, P.O. Box 305, Winnipeg.
Þessar gleðifréttir.
------------- »
Veikindi taka sig ekki npp
aftur þegar þau hafa verið
læknuð með Celery
Compound.
Þeir sem þjáðir eru vilja fá
þanuig lagaða lækningu
Frétt frá Mr. Douglas Hixon
frá Beamsville, Ont.
Fjölda margir af þeim sem fyrir
mörgum árum læknuðti sig með Paines
Celery Compound, liafa fnndið hvöt hjá
sér til að láta eiganda þess meðals vita
að þeir liafa ekki orðið varir hinna
gömlu veikinda, sem eftir að hafa brúk
að. Þetta atriöi, að Paines Celery
Compound læknar fyrir fult og alt, er
þess virði að þess sé getið, það er svo
alveg sérstakt heiminum,
Það eru til ýms meðöl, sem lækna
um tíma og lina þrautir og gefa manni
falskar vopir um dálitinn tíma, eneftir
fáeina daga eða vikur koma þjáningarn
arnar til baka aftur, ('og vonin og sælan
er alt í einu horfln.
Þetta kemur aldrei fyrir þegar menn
brúka Paines Celery Compound. Fyrsta
flaskan gei ir mann notalegan og oftir
nokkurn tíiria er maður alveg heil-
brigður.
Mr. Hixon segir: Nú held ég meir
upp á Paines Celery Compound heldur
en nokkru sinni áður síðau ég læknaði
mig fyrir tveimnr árum liefir mér ald-
rei liðið illa og aldrei verið daglangt frá
vinnu. Hefi ekkert fundið til gigtar,
sem svo oft þjáði mig áður.
Fyrir mitt tilstilli hafa margir
brúkað Paines Calery f Compound og
orðið heilbrigðir. Eg vil taka það fram
enu að það var Paines Celery Com-
pound sem læknaði mig. Allir sem eru
gigtveikir ættu að brúka það.