Heimskringla - 16.10.1946, Blaðsíða 3
WINNIPEG, 16. OKT. 1946
HEIMSKRINGLA
3. SIÐA
Ataturk, er gamli hershöfðing-
inn Tchakmark. Þetta er land
skrifstofuhershöfðingjanna og
skriffinnskunnar. Peker er að
vísu í hópnum, en hjá honum
finnast litríkir blettir.
Eg hefi þegar minnst á póker-
spilið, hann var heldur ekki
hræddur við whiskyflöskurnar,
sem Kemal hafði svo gaman að.
Hann hefir gaman af að láta
hlusta á sig og getur hrært heilt
ráðuneyti með flutningi sínum
á vísunni:
Aah, Swheyla, aah, Swheyla.
í hamingjunnar kranz
ertu rósin mín rauð.
Fyrst og fremst er hann starfs-
maður, enda hefir hann samið
heróp Tyrkja:
Ileri, ileri daima, ileri!
,Áfram, áfram! ávallt áfram!
Hann er nógu mikill stjórn-
málamaður til að vita, að það
veltur á hinni almennu aðstöðu
í löndunum við austanvert Mið-
jarðarhaf, hversu auðveld leið-
m áfram verður. —Tímn., 7 sept.
FRÉTTIR FRÁ ISLANDl
DÁNARFREGN
Mr. og Mrs. K. J. Isfeld, að
Húsavíck urðu fyrir, þeirri
djúpu sorg að missa tíu mánað-;
gamlan son sinn, Dale, einka
barn sitt. Hann dó á almenna
sjúkrahúsinu í Winnipeg, 11.
þ- m., og var jarðaður af sóknar-
Prestinum 14. þ. m.
IN MEMORIAM
Beloved Baby Dale our Son
Little loving Baby Dale, your
passing from our lives has left
us empty hearts in a lonely,
empty home. Your laughter
^as our joy. Your loving pres-
ence during your breif stay on
earth with us brought happiness
and comfort that cannot be re-
placed. Our love for you shal’
carry on the memories of your
beauty and sweet innocense in
°ur hearts forever. Your love for
ns so generous and beautiful
wiU be our most precious mem-
°ry of the time you spent on
earth giving to us the greatest
bappiness we had ever known.
Darling beloved Baby Dale,
wherever you may be, may God
give you His and our blessing
forever. Wherever you are we
shall always remember and love
y°u with an unceasing love, and
until we meet in the Great Be-
yond we give you our love and
blessing darling Baby Dale.
Mother and Dad.
SöNGVAGYÐJAN MÍN
þú sýnir ótal undra heima
astin mín, sem kveður lágt,
því finst mér dýrmætt þig að
geyma,
þú elur bæði stórt og smátt.
Það er svo indælt þig að dreyma
þinn með blíða töframátt.
hjá mér einni átt þú heima
ustin mín, sem kveður lágt.
t*að er svo hlýtt hjá þér að búa,
þú sem yl í hjarta ber
°g létt er grát í gleði að snúa,
geti blundur vaggað mér;
°§ gott er öllu góðu að trúa,
gleðina hugaraugað sér.
Við skulum stjörnubeltin brúa,
er Þú mig í faðmi þér.
Yndo
-
ara minnmgar um
skáldskap Borgfirðinga
Fyrsta hefti er nú komið á
bókamarkaðinn, og er það ákveð
inn vilji útgefandans að ekki
íði á löngu að fleiri hefti kom’
fyrir almenningssjónir. — Þetta
hefti er 30 blaðsíður, í góðri kápu
og prentað á ágætan pappír. —
Verð: 50c. — Fæst í Bókabúð
Davíðs Björnsson og hjá Vikinp
press Ltd.
Vestur-íslenzku gestirnir
fara um Norðurland
Vestur-íslendingarnir í boði
Þjóðræknisfélagsins og ríkis-
stjórnarinnar hafa undanfarna
daga dvalið í átthögum sínum.
Grettir L. Jóhannsson ræðis- ^
maður og frú Lalah hafa verið
norður í Húnavatnssýslu. Einar
Páll Jónsson ritstjóri Lögbergs
og frú Ingibjörg eru austur á
Fljótsdalshéraði og Stefán Ein-
arssson ritstjóri Heimskringlu
og frú Kristín munu á leið í
Hornafjörð.
Vikuna 18. til 25. ág. voru
gestirnir á ferðalagi norður um1
land til Akureyrar, og dvöldu þá
nokkra daga í hinum fagra höf-
uðstað Norðurlands og bjuggu á
Hótel KEA. Veðráttan var þeim
hliðholl þessa vikuna sem hina
fyrstu, er þau dvöldu í Reykja-j
vík og ferðuðust um suðurlands-
undirlendið.
Móttökurnar, sem gestirnir
fengu, voru hvarvetna, eins og
bezt varð á kosið. Hófust þær
mjög hátíðlega með skemtiferð á
vitaskipinu Hermóði um Hval-
fjörð í boði vitamálastjórnar og
vitamálastjóra Axels Sveinsson-
ar. Arnljótur Guðmundsson
bæjarstjóri á Akranesi og bæj-
arstjórn hafði boð þeim til heið-
urs. Haraldur Böðvarsson fram-
kvæmdarstóri sýndi þeim mik-
inn vinarhug, svo og Hallgrímur
Björnsson læknir, Ólafur B.
Björnsson, kaupmaður, allir frá
Akranesi. Þá var þeim virðu-
lega tekið hjá Jóni Steingríms-
svni sýslumanni í Borgarnesi, á
Hvanneyri hjá Guðmundi Jóns-
syni kennara í fjarveru skóla-
stjóra, og hjá séra Einari Guðna-
syni í Reykholti.
Sýslunefnd Mýra- og Borgar-
fjarðarsýslu sýndi þeim Borgar-
fjörðinn. Var þá Baulan “drotn-
ing Borgarfjarðar” í sínum bezta
skrúða. í austri voru litir ís-
lands, hvítt og blátt, í fannhvít-
um jöklum og heiðum himni.
Hellirigning var á Holtavörðu-
heiði, er gestirnir lögðu leið sína
þar um, en á Reykjum í Hrúta-
firði var skin sólar, blítt og
notalegt eftir skúrina. Þar var
séra Jón Guðnason til að taka á
móti gestum. Á leiðinni norður
og austur komu gestirnir við hjá
séra Jóhanni Briem á Melstað,
P. V. G. Kolka héraðssl. á
Blönduósi, séra Gunnari Árna-
syni á Æsustöðum, og sr. Lárusi
Arnórssyni á Miklabæ. Þá
“skein við sólu Skagafjörður”.
Ekki höfðu gestirnir verið
um stundar helming á Akureyri,
er ekið yar heim að Laugalandi.
Þar dvöldu heiðursgestirnir í
hópi nýrra og gamalla vina hjá
séra Benjamín Kristjánssyni, í
hinu bezta yfirlæti.
Þá urðu þeir einnig kærkomn-
ir gestir á heimili séra Sigurðar
Stefánssonar á Möðruvöllum,
Björgvins Guðmundssonar tón-
skálds, séra Friðriks J. Rafnars,
v ígslubiskups. Þjóðræknisdeild
Akureyrar hélt þeim mjög virðu-
legt boð á Hótel KEA.
Bæjarstjórnin á Akureyri
bauð þeim í skemtiferð austur
um sveitir, og héldu þeim síðan
veglegt kvöldverðarboð á sama
hóteli. Sáu þeir Steinn Steinsen
bæjarstjóri og Þorsteinn M.
Jónsson forseti bæjarstórnar um
að gera þann dag hinn ánægju-1
legasta. Þá komu gestirnir
einnig á heimili Balduins Ryel
stórkaupmanns og dáðust mjög
að hinum fagra trjágarði hans.
Hóladaginn voru gestirnir á
Hólum eins og vera bar. Voru
þeir þar gestir Hólanefndar og
Kristjáns Karlssonar skólastj. —
Þá skein aftur við sólu Skaga-
fjörður, og Skagfirðingar fögn-
uðu komu gestanna af mikilli
vinsemd og með einlægum
blessunaróskum.
Á Sauðárkróki sátu gestirnir
kvöldverðarboð hjá séra Helga
Konráðssyni, en komu síðar á
heimili Sigurðar Sigurðssonar
sýslumanns. Þá lá einnig leið
þeirra heima að Reynisstað til
Jóns Sigurðssonar alþingismanns
og neyttu þeir morgunverðar á
þessu stórmerka höfuðbóli.
Sem sagt. Hinir kærkomnu
gestir að vestan hafa hlotið hin-
ar beztu móttökur. Norðurland
var fagurt. Norðlendingar kept-
ust um að sýna þeim vinahót og
gestrisni. Fjallkonan var fögur.
Hún var að fagna góðum og
glöðum gestum.
—Kirkjubl. 2. sept.
* * *
Vestur-íslendingarnir- skoða
Hitaveituna og Sogsvirkjunina
V.-lslendingarnir, sem hér eru
í boði Þjóðræknisfélagsins og
ríkisstjórnarinnar, skoðuðu í
gærdag Hitaveituna og Sogs-
vrikjunina í boði bæjarstjórnar
Reykjavíkur. í förinni voru
borgarstjóri, Bjarni Benedikts-
son, bæjarráðsmenn og forstjór-
ar bæjarfyrirtækjanna.
Fyrst var ekið í Öskjuhlíð, þar
sem Helgi Sigurðsson, forstjóri
Hitaveitunnar, skýrði fyrirtæk-
ið fyrir gestunum, en þaðan var
haldið að Reykjum og hitaveitu-
| mannvirkin og gróðurhús skoð-
, uð. Því næst var haldið til Þing-
! valla og hádegisverður snæddur
|þar. Þar talaði Bjarni Bene-
diktsson borgarstj., en gestirnir
! svöruðu allir með ræðum.
Við Sogsfossana var rafmagns-
stöðin skoðuð, en Steingrímur
Jónsson rafmagnlsstjóri skýrði
fyrirtækið fyrir gestunum, enn-
fremur talaði frú Lára, kona
rafmagnsstjóra, en Ófeigur Ó-
feigsson læknir, framkvæmdar-
stjóri Þjóðræknisfélagsins þakk-
aði fyrir hönd félagsins.
Til bæjarins var komið aftur
kl. 8 í gærkvöldi, eftir hina á-
nægjule'gustu ferð. í gærkvöldi
voru Vestur-íslendingarnir svo
í boði hjá prófessor Ásmundi
Guðmundssyni og frú hans.
Undanfarna daga hafa Vestur-
íslendingarnir verið í boðum m.
a. hjá Hendrik Sv. Björnsson
deildastjóra í utanríkisráðuneyt-
inu og Ófeigi Ófeigssyni, lækni.
Á morgun heldur ríkisstjórn-
in hádegisveizlu fyrir Vestur-ís-
lendingana, en á fimtudagskvöld
gengst Þjóðræknisfélagið fyrir
kveðjusamsæti í Sjálfstæðishús-
inu og geta þátttakendur í því
samsæti skrifað sig á lista, sem
liggur frammi í Bókaverzlun'
Sigfú Eymundssonar.
í dag verða gestirnir í boði hjá
Einari Jónssyni myndhöggvara
og Árna G. Éylands, fulltrúa í
landbúnaðarráðuneytinu.
—Mbl. 17. sept.
★ * *
Kynningarkvöld Félags
Vestur-Islendinga
í fyrradag hafði Félag Vestur-
Islendinga kynningarkvöld fyrir
boðsgesti Þjóðræknisfélagsins og
aðra Vestur-lslendinga, sem hér
eru staddir.
Formaður félagsins, Hálfdán
Eiríksson, kynti boðsgesti og
bauð þá velkomna. Aðrir ræðu-
menn voru: Ásmundur Guð-
H HAGBORG FUEL CO. H
★
Dial 21 331 ^.F.L. 21 331
mundsson prófessor, Pétur Sig-
urðsson, erindreki, og Pétur Sig-
urgeirsson formaður móttöku-
nefndar Þjóðræknisfélagsins.
Vestur-lslendingarnir Einar
Páll Jónsson ritstjóri, Grettir Á.
Jóhannsson ræðismaður og
Hjálmar Gíslason bóksali í Win-
nipeg, fluttu allir snjallar ræður
og rómuðu mjög framfarir hér
heima og góðar móttökur.
Frú Ástríður Eggertsdóttir
mælti nokkur orð á ensku, sem
sérstaklega var beint til Mrs. Jó-
hannsson, konu Grettis, en hún
mun hafa verið eini gesturinn,
sem ekki talar íslenzku. Stefán
Einarssön og frú voru austur í
Hornafirði.—Tíminn, 11. sept.
SPARIÐ Á ÞÆGILEGAN HÁTT
til kaupa þeirra hluta sem þér þarfnist mest!
KA UPIÐ
CANADA SAVINGS BONDS
$50 «100 «500 «1000
fyrir peninga út í hönd eða með afborgunum
Trygt sem Canada
Riflegir vextir
Peningarnir fást til baka
STRAX SEM ÓSKAST
. KAUPIÐ HJÁ HVAÐA BANKA SEM ER,
INNSTÆÐU OG VAXTAFÉL0GUM, VERÐBRÉFA VÍXLURUM,
ÁBYRGÐAR OG LÁNFÉL0GUM EÐA
ÞEIM SEM ÞÚ VINNUR HJÁ