Lögberg-Heimskringla - 21.09.1984, Blaðsíða 6

6 WINNIPEG, FÖSTUDAGUR 21. SEPTEMBER 1984
Minning
Matthías Adolf
Thorfinnsson
Matthías Adolf Thorfinnsson dó á
elliheimili í grennd við Minneapolis
mánudaginn, 16. júlí, tæpri viku eftir
91-árs afmælið. Jardarförin for fram
í Hopkins fyrir vestan Minneapolis
föstudaginn, 20. júlí, og létu
aðstendendur minningargjafir ganga
í styrktarsjóðinn handa nemendum
og kennurum sem fara til Islanda eða
koma þaðan til Minnesota
Háskólans. Matthías unni öllu sem
íslenzkt var, enda látinn heita í
höfuðið á Matthíasi Jochumssyni og
skírður af honum 1893 þegar
þjóðskáldið heimsótti Norður Dakota
í ferðinni til Chicago á
heimssýninguna.
Matthías var á Islandi í sex mánuði
1954 á vegum Foreign Operations
Administration Bandaríkjastjórnar,
heimsótti ungmennafélög um allt
landið og flutti fyrirlestra víða um
lífsstarf sitt, sandgræðslu, eða soil
conservation. Kona hans, Olga Ross,
fór með honum til íslands, hún dó
1969.
Langlífi einkenndi sannarlega
móðurætt Matthísar; Guðríður
Guðmundsdóttir, moðir hans, fædd
á Reykjavöllum í Skagafirði 1. maí,
1863, var 103 þegar hun dó á
eilliheimilinu Borg í Mountain,
Norður Dakota; systir hennar,
Ingiríður, var líka 103 þegar hún dó
í Winnipeg;.Sigrún, sem dó einnig í
Winnipeg, var rétt komin yfir 100 ára
aldursmarkið og eini bróðirinn, Barði
G. Skúlason, kennari, lögfræðingur
og þingmaður í Norður Dakota, varð
hátt metinn lögmaður í Portland,
Oregon, heiðursræðismaður Islands
í mörg ár, og var 98 ára þegar hann
dó.
Guðríður giftist 1891 Þorláki
Þorfinnssyni sem fór til Norður
Dakota úr heimasveitinni 1882; hann
var fæddur á Garðakoti í Hjaltadal,
ekki langt frá Biskupssetrinu á
Hólum. Móðir Láka, eins og hann var
kallaður, var Elísabet Pétursdóttir,
föðursystir Séra Friðriks
Friðrikssonar, og þannig voru
Matthías og KFUM leiðtoginn
náskyldir. Láki bjó á fleiri
bóndabæjum í Pembina héraði en
lengst af á Mountain og þar dó hann
1944.
Börn Þorláks og Guðríðar urðu
fimm; Lawrence var elstur, og dó
hann, tæplega 16 ára, 1908. Ekki er
langt síðan Theodore Skúlason Þhorf-
íinnsson dó í Lincoln, Nebraska,
kennari, rithöfundur og leiðtogi í
búnaðarmálum. Tveir bræður
Matthíasar eru á lífi, Snorri Maurice
og Hjalti Brynjólfur, oftastnær
kallaður Mike. Matthías og bræður
hans voru allir í sömu starfsgrein,
allir útskrifaðir úr háskólum í
búnaðarfræði og allir ráðunautar í
þeirri grein, byrjandi sem ''county
agents" í héruðum víðavegar, starf
þeirra falið í því að fylgjast með öllum
framförum í búrekstri og leiðbeina
bændum í því. Snorri, 81, sem á
heima núna í Red Lake Falls,
Minnesota, þar sem Vaughn sonur
hans er skólastjóri, varð sérfræðingur
í hveitirækt og tók við forstöðu í þeim
efnum hjá terðar samvinnufélagi,
Farmers Union Grain Terminal Asso-
ciation í Norður Dakota, þangað, til
hann hætti störfum. Snorri varð vel
þekktur sem skáld, orti á ensku og
voru ljóðabækur eftir hann gefnar út.
Hjalti, kallður Mike til þægðarauka,
er 78 ára, sestur að í Wolverton,
Minnesota, eftir margra ára starf sem
raðunautur í búfræði.
Matthías Adolf, elstur þeirra
bræðra sem komust upp, var fæddur
nálægt Hensel, Norður Dakota, 10.
júlí, 1893, útskrifaðist 1917 með
Bachelor of Science gráðu í
jarðvegsfræði frá ríkisháskólanum í
Grand Forks, stærðfræði sem héraðs-
rádunautur níu ár í Montana, og 10
ár í Minnesota áður en hann varð
kennari við búnðardeild Minnesota
Háskólans í St. Paul 1936. Þar varð
hann víðþekktur leiðtogi þangað til
hann hætti störfum, hélt fyrirlestra
um um allt Minnesotaríki um sitt fag
og náði viðurkenningu víða um
landið í "soil conservation” starfinu,
ritari félags þeirra fagmanna í
Minnesota og kosinn æfifélagi í
National Conservation Association.
Mattías og kona hans, Dora Ross,
skilja eftir sig tvö börn, Doris Rozella,
65 ára, gift Arthur R. Hodgins, og eiga
þau heima skammt fyrir vestan
Minneapolis í Rogers, Minnesota, og
Ross Lawrence, 64, lögfræðingur í
Hopkins, Minnesota. Ross
útstkrifaðist frá Minnesota
Háskólanum sem lögfræðingur 1943,
fór í aðrar starfsgreinar fyrst, hátt
settur hjá Soo Line járnbrautinni og
síðar National Car Rental félaginu.
Hann og kona hans, Jane Skedgell,
eiga fjögur börn: Ross Lawrence
yngri, Victoria, Thomas og Scott
Matthías. Thomas er lögfræðingur
með föður sínum á skrifstofunni sem
þeir reka í Hopkins og eru Scott, Ross
og 'Vicki' eins og hún er kölluð, með
stærðar mubluverzlun á 2808 West
Broadway í Minneapolis,
Thorðinnson Furniture Company.
Matthías var vel undirbúinn í
þýðingarmikið og afdrifaríkt lífsstarf
og hlaut verðskuldaða viðurkenningu
fyrir leiðtoga hæfileika sína. Þrátt
fyrir það að hann var lengst af
fjarverandi íslendingum var hann
sérstaklega þjóðrækinn, og átti
sannarlega ekki langt að sækja það.
Hann kunni mörg íslenzk ljóð og
hafði ánægju af að fara með þau. Hlýr
var hann í viðmóti, höfðinglegur í
sjón og raun, óþreytandi í starfi sínu
og munu áhrif hans til bóta og
framfara vara lengi.
Valdimar Björnsson
Minning
Albertina í. Isfeld
Albertína Ingibjörg Albertsdóttir
Guðmundssonar dó á spítala I
Canby, Minnesota, laugardaginn, 14.
júlí, 1984, og hefði hún orðið 88 ára
11. ágúst. Steingrímur Eiríkur Isfeld,
maður hennar, varð 91: snemma í
júlí, á heima að 213 Oscar Street í
Canby eftir æfilangt starf sem bóndi
og eru börn þeirra fimm, með 10
barnabörnum og 14
barnabarnabörnum.
Albertína was alltaf kölluð ína og
var hún dóttir Alberts Guðmunds-
sonar sem var sonur Guðmundar
stýrimanns Guðmundssonar á Ytra
Nýpi í Vopnafirði. Voru þau fimm
systkinin og er Carl sá eini sem lifir
ínu, Stefán, Kristín og María öll látin.
Una Þorkelsdóttir var móðir Inu,
ættuð frá Snjóholti í Eiðaþinghá. ína
og Steingrímur heimsóttu ísland fyrir
fáeinum árum, tíminn of naumur að
heimsækja ættarslóðir fyrir norðan
og austan en Ina gat þá hitt náfrænda
Guðmund Albertsson, látinn fyrir
fáeinum árum eftir margra ára starf
við fiskisölu á íslandi og í Amster-
dam. Var móðir hans, Guðrún
Guðmundsdóttir í Leiðarhöfn á
Vopnafirði, systir Alberts föður Inu.
Þau voru börn Guðmundar stýra eins
og hann var oft kallaður frá þeirri tíð
sem hann stjórnaði skipi í milli-
landasiglingum- í 15 ár. Hann fór
vestur með öðrum í fjölskyldunni, þá
farinn talsvert að eldast, en bar lengst
af merki styrkleika og
skörungsskapar frá yngri árum.
ína var fædd og uppalin í
Austurbyggð íslendinga nálægt
Minneota, Minnesota, en
Steimgrímur í Vesturbyggð, sonur
Guðjón Guðmundssonar ísfeld og
Aðalbjargar Jónsdóttur konu hans,
sem fluttu til Minnesota frá
Grundarhóli á Hólsfjöllum 1879.
Steingrímur var látinn heita
Steingrímur Eiríkur í höfuð á
prestshjónunum á frumbýlings-
árunum, Séra Steingrími Þorlákssyni
frá Stóru Tjörnum í Ljósavatnsskarði
og Eriku Rynning frá Oslo, konu
hans.
Brúðkaup Steingríms og Inu var 20.
september, 1916, og voru þau þannig
í hjónabandi í nærri 68 ár. Fyrst
kennari í sveitskólum í tvö ár, varð
Ina leiðandi bóndafrú í Lincoln
héraði fyrir suðvestan Minneota frá
þeim tíma þangað til Eugene sonur
þeirra hjóna tók við búinu nálægt
Porter, Minnesota, fyrir fáeinum
árum. Hann var eini sonur þeirra en
dæturnar eru fjórar og má með sönnu
segja að ísfeld hjónin áttu alveg
sérstætt barnalán — dæturnar við
kennslu og hjúkrunarstörf; tvær
giftar, Eunice. Kona David Forbes
nálægt Marshall, 13 mílur frá
Minneota, og Arloine, kona Walter
Wrolson, og eiga þau heima við
Warren, Minnesota, rétt fyrir sunnan
Kanada landamærin. Ruth og Joyce,
ógiftar, eiga nú heima í Canby, 18
mílur fyrir vestan Minneota, hættar
sínum störfum við kennslu og
hjúkrun í St. Paul.
Jarðarförin fór fram frá Our
Saviour's Lutheran Church í Canby
mánudaginn, 16. júlí. Barnabörn
báru líkið og jarðað var í Islenzku
lútherska kirkjugarðinum fyrir
suðvestan Minneota.
Það má hiklaust fullyrða að Ina var
al-íslenzkust allra samlanda í
Minnesota á þessum tíma. Hún talaði
málið lýtalaust, með ekta hreim og
mikinn orðaforða, skrifaði bréf á
góðri íslenzku og mat allt sem
íslenzkt var. Hún var fjörug,
glaðlynd, skemmtileg í viðræðum og
allra manna hugljúfi. Hún ól upp
sérstaklega myndarleg börn, stundaði
mann sinn í veikindum er lézt eftir
langa og erfiða lasleika og fleiri
skurð-aðgerdir. Hennar verður lengi
minnst, ekki eingöngu af stóru
skylduliði heldur líka ótal aðdáandi
vinum.
Valdimar Björnsson
w IN THE
_ BARDAL FAMILY
TRADITION
Every Neil Bardal funeral service is
performed with honesty, dignity and
respect — a long-standing
tradition from two previous
generations. Now with a
modern interpretation to
suit today’s family needs.
FAMILYIFUNERAL
COUNSELLORS
984 Portage at Aubrey Street
Winnipeg, Manitoba R3G 0R6
24-Hour Telephone Service
786-4716
Winnipeg’s only Bardal family-owned Funeral Service.
Open 9 to 5 Monday thru Saturday.
Ask for a free brochure.