Fréttir - 16.05.1918, Page 3
FRÉTTIR
í aprílmánuði vörpuðu bandamenn úr lofti 18554
sprengikúlum yfir Pjóðverja, en þeir 7379 yfir
bandamenn.
yímmunðsen noríurjari i £onðon.
Ammundsen skipstjóri er nýkominn til London
frá Ameríku. Segir hann þar vestra vígahug afarmikinn
í hverjum einasta manni og alla telja bandamönnum
sigurinn vísan. Er nú ekkert látið ógert til aðstoðar
bandamönnum, og geisilegur fjöldi hersveita á leið frá
Ameríku til Evrópu.
Central News.
Kréttir.
Kosta 5 anra eintakið í lausasölu.
Auglýsingaverð: 50 aura
hver centimeter í dálki, miðað við
fjórdálka blaðsíður.
Aígroiðslan í Sölntnrninum
íyrst um sinn.
Við ang'lýsingnm er tekið á af-
greiðslnnni og í prentsm. Qntenberg.
Útgefandi:
Félag í Reykjavik.
Ritstjóri til bráðabirgða:
Gnðm. Gnðmundsson,
skáld.
Sími 448. Pósthólf 286.
Viðtalstími venjulega kl. 4—ðvirka
daga á Óðinsg. 8 B uppi á lofti.
Enn fást
Fréttir
frá upphafi.
(Framhald frá 1. síðu.)
þingið megi þá og þegar búast
við sendimönnum frá Dönum til
samninga-gerða við oss. Þessar
fréttir eru illa samrýmanlegar. Því
bágt eigum við, hér um slóðir,
með að trúa því, að þingmenn
finni svo sljólega til ábyrgðar sinnar,
að það geti flökrað að þeim, að
meta meir búrekstur og eigin hag
en velferðarmál þjóðarinnar. Að
því er mér virðist ríður nú á, að
þingið sitji sem fastast, ef það
á annað borð treystist til að ganga
sómasamlega frá þeim málum, er
fyrir því liggja. En ef ekki, þá
ættu þingmenn þeir, er nú eru
óðfúsastir heim til sín, fremur að
afsala sér þingmensku, en að láta
heimfararhjalið sér um munn fara.
Af praktiskuin ástæðum er það
einnig frágangssök, að gefa þing-
inu heimfararleyfi. Engum ætti að
vera kunnugra um samgöngu-
vandræðin í landinu en einmitt
þingmönnunum sjálfum. Og ferða-
kostnaðar-reikningar þingmanna
ulan af landi eru ólýginn vitnis-
burður þess, að naumast getur það
verið hin alkunna sparnaðarstefna
sumra þingmanna, sem stendur
bak við heimþrána. Það lítur ó-
neitanlega svo út, sem að það séu
eigin hagsmunir þingmanna, sem
kalla þá heim og annað ekki.
En það er svo mörgu logið. Og
vonandi reynist þetta líka lýgi.
Því að óneitanlega væri það ófag-
urt atrið^j í þingsögunni, að þing-
menn léti sér sæma, á því herrans
ári 1918, þegar ófriðar-ástandið
eitt er næg ástæða til þess, að
þingið sitji sem lengst, að hlaupa
á brott og stofna með því í hættu
mesta velferðarmáli þessarar þjóðar,
sjálfstæðismálinu.
Heimþráin er náttúrlega göfug
tilfinning. En ættjarðarástin hefur
fram að þessu ekki þótt ófegri
kostur. Ef þingmenn vilja nú hafa
kausavíxl á þessu tvennu, viður-
^enna þeir það, að hagsmunir
þeirra eigi að ganga fyrir hags-
munum þjóðarinnar. Og af þeim
ávöxtum munu þeir þekkjast. —
Húsbruni
í Reykjavík.
í nótt brann húsið »Laugaland«
inni við Laugarnar til kaldra kola.
Var húsið brunnið að mestu, er
slökkvilið kom á vettvang. Fólk
bjargaðist allt, en einhverju af
innanhúsmunum varð bjargað niðri
í húsinu, engu ofan af lofti.
Eldurinn hafði komið upp í
móskúr við húsið, en í húsinu
hafði hvergi verið kveiktur upp
eldur í gær. Að öðru leyti er ó-
lcunnugt um upptök eldsins.
Hvað er í íréttum?
Veðrátta.
Logn á Seyðisíirði, Grímsstöð-
um og Isafirði. Annarsstaðar sunn-
an hægur. Hilinn hækkaður upp
í 4—9 stig. í Færeyjum er
suðaustan kaldi.
Alþingi.
í Ed. er til umræðu í dag: Frv.
til laga um skipamiðlara, 2. umr.,
um samþ. um lokunartíma sölu-
búða, 2. umr., um veðurathugun-
arstöð í Rvík, 1. umr., um barna-
fræðslu, 1. umr. Till. til þings-
ályktunar um sjóvátrygging, hvernig
ræða skuli, og loks svarar atvinnu-
málaráðh. fyrirspurn um úthlutun
og sölu kornvöru og sykurs.
í Nd. er til umræðu frv. til laga
um stimpilgjald 2. umr., um hækk-
un á vörutolli, 2. umr., um laun
embættismanna o. fl, Till. til þings-
ályktunar um aukin styrk og láns-
heimild til flóabáta, síðari umr.
Till. til þingsál. um námurekstur
landsins á Tjörnesi, og loks till.
til þingsál. um reglugerð fyrir
sparisjóði.
Tillögu
til þingsályktunar um sjóvá-
tryggingu flytur Magnús Torfason
í Ed. svohljóðandi:
»Efri deild Alþingis ályktar að
skipa þriggja manna nefnd til að
rannsaka sjó- og stríðsvátrygging-
ar landsstjórnarinnar og íhuga,
hvort tiltækilegt sé, að landið taki
á sig slíkar tryggingar á skipum
þess og förmum.«
Kolanám.
Bjargráðanefnd e. d. kemur fram
með tillögu um að veita Stranda-
sýslu ókeypis námurétt í Gunnars-
staðagróf í Drangsneslandi (yzt við
Steingrímsfjörð norðanverðan) til
ársloka 1919. Og vill styrkja þetta
kolanám með 10 kr. úr landsjóði
fyrir hverja nothæfa smálest af
kolum. Fjárveitinganefnd e. d.
hefur felt sig við tillögu þessa.
Kolaúthlutun stjórnarinnar.
Bjarni Jónsson frá Vogi flytur
þá fyrirspurn til stjórnarinnar:
Eftir hverju var landssjóðskolun-
um úthlutað manna á meðal síð-
astliðinn vetur? Hefur landstjórnin
eða sveitastjórnirnar ráðið því,
liversu með var farið?
Þingfréttir.
Þingfundir áttu að byrja í fyrra
dag kl. 1, eins og venja er til, en áð-
ur en þeir byrjuðu voru haldnir
tveir fundir í sameinuðu þingi. Á
fyrri fundinum fór fram kosning
forseta Þjóðvinafélagsins, og hlaut
kosningu Benedikt Sveinsson, þing-
maður Norður-Þingeyinga, með
16 atkv. (Lárus H. Bjarnason pró-
fessor fékk 11 atkv., Jón dr. Þor-
kelsson 4, Hannes Þorsteinsson
skjalavörður 1, og þrír seðlar voru
auðir). Meira gerðist ekki á þeim
fundi, en ekki fengu aðrir en þing-
menn að vera viðstaddir á hinum
siðari fundinum; var það leyni-
fundur. Að þessum fundum lokn-
um, hófust hinir reglulegu þing-
fundir, og voru 2 mál á dagskrá
í efii deild, og stóð fundur að eins
hálftíma, en í neðri deild voru 10
mál á dagskrá, og var þeirra mála
tyrst dýrtíðarlagafrv. stjórnarinnar,
2. umr., sem fresta varð í fyrra-
dag, vegna þess hve framsögu-
mönnum meiri og minni hluta
bjargráðanefndar varð skrafdrjúgt
um till. sínar. En nú tók ekki
betra við, því að fundur stóð nú
til kl. 4, og var svo frestað til kl.
5, stóð sá fundur tjl kl. 8, og
3
málið ekki útkljáð að heldur. Var
þá enn frestað fundi til kl. 9, og
Iauk honum klukkan að ganga 11;
var dagskráin þá enn ekki nærri
tæmd; en þingmenn munu hafa
verið orðnir þreyttir af þingsetu
og séð fram á, að ekki mundi bæta
úr skák sumt annað sem á dag-
skrá var, svo sem tekjuaukafrv.
stjórnarinnar, sem búast má við
að enn verði deilt um.
En árangurinn af öllum um-
ræðunum varð minni en við hefði
mátt búast, því við atkvæðagreiðsl-
una voru tillögur meiri hluta
bjargráðanefndar feldar og stjórn-
arfrv. samþykt með ýmsum smá-
breytingum og vísað til 3. umr.
— Hin langa ræða framsögumanns
meiri hlutans varð því fyrir gýg,
enda lýsti einn hv. þm. því yfir í
einkar skemtilegri ræðu, eins og
honum er tamt að flytja, að allar
breytingartill. meiri- og minni hluta
bjargráðanefndar hefðu verið kák
eitt og vitleysa, þingmenn hefðu
átt að samþykkja frv. sljórnarinnar
óbreytt og það mundi hann gera.
Var gerður góður rómur að máli
hans og þótti flestum hann hafa
hér talað sannmæli um gerðir
bjargráðanefndar í þessu máli.
Tjarnarvegurinn.
Nú er búið að gera vegi beggja
megin sem framhald vegarins yfir
Tjörnina, og furðar marga á því
að hann skuli þurfa að vera ófær,
hver veit hvað lengi, af þvíjj að
slutt bil úti í Tjörninni stendur
ófylt. Þeir sem gera gys að vega-
nefndinni segja, að þetta muni eiga
að standa ófylt þangað til ein-
hverntíma eftir striðið, er steinlím
sé komið ofan í sama verð og vat\
áður, þá muni þar koma stein-
bogi!
Nú mætti að vísu fara vel á því
að hafa þarna brú, eða þó öllu
beldur á sjálfri miðjunni á Tjarn-
arveginum. En allir sjá að það
getur orðið langt að bíða eftir því
að brúaretni lækki í verði, og er
því sjálfsagt að fylla nú þegar
skarðið og láta nægja fyrst um
sinn rennur í gegnum vegginn fyrir
vatnsrenslið.
Það getur ekki náð nokkurri átt
að láta veg milli bæjarhluta í
sjálfum höfuðstaðnum liggja ónot-
aðan mánuðum eða jafnvel árum
saman af því að verið sé að spara
fáein vagnhlöss!
Einhverntíma hefur annar eins
og ónauðsynlegri tvíverknaður
verið unninn bér í þessum bæ,
eins og það, þótt grafið yrði aftur
í gegnum veginn ef brú yrði ein-
hverntíma, sett þar. Öll vegagerð
þessa bæjar er frá upphafi ekki
tvíverknaður, heldur margverknað-
ur hvort sem er.