Verkamaðurinn - 22.03.1957, Qupperneq 4

4
VERKAMAÐURINN
Fostudaginn 22. marz 1957
- Undirróðursstarfsemi USA
- SKÍÐAKEPPNI
(Framhald af 1. síðu.)
(Framhald af 3. síðu.)
Á eftir Jakuta töluðu Kudrjat-
sev og Novikov, sem einnig hafði
starfað fyrir hið ameríska njósna-
kerfi. 17 ára gamall hafði hann
verið fluttur til Þýzkalands í
nauðungarvinnu, 1947 fór hann til
Marokkó og þaðan fór hann í
njósnaraskóla í Þýzkalandi.
Honum hafði verið falið að
setjast að í Minsk í Hvíta-Rúss-
landi. Þar átti hann einkum að
njósna um flugstöðvar, flugvélar
óg hernaðarmannvirki og jafn-
framt að leitast við að mynda
ólögleg samtök til baráttu gegn
Sovétstjórninni.
Það fór fyrir honum eins og
Jakuta og Dudrjatsev. Að nokkr-
um tíma liðnum gaf hann sig
fram við yfirvöldin og sýndi,
hvar hann hafði grafið niður skot
færi. Hann hlaut 5 ára dóm, en
var þegar 1956 látinn laus sam-
kvæmt beiðni. Hann er nú kvænt
ur og vinnur sem byggingaverka-
maður fyrir um það bil 1500
rúblum á mánuði.
Er hér var komið var blaða-
mönnunum leyft að koma með
spurningar.
Hinn fyrrverandi njósnari, K.
l. Hmelnitskij, sem einnig var
viðstaddur, en ekki hafði sagt
neitt til þessa, var að því spurð-
ur, hvort hann gæti fært nokkrar
sannanir fyrir því, að hann hefði
komið á ólöglegan hátt til Sovét-
ríkjanna sem amerískur njósnari.
Hmelnitskij svaraði með því að
skýra frá því, að á árinu 1942,
þegar hann átti heima á hinu
hernumda svæði Sovétríkjanna,
hefði hann gengið í þjónustu
Þjóðverja, og 1952, þegar hann
átti heima í Nancy, hefði hann
ráðizt til amerísku áróðursdeild-
arinnar.
— Eftir að við vorum sendir til
Sovétríkjanna, hélt hann áfram,
grófum við Novikov skotfærin í
jörðu, tókum aðeins hina nauð-
synlegustu hluti með okkur og
hýldum síðan, eins og okkur hafði
verið sagt, sinn í hvora áttina. Eg
hélt til stöðvarbæjarins Smor-
gonj, og þar var eg fljótlega
handtekinn af sovézkum yfir-
völdum.
Við yfirheyrsluna skýrði eg
hreinskilnislega frá því, hvaða
verkefni Ameríkanarnir hefðu
fengið mér í hendur og bað um,
að fá að bæta fyrir brot mitt. Eg
bauðst þess vegna til að hafa am-
erísku áróðursdeildina að ginn-
ingarfífli.
Að ósk lögreglunnar setti eg
mig í talsamband við amerísku
njósnamiðstöðina og hef alltaf
fram að þessum blaðamannafundi
haft reglulega samband við hana.
Um þær fyrirskipanir, sem
Hmelnitskij á þennan fékk Am-
eríkanana til að senda, sagði hann
m. a. þetta:
— Mér heppnaðist að sannfæra
Ameríkumennina um, að eg hefði
komið mér vel fyrir í Brjansk og
að eg starfaði einn. Það kom í
ljós af þeim fyrirskipunum, sem
þeir sendu um talstöð, að amer-
íska áróðursdeildin hafði í hyggju
að koma upp aðstoðarstöðvum í
Brjansk-skógunum, og í því til-
felli, að til styrjaldar kæmi, átti
að hefja þaðan vopnaðar aðgerðir
gegn Sovétstjórninni. I þessu
sambandi var mér falið að velja
staði í Brjansk-skógunum sem
væru heppilegir til að taka þar á
móti amerískum flugvélum með
nýja hópa flugumanna, vopn og
skotfæri.
Á þeim tíma, sem atburðirnir í
Ungverjalandi gerðust í lok októ-
ber í fyrra fékk eg talskeyti frá
Ameríkönunum, þar sem þeir
sögðu mér að flytja út í Brjansk-
skógana ásamt því fólki, sem eg
áliti, að eg hefði unnið á mitt
band. Við áttum, þegar merki
yrði gefið frá áróðursdeildinni, að
hefja virka neðanjarðarstarfsemi.
Um sama leyti tóku Ameríkan-
arnir að sýna vaxandi áhugi fyrir
því, hvernig gengi með dreifingu
andsovézkra flugrita með æs-
ingaskrifum og með að gera
starfandi menn í flokknum og
opinberri þjónustu grunsamlega.
Næstum í hverju skeyti kröfðust
þeir, að þetta starf yrði aukið, og
vísuðu til þess, að hið alþjóðlega
ástand væri hentugt í því sam-
bandi.
Hmelnitskij skýrði að lokum
svo frá, að hann hefði staðið í
sambandi við hina amerísku tal-
stöð fram til 30. desember 1956.
Kudrjatsev gerði nánari grein
fyrir þeirri njósnaramenntun, er
hann hefði fengið, og sagði m. a.:
— Amerísku áróðursagentarnir
töldu okkur trú um, að stríð við
Sovétríkin væri óhjákvæmilegt,
en að í því stríði mundu þeir
sigra.
Ef stríð hæfizt, áttum við að
drepa háttsetta starfsmenn ríkis-
ins, liðsforingja og hershöfðingja,
sprengja brýr, járnbrautir og
þýðingarmikil hernaðar- og iðn-
aðarmannvirki.
Eftir að viðtalinu var lokið
skoðuðu blaðamennirnir hina
mjölmörgu hluti, sem skemmdar-
verkamennirnir höfðu haft í fór-
um sínum. Þessi sönnunargögn
þöktu stórt borð, og sýndu, hve
vandlega útbúnir flugumenn
Ameríkananna eru til undirróð-
urs- og skemmdarverkastarfsemi
þeirra í Sovétríkjunum.
nú viðurkenndur sem fyrstu deild-
ar svigmaður á heimsmælikvarða.
Eysteinn liefur undantarnar vikur
ferðazt suður um Evrópu ásamt
Hjálmari Stefánssyni, Akureyri. sem
einnig er meðaí keppenda, og hafa
þeir keppt á mörgum stórmótum í
Þýzkaiandi, Sviss, Ítalíu og svo síð-
ast á Holmenkollenmótinu í Nor-
egi. Á þessu móti mætast einhverjir
beztu svigmenn landsins.
Ferðir verða frá Ferðaskrifstyf-
unni, og komast bílar mjög nálægt
stökkbrautinni með því að fara
veginn norðan við Lund og suður
með Lundartúninu að vestan (en
þessum vegi er haldið opnum vegna
keyrslu á öskuhaugana).
Fólk er hvatt til að nota tækifæri
þetta til að sjá skemmtilega keppni
og nota skíðasnjóinn meðan læri
gefst, og í leiðinni er hægt að ganga
hina tilskildu 4 km í landsgöng-
unni.
Er ekki ólíklegt, að fólk fjöl-
menni til að sjá þessa keppni, þar
sem hinir beztu menn reyna sig,
enda er þetta nokkurs konar
urídirbúningsmót fyrir Landsmót
skíðamanna, sem verður háð hér
um páskana. KA sér um fram-
kvæmd þessa móts.
n
Skíðakeppni. Keppni í
j stökki fer fram við Mið-
r húsaklappir n.k. laug-
ardag kl. 3 og sunnudag
kl. 2. Keppt verður í
eldri og yngri flokkum. — Á
sunnudag kl. 4 verður keppt í
svigi, öllum flokkum, og fer
keppnin fram í brekkunni sunnan
og ofan við Miðhúsaklappir, neð-
an við Fálkafell. Keppendur eru
frá Reykjavík, Siglufirði, Ólafs-
firði, Dalvík og Akureyri. Ferðir
á mótsstað frá Ferðaskrifstof-
nnni — K A •
Aðalfundur K. A. var haldinn
að Hótel KEA mánudaginn 18.
marz sl. kl. 8 e. h. — Skýrsla og
reikningar stjórnarinnar voru
lesnir upp og samþykktir, rætt
var um væntanlegt skíðalands-
mót, ýmis íþróttamál o. fl. —
í stjórn voru endurkosnir: Her-
mann Sigtryggsson, formaður,
Leifur Tómasson, varaformaður,
og með þeim í stjórn voru kosnir:
ísak Guðmann, Einar Kristjáns-
son, Haraldur Sigurðsson, Hall-
dór Ólafsson, Jón Ágústsson og
Skjöldur Jónsson.
Ársbátíð
Sósíalistafélags Akureyrar og
Æskulýðsfylkingarinnar
verður haldin í Ásgarði annað kvöld, laugard. 23. marz,
og hefst með sameiginlegri kaffidrykkju kl. 8.30.
TII. SKEMMTUNAR:
Ávarp.
Nýjar gamanvísur.
Skemmtiþáttur frá „Landsgöngunni"
Samtalsþáttur.
Upplestur.
Dans.
Félagsmenn eru áminntir um að fjölmenna og taka
með sér gesti. Aðgangur aðeirfs kr. 25.00.
Góða skemmtun.
NEFNDIN.
(Framhald af 1. síðu.)
breyttir tímar og breyttar þjóð-
félagsaðstæður hafa þokað ljóð-
inu til hliðar, að minnsta kosti
um sinn. Þó eru enn, sem betur
fer, fjölmargir einstaklingar í öll-
um bæjum og sveitum, sem taka
góð ljóð fram yfir flestar aðrar
bókmenntir. Til þessarra manna
þurfum við og viljum ná.
Já, og þú segist hafa fleira en
ljóða- og sagnagerð á prjónun-
um?
— Jú, því er ekki að leyna. Eg
hef t. d. mikinn áhuga fyrir leik-
ritum öllum þjóðlegum fróðleik
og meira að segja ættfræði.
Þú hefur þá nóg að hugsa?
— Já, þessar skáldagrillur og
pennaást eru hálfgerð hefndar-
gjöf þeim, sem þurfa að skila sínu
dagsverki á öðru sviði, en hafa
aðeins takmarkaðar tómstundir
til að sinna aðalhugðarefnum sín-
um.
Hvernig er það með ykkur,
bæjarskáldin hér á Akureyri,
hafið þið ekki eitthvert samband
ykkar á milli og gagnrýnið hver
annars verk?
— Við erum yfirleitt góðir
kunningjar, held eg mér sé óhætt
að segja, og leiðum oft saman
hesta okkar, þegar svo ber undir,
og eg álít ekkert nauðsynlegra
fyrir unga höfunda en að vera
gagnrýndir miskunnarlaust í sín-
um hóp. Af því hef eg mikla og
góða reynslu.
Finnst nú'ekki hverjum sinn
fugi fagur, á skáldaþingum eins
og annars staðar?
— Að vísu, en við hljótum
alltaf að taka meira mark á því,
sem kollegar okkar segja við
okkur af hreinskilni og trúnaði,
en hinu, sem launaðir blaðagagn-
rýnendur skvetta úr penna sín-
um, oft il þess aðeins að skrifa
ritdóm.
Lengra varð ekki þetta viðtal
við Rósberg skáld Snædal, en
Akureyringar og ljóðaunnendur
j um allt land munu vissulega
fagna nýrri bók frá honum og
væntanlega verða áskrifendurnir
margir.
Mænusóftarbólusetning
fyrir fullorðna
verður framkvæmd í húsnæði Heilsuverndarstöðvarinn-
ar (Berkiavarnarstöðvarinnar) á Akureyri fimmtud. 28.
marz ld. 1—4 e. h., föstudag 29. marz kl. 5—8 e. h. og
þriðjudag 2. apríl kl. 5—8 e. h. Bólusett verður það full-
orðið fóik sem vill, upp að 45 ára aldri. Greiðsla fyrir
bólusetninguna er 20 kr. í livert skipti. Nauðsyniegt er,
að þeir, sem láta bólusetja sig, liafi með sér pappírs-
miða, sem á er skrifað nafn, heimilisfang, fæðingardag-
ur og fæðingarár.
HÉRAÐSLÆKNIR.
NÝ LJÓÐABÓK
eftir
RÓSBERG G. SNÆDAL
Um sumarmálin kemur út ný ljóðabók eftir Rósberg
G. Snædal. Bókin verður aðeins seld til þeirra, sem ger-
ast áskrifendur fyrirfram, þ. e. að prentuð verða ná-
kvæmlega jafnmörg eintök og áskrifendurnir verða
margir 1. apríl n. k. Nafn hvers áskriíanda verður prent-
að á hans eintak, en öll eintökin verða tölusett og árit-
uð af höfundinum. — Bókin kostar kr. 40.00 óbundin.
Þeir, sem vilja sýna höfundinum þá vinsemd að eiga
þessa bók, snrii sér til hans eða skrifi sig á áskriftarlista,
sem liggur frammi hjá öllum blöðum bæjarins.
TILKYNNING
um niðurgreiðslu brennsluolíu
Samkomulag hefur verið gert milli olíufélagana
og Utflutningssjóðs um fyrirkomulag þeirrar niður-
greiðslu brennsluolíu, sem heimiluð er í 11. grein laga
nr. 86 frá 1956. Olíufélögin selja frá 15. þ. m. fúeloiíu
og gasolíu til togara, fiskibáta og fiskvinnslsustöðva á
verðlagi því, sem gilti fyrir 27. febrúar síðastliðinn, en
Útflutningssjóður greiðir olíufélögunum mismun
gamla og nýja verðlagsins. Togarar, fiskibátai og fisk-
vinnslustöðvar, sem keypt hafa gasolíu á nýja verðlag-
inu dagana 27. febrúar til 14. marz, eiga rétt til endur-
greiðslu þess hluta kaupverðs hennar, sem stafar af
verðhækkunum 26. febrúar. Olíufélögin annast inn-
heimtu endurgreiðslunnar fyrir viðskiptamenn sína.
ÚTFLUTNINGSSJÓÐUR.