Verkamaðurinn - 15.05.1959, Page 3

Föstudaginn 15. maí 1959
VERKAMAÐURINN
3
Frá aðalfundi Skógræktarfélags
Eyfirðinga
Um 80 þúsund trjáplöntur voru gróðursettar
á félagssvæðinu á síðasta ári
Aðalfundur Skógræktarfélags
Eyfirðinga var haldinn að Hótel
KEA 7. þ. m. Fundinn sóttu 26
fulltrúar frá 8 deildum.
Formaður félagsins, Guðm. K.
Pétursson, flutti skýrslu um störf
félagsins á liðnu ári og kvað þau
hafa farið að mestu eftir áætlun,
þó hefði verið þröngt í búi fjár-
hagslega, en miklu hefði munað,
að KEA veitti félaginu 20 þús. kr.
styrk á árinu og tekjur félagsins
urðu þess vegna meiri en áætlað
hafði verið. Þakkaði formaður
kaupfélaginu þennan góða stuðn-
ing. Þá hafði sjálfboðavinna verið
með mesta móti, enda mjög vel
skipulögð. Færði formaður öllum,
sem að þessu höfðu unnið alúðar
þakkir.
Félagið hafði sem áður á hendi
hirðingu Gróðrarstöðvarinnar. —
Heimsóknir þangað voru svo
margar, að ekki varð tölu á kom-
Framkvæmdastjóri fór víða um
héraðið, bæði einn og með erind-
reka Skógræktarfélags íslands.
Mælingar voru framkvæmdar á
árssprotum og öðrum vexti í
skógarreitum.
Félagar voru 614 við árslok og
hafði aðeins fjölgað um 12 á ár-
inu. Benti formaður á, að enn
horfði alvarlega með það, hve fá-
ir félagsmenn væru.
Gróðursettar voru á árinu sam-
tals um 80 þús. plöntur. Úr
gróðrarstöð félagsins voru af-
hentar 36.783 plöntur. Sáð var í
524 fermetra og dreifsettar rúm-
lega 80 þús. pl. Sú nýung var upp
tekin að potta plöntur til gróður-
setningar, og var keypt vél til
þeirra hluta. Hefur þessi aðferð
reynzt vel syðra, en enn er ekki
fengin reynsla á því hér.
Fjárhagsáætlun.
Niðurstöðutölur fjárhagsáætl-
unar Skógræktarfélags Eyfirð-
inga fyrir yfirstandandi ár eru
kr. 266 þúsund.
Tekjuliðir eru: Styrkur frá
Skógræktarfélagi íslands kr. 35
þús., frá Akureyrarbæ 30 þús.,
frá Eyjafjarðarsýslu kr. 2 þús. og
frá Búnaðarsambandi Eyjafjarðar
kr. 1 þúsund, árgjöld deilda kr. 6
þús., frá Landgræðslusjóði kr. 50
þús., tekjur af uppeldisstöð kr.
140 þús. og vextir kr. 2 þúsund.
Gjöld eru áætluð þessi: Styrk-
ir til deilda kr. 30 þús., laun fram
kvæmdastjóra og bifreiðakostn-
aður kr. 38 þús., árgjald til Skóg-
ræktarfélags Isands kr. 1200,
kostnaður við uppeldisstöð kr.
140 þús., stofnkostnaður við upp-
eldisstöð kr. 10 þús., kostnaður
við skógarreiti kr. 45 þús. og
óviss útgjöld kr. 1800.
Eins og sést af framanskráðu
er gert ráð fyrir, að rekstrar-
kostnaður uppeldisstöðvar og
tekjur af stöðinni standist á. —
Formaður skýrði frá því, að
ákveðið væri að ráða 16 drengi á
aldrinum 12 til 14 ára til vinnu
við gróðursetningarstörf, sam-
kvæmt samkomulagi því, sem
gert var við bæjarstjórn Akur-
eyrar um unglingavinnu við
gróðursetningu gegn hækkuðu
framlagi frá Akureyrarbæ til
6kógræktarfélaganna.
Vilja bændur láta land til
skógræktar?
Séra Benjamín Kristjánsson
vakti máls á því á fundinum, að
reynt yrði að fara þá leið í út-
vegun lands til skógræktar, að
auglýsa eftir, hvort bændur vildu
ekki láta af hendi landskika til
skógræktar á jörðum sínum.
Margir bændur hafa yfrið land
til umráða, og er ekki ósennilegt,
að þeir vildu gjarnan að skóg-
rækt verði hafin á jörðum þeirra.
Hins vegar hafa bændur almennt
ekki mikinn tima aflögu til að
sinna slíkum störfum og ætti því
að vera kærkomið að Skógrækt-
arfélagið hlypi þar undir bagga.
Sá tími er varla langt undan, að
það verði metnaðarmál bænda að
hafa sem fegursta skógarreiti á
jörðum sínum.
Kosningar.
Úr stjórn skógræktarfélagsins
áttu að ganga Ármann Dalmanns
son, Benjamín Kristjánsson og
Helgi Eiríksson, en voru allir
endurkosnir. Fulltrúar á aðal-
fund Skógræktarfélags íslands
voru kosnir: Ármann Dalmanns-
son Guðmundur Karl Pétursson,
Tryggvi Þorsteinsson, Steindór
Steindórsson, Benjamín Krist-
jánsson og Sigurður O. Björns-
son.
Bók um Önnu Frank
Á næsta hausti gefur Kvöld-
vökuútgáfan út bók um Önnu
Frank, sem þýzkur blaðamaður,
Ernst Schnabel hefur ritað og
náð hefur mikilli útbreiðslu og
verið þýdd á fjölda tungumála. 1
bók þessari skýrir höfundur frá
viðtölum sínum við 42 einstakl-
inga, sem þekktu Önnu frá barn-
æsku og margir dvöldu með
henni í fangabúðunum þýzku. Á
íslenzku heitir bókin Hetja til
hinztu stundar og er þýdd af
Jónasi Rafnar lækni, en Krist-
björg Kjeld leikkona, sem lék
hlutverk Önnu Frank, er leikritið
um ævi hennar var sýnt hér í
Þjóðleikhúsinu, ritar formálsorð
fyrir bókinni.
MÍR
AÐALFUNDUR
Akureyrardeildar MÍR
verður í kvöld (föstudag) kl.
8.30 í Ásgarði.
Venjuleg aðalfundarstörf.
Kvikmynd.
STJÓRNIN.
Alþýðufl. í greipum íhaldsins
og til útrýmingar heilsuspillandi
húsnæði.
Ríkisstjórn Alþýðuflokksins er
óvirt með því að svipta hana
sjálfstæði því, sem venjulegar
ríkisstjórnir hafa.
íhaldið mun nú ákveða ýmis
framboð Alþýðuflokksins. Þannig
vill íhaldið hafa Jónas pýramída-
spámann frambjóðanda Alþýðu-
flokksins á Seyðisfirði og Áka á
Siglufirði. Hvort tveggja mun
þetta þó vera í andstöðu við vilja
Alþýðuflokksmanna.
En íhaldið ræður Alþýðuflokkn
um. Það segir honum, hvað hann
eigi að lækka kaup verkamanna
mikið og hvað skuli gefa at-
vinnurekendum mikið.
Þannig er komið fyrir Alþýðu-
flokknum. — ("Útsýn.)
AÐALFUNDUR
KAUPFÉLAGS EYFIRÐINGA verður haldinn £ Nýja-Bíó,
Akureyri, miðvikudaginn 27. og fimmtudaginn 28. maí 1959.
Fundurinn hefst kl. 10 árdegis miðvikudaginn 27. maí.
DAGSKRÁ:
1. Rannsókn kjörbréfa og kosning starfsmanna
fundarins.
2. Skýrsla stjórnarinnar.
3. Skýrsla framkvæmdastjóra. - Reikningar fé-
lagsins. - Umsögn endurskoðenda.
4. Ráðstöfun ársarðsins og innstæðna innlendra
afurðareikninga.
5. Erindi deilda.
6. Framtíðarstarfsemi.
••
7. Onnur mál.
8. Kosningar.
Akureyri 7. maí 1959.
DOPPÓTT SUMARKJÓLAEFNI
Þarf ekki að strauja.
HVÍT GLUGGATJALDAEFNI
tekin upp í dag.
ÓDÝRAR VINNUSKYRTUR
VERZLUNIN LONDON
Aumkunarverður flokkur er
Alþýðuflokkurinn. Nú ræður
íhaldið gerðum hans í einu og
öllu og lætur hann jafnvel einan
taka ábyrgð á óvinsælustu verk-
unum. Fyrir ári síðan réð Fram-
sókn yfir Alþýðuflokknum eins
og sínum eigin flokki. En svo
sveik Alþýðuflokkurinn samning
sinn við Framsókn.
í verkalýðshreyfingunni samdi
Alþýðuflokurinn við íhaldið, en á
síðasta Alþýðusambandsþingi
sveik Alþýðuflokkurinn þann
samning.
Næst samdi Alþýðuflokkurinn
við Alþýðubandalagsmenn um
sambandsstjórn í Alþýðusam-
bandinu, en strax næstu daga
sveik Alþýðuflokkurinn það
samstarf með nýjum samningi
við íhaldið um almenna kaup-
lækkun.
Nú lætur Alþýðuflokkurinn
samþykkja milljónagjafir til stór-
atvinnurekenda.
Nú lætur íhaldið Alþýðuflokk-
inn samþykkja að afnema orlofs-
lögin, samþykkja að skera niður
framlög til skóla og sjúkrahúsa,
samþykkja að lækka lögboðin
framlög dl verkamannabústaða
Nonnahúsið verður opið á ann-
an hvítasunnudag kl. 2.30—4 e. h.
og framvegis á hverjum sunnu-
degi á sama tíma.
Annarra orð
Gunnar Dal rithöfundur segir
í Tímanum í gær um Alþýðu-
flokkinn:
„Héðan af fer bezt á því fyrir
alla aðilja að þögnin og gleymsk-
an breiði miskunnsama vængi
sína yfir minningu hans —
flokksins, sem sveik allar hugsjón
ir sinar, verkalýðsflokksins, sem
gekk á mála hjá íhaldinu, flokks
skáldsins og hugsjónamannsins
Þorsteins Erlingssonar, sem nú
endar skeið sitt með því að gefa
út blað sitt fyrir erlent mútufé.“
SAMSÖNGUR.
Geysir syngur í Nýja-Bíó á
Akureyri 2. hvítasunnudag kl.
3.15 e. h. og miðvikud. 20. þ.
m. á sama stað kl. 9 e. h. Nánar í
götuauglýsingum.