Skólablaðið - 15.03.1910, Page 14
46
SKÓLABLAÐIÐ
Það er talið víst, að sá siður sé nú ótíðari en áður,
að einn lesi í kvöldvökunum fyrir heimilisfólkið. Má vera
að svo sé. En um fram alt ber á það að líta, livað lesið
er; bæði fyrir börn og fullorðna. Tækifærin til að menta
sig af bókum eru mörg og góð að vetrinum til hérálandi;
óskandi að þau væru sem best noluð. En eðblegt er að
þau séu ekki notuð, þar sem engin er til bókin. Fátækir
menn hafa ekki efni á, að kaupa tnikið af bókum; en
þeir hafa efni á, að borga lítið tillag til lestrarfélags, og
fyrir það litla lillag geta þeir lesið margar bækur.
Tveir agnúar eru á þvi, að halda uppi lestrarfelögum
nteð bókasöfnum; annar er liúsnæðisleysið víðast livar;
því að bækur þarf að geyma í góðu upphituðu búsi. —
Hinn er vinnan við, að stjórna félögunum vel; hún er
talsverð, og erfitt að fá menn til þess til lengdar. Oss er
kunnugt um, að lestrarfélög hafa ekki svo fá strandað á
þessum skerjum, öðru hvoru eða báðum.
En þessa erfiðleika má þó sigra með góðum vilja.
Húsakynni fara batnandi; skólabúsum fjölgar; þar sem
þau eru til, ætti að vera vandræðalaust, að geynia bæk-
urnar. Flestir kennarar mundu vilja eitthvað leggja á sig
til að vinna í þarfir lestrarfélaga, og eiga líka að geta stutt
gott bókaval. En það mun lengst af verða mestur vandinn.
»Skólablaðið« mun eftirleiðis gjöra sér far um, að
benda á góðar bækur, sem út koma. Vildi og gjarnan
leiðbeina um bókakaup, og stofnun lestrarfélaga, ef á
þyrfti að halda, og þess væri óskað. —
En væri það ekki hreinasta drep fyrir alla bókaút-
gáfu, ef félagsskapur um bókakaup yrði almennur? Hitt-
ast menn, sem eru hræddir við það. En það er mikill
misskilningur. Hversu almennur, sem félagsskapurinn yrði,
bversu mörg lestrarfélög, sem stofnuð verða og bókasöfn,
verður alt af fjöldi manna, sem vill eignast bækur sjálfur.
Lestrarfélögin kynna bækur út um allar sveitir, og mundu
einmitt stuðla að því, að góðar og gagnlegar bækur yrðu
meira keyptar. En vonandi líka stuðla að því, að vekja
viðbjóð á slæmum, illa sömdum, siðspillandi bókum.