Vísir - 16.02.1962, Blaðsíða 8

8
V 1 S I R
Föstudagur 16. febrúar 1962

UTGEI-HNUI: blaðaútgáfan vísir
Ritstjórar.- Hersteinn Pólsson Gunnar G Schram.
Aðstoðarritstjóri: Axet Thorsteinsson Fréttastjór
ar: Sverrir Þórðorson Porsteinn ó Thorarensen.
Ritstjórnarskrifstofur: Laugavegi 27 Auglýsingar
og afgreiðsla: ingólfsstrœti 3 ^skriftargjalo er
krónur 45.00 ó mónuði - 1 tausasölu krónur
3.00 eintakið Slmi • 1660 .5 linur) - fólags-
prentsmiðjar h.t Steindórsprent h.t Eddo h.f
Upplausnin er hafin
Hvernig stendur á því að kornmúnistar eru svona
sterkir á Islandi?
Þessari spurningu varpa erlendir Islandsvinir oft
fram við vini sína hér á landi — og furðan leynir sér
ekki í svipnum. En svörin láta standa á sér. Kannski
er það vegna þess að íslendingar hafa lifað einangruðu
afdalalífi og aldrei trúað því að nein stefna gæti verið
blóðug ofbeldisstefna á erlendri storð, sem svo ógnar
friðsamlega liti út í íslenzkum búningi. Kannski er
svarið eitthvað annað; um það getur enginn fullyrt.
En þó er nú svo komið, að þeir mörgu íslenzku
ágætismenn, sem eitt sinn töldu að kommúnisminn
væri hið frelsandi afl mannkynsins, eru stórlega teknir
að efast og margir þeirra hafa þegar snúið bakinu við
kommúnistum. Efasemdir úm að kommúnisminn upp-
fylli æðstu þrá mannsins eftir réttlæti og mannúð hafa
læðzt inn í sálu annarra.
Staðfestingin á því að þetta eru ekki getgátur einar
saman hefir fengizt síðustu vikurnar. I verkalýðsfélög-
unum hafa launþegar sýnt það svart á hvítu að þeir
skilji hvert straumur tímans rennur. Fylgistap kommún-
ista þar er vitni um að Islendingar eru loksins teknir
að skilja, að það er ekki nóg að kunna að tala vel um
framtíðarríkið. Það verður líka að standa við loforðin.
En straumaskilin sjást ekki einungis í verkalýðs-
hreyfingunni. Menntamenn og listamenn snúa nú óðum
frá hinni kommúnisku lífsskoðun, til hinnar húmanisku,
sem trúir á manninn, en ekki skipulagið. Jafnvel sjálfur
Kiljan hrukkar ennið. Og unga fólkið í skólunum,
hvort sem eru menntaskólarnir eða Háskólinn, sjá af
næmum skilningi æskunnar að sú stefna, sem að eigin
sögn hefir átt sér milljóna-morðingja að foringjum fyrir
einum litlum áratug, er ekki beinlínis sú framtíðar-
forsjá, sem ber að sækjast eftir.
Þannig ber allt að sama brunni. Eftir sitja nokkrir
andlegir galeiðuþrælar á borð við Magnús Kjartansson.
En þeir kunna vart að andæfa, hvað þá róa lengur.
Afmæli Heimdallar
I dag er Heimdallur, félag ungra Sjálfstæðismanna
35 ára. Félagið hefir jafnan staðið í fararbroddi í bar-
áttu Sjálfstæðisflokksins fyrir framfaramálum lands
og þjóðar. Or, röðum Heimdallar hafa komið margir
mætustu þjóðmálaleiðtogar flokksins og þar hafa nýjar
hugmyndir sprottið í frjóum jarðvegi.
Vísir á þá afmælisósk bezta Heimdalli til handa
að félagið megi halda áfram að eflast á næstu árum
og taki ötulan þátt í baráttunni fyrir hugsjónum Sjálf-
stæðismanna, heill og velferð þjóðarinnar allrar.
Míiiningarorð:
Sverre
I hvert sinn, er vinur hverfur
yfir landamæri lífs og dauða,
fyllist hugurinn söknuði yfir
því að geta eigi lengur notið
vináttu hans og hollra ráða. í
dag kveðjum við Sverre Tynes,
tryggan vin og góðan félaga.
Það var lífsstarf Sverre
Tynes að fást við byggingar-
framkvæmdir, sjá verk mótast
og vaxa. Dugnaður hans og
samvizkusemi var frábær og al-
úðin hin sama, hvert sem við-
fangsefnið var.
Sverre Tynes var skáti frá
barnæsku. 12 ára gamall gekk
hann í skátaflokk í Bergen, þar
sem hann ólst upp. Hann starf-
aði þar fram að tvítugsaldri,
er hann fluttist til íslands og
settist að á Siglufirði 1926.
Fyrstu árin þar starfaði
Sverre lítið að skátamálum, en
árið 1931, er hann kvæntist
Hrefnu Tynes, hófst skátaferill
hans að nýju. Um skeið var

hann félagsforingi á Siglufirði,
en 1939 fluttu þau hjónin til
Noregs. Þar dvöldust þau til
ársins 1946 er þau settust að í
Reykjavík.
í nærfellt 16 ár hefur heimili
þeirra verið sannkallað skáta-
heimili. Erlendir og innlendir
skátar hafa dvalið þar lang-
dvölum og skátafundir voru
þar daglegir viðburðir.
Sverre Tynes var að visu
ekki virkur skáti síðustu árin,
en alltaf var hann boðinn og
búinn að rétta skátum hjálpar-
hönd, hvernig sem á stóð. Hann
átti mörg handtökin við skáta-
skólann að Úlfljótsvatni.
Það eru ekki margar fjöl-
skyldur sem hafa lagt fram jafn
mikinn skerf til skátastarfs
eins og þau Hrefna og Sverre
Tynes. Það verður þeim aldrei
fullþakkað. En sú minning lifir
í hjörtum íslenzkra skáta um
Sverre Tynes, að þar var sann-
ur skáti, drengilegur maður,
hjartahlýr, réttsýnn og glað-
vær.
íslenzkir skátar kveðja hann
í dag með þakklæti og' hlýrri
skátakveðju, fullvissir þess, að
á hinztu stund var hann viðbú-
inn, eins og hann hafði ávallt
verið.
Jónas B. Jónsson.
-mílna iand-
helgi við Bretland
Brezka fiskimálablaðið
Fishing News skýrir frá því
í síðasta blaði,( fef'"brezld
fiskimálaráðherráiín,' ChrisÞ
opher Soames var spurður í
brezka þinginu hvenær
enska ríkisstjórnin hefði í
hyggju að sækja til Al-
þjóðadómstólsins um leyfi
til að víkka út landhelgina
við strendur Bretlands í 12
mílur. Jafnframt hvatti fyr-
irspyrjandinn, Sir David Ro-
bertsson, ráðherrann til að
hraða umsókninni.
íæd
Fiskimálaráðherrann, Mr.
Soames svaraði að stærð
landhelginnar yrði ákveðin
af ríkisstjórninni og þá í
samræmi við gildandi al-
þjóðalög um stærð hennar.
Væri engin þörf á að leita
til alþjóðadómstólsins. Ráð-
herrann bætti því við að
hann teldi að stöðugt þyrfti
að gefa gaum að breyttum
aðstæðum.
Síðar í þessum umræðum
kallaði einn þingmaðurinn
það „óþolandi ástand að er-
lendir togarar geta verið að
veiðum þar sem okkar fiski-
menn eru útilokaðir. Hve-
nær verður bundinn endir á
þetta,“ spurði þingmaður-
inn.
Ráðherrann svaraði því til
að þetta væri spurning um
grunnlínur. Það mál er ná-
tengt reglunum um almenn
fiskveiðitakmörk. Auðvitað
verður að endurskoða grunn-
línur um leið og tekið er til
við breytingar á sjálfri land-
helginni.
Tannskemmdir hjá
börnum stórvaxandi
Fræðslunefnd Tannlæknafé-
lags íslands, tveir skólastjórar
og fulltrúi fræðslumálastjóra og
fréttamenn blaða komu saman
á fund í gær og lét nefndin þar
x té upplýsingar varðandi tann-
skemmdir barna í bænum, sem
væru mjög vaxandi, en tann-
læknar vildu ekki láta það af-
skiptalaust, heldur gera sitt til
að sporna við þessu með auk-
inni fræðslu.
Hefur fræðslunefndin sem
kunnugt er látið blöðunum í té
fræðslugreinar i þessu skyni
og fræðsluerindi hafa verið
flutt í útvarpinu. Tilefni fund-
arins var að veita fræðslu um
nversu horfir og hvað gera
þurfi og gera grein fyrir rit-
gcrðasamkcppni, sem fræðslu-
nefndin og fulltrúar skólanna
eru að efna til, til þess að efla
áhuga og skilning barna og
unglinga sjálfra á tannskemmd-
um og hirðingu tanna. Verður
nánara skýrt hér í blaðinu frá
tilhögun ritgerðakeppninnar.
Formaður fræðslunefndar
Tannlæknafélagsins er Rafn
Jónsson, en auk hans eiga sæti
í henni Jónas Thorarensen og
Magnús Gíslason. Gerði Rafn
grein fyrir málinu og Magnús
las upp hina athyglisverðustu
greinargerð frá félaginu, þar
sem því er haldið fram, að
aðeins lítill hluti þeirra
10.000 barna, sem stunda
barnaskólanám hér fái nú
fullkomna, reglulega þjón-
ustu, tannviðgerðir séu eng-
ar í skólum bæjarins og eng-
in fræðslustarfsemi, en
fræðslustarfsemi „hafi . að
vísu aldrei verið nein.“
Bæjaryfirvöldin greiði að
vísu helming þeirra reikninga,
sem fram vísað er, en þessi
ráðstöfun „er ekki lausn, ekki
skref í rétta átt.“
Indónesíustjórn hefir lagt
til við Hollandsstjórn, að
íbúar Hollenzku Nýju Gu-
ineu fái sjálfstjórn í 10 ár.
Á þessum tíma hernemi
Indónesía ekki landið, en
hafi frjálsan aðgang að því.
í Hollandi er litið svo á, að
þetta muni leiða til þess,
að Indónesía fái fram-
kvæmdastjórnina í sínar
hendur að fullu eftir 10 ár,
og raunverulega fyrr.