Dagur - 03.10.1997, Page 5
FÖST U DAGUR 3.0KTÚBER 1997 - 21
Um helgina opnar í Listasafni
Islands sýning sem er úrval úr
dánargjöf Gunnlaugs Schevings.
Gunnlaugur er einn merkasti
myndlistarmaður sem Islending-
ar hafa átt og örugglega eftirlæt-
is málari margra listunnenda.
Þegar Gunnlaugur lést árið
1972 arfleiddi hann listasafnið
að öllum verkum sínum, alls um
1800 verkum. Gjöfin er mjög
margbreytileg, meðal annars 12
olíumálverk, 306 vatnslitamynd-
ir, fjöldi túss- og vatnslitaskissa,
teikningar, grafíkmyndir og 50
teiknibækur og nokkrar dagbæk-
ur.
A sýningunni verður úrval ol-
íumálverka og skissur og undir-
búningsmyndir sem tengjast
þeim. Með því gefst einstakt
tækifæri til að fylgjast með ferli
myndanna, allt frá fyrstu frum-
dráttum og síðan stig af stigi er
myndhugsunin tekur margvís-
legum umbreytingum. Má þá
oft rekja sig frá fyrstu drögum,
sem stundum eru vart stærri en
frímerki, í gegnum ólíkar út-
færslur þar sem mismunandi
sjónarhorn eru reynd, að gríðar-
stórum flekum en stærstu
myndirnar á sýningunni er rúm-
ir fjórir metrar á lengd.
Mynd af uppsetningu sýningarinnar
HELGIN FRAMUNDAN HVAÐ ER I BOÐI?
„Verkið lætur ekki mikið yfir sér
við fyrstu sýn en eftir því sem
maður kynnist því betur kemur í
ljós að það er þrælmagnað, mjög
vel samið og á allan hátt hagan-
lega gert,“ segir Pétur Gunnars-
son rithöfundur um franska
verðlaunaleikritið Listaverkið
sem hann þýddi fyrir Þjóðleik-
húsið. Verkið var frumsýnt á
liðnu vori á Litla sviðinu og
gekk fyrir troðfullu húsi til loka
leikársins. Sýningar hefjast á ný
um helgina og verður fyrst um
sinn sýnt á Litla sviðinu en fyr-
irhugað er að flytja sýninguna í
Loftkastalann upp úr miðjum
nóvember.
Listaverkið segir frá þremur
vinum sem þekkst hafa árum
Hilmir Snær, Baltasar Karmákur og Ingvar Sigurðsson i hlutverkum sínum í Listaverkinu.
saman. Lýst er hvernig samband
þeirra lendir í óvæntri kreppu
vegna listaverkakaupa eins
þeirra. Vinina leika Baltasar
Kormákur, Hilmir Snær Guðna-
son og Ingvar E. Sigurðsson.
Leikstjóri er Guðjón Pedersen
„Þetta er franskt verk og ger-
ist í frönskum hugarheimi og
það sem mér datt fýrst í hug að
yrði erfiðast í yfirfærslu til ís-
lands er að Frakkar eiga svo
auðvelt með að rífast, en Islend-
ingar síður. Við forðumst í
lengstu lög að rífast en Frakkar
sækjast umfram allt eftir því að
rífast,“ segir Pétur. „Rifrildi hjá
Frökkum getur verið eins konar
ígildi atlota á meðan rifrildi hjá
okkur, loks þegar það kemur
upp, er oft sársaukafullt og
þyngra í vöfum."
Af viðtökum áhorfenda að
marka hefur ekki vafist fyrir
þeim að meðtaka rifrildi upp á
franskan móð í leikriti sem þýð-
andinn segir vera bráðfyndið en
merkilega djúpt.
Þau útskrifuðust úr gagnfræðaskóla árið 1947, hafa hist endrum og eins og ætla að hittast enn.
Eftir hálfa öld
Ef þú, lesandi góður, útskrifað-
ist úr Ingimarsskóla við Lindar-
götu árið 1947 átt þú að mæta á
Sex-baujunni Eiðistorgi 13-15
Eiðistorgi nú í kvöld til að rifja
upp gamla og góða tíma.
Það var enginn vandræðahóp-
ur sem stundaði nám í skólan-
um á þessum tíma og prúð-
mannleg framkoma nemenda
var efni lesendabréfs sem Jónas
Lárusson hótelstjóri á Akureyri
skrifaði í Alþýðublaðið góða
þann 3. júní 1947, en 80 nem-
endur skólans voru þá á ferða-
lagi. Jónas sagði í bréf sínu, sem
birtist í dálki Hannesar á Horn-
inu:
„Framkoma þessara nemenda
var til fyrirmyndar. Þeir voru
kurteisir og háttprúðir svo að
unun var að, ekki aðeins hér í
hótelinu heldur og alls staðar
þar, sem þeir fóru hér um Akur-
eyri. Eg vil biðja þig að bera
þeim kveðjur okkar Akureyringa
og við þökkum þeim fyrir kom-
una. Það er ánægjulegt að taka
á moti svona gestum.“
Og ekki er að efa að endur-
fundir þessa háttprúða og kurt-
eisa fólks verða ánægjulegir.
Rifrildi upp á
franskan móð