Dagur - 14.10.1997, Page 1

B-listiim valinn af
uppstUIingamefnd
Framsóknarmeim á
Akureyri hafa skipað
nefnd til þess að sjá
11 iii framboðsmál í
komandi hæjarstjóm-
arkosningum.
í nefndinni eiga sæti Hallgrímur
Indriðason, Gísli Kr. Lórenzson
og Björn Snæbjörnsson.
Jafnframt er stefnt að því að
tvær konur sitji í nefndinni og
verður gengið frá skipan þeirra í
nefndina á næstunni. Nefndin
mun koma með tillögur að fram-
boðslista Framsóknarflokksins
til fulltrúaráðs hans en allt eins
er líklegt að efnt verði til skoð-
anakönnunar meðal flokksbund-
inna framsóknarmanna á Akur-
eyri um endanlega skipan hans,
öðru nafni prófkjör. Það kann að
hafa skýrst á aðalfundi félagsins
í gærkvöld.
Líklegt er, ef af verður, að
skoðanakönnunin fari fram í lok
nóvembermánaðar og framboðs-
listinn verði kynntur í janúar-
mánuði 1998. Allir fimm bæjar-
fulltrúar flokksins hafa áhuga á
að sitja áfram í bæjarstjórn en
eflaust vilja fleiri bætast í þann
hóp og hefur nafn Elsu Frið-
finnsdóttur, lektors við HA, þar
helst verið nefnt. Fullvíst má
telja að Jakob Björnsson bæjar-
stjóri muni leiða listann. — GG
Hvammur snyrti
legasta býlið í
Eyjafjaiðarsveit
Umhverfísverölaim
Eyj afj arðars veitar
fyrir árið 1997 voru
afhent sl. swmudag.
Það eru ábúendur að Hvammi,
skammt sunnan Akureyrar, þau
Hörður Snorrason og Helga
Hallgrímsdóttir, sem búa á
snyrtilegasta býlinu í Eyjafjarðar-
sveit að mati umhverfisnefndar
Eyjafjarðarsveitar.
Fimm aðrir hlutu viðurkenn-
ingarskjöl af þessu tilefni. Það
eru Litli-Hvammur, Munkaþver-
árkirkja, Grundarkirkja, Víði-
gerði og Þórustaðir I. Ennfremur
voru til skoðunar Ytra-Fell,
Reyn, Hranastaðir, Rifkelsstaðir
II, Þórustaðir II, Þórustaðir VII
og Hríshóll.
Markmið umhverfisstefnu
Eyjafjarðarsveitar, sem samþykkt
var í sveitarstjórn 29. maí sl., er
að Eyjafjarðarsveit verði kynnt
og þekkt sem vistvænt sveitarfé-
lag, sérstaklega hvað varðar
Iandbúnað, matvælaiðnað og
ferðaþjónustu.
I framkvæmdaáætlun er komið
inn á fjölmörg atriði, m.a. frá-
veitu, sorphirðu, spilliefni,
vatnamengun, meindýr og
áburðarnýtingu.
Einnig er fjallað
um sjónmengun
og þar lögð
áhersla á að
áfram verði
markvisst unnið
að því að upp-
ræta sjónmeng-
un í sveitinni,
m.a. með því að
fylgjast með
ruslahaugum,
húsarústum,
bílflökum o.fl.
og eigendur
gerðir ábyrgir
fyrir förgun þess
sem þeim til-
heyrir. Sveitarfé-
lagið mun einu
sinni á ári
standa fyrir
hreinsunardög-
um, þar sem
hvatt er til al-
mennrar þátt-
töku. Þess skal
þó gætt að forn-
minjum og
menningarverð-
mætum verði
ekki eytt. — GG
Hjónin Hörður Snorrason og Helga Hallgrímsdóttir í Hvammi
með verðlanaskjöldinn sem festur verður upp við
afleggjarann að bænum. - mynd:gg
KA í meistaradeild Evrópu
Dómarar í leik KA gegn Kaunas i Evrópukeppn/ meistaraliöa á sunnudag brugöu sér upp í Hlíðarfjall fyrir leikinn og komust í snjó
sem er ekki algeng sjón í þeirra heimalandi, Luxembourg. Á myndinni eru dómararnir þeir Arthur Berthener og Leon Francir Don-
ven ásamt eftirlitsdómaranum, Jean Michel Germain frá Frakklandi, í snjónum með Akureyri í baksýn. Á laugardagskvöldið
snæddu þeir á sjávarréttarkvöldi á Bautanum og lofuðu gæði íslenskra sjávarrétta. Framsetning Bautans örvaði auk þess bragð-
laukana. KA vann leikinn 28-19 og komst í meistarakeppnina, en dregið verður í riðla klukkan þrjú i dag. - Mynd: GG
Dramatískt jafn-
tefli hjá Þórsurum
Haraldur Eðvaldsson, leikmaður Selfyssinga, skorar beint úr aukakasti að loknum
leiktíma og „stelur“ öðru stiginu frá Þórsurum. Afhverju eru sumir með bogin hné í
varnarveggnum? Mynd: GG
Það voru heldur betur sveiflurn-
ar í leik Þórs og Selfoss í 2.
deildinni í handbolta í Iþrótta-
höllinni á Akureyri síðasta laug-
ardag. Selfyssingar byrjuðu með
miklum látum í leiknum,
komust í 10-4, en þá hrökk Þórs-
vélin í gang og skoraði 9 mörk
meðan Selfyssingar skoruðu að-
eins 2. Það var rétt eins og leik-
menn Selfoss teldu leikinn unn-
inn, en það kann aldrei góðu
lukku að stýra. I hálfleik var
staðan 13-12 fyrir Þór.
Þórsarar leiddu allan seinni
hálfleik, léku betur en oft hefur
sést til þeirra áður og virtust
ætla að innbyrða sigur í leikn-
um. I stöðunni 21-21 varði Axel
Stefánsson, sem aftur er kominn
til Þórs eftir „útlegð“ hjá KA, Val
og Stjörnunni, meistaralega,
Þórsarar komust í hraðaupp-
hlaup og staðan 22-21 og hálf
mínúta eftir. En Selfyssingar
lúrðu á leynivopni, hinum tröll-
vaxna Haraldi Eðvaldssyni, sem
tók aukakast að loknum venju-
legum leiktíma og skoraði fram
hjá varnarvegg Þórsara.
Leikurinn tók „toll“ hjá Þórs-
urum, því tveir leikmenn, Andr-
és Magnússon og Atli M. Rún-
arsson, fengu að sjá rauða
spjaldið í leiknum. Leikinn
dæmdu þeir Egill Már Markús-
son og Lárus Lárusson, og stóðu
sig þokkalega. Það er hins vegar
mjög leiðinlegt að þurfa að
hlusta á svívirðingar í garð dóm-
ara eða hneykslunarorð í garð
leikmanna Þórs, Ieik eftir leik,
burtséð frá frammistöðunni.
Stuðningsmenn Þórsara ættu
frekar að eyða púðrinu í að hvet-
ja sitt lið auk þess sem það er
miklu skemmtilegra. En við sjá-
um til, næsti heimaleikur er
gegn Ármenningum 7. nóvem-
ber. — GG