Dagur - 23.09.1998, Qupperneq 5

MIÐVIKUDAGUR 23. SEPTEMBER 1998 - 21
Vaftyr.
LÍFIÐ í LANDINU
Varúð á Netinu
SVQNA
ER LIFIÐ
Vigdís
Stefánsdóttir
skrifar
©
Vigdís
svarar
í símann!
Ertu með ráð,
þarftu að spyrja,
viltu gefa eða
skipta?
Vigdís svarar í
símann kl. 9—12.
Síminn er
563 1626 (beint)
eða 800 7080.
Póstfang:
Þverholt 14 Rvk.
eða Strandgötu 31
Akureyri.
Netfang:
ritstjori@dagur.is

Það eru óprúttnir
menn á ferð um
Netið rétt eins og
aðrar götur og þeir
reyna að hafa fé út
úr fólki á ótrúleg-
asta hátt. Ýmsir
láta glepjast en hér
eru nokkur atriði
sem vert er að hafa
í huga þegar farið er um víð-
áttur Netsins, sérstaklega
þegar á að fjárfesta eitthvað.
1. Eigið aldrei viðskipti við þá
sem ekki gefa upp rétt
nafn, heimili og síma.
Reyni einhver að nota
tölvupóstfang sem er
greinilega tilbúið eða póst-
hólf í stað heimilsfangs á
að láta viðkomandi eiga
sig.
2. Þegar vísað er í eitthvað
sem ekki er hægt að stað-
festa eins og „hefur verið
skrifað um í hundruðum
blaðagreina!" Þá er sjaldn-
ast getið hvar eða hvenær
viðkomandi greinar voru.
3. Þegar beðið er um kredit-
kortanúmer er gott að fara
sér hægt. Sendið aldrei
númerið með tölvupósti,
áhættan er of mikil.
4. Þegar einhver skrifar og
veit of mikið um viðkom-
andi ætti fólk að gæta sín.
Sérstaklega ef það er vit-
neskja sem ekki á að liggja
á lausu.
5. Þegar verið er að senda
bréf sem full eru
af hástöfum og
upphrópunar-
merkjum, sérstak-
lega þegar verið er
að segja ffá því
hvernig á að
græða stórfé á
stuttum tíma er
besta reglan sú að
leggja bréfið frá sér í rusla-
fötuna.
ó.Gætið vel að tilboðum þar
sem það er tekið fram að
ekki kosti neitt að byrja á
einhverju því sem auðvelt
á að vera að græða á. Oft
fylgir mikill kostnaður,
fyrst sem innritunarkostn-
aður og svo kemur fleira í
kjölfarið.
7.Aldrei gefa upp aðgangs-
orð. Ef einhver biður um
að láta breyta aðgansorði í
þeim tilgangi að „það eigi
að prófa kerfið" er rétt að
vera tortrygginn, þetta er
vel þekkt brella.
Semsagt, þó bréfaskriftir
virðist sakleysislegar, þá geta
þær haft í för með sér hættu.
Farið ávallt gætilega í öllum
viðskiptum á Netinu og gefið
ekki upp upplýsingar nema
vita eitthvað um þá sem upp-
lýsingarnar fá og reynið þrátt
fyrir það að halda þeim í lág-
marki. Allt sem fer inn á
Netið er hugsanlega hægt að
skoða á einn eða annan veg.
Mér er ekki kalt!
H
Lesandi
Lesandi hafði
samband og vildi
koma á Ifamfæri
þakklæti til Baut-
ans á Akureyri fyr-
ir hið frumlega og
skemmtilega upp-
átæki að bjóða
alls kyns „óvenju-
lega“ sjávarrétti í
tiltekinn tíma.
„Við erum yfirleitt
alltof íhaldssöm á
mat,“ sagði les-
andinn ánægði.
Sæl Vigdís. Nú eru skólarnir byrjaðir að nýju og
krakkar um allar götur eins og gengur. Ég ætla
svo sem ekkert að rífast yfir tískunni þó mér
finnist forljótt að vera með buxurnar á hælun-
um eins og nú tíðkast, en hins vegar vantar mig
ráð til að koma mínu eigin barni, sem er 10 ára gamall strák-
ur í föt. Hann vill helst aldrei vera í úlpu nema það sé mjög
kalt og ég hef dauðans áhyggjur af því að hann fái lungna-
bólgu. Kuldaskór og stígvél er eitthvað sem hann álítur mesta
óþarfa, enda oft blautur í fæturna yfir veturinn og ég hef
fengið skammir fyrir að hugsa ekki betur um hann. En strák-
ur þverneitar að láta hugsa um sig og fer sínu fram. Hann
„gleymir" fötunum sínum hjá vinum og kunningjum og jafn-
vel úti við þegar ég hef pínt hann í úlpu og hlýja peysu.
Það er ekki óþekkt að krakkar neiti að ldæða sig. Mörg-
um finnast fötin hefta sig og þeim er ekki kalt þegar þau
fara af stað og geta kannski ekki gert sér grein lyrir því að
þeim kólni i ferðinni. Hins vegar er fólk miskulsækið, því
er ekki að neita. En þetta er orðin barátta hjá ykkur og
sjálfsagt komin í öngstræti. Þú ættir til að byrja með að
prófa að segja ekki neitt við strákinn, láta hann fara sínu
fram og athuga hvort hann áttar sig ekki smám saman
þegar þráinn er farinn úr samskiptunum.
Lögleiðmg fjárhættuspila
Það hefur komið í Ijós að
tvisvar til fjórum sinnum
fleiri ferðamenn svipta sig
lífí í Las Vegas en í öðrum
bandarískum borgum. David
Philips er bandarískur fé-
lagsfræðingur og hann hefur
annast rannsókn þá er þetta
kom fram í. Þessari rann-
sókn var hrint í framkvæmd
til að ganga úr skugga um
hugsanlegar afleiðingar af
lögleiðingu fjárhættuspila,
en í Las Vegas eiga spilafíkl-
ar það á hættu að tapa öllum
eigum sínum. Og stundum
sökkva menn í svo djúpt
þunglyndi við þetta að þeir
sjá enga leið færa aðra en að
svipta sig lífi. Þessar upplýs-
ingar er að finna í nýút-
komnu blaði sem heitir Lif-
andi vísindi, en í því eru
mjög fjölbreyttar greinar.
/ Los Angeles eru fjölmargir
spilasalir þar sem fólki hættir til
að tapa aleigunni.
Hrafnhildur hreppti
Lundúnaferð
Mikilþátttaka í
ferðagetraun Dags
þarsem helgarferð
tilLundúna varí
aðalverðlaun.
Hrafnhildur Ingólfsdóttir og Ólafur Aðalbjörnsson, eiginmaður
hennar, taka við verðlaunum í ferðagetraun Dags úr hendi Sig-
urðar Boga Sævarssonar blaðamanns.
Hrafnhildur Ingólfsdóttir á
Akureyri datt heldur betur í
lukkupottinn, en nafn henn-
ar var dregið úr potti fjöldra
innsendra lausna í ferðaget-
raun blaðsins. Til hennar var
efnt þegar fjallað var sérstak-
lega um ferðalög til borga er-
lendis £ blaðinu á dögunum.
Hrafnhildur svaraði öllum
spurningunum tíu kórrétt-
um. Og verðlaunin sem
Hrafnhildur hreppti eru ekki
af verri endanum; helgarferð
til Lundúna fyrir tvo með
leiguflugi Heimsferða ein-
hverntíman nú á haustmán-
uðum. Mikil þátttaka var í getrauninni og
komu innsendar lausnir því sem næst af
öllu landinu. Hrafnhildur og Ólafur
kváðust vera full eftirvæntingar að fara til
Lundúna á haustmánuðum. Reyndar
hafa þau áður verið á ferðinni þar í borg,
það var fyrir tíu árum þegar Ólafur gekkst
undir mikla hjartaaðgerð og þá fór Hrafn-
hildur einmitt með honum út vegna þess.
Vonandi er þó að ferðin nú verði þeim
sýnu skemmtilegri. „Ef við eigum þess
kost þætti okkur gaman að komast út í
desember en þann 12. þess mánaðar
mun Ólafur Hrafn sonur okkar útskrifast
frá háskólanum í Durham í Bretlandi þar
sem hann hefur undanfarin ár stundað
nám í verslun og stjórnun en er að Ijúka
því nú,“ sagði Hrafnhildur. -SBS.
■ HVAB ER Á SEYfll?
HAFNAGÖNGUHÓPURINN í AFMÆLISFERÐ
í kvöld, á haustjafndægri á ári hafsins, stendur Hafnagönguhópurinn fyrir göngu-
ferð og siglingu í tilefni af sex ára afmæli hópsins um þessar mundir. Farið verður
frá Hafnarhúsinu að austanverðu kl. 20.00 í stutta gönguferð upp í bæ. KI. 20.30
verður svo farið um borð í fræðslu- og skemmtiskipið Arnes og siglt inn með
ströndinni og út að Sjöbauju og þaðan inn Engeyjarsund. Boðið verður uppá Iéttar
veitingar um borð í Árnesinu og HGH-tríóið leikur, minnt verður á Ár hafsins,
margt fleira sér til gamans gert.
HÖFUÐBORGARSVÆÐIÐ
Kínaklúbbur Unnar
Kínaklúbbur Unnar heldur Kínaferða-
kynningu þriðjudaginn 29. sept. á veit-
ingahúsinu Sjanghæ, Laugavegi 28. kl.
18.30.Kynnt verður næsta ferð til Kína
en hún verður farin í maí nk. og er öllum
opin.
Hausfagnaður VE
Vestmannaeyjafélögin á suðvesturhorn-
inu hafa ákveðið að hóa saman öllu sínu
liði á lundaball, sem haldið verður í
Gullhömrum Iðnaðarmannahúsinu Hall-
veigarstíg 1, laugardaginn 3. okt. Nú
þarf að panta miða og eru allar upplýs-
ingar í síma 422 7177.
Vináttufélag Islands og Kanada
Ólafur Skúlason biskup mun fjalla um
prestskap sinn meðal Vesturíslendinga í
Bandaríkjunum og Kanada á árum áður
og svara síðan fyrirspurnum á vegum
vináttufélags íslands og Kanada, mið-
vikudaginn 23. september kl. 20.30 í
Lögbergi Háskóla íslands stofu 102.
Fundurinn er öllum opinn.
MÍR
„Baltenski fulltrúinn" nefnist kvikmynd-
in sem sýnd verður í bíósal MÍR, Vatns-
stíg 10, Rvk. nk. sunnudag, 27. septem-
ber kl. 15. Þessi rússneska mynd var
gerð 1937 undir leikstjórn Alexanders
Sarkis og Jósifs Heifitz. Aðgangur að
kvikmyndasýningunni er ókeypis og öll-
um heimill.
Ættfræðiþjónustan flutt
Ættfræðiþjónustan í Reykjavík sem starf-
að hefur í 12 ár er nú að flytja úr Austur-
strætinu í nýtt og vistlegt húsnæði að
Túngötu 14, Hallveigarstöðum. I næstu
viku hefjast ný ættfræðinámskeið og
standa þau í sjö vikur.