Dagur - 15.05.1999, Blaðsíða 8

24 - LAUGARDAGUR 15. MAÍ 1999

Kolbrúnu verður heitt í hamsi þegar stríðið á Balkanskaga ber á góma og bendir á þá umhverfismengun sem þar hefur átt sér stað. „Það er komið jafn mikið úraníum út í andrúmsloftið í styrjöldinni
og slapp út í kjarnorkuslysinu í Tsjernobyl, “ segir hún og spyr: „Á að senda Kosovo-Albana aftur inn f Kosovo til að börnin þeirra fæðist öll vansköpuð og með hvítblæði?" myndir: e.úl.
Eg skelfist þá stund...
Kolbrún
Halldórs-
dóttir leik-
stjóri flaug
inn á þing
fyrir Vinstri-
græna f
kosningunum um síð-
ustu helgi. Það hefur
ekki komið þeim á óvart
sem til hennar þekkja.
Kolbrún reifar pólitískar
skoðanir sínar og hug-
myndir í helgarviðtali
Dags.
„Ég hef ekki verið flokkspólitísk
því ég taldi á sínum tíma að það
gæti skemmt fyrir mér sem lista-
manni. Mér fannst skipta máli
að binda mig ekki neins staðar í
flokki. Ég er núna í fyrsta skipti
skráð í pólitísk samtök, Vinstri
hreyfinguna - grænt framboð, og
skráði mig reyndar ekki fyrr en
ég var búin að taka sæti á fram-
boðslistanum. Ég fer algjörlega
öfugt að þessu öllu saman,“ seg-
ir Kolbrún Halldórsdóttir, hátt-
virtur 17. þingmaður Reykvík-
inga. „Margir listamenn hafa
gegnum tíðina verið mjög virkir í
pólitík en það hefur verið ákveð-
in hræðsla hjá þeim undanfarin
ár \ið það að taka pólitíska af-
stöðu, kannski af ótta við það að
vera látinn gjalda þess í kerf-
inu.“
- En þetta er ekki ástæðulaus
ótti, er það?
„Nei, ég held ekki. Það hefur
reynst erfitt íyrir stjórnmála-
menn og pólitískt skipaða full-
trúa að gæta fyllsta hlutleysis, til
dæmis við úthlutun fjár. Það eru
því miður flokkadrættir í þeim
efnum. Menn sem eru í þeirri
aðstöðu að veita opinbert fé,
eiga það sannarlega til að taka
flokksbræður sína fram yfir pólit-
íska andstæðinga, hvort sem
þeir gera það meðvitað eða ekki.
Það er kannski ekki við neinn að
sakast. Við erum bara ekki
þroskaðri en þetta.“
Ekki alin upp
við skoðanaleysi
Kolbrún er þjóðþekkt fyrir störf
sín í leikhúsinu, en minna þekkt
sem stjórnmálamaður. Hún hef-
ur litla reynslu af eiginlegu
stjórnmálavafstri en talsverða
reynslu af menningarpólitík.
Hún hefur starfað í ýmsum-
stjórnum og ráðum, verið for-
maður Leiklistarráðs og setið í
úthlutunarnefnd þess um árabil,
auk þess sem hún hefur setið í
ýmsum nefndum á vegum
Menntamálaráðuneytisins. Síð-
asta árið hefur hún verið gjald-
keri í stjórn Félags leikstjóra á
Islandi.
Hún er „ósköp venjuleg
Reykjavíkurstelpa". Foreldrar
hennar eru Halldór Viðar Pét-
ursson, sjómaður, Sigurðssonar
tónskálds frá Sauðárkróki og
Halldóra Sigrún Olafsdóttir
kennari frá Lambavatni á
Rauðasandi. Þau eru fjögur
systkinin og „þó að við séum
ákaflega vel upp alin, þá var lítil
pólitísk umræða á heimilinu.
Við erum engu að síður alin upp
við það að hafa skoðanir á hlut-
unum og það er börnum gott
vegarnesti," segir hún. Hún er
gift Agústi Péturssyni, kennara
og eiga þau tvö börn, 19 ára son
og 4 ára dóttur.
Flyt mig um set
Kolbrún er mikill áhugamaður
um umhverfismál og er félagi í
Náttúruverndarsamtökum Is-
lands. Þegar listamenn fóru að
látatil sín taka í umhverfismál-
um í vetur tók hún fullan þátt.
„Ég stjórnaði Ijóðalestrinum
sem var alla fimmtudaga fyrir
utan Alþingishúsið allt síðasta
þing þannig að nú er ég að flytja
mig um set, ég þarf ekki lengur
að beita mér lyrir utan húsið
heldur inni í þvi. Ég átti líka
þátt í listakvöldi í Leikhúskjall-
aranum fyrir skemmstu þar sem
við vorum með hjartasögur af
hálendinu og svo var ég fram-
kvæmdastjóri fundarins í Há-
skólabíói „Með hálendinu gegn
náttúruspjöllum".
Kolbrún ætlar að sinna þing-
mennskunni af fullum krafti og
kveðst í raun vera „að stíga út úr
leikhúsinu, allavega næstu fjög-
ur árin. Ég er með ákveðnar
skuldbindingar í farteskinu sem
ég á ekki auðvelt með að losa
mig við. Ég geri ráð fyrir að setja
upp sýninguna okliar Felix
Bergssonar í London næsta vet-
ur, það var búið að gera ráð fyrir
því með svo löngum fyrirvara, en
starfsvettvangur minn verður á
Alþingi næstu fjögur árin.“
Einblínt á
skammtímalausnir
- Ertu meðvitað að fara að ein-
beita þér að menningarpólitík
og umhverfismálum eða lumarðu
á öðrum áhugamálum?
„Fyrst um sinn geri ég ráð fyr-
ir því að beita mér í þessum
málaflokkum, en auðvitað kem
ég ekki fullsköpuð sem stjórn-
málamaður inn á Alþingi. Ég
sagði við félaga mína í Vinstri
hreyfingunni - grænu framboði
strax að ég gerði ekki ráð fyrir
því að verða nokkurn tíma sér-
fræðingur í kvótakerfinu en ég
myndi gera mitt besta. Ég hef
hins vegar skoðanir á ýmsum
málum og held að ég Iumi á alls
kyns tillögum uni það hvernig
við getum tekið á ákveðnum
vandamálum í samfélaginu með
því að ráðast að rótum vandans.
Mér hefur oft fundist stjórn-
málamenn einblína um of á
skammtímalausnir. Því má Iíkja
við garðyrkjumann, sem fer út í
garð og klippir toppinn af arfan-
um og vonar svo að restin deyi,“
segir hún.
Kolbrún vill meðal annars efla
stuðning við fjölskyldur og
unga foreldra, til dæmis í gegn-
um mæðraskoðun og ungbarna-
eftirlit. „Þangað eiga foreldrar
að geta sótt alla sína andlegu
næringu, andlegan stuðning
sem kennir þeim grundvallarat-
riðin í því að vera ungir foreldr-
ar, grundvallaratriði þeirrar
ábyrgðar sem á þeim hvílir í for-
eldrahlutverkinu, grunnþarfir
barnsins bæði líkamlegar og
andlegar. Brengluð tilfinninga-
tengsl geta orsakað sjúkdóma.
Ég tel að þarna séu möguleikar
á virku forvarnarstarfi, sem þarf
ekki að kosta mikið fé, en á end-
anum myndi starf af þessu tagi
efla undirstöður samfélagsins,"
segir hún.
Bar gæfu til—
- I menntamálaráðuneytinu hef-
ur sjálfstæðisráðherra verið við
völd í fjögur ár og komið fram
með ýmsar hugmyndir...
„Það kom reyndar fyrir mig í
kosningabaráttunni að hæla
Birni Bjarnasyni á fundi með
frambjóðendum flokkanna, ég
hefði búist við að hann gæti orð-
ið hættulegur í þessu ráðuneyti.
Ég óttaðist að Ríkisútvarpið,
sem ég ber mjög fyrir brjósti,
yrði bútað í sundur og selt í ein-
ingum eða gert að hlutafélagi
því að allir vita að þannig hug-
myndir hafa verið á sveimi inn-
an Sjálfstæðisflokksins. En
Björn Bjarnason bar gæfu til að
standa í fæturna hvað varðar
málefni Ríkisútvarpsins ef frá
eru taldar pólitískar mannaráðn-
ingar umfram allt velsæmi.
Stofnunin er ennþá menningar-
stofnun í eigu ríkisins. Á þess-
um fundi kom reyndar upp úr
kafinu að það virðist hafa verið
Framsóknarflokkurinn sem setti
sjálfstæðismönnum stólinn íyrir
dyrnar með það að gera RÚV að
hlutafélagi þannig að ég veit
ekki hvort þessi hrósyrði mín í
garð Björns Bjarnasonar hafi
verið verðskulduð.
Björn Bjarnason hefur hins
vegar að mörgu leyti komið á
óvart sem menntamálaráðherra.
Hann hefur fylgst vel með at-
burðum og fengið listamenn til
liðs við sig á ýmsan hátt. Hann
Guðrún Helga
SigurDardóttir
skrifar