Dagur - 22.05.1999, Side 5

LAUGARDAGUR 22. MÁÍ 1999 5*
FRÉTTIR
Aðgerðuni hótað
gegn Síma og híói
Sjálfstædismenn í borgarstjórn telja að borgarbúar muni mótmæla bygg-
ingu Landssímans og áformum um bíó og leiktækjasal í Laugardal með
einhverjum mestu undirskriftum sem borist hafa til borgarinnar.
Andstaða gegn úthlut-
un lóða til fyrirtækja
og stofnana í Laugar-
dal. Fólk hringir í
hundraðavís. Við-
kvæmt svæði. Útivist
og íþróttir.
„Fólk hefur verið að hringja í mig
í hundraðavís. Ég heyri það á
íbúum sem þarna búa að menn
vilja fara af stað með undir-
skriftasöfnun og þrýsta á borgina
að hætta við þetta. Það kæmi
mér því ekki á óvart að við færum
að sjá einhverjar mestu undir-
skriftir sem borist hafa til borgar-
innar,“ segir Júlíus Vífill Ingvars-
son borgarfulltrúi sjálfstæðis-
manna.
Andstaða
Svo virðist sem töluverð and-
staða sé meðal íbúa í nágrenni
Laugardalsins og víðar í borginni
gegn þeirri ákvörðun borgaryfir-
valda að leyfa Landssímanum að
byggja nýjar höfuðstöðvar sínar
þar. Sömuleiðis virðist vera mikil
andstaða við það að leyft verði að
byggja stórhýsi undir bíó og leik-
tækjasali fyrir unglinga í Laugar-
dalnum. Fyrir utan andstöðu
sjálfstæðismanna í borgarstjórn
hefur Iþróttabandalag Reykjavík-
ur, IBR, skorað á borgaryfirvöld
að láta af úthlutun lóða í Laugar-
dal tii hinna ýmsu fyrirtækja og
stofnana. I ályktun IBR til borg-
arstjórnar er vakin athygli á mik-
ilvægi þess að Laugardalurinn
verði áfram eingöngu nýttur sem
íþrótta- og útivistarsvæði.
Villigötur
Júlfus VífiII Ingvarsson segir að
ályktun IBR sýni það að hans
mati á hvaða villigötum borgaryf-
irvöld séu í skipulagsmálum
Laugardalsins ef þessar stórbygg-
ingar verða að veruleika. Hann
telur hinsvegar að hugmynd sín
um byggingu Víkingagarðs í
Laugardal mundi verða mikil
Iyftistöng fyrir staðinn og borg-
ina. Ef af verður mundi garður-
inn ná frá Glæsibæ og að nýja
Þróttarvellinum. Að auki mundi
garðurinn vekja mikla athygli
ferðamanna. Júlfus minnir á að
engin andstaða hafi komið fram
gegn þessari hugmynd hans sem
sé til skoðunar hjá borgaryfir-
völdum.
Viðkvæmt svæði
Guðrún Agústsdóttir, forseti
borgarstjórnar og formaður
skipulags- og umferðarnefndar,
segir að það sé búið að gera
samning við Landssímann um
byggingu skrifstofuhúsnæðis í
Laugardalnum. Hinsvegar sé
ekki búið að taka neina ákvörðun
um byggingu bíós og leiktækja-
salar. Það mál sé í skoðun sem og
skipulag svæðisins. Hún segir að
fólk geti auðvitað sent inn undir-
skriftalista. Hún segir að Laugar-
dalurinn sé viðkvæmt svæði og
ekkert óeðlilegt við það að fólk
hafi skoðanir á því hvað þar verð-
ur.
Eiríkur S. Jóhannsson segir þetta
hafa valdið óþægindum.
Sögðu KEA
vera í þroti
Tilkynning á heimasíðu Islands-
banka á fimmtudag um að
Kaupfélag Eyfirðinga (KEA)
hefði farið fram á greiðslustöðv-
un, vakti mikla athygli, og raun-
ar enn meiri athygli hversu lengi
Islandsbanki var að leiðrétta
mistökin. Hið rétta var að það
var Kaupfélag Þingeyinga sem
fór fram á greiðslustöðvun.
- Hefur þetta valdið Kaupfélagi
Eyfirðinga óþægindum?
„Þetta hefur valdið okkur
óþægindum en ég vil ekki að
öðru leyti tjá mig um það með
hvaða hætti. Viðbrögð okkar eru
Islandsbanka kunn. Það er mjög
ldaufalegt að athuga ekki hvað
verið sé að gera. Ég á hins vegar
ekki von á því að þetta mál hafi
nein eftirmál," segir Eiríkur Jó-
hannsson, kaupfélagsstjóri
KEA. - GG
„ Aðfor velvildarmaima
ríkisstjómariimar66
Garðar Sverrisson, stjórnarmað-
ur í MS félaginu, segir í samtali
við Dag um frétt blaðsins um
klofning félagsins, að það sem
formaður félagsins beitti sér fyr-
ir hafi verið marklaust og ólög-
legt. „Ef Hafdísi Hannesdóttur
og Eiríki Vernharðssyni verður
meinað að gegna þeim trúnaðar-
og skyldustörfum sem aðalfund-
ur fól þeim þá hljóta félagsmenn
að þurfa að leita réttar síns,“ seg-
ir Garðar.
Atök innan félagsins Ieiddu til
þess að kjör Hafdísar og Eiríks í
stjórnina á aðalfundi var ógilt á
framhaldsfélagsfundi með 78 at-
kvæðum gegn 61 og gengu þá
um 60 fundarmenn af fundi.
Aðspurður um pólitíska
flokkadrætti segir Garðar að
hann heyri það vissulega „að í
hópi þeirra sem komu í þeim til-
gangi að fá ógilta Iöglega niður-
stöðu aðalfundar hafi verið fólk
sem á það sameiginlegt að vera
Garðar Sverrisson: „Ég læt mér í
léttu rúmi liggja þótt einhver hafi
talið sig vera að þagga niður í
mér.“
velvildarmenn ríkisstjórnarinnar.
Það er umhugsunarvert að þetta
góða fólk, sem lætur hag okkar
MS sjúklinga sig svo mjög varða,
sé tilbúið til að taka þátt í sið-
lausri aðför að réttkjörnum
stjórnarmönnum, með skipu-
lögðum rógi. Ég læt mér í léttu
rúmi Iiggja þótt einhver hafi talið
sig vera að þagga niður í mér
með þessari tillögu, sem fékkst
samþykkt með 55% greiddra at-
kvæða á kolólöglegum forsend-
um. Framferði af þessu tagi er
einungis til þess fallið að efla
mig og okkur sem viljum styrkja
stöðu fatlaðra," segir Garðar.
Hann segir enn fremur að
„þessi uppákoma og skrípaleik-
ur“ hljóti að leiða hugann að því
„hvort ekki sé nauðsynlegt að
fylgja fordæmi annarra félaga
fatlaðra; að breyta lögum okkar
þannig að allir hafi málfrelsi og
tillögurétt, en þeir einir kjör-
gengi og atkvæðisrétt sem eiga
við sjúkdóminn að strfða." - FÞG
Enn halli á sveitarfélögum
Ekkert lát hefur orðið á halla-
rekstri sveitarfélaga á síðasta ári
samkvæmt reikningum 13 af
stærstu sveitarfélögunum, segir í
nýjum hagtölum Seðlabankans.
Skatttekjur sveitarfélaganna fóru
4% fram úr áætlun - hækkuðu
um 12,4% milli ára, sem sagt er
í takt við hækkun launatekna og
örlitla hækkun útsvarshlutfalls-
ins. Útgjöldin fóru aftur á móti
7% fram úr áætlun og hækkuðu
um 12,8%, þannig að afkoman
versnaði milli ára.
Seðlabankinn áætlar að 3,5
milljarða halli hafi verið á rekstri
sveitarfélaganna á síðasta ári,
sem svarar 9% af skatttekjum
þeirra. Hreinar skuldir sveitarfé-
laganna hafí verið 25 milljarðar í
árslok 1997, væntanlega vaxið
um 4 milljarða í fyrra vegna halla
og verðbóta og muni hækka um
ríflega 4 milljarða á þessu ári.
Með sama áframhaldi muni
skuldabyrði sem hlutfall af tekj-
um vaxa mjög hratt um leið og
harðnar í ári. „Brýn þörf er því á
úrbótum í fjármálum sveitarfé-
laganna,“ segir Seðlabankinn.
- HEI
Reyndu að svíkja út 220 milljónir
Bíræfnir erlendir afbrotamenn reyndu f síðustu viku að svíkja út alls
um 220 milljónir króna af sjö íslenskum stórfyrirtækjum og hefur
Ríkislögreglustjóri vitneskju um að sömu aðilar hafí aflað sér árs-
reikninga allra þessara fyrirtækja og sex annarra hjá íslensku þjón-
ustufyrirtæki. Frásagnir Qölmiðla af máli þessu í síðustu viku leiddu
til upplýsinga sem beint hafa augum rannsakenda að tilteknum ein-
staklingi erlendis og er hans og teymis hans nú leitað.
Dagur greindi í síðustu viku frá misheppnaðri en kunnáttusamlegri
og flókinni tilraun til að svíkja tugi milljóna króna út úr KEA, Mjólk-
ursamsölunni og ATVR, en síðan hefur komið í Ijós, að því er Jón H.
Snorrason saksóknari og Arnar Jensson fulltrúi hjá Ríkislögreglu-
stjóra upplýsa, að tilraunir voru gerðar til að svíkja fé út úr Ingvari
Helgasyni hf., Flugleiðum, Samherja og Islenska járnblendifélaginu.
- FÞG
Kristján aíþakkar hækkim
Kristján Þór Júlíusson, bæjarstjóri á Akureyri, hef-
ur afþakkað þá launahækkun sem hann hefði
fengið samkvæmt ráðningarsamningi vegna teng-
inga við hækkun þingfararkaups. Eftir dóm Kjara-
dóms hefðu laun Kristjáns hækkað um 165 þús-
und krónur samkvæmt útreikningum RÚVAK.
Kristján segir óeðlilegt að embætti bæjarstjóra fái
meiri launahækkanir en aðrir starfsmenn bæjarins
og að viðmiðun við þingfararkaupið beri að endur-
skoða.
Rafmagnshækkim
Akvörðun Landsvirkjunar að hækka verð á rafmagni til almennings-
veitna um 3% mun að líkindum valda víðast hvar beinni hækkun á
raforkuverði til neytenda. A Akureyri segir Svanbjörn Sigurðsson raf-
veitustjóri að hann muni leggja fyrir stjórn veitustofnana 3% hækkun
til neytenda. Það sé í hans huga óhjákvæmilegt.
Landsvirkjun hækkaði síðast verð á rafmagni til almenningsveitna
fyrir tæpu einu og hálfu ári. Þá hækkaði gjaldskráin um 1,7%. Svan-
björn segir að raforkuverð á Akureyri hafi lækkað verulega undanfar-
in ár og fyrirtækið hafi tekið tvær síðustu gjaldskrárhækkanir Lands-
virkjunar beint á sig. Nú sýnist honum hins vegar sem svigrúmið sé
uppurið.
Svanbjörn segir langtímaspár Rafveitu Akureyrar benda til þess að
hægt verði að lækka rafmagnsverð til neytenda í framtíðinni. - BÞ
Kristján Þór
Júlíusson.