Dagur - 27.11.1999, Blaðsíða 2

2 - LAUGARDAGVR 27. NÓVEMBER 1999
ro^tr
FRETTIR
Átök magnast
hjá Framsókn
Frains ókiiarineim í
Norðurlandi vestra
krefjast þess að PáU
Pétursson sitji áfram
sem ráðherra. Flokks-
systkini þeirra í Norð-
urlandskj ördæmi
eystra vilja að staðið
verði við samkomulag-
ið og að Valgerður
S verrisdóttir taki við
ráðherradómi.
Ólagan vex innan Framsóknar-
flokksins vegna þeirrar ákvörðunar
Páls Péturssonar félagsmálaráð-
herra að virða að vettugi gerðan
samning við formann flokksins og
þingflokk um að víkja úr ráðherra-
stóli um eða í kringum áramótin
fyrir Valgerði Sverrisdóttur. Nú
hafnar Páll því að taka við Byggða-
stofnun eftir að hún hefur verið
flutt til iðnaðar- og viðskiptaráð-
herra. Hann ber því við að frum-
varpið um Byggðastofnun, sem er
tilbúið sé öðru vísi en upphaflega
hafi verið talað um. I frumvarpinu
er gert ráð fyrir meiri völdum ráð-
Páll Pétursson félagsmála-
ráðherra.
herra hjá Byggðastofnun en verið
hefur.
Framsóknarmenn í Norður-
landskjördæmi vesta, kjördæmi
Páls, Iýsa yfir eindregnum stuðn-
ingi við það að Páll sitji áfram sem
ráðherra.
„Við viljum að Páll verði áfram
ráðherra. Kjördæmisráðið sam-
þykkti stuðningsyfirlýsingu við
hann. Þar er Iýst yfir stuðningi við
störf hans sem ráðherra og skorað
á þingflokkinn að veita honum
áframhaldandi brautargengi til
setu í ríkisstjórn," sagði Magnús
Ólafsson, bóndi á Sveinsstöðum,
en hann er formaður kjördæmis-
ráðs Framsóknarflokksins í Norð-
Valeröur Sverrisdóttir Alþingis-
maður.
urlandi vestra.
Hann sagði að auðvitað gætu
framsóknarmenn í Norðurlandi
vestra ekki tekið fram fyrir hend-
umar á þingflokknum, hann ráði í
þessu máli. Menn fyrir norðan
vildu að Páll sæti áfram og því yrði
eflaust ekki fagnað yrði hann lát-
inn víkja gegn eigin vilja.
Staðið verði við
samkomulagið
Framsóknarmenn í Norðurlands-
kjördæmi eystra, kjördæmi Val-
gerðar Sverrisdóttur, eru ekki sam-
mála flokkssystkinum sínum í
vesturkjördæminu.
„Við viljum að staðið verði við
samkomulagið sem gert var í vor.
Við reiknum Iíka með því að svo
verði og trúum því ekki fyrr en við
tökum á því að það sem um var tal-
að við stjómarmyndunina gangi
ekki eftir, svo einfalt er það nú,“
sagði Þórarinn E. Sveinsson, for-
maður kjördæmaráðs Framsóknar-
flokksins í Norðurlandskjördæmi
eystra.
Þingmenn sem Dagur ræddi við
í gær vildu ekki ræða málið undir
nafni enda væri það ofur við-
kvæmt. Þeir Halldór Ásgrímsson
formaður og Finnur Ingólfsson
varaformaður flokksins áttu fund
með Páli í vikunni um þetta mál
en þar leystist deilan ekki og mun
lítið hafa komið út úr fundinum.
Þingmenn segja að þegar þeir
greiddu Páli atkvæði sem ráðherra
í þingflokknum í vor hafí þeir gert
það á försendum samkomulags
um að hann viki fyrir Valgerði
Sverrisdóttur. Engin dagsetning
var nefnd en rætt um áramótin eða
byijun næsta árs. Ef Páll neiti nú
að láta af embætti hafi þeir greitt
honum atkvæði á fölskum forsend-
um í vor og því verði að kjósa upp
á nýtt. Þess vegna eru allar líkur á
því að þingflokkurinn taki málið
upp skipti Páll Pétursson ekki um
skoðun. — S.DÓR
INNLENT
Steinunn Stefánsdóttir ritstjóri
skoðar nýútkomið kynningarrit
Fræðslustofnunar Reykjavíkur
ásamt Gerði G. Óskarsdóttur
fræðslustjóra og Sigrúnu Magnús-
dóttur, formanni fræðsluráðs.
Stafrænir
gninnskólar
„Grunnskóli framtíðarinnar verð-
ur stafrænn,“ segir í grein í nýút-
komnu blaði sem Fræðslumiðstöð
Beykjavíkur hefur gefið út, en
þema þess er framtíðarskólinn.
Greinarhöfundur leggur til að
hver nemandi hafi tölvu fyrir sig í
skólanum og vinni í tölvuvæddu
umhverfi. Skólasöfn munu í fram-
tíðinni gegna auknu hlutverki sem
upplýsingaveita skólans og náms-
efni verður tölvutækt að hluta.
„Opni skólinn" öðlast nýtt líf og
þverfagleg einstaklingsverkefni og
hópvinna taka við af bekkjar-
kennslu sem miðast við einstakar
námsgreinar. A næstu dögum
verður kynningarritið sent heim til
foreldra tæplega 15 þúsund barna
í 37 skólum á Reykjavíkursvæð-
inu.
Neikvæð viðvönm frá HB
Haraldur Böðvarsson hf. á Akra-
nesi hefur sent frá sér neikvæða
afkomuviðvörun. Reiknað er með
tapi af reglulegri starfsemi þetta
árið en hagnaði af heildarstarf-
semi. Ástæða rekstrarhalla er
einkum sú að loðnuafli á sumar-
og haustvertíð hefur brugðist. Þá
hcfur afkoma fiskvinnslu í landi
verið óviðunandi en ljósið í myrkr-
inu er að rekstur bolfiskvinnslu á
sjó hefur gengið vel. Til að mæta
þessu hefur HB gripið til ýmissa
aðgerða scm vonast er til að skili
árangri þegar upp verður staðið.
Framtakssjóður
Samingur var undirritaður í gær í húsakynnum Nýsköpunarsjóðs at-
vinnulífsins um vörslu svokallaðs Framtakssjóðs. Sjóðurinn verður í
vörslu Fjárfestingafélags Austurlands, Landsbankans, Fjárfestingafé-
lags Vestmannaeyja og Framtakssamlags EFA og er ætlað að fjárfesta í
arðvænlegum nýsköpunarfyrirtækjum, með sérstakri áherslu á lands-
byggðina. Stofnframlag sjóðsins er einn milljarður króna.
Vilja íþróttahús
Kristjáni Þór Júlíussyni, bæjarstjóra á Akureyri, voru í vikunni afhentir
undirskrifarlistar með nöfnum um 800 kosningabærra íbúa í Síðuhverfi
á Akureyri „...þar sem óskað er eftir skjótri úrlausn á leikfimi- og félags-
aðstöðu við skólann," einsog það er orðað. Óskir íbúanna hafa beinst að
því að íþróttahús yrði byggt við skólann, en mál þetta var reifað á fundi
sem fulltrúar þeirra sem afhentu undirskriftarlistana áttu með bæjar-
stjóra. — SBS.
- mynd: hilmar þór
Tvísköttun með Rússum
Fjármálaráðherra Bússlands, Mikhail M. Kasyanov, hefur verið í hcim-
sókn hér á landi síðustu daga og af því tilefni undirituðu hann og Geir
Haarde í gær tvísköttunarsamning milli ríkjanna. Áður höfðu þeir félag-
ar átt fund um stöðu efnahagsmála í löndunum tveimur og horfur á
hcimsmarkaði. Kasyanov skoðaði síðan Nesjavallavirkjun og þjóðgarð-
inn á Þingvöllum.
Dagblöðin sterkasti
auglýsmgamiðilliim
í nýrri fjölmiðlaköim-
un kemur í ljós að f jöl
margir sjónvarpsáhorf-
endur fara að gera eitt-
hvað annað þegar aug-
lýsingar birtast.
Samkvæmt nýlegri Qölmiðlakönn-
un Félagsvísindastofnunar eru
dagblöð sterkasti auglýsingamiðill-
inn, samanborið við aðra miðla.
Þegar spurt var hvaða miðill réði
mestu í ákvörðunartöku um kaup
á vöru eða þjónustu nefndu 63%
aðspurðra dagblöðin. Næstflestir
nefndu sjónvarpið, eða 20%, 8%
sögðu tímaritin ráða mestu og 5%
nefndu útvarpið.
Einnig eru niðurstöðurnar at-
hyglisverðar þegar spurt var hvað
menn fóru að gera þegar auglýs-
ingar komu í sjónvarpi. Um 43%
aðspurðra sögðust alltaf eða oft
skipta um stöð þegar auglýsingar
kæmu á skjáinn eða að athuga
hvað væri á hinum stöðvunum.
31% sögðust stundum skipta um
stöð, 14% gerðu það sjaldan og
12% sögðust aldrei skipta um stöð
þegar auglýsingar birtust á skján-
um. Þónokkur munur er á þessum
svörum eftir búsetu. Fólk á höfuð-
borgarsvæðinu er iðnara á fjarstýr-
Svo virðist sem flestir noti tækifærið til að gera eitthvað annað en horfa,
þegar auglýsingar birtast á skjánum.
ingunni og skiptir mun oftar um
stöð en fólk á Iandsbyggðinni þeg-
ar koma auglýsingar. Þannig sögð-
ust 51 % fólks á höfuðborgarsvæð-
inu skipta alltaf eða oft um stöð á
meðan 30% fólks á Iandsbyggðinni
sögðust gera það alltaf eða oft.
Aðeins 2% sitja fast í sófan-
tim
Þá leiddi könnunin það í ljós að
39% aðspurðra sögðust alltaf eða
oft fara að gera eitthvað annað
þegar auglýsingatími hæfist í sjón-
varpinu, 42% sögðust stundum
fara að gera eitthvað annað, 17%
sögðust sjaldan gera það og aðeins
2% sitja sem fastast í sófanum.
Miðað við aldur sjónvarpsáhorf-
enda þá sögðust 11 % fólks á aldr-
inum 68-70 ára alltaf fara að gera
eitthvað annað þegar auglýsingar
birtust á skjánum.
Val fólks á miðlum þegar það
ákvarðar kaup á vöru eða þjónustu
er mismunandi eftir aldri. 33%
fólks á aldrinum 12-19 ára sögðu
dagblöðin ráða mestu um þessa
ákvörðun á meðan hlutfall annarra
aldurshópa er á bilinu 57-79%.
Sjónvarpið réði valinu hjá hlut-
fallslega flestum í yngsta hópnum,
12-19 ára, eða 47% þeirra. Dag-
blöðin eru sterkur auglýsingamiðill
óháð kynjum, stéttum, launum og
búsetu.